1-3. (എ) യഹോവ നമുക്കു തന്നിരി​ക്കുന്ന ഒരു സമ്മാനം ഏതാണ്‌, അത്‌ എങ്ങനെ ദുരു​പ​യോ​ഗം ചെയ്യ​പ്പെ​ട്ടേ​ക്കാം? (ബി) ദൈവ​സ്‌നേ​ഹ​ത്തിൽ നിലനിൽക്ക​ണ​മെ​ങ്കിൽ നമ്മൾ സംസാ​ര​പ്രാ​പ്‌തി എങ്ങനെ ഉപയോ​ഗി​ക്കണം?

 പ്രിയ​പ്പെട്ട ഒരാൾക്കു നിങ്ങൾ കൊടുത്ത ഒരു സമ്മാനം ആ വ്യക്തി മനഃപൂർവം ദുരു​പ​യോ​ഗം ചെയ്‌താൽ നിങ്ങൾക്ക്‌ എന്തു തോന്നും? ആ സമ്മാനം ഒരു കാർ ആണെന്നി​രി​ക്കട്ടെ. അദ്ദേഹം അശ്രദ്ധ​മാ​യി വാഹനം ഓടി​ച്ച​തു​കൊണ്ട്‌ ചിലർക്കു പരി​ക്കേ​റ്റ​താ​യി പിന്നീടു നിങ്ങൾ അറിയു​ന്നു. നിങ്ങൾക്കു നിരാശ തോന്നി​ല്ലേ?

² “എല്ലാ നല്ല ദാനങ്ങ​ളും തികവുറ്റ സമ്മാന​ങ്ങ​ളും” നൽകു​ന്ന​വ​നായ യഹോ​വ​യിൽനി​ന്നുള്ള ഒരു സമ്മാന​മാ​ണു സംസാ​ര​പ്രാ​പ്‌തി. (യാക്കോബ്‌ 1:17) ജന്തുക്ക​ളിൽനിന്ന്‌ മനുഷ്യ​നെ വ്യത്യ​സ്‌ത​നാ​ക്കുന്ന ഒരു കഴിവാണ്‌ അത്‌. അങ്ങനെ, ആശയങ്ങൾ മാത്രമല്ല വികാ​ര​ങ്ങ​ളും മറ്റുള്ള​വരെ അറിയി​ക്കാൻ നമുക്കു കഴിയു​ന്നു. എന്നാൽ ഒരു വാഹന​ത്തി​ന്റെ കാര്യ​ത്തി​ലെ​ന്ന​പോ​ലെ സംസാ​ര​പ്രാ​പ്‌തി​യും ദുരു​പ​യോ​ഗം ചെയ്യാ​നാ​കും. മറ്റുള്ള​വർക്കു മനോ​വി​ഷമം ഉണ്ടാക്കുന്ന രീതി​യിൽ പരിഗ​ണ​ന​യി​ല്ലാ​തെ നമ്മൾ സംസാ​രി​ച്ചാൽ അത്‌ യഹോ​വയെ എത്രയ​ധി​കം നിരാ​ശ​നാ​ക്കും!

³ ദൈവ​സ്‌നേ​ഹ​ത്തിൽ നിലനിൽക്ക​ണ​മെ​ങ്കിൽ, ദൈവം ഉദ്ദേശി​ച്ചി​രു​ന്ന​തു​പോ​ലെ നമ്മൾ സംസാ​ര​പ്രാ​പ്‌തി ഉപയോ​ഗി​ക്കണം. ഏതുതരം സംസാ​ര​മാ​ണു തനിക്ക്‌ ഇഷ്ടമു​ള്ള​തെന്നു യഹോവ വളരെ വ്യക്തമാ​യി പറഞ്ഞി​ട്ടുണ്ട്‌. ദൈവ​ത്തി​ന്റെ വചനം പറയുന്നു: “ചീത്ത വാക്കു​ക​ളൊ​ന്നും നിങ്ങളു​ടെ വായിൽനിന്ന്‌ വരരുത്‌. പകരം,  കേൾക്കു​ന്ന​വർക്കു ഗുണം ചെയ്യു​ന്ന​തും അവരെ ബലപ്പെ​ടു​ത്തു​ന്ന​തും സന്ദർഭോ​ചി​ത​വും ആയ കാര്യങ്ങൾ മാത്രമേ വായിൽനിന്ന്‌ വരാവൂ.” (എഫെസ്യർ 4:29) നമ്മുടെ സംസാരം നമ്മൾ ശ്രദ്ധി​ക്കേ​ണ്ടത്‌ എന്തു​കൊ​ണ്ടാണ്‌? ഏതുതരം സംസാരം നമ്മൾ ഒഴിവാ​ക്കണം? ‘ബലപ്പെ​ടു​ത്തുന്ന കാര്യങ്ങൾ’ സംസാ​രി​ക്കാൻ നമുക്ക്‌ എങ്ങനെ കഴിയും? ഈ ചോദ്യ​ങ്ങൾ നമുക്ക്‌ ഇപ്പോൾ പരി​ശോ​ധി​ക്കാം.

4, 5. വാക്കു​ക​ളു​ടെ ശക്തിയെ ബൈബിൾ വർണി​ക്കു​ന്നത്‌ എങ്ങനെ​യാണ്‌?

⁴ വാക്കു​കൾക്കു വലിയ ശക്തിയുണ്ട്‌. നമ്മുടെ സംസാരം നമ്മൾ ശ്രദ്ധി​ക്കേ​ണ്ട​തി​ന്റെ ഒരു സുപ്ര​ധാ​ന​കാ​രണം അതാണ്‌. സുഭാ​ഷി​തങ്ങൾ 15:4 ഇങ്ങനെ പറയുന്നു: “ശാന്തത​യുള്ള നാവ്‌ ജീവവൃ​ക്ഷം; എന്നാൽ വക്രത​യുള്ള സംസാരം തളർത്തി​ക്ക​ള​യു​ന്നു.” എരിയുന്ന ചൂടിൽ ഒരു വൃക്ഷത്തി​നു പുതു​ജീ​വൻ പകരുന്ന ജലം​പോ​ലെ, കേൾവി​ക്കാ​രനു നവോ​ന്മേ​ഷ​വും പ്രോ​ത്സാ​ഹ​ന​വും പകരാൻ സൗമ്യ​മായ സംസാ​ര​ത്തി​നു കഴിയും. എന്നാൽ, വക്രത​യുള്ള ഒരു നാവിൽനിന്ന്‌ വരുന്ന നീചമായ വാക്കുകൾ മറ്റുള്ള​വരെ തകർത്തു​ക​ള​യും. നമ്മുടെ വാക്കു​കൾക്കു മറ്റുള്ള​വരെ മുറി​പ്പെ​ടു​ത്താ​നോ സുഖ​പ്പെ​ടു​ത്താ​നോ കഴിയു​മെന്നു സാരം.—സുഭാ​ഷി​തങ്ങൾ 18:21.

⁵ വാക്കു​ക​ളു​ടെ ശക്തിയെ വ്യക്തമാ​യി വരച്ചു​കാ​ട്ടു​ന്ന​താണ്‌ ഈ വാക്യ​വും: “ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌.” (സുഭാ​ഷി​തങ്ങൾ 12:18) ആലോ​ചി​ക്കാ​തെ എടുത്തു​ചാ​ടി സംസാ​രി​ക്കു​ന്നതു വൈകാ​രി​ക​ക്ഷ​ത​മേൽപ്പി​ക്കു​ക​യും ബന്ധങ്ങൾ താറു​മാ​റാ​ക്കു​ക​യും ചെയ്യും. വാക്കു​ക​ളു​ടെ കുത്തേറ്റ്‌ എന്നെങ്കി​ലും നിങ്ങളു​ടെ ഹൃദയം മുറി​പ്പെ​ട്ടി​ട്ടു​ണ്ടോ? എന്നാൽ നല്ല വാക്കുകൾ ഉപയോ​ഗി​ക്കു​ന്ന​തി​നെ​ക്കു​റിച്ച്‌ അതേ വാക്യം തുടരു​ന്നു: “ബുദ്ധി​യു​ള്ള​വ​രു​ടെ നാവ്‌ മുറിവ്‌ ഉണക്കുന്നു.” ദൈവി​ക​ജ്ഞാ​നം പ്രകട​മാ​ക്കുന്ന ഒരാളു​ടെ, പരിഗ​ണ​ന​യുള്ള  വാക്കു​കൾക്ക്‌, മുറി​വേറ്റ ഹൃദയ​ങ്ങളെ സുഖ​പ്പെ​ടു​ത്താ​നും തകർന്ന ബന്ധങ്ങളെ കൂട്ടി​യോ​ജി​പ്പി​ക്കാ​നും കഴിവുണ്ട്‌. ദയാപു​ര​സ്സ​ര​മായ വാക്കുകൾ മനസ്സിന്റെ മുറിവ്‌ ഉണക്കാൻ സഹായി​ച്ചതു നിങ്ങൾ എപ്പോ​ഴെ​ങ്കി​ലും അനുഭ​വി​ച്ച​റി​ഞ്ഞി​ട്ടു​ണ്ടോ? (സുഭാ​ഷി​തങ്ങൾ 16:24 വായി​ക്കുക.) വായിൽനിന്ന്‌ വരുന്ന വാക്കു​കൾക്കു ശക്തിയു​ണ്ടെന്ന്‌ അറിയാ​വു​ന്ന​തു​കൊണ്ട്‌ നമ്മൾ നമ്മുടെ സംസാ​ര​ത്താൽ മറ്റുള്ള​വരെ ദ്രോ​ഹി​ക്കു​ക​യില്ല, സുഖ​പ്പെ​ടു​ത്തു​കയേ ഉള്ളൂ.

6. നാവിനെ നിയ​ന്ത്രി​ക്കുക എളുപ്പ​മ​ല്ലാ​ത്തത്‌ എന്തു​കൊണ്ട്‌?

⁶ എത്ര കഠിന​മാ​യി ശ്രമി​ച്ചാ​ലും നാവിനെ പൂർണ​മാ​യി നിയ​ന്ത്രി​ക്കാൻ നമുക്കാ​കില്ല. അതു​കൊ​ണ്ടു​തന്നെ നമ്മുടെ സംസാരം നമ്മൾ ശ്രദ്ധി​ക്കേ​ണ്ട​തി​ന്റെ രണ്ടാമത്തെ കാരണം ഇതാണ്‌: പാപി​ക​ളും അപൂർണ​രും ആയതു​കൊണ്ട്‌ നാവിനെ ദുരു​പ​യോ​ഗം ചെയ്യാൻ പ്രവണ​ത​യു​ള്ള​വ​രാ​ണു നമ്മളെ​ല്ലാം. വാക്കുകൾ രൂപം​കൊ​ള്ളു​ന്നതു ഹൃദയ​ത്തി​ലാണ്‌. “മനുഷ്യ​ന്റെ ഹൃദയ​ത്തി​ന്റെ ചായ്‌വ്‌ . . . ദോഷ​ത്തി​ലേ​ക്കാണ്‌” എന്നു ബൈബി​ളും പറയുന്നു. (ഉൽപത്തി 8:21; ലൂക്കോസ്‌ 6:45) അതു​കൊ​ണ്ടു​തന്നെ നാവിനെ നിയ​ന്ത്രി​ക്കു​ന്നത്‌ ഒട്ടും എളുപ്പമല്ല. (യാക്കോബ്‌ 3:2-4 വായി​ക്കുക.) നാവിനെ പൂർണ​മാ​യി നിയ​ന്ത്രി​ക്കാൻ കഴിയി​ല്ലെ​ങ്കി​ലും, അതിനെ നല്ല രീതി​യിൽ ഉപയോ​ഗി​ക്കുന്ന കാര്യ​ത്തിൽ കൂടു​തൽക്കൂ​ടു​തൽ മെച്ച​പ്പെ​ടാൻ നമുക്കാ​കും. ഒഴുക്കി​നെ​തി​രെ നീന്തുന്ന ഒരാൾ നിറു​ത്താ​തെ ശ്രമം ചെയ്യേ​ണ്ട​തു​പോ​ലെ, നാവിനെ ദുരു​പ​യോ​ഗം ചെയ്യാ​നുള്ള പ്രവണ​ത​യോ​ടു നമ്മൾ നിരന്തരം പോരാ​ടേ​ണ്ട​തുണ്ട്‌.

7, 8. നമ്മുടെ സംസാ​രത്തെ യഹോവ എത്ര ഗൗരവ​ത്തോ​ടെ​യാ​ണു കാണു​ന്നത്‌?

 ⁷ നമ്മുടെ വാക്കു​കൾക്കു നമ്മൾ യഹോ​വ​യോ​ടു കണക്കു ബോധി​പ്പി​ക്കേ​ണ്ടി​വ​രും എന്നതാണു നമ്മുടെ സംസാരം ശ്രദ്ധി​ക്കേ​ണ്ട​തി​ന്റെ മൂന്നാ​മത്തെ കാരണം. നമ്മൾ എങ്ങനെ നാവ്‌ ഉപയോ​ഗി​ക്കു​ന്നു എന്നതു സഹമനു​ഷ്യ​രു​മാ​യുള്ള നമ്മുടെ ബന്ധത്തെ മാത്രമല്ല, യഹോ​വ​യു​മാ​യുള്ള ബന്ധത്തെ​യും ബാധി​ക്കും. യാക്കോബ്‌ 1:26 പറയുന്നു: “താൻ ദൈവത്തെ ആരാധി​ക്കു​ന്നെന്നു കരുതു​ക​യും എന്നാൽ നാവിനു കടിഞ്ഞാ​ണി​ടാ​തി​രി​ക്കു​ക​യും ചെയ്യു​ന്ന​യാൾ സ്വന്തം ഹൃദയത്തെ വഞ്ചിക്കു​ക​യാണ്‌; അയാളു​ടെ ആരാധ​ന​കൊണ്ട്‌ ഒരു പ്രയോ​ജ​ന​വു​മില്ല.” നമ്മുടെ സംസാ​ര​വും ആരാധ​ന​യും തമ്മിൽ അഭേദ്യ​മായ ബന്ധമു​ണ്ടെന്നു കഴിഞ്ഞ അധ്യാ​യ​ത്തിൽ നമ്മൾ കണ്ടല്ലോ. നമ്മൾ നാവിനെ നിയ​ന്ത്രി​ക്കാ​തെ, ദ്രോ​ഹ​ബു​ദ്ധി​യോ​ടെ, മറ്റുള്ള​വരെ മുറി​പ്പെ​ടു​ത്തുന്ന വാക്കുകൾ തൊടു​ത്തു​വി​ടു​ന്നെ​ങ്കിൽ ദൈവ​സേ​വ​ന​ത്തിൽ നമ്മൾ ചെയ്യു​ന്ന​തി​നൊ​ന്നും ദൈവ​മു​മ്പാ​കെ വിലയു​ണ്ടാ​കില്ല. ഇതു വളരെ ഗൗരവ​മുള്ള ഒരു കാര്യ​മല്ലേ?—യാക്കോബ്‌ 3:8-10.

⁸ സംസാ​ര​പ്രാ​പ്‌തി ദുരു​പ​യോ​ഗം ചെയ്യാ​തി​രി​ക്കാൻ ശക്തമായ കാരണ​ങ്ങ​ളുണ്ട്‌ എന്നതു വ്യക്തമല്ലേ? ബലപ്പെ​ടു​ത്തുന്ന രീതി​യി​ലുള്ള നല്ല സംസാ​ര​ത്തെ​ക്കു​റിച്ച്‌ ചിന്തി​ക്കു​ന്ന​തി​നു മുമ്പ്‌ സത്യ​ക്രി​സ്‌ത്യാ​നി​കൾ തീർത്തും ഒഴിവാ​ക്കേണ്ട സംസാ​ര​ത്തെ​ക്കു​റിച്ച്‌ നമുക്കു നോക്കാം.

9, 10. (എ) ഇന്ന്‌ ഏതുതരം ഭാഷ സർവസാ​ധാ​ര​ണ​മാണ്‌? (ബി) നമ്മൾ അശ്ലീല​സം​ഭാ​ഷണം ഒഴിവാ​ക്കേ​ണ്ടത്‌ എന്തു​കൊണ്ട്‌? (അടിക്കു​റി​പ്പും കാണുക.)

⁹ അശ്ലീല​സം​ഭാ​ഷണം. ചീത്തപ​റ​ച്ചിൽ, മോശ​മായ സംസാരം എന്നിവ ഉൾപ്പെടെ അശ്ലീല​ച്ചു​വ​യുള്ള സംഭാ​ഷണം ഇക്കാലത്ത്‌ അനുദി​ന​ജീ​വി​ത​ത്തി​ന്റെ ഭാഗമാ​യി​ത്തീർന്നി​രി​ക്കു​ക​യാണ്‌. കാര്യ​ങ്ങ​ളൊ​ന്നു കടുപ്പി​ച്ചു​പ​റ​യാ​നോ വാക്കുകൾ കിട്ടാതെ വരു​മ്പോൾ പകരം​വെ​ക്കാ​നോ പലരും തരംതാണ വാക്കു​ക​ളാണ്‌  ഉപയോ​ഗി​ക്കു​ന്നത്‌. ഹാസ്യ​പ​രി​പാ​ടി​ക​ളിൽ ആളുകളെ ചിരി​പ്പി​ക്കാ​നാ​യി ലൈം​ഗി​ക​ച്ചു​വ​യുള്ള തമാശകൾ പറയു​ന്ന​വ​രു​ടെ എണ്ണവും കുറവല്ല. എന്നാൽ ചിരി​ച്ചു​ത​ള്ളാ​വുന്ന ഒരു നിസ്സാ​ര​കാ​ര്യ​മല്ല അശ്ലീല​സം​ഭാ​ഷണം. “അശ്ലീലം” പാടേ ഉപേക്ഷി​ക്കാൻ ഏകദേശം 2,000 വർഷങ്ങൾക്കു മുമ്പ്‌ അപ്പോ​സ്‌ത​ല​നായ പൗലോസ്‌ കൊ​ലോ​സ്യ​യി​ലെ ക്രിസ്‌ത്യാ​നി​കളെ ഉപദേ​ശി​ക്കു​ക​യു​ണ്ടാ​യി. (കൊ​ലോ​സ്യർ 3:8) സത്യ​ക്രി​സ്‌ത്യാ​നി​ക​ളു​ടെ ഇടയിൽ ‘പറഞ്ഞു​കേൾക്കാൻപോ​ലും പാടി​ല്ലാത്ത’ കാര്യ​ങ്ങ​ളു​ടെ കൂട്ടത്തിൽപ്പെ​ടു​ന്ന​താണ്‌ “അശ്ലീല​ഫ​ലി​തം” എന്നാണു പൗലോസ്‌ എഫെ​സൊ​സി​ലെ സഭയോ​ടു പറഞ്ഞത്‌.—എഫെസ്യർ 5:3, 4.

¹⁰ അശ്ലീല​സം​ഭാ​ഷണം യഹോ​വ​യ്‌ക്കു വെറു​പ്പാണ്‌. യഹോ​വയെ സ്‌നേ​ഹി​ക്കു​ന്ന​വർക്കും അങ്ങനെ​തന്നെ. വാസ്‌ത​വ​ത്തിൽ, യഹോ​വ​യോ​ടുള്ള സ്‌നേ​ഹ​മാണ്‌ അശ്ലീലം ഒഴിവാ​ക്കാൻ നമ്മളെ പ്രേരി​പ്പി​ക്കു​ന്നത്‌. “ജഡത്തിന്റെ പ്രവൃത്തി”കളുടെ കൂട്ടത്തിൽ “അശുദ്ധി”യെക്കു​റിച്ച്‌ പൗലോസ്‌ പറയു​ന്നുണ്ട്‌. മോശ​മായ സംസാ​ര​വും ഇതിൽപ്പെ​ടും. (ഗലാത്യർ 5:19-21) ഇതു ഗൗരവ​മുള്ള ഒരു കാര്യ​മാണ്‌. ആവർത്തിച്ച്‌ ബുദ്ധി​യു​പ​ദേശം കൊടു​ത്തി​ട്ടും പശ്ചാത്താ​പ​മി​ല്ലാ​തെ, അധാർമി​ക​വും തരംതാ​ണ​തും ദുഷി​ച്ച​തും ആയ ഭാഷ ഉപയോ​ഗി​ക്കു​ന്ന​തിൽ തുടരുന്ന ഒരു വ്യക്തിയെ സഭയിൽനിന്ന്‌ പുറത്താ​ക്കാ​വു​ന്ന​താണ്‌. a

11, 12. (എ) മറ്റുള്ള​വ​രെ​ക്കു​റി​ച്ചുള്ള സംസാരം ഹാനി​ക​ര​മാ​യേ​ക്കാ​വു​ന്നത്‌ എപ്പോൾ? (ബി) യഹോ​വ​യു​ടെ ആരാധകർ പരദൂ​ഷണം പറയരു​താ​ത്തത്‌ എന്തു​കൊണ്ട്‌?

¹¹ പരദൂ​ഷണം. മറ്റുള്ള​വ​രെ​ക്കു​റിച്ച്‌ സംസാ​രി​ക്കാൻ ചായ്‌വു​ള്ള​വ​രാണ്‌ എല്ലാവ​രും. എന്നാൽ അത്തരത്തി​ലുള്ള എല്ലാ സംസാ​ര​വും ഹാനി​ക​ര​മാ​ണോ? അല്ല. ഉദാഹ​ര​ണ​ത്തിന്‌, ഈയിടെ  സ്‌നാ​ന​മേ​റ്റത്‌ ആരാണ്‌, പ്രോ​ത്സാ​ഹനം ആവശ്യ​മാ​യി​രി​ക്കു​ന്നത്‌ ആർക്കാണ്‌ എന്നതു​പോ​ലുള്ള പ്രയോ​ജ​ന​ക​ര​മോ ഉപകാ​ര​പ്ര​ദ​മോ ആയ വിവരങ്ങൾ പങ്കു​വെ​ക്കു​ന്ന​തിൽ യാതൊ​രു തെറ്റു​മില്ല. സഹവി​ശ്വാ​സി​ക​ളു​ടെ ക്ഷേമത്തിൽ അതീവ​ത​ത്‌പ​ര​രാ​യി​രുന്ന ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ, അവരെ​ക്കു​റി​ച്ചുള്ള ഉചിത​മായ വിവരങ്ങൾ പരസ്‌പരം പങ്കു​വെ​ക്കാ​റു​ണ്ടാ​യി​രു​ന്നു. (എഫെസ്യർ 6:21, 22; കൊ​ലോ​സ്യർ 4:8, 9) എന്നാൽ വസ്‌തു​തകൾ വളച്ചൊ​ടി​ക്കു​ക​യോ മറ്റുള്ള​വ​രു​ടെ സ്വകാ​ര്യ​വി​വ​രങ്ങൾ വെളി​പ്പെ​ടു​ത്തു​ക​യോ ചെയ്യു​ന്നെ​ങ്കിൽ അത്തരം സംസാരം ദോഷം​ചെ​യ്യും. അതു പരദൂ​ഷ​ണ​മാ​യി മാറി​യേ​ക്കാം എന്നതാണ്‌ ഏറെ ഗുരു​തരം, അതാകട്ടെ എല്ലായ്‌പോ​ഴും ഹാനി​ക​ര​വു​മാണ്‌. “മറ്റൊ​രാ​ളെ അപകീർത്തി​പ്പെ​ടു​ത്തു​ക​യും അയാളു​ടെ സത്‌പേര്‌ നശിപ്പി​ക്കു​ക​യും ചെയ്യുന്ന വ്യാജാ​രോ​പ​ണങ്ങൾ” എന്നാണു പരദൂ​ഷ​ണത്തെ നിർവ​ചി​ച്ചി​രി​ക്കു​ന്നത്‌. യേശു​വി​നെ അപകീർത്തി​പ്പെ​ടു​ത്താ​നുള്ള ശ്രമത്തിൽ പരീശ​ന്മാർ പരദൂ​ഷണം പറഞ്ഞു​പ​ര​ത്തി​യത്‌ അതിന്‌ ഉദാഹ​ര​ണ​മാണ്‌. (മത്തായി 9:32-34; 12:22-24) പരദൂ​ഷണം മിക്ക​പ്പോ​ഴും വഴക്കിനു കാരണ​മാ​കു​ന്നു.—സുഭാ​ഷി​തങ്ങൾ 26:20.

¹² മറ്റുള്ള​വ​രു​ടെ സത്‌പേര്‌ നശിപ്പി​ക്കാ​നോ ചേരി​തി​രി​വു​ണ്ടാ​ക്കാ​നോ സംസാ​ര​പ്രാ​പ്‌തി ഉപയോ​ഗി​ക്കു​ന്ന​തി​നെ യഹോവ വളരെ ഗൗരവ​മാ​യാ​ണു കാണു​ന്നത്‌. “സഹോ​ദ​ര​ന്മാർക്കി​ട​യിൽ കലഹം ഉണ്ടാക്കുന്ന”വരെ യഹോ​വ​യ്‌ക്കു വെറു​പ്പാണ്‌. (സുഭാ​ഷി​തങ്ങൾ 6:16-19) “പരദൂ​ഷ​ണ​ക്കാ​രൻ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഡിയാ​ബൊ​ലൊസ്‌ എന്ന ഗ്രീക്കു​പദം, സാത്താനെ കുറി​ക്കാ​നും ഉപയോ​ഗി​ച്ചി​ട്ടുണ്ട്‌. ദൈവ​ത്തെ​ക്കു​റിച്ച്‌ പരദൂ​ഷണം പറയുന്ന ‘പിശാ​ചാണ്‌’ അവൻ; പിശാച്‌ എന്നതിന്റെ അർഥം​തന്നെ പരദൂ​ഷ​ണ​ക്കാ​രൻ എന്നാണ്‌. (വെളി​പാട്‌ 12:9, 10) ഒരർഥ​ത്തിൽ, നമ്മളെ​യും ഒരു പിശാ​ചാ​ക്കി​ത്തീർക്കുന്ന തരം സംസാരം നമ്മൾ എന്തായാ​ലും ഒഴിവാ​ക്കും. പരദൂ​ഷണം, ജഡത്തിന്റെ പ്രവൃ​ത്തി​ക​ളായ ‘അഭി​പ്രാ​യ​ഭി​ന്ന​ത​യ്‌ക്കും’ ‘ചേരി​തി​രി​വി​നും’ കാരണ​മാ​കു​ന്ന​തു​കൊണ്ട്‌ അതിനു ക്രിസ്‌തീ​യ​സ​ഭ​യിൽ യാതൊ​രു സ്ഥാനവു​മില്ല. (ഗലാത്യർ 5:19-21) അതു​കൊണ്ട്‌, മറ്റൊ​രാ​ളെ​ക്കു​റി​ച്ചുള്ള ഒരു കാര്യം ആരോ​ടെ​ങ്കി​ലും  പറയു​ന്ന​തി​നു മുമ്പ്‌ സ്വയം ഇങ്ങനെ ചോദി​ക്കുക: ‘ഇതു സത്യമാ​ണോ? ഇക്കാര്യം മറ്റുള്ള​വ​രോ​ടു പറയു​ന്ന​തിൽ കുഴപ്പ​മു​ണ്ടോ? ഇതു പരസ്യ​പ്പെ​ടു​ത്തു​ന്നത്‌ ഉചിത​മാ​യി​രി​ക്കു​മോ, എനിക്ക്‌ അതിന്റെ ആവശ്യ​മു​ണ്ടോ?’—1 തെസ്സ​ലോ​നി​ക്യർ 4:11 വായി​ക്കുക.

13, 14. (എ) അസഭ്യ​സം​സാ​രം മറ്റുള്ള​വരെ എങ്ങനെ ബാധി​ക്കും? (ബി) എന്താണ്‌ അധി​ക്ഷേപം, അങ്ങനെ ചെയ്യുന്ന ഒരാൾ അപകട​ക​ര​മായ ഒരവസ്ഥ​യി​ലാ​യി​രി​ക്കു​ന്നത്‌ എങ്ങനെ?

¹³ അസഭ്യ​സം​സാ​രം. നമ്മൾ കണ്ടതു​പോ​ലെ, വാക്കു​കൾക്കു മുറി​പ്പെ​ടു​ത്താ​നുള്ള ശക്തിയുണ്ട്‌. അപൂർണ​രാ​യ​തു​കൊണ്ട്‌, പിന്നീടു ഖേദി​ക്കേ​ണ്ടി​വ​രുന്ന കാര്യങ്ങൾ നമ്മളെ​ല്ലാം പലപ്പോ​ഴും പറഞ്ഞു​പോ​കാ​റുണ്ട്‌ എന്നതു ശരിതന്നെ. എന്നാൽ ഒരു ക്രിസ്‌തീ​യ​ഭ​വ​ന​ത്തി​ലോ സഭയി​ലോ ഒരിക്ക​ലും കേൾക്ക​രു​താത്ത തരം സംസാ​ര​ത്തെ​ക്കു​റിച്ച്‌ ബൈബിൾ മുന്നറി​യി​പ്പു തരുന്നുണ്ട്‌. “എല്ലാ തരം പകയും കോപ​വും ക്രോ​ധ​വും ആക്രോ​ശ​വും അസഭ്യ​സം​സാ​ര​വും . . . നിങ്ങളിൽനിന്ന്‌ നീക്കി​ക്ക​ള​യുക” എന്നു പൗലോസ്‌ ക്രിസ്‌ത്യാ​നി​കളെ ഉദ്‌ബോ​ധി​പ്പി​ച്ചു. (എഫെസ്യർ 4:31) ‘അസഭ്യ​സം​സാ​രം’ എന്ന പദത്തെ മറ്റു ഭാഷാ​ന്ത​രങ്ങൾ “ദുഷിച്ച സംസാരം,” “മുറി​പ്പെ​ടു​ത്തുന്ന വാക്കുകൾ,” “അവഹേ​ളനം” എന്നൊ​ക്കെ​യാ​ണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. അധി​ക്ഷേപം, നിരന്ത​ര​മുള്ള കടുത്ത വിമർശ​നങ്ങൾ എന്നിവ​യെ​ല്ലാം അസഭ്യ​സം​സാ​ര​ത്തിൽപ്പെ​ടും. ഇതു മറ്റുള്ള​വ​രു​ടെ അന്തസ്സ്‌ ഇടിച്ചു​ക​ള​ഞ്ഞു​കൊണ്ട്‌ വില​കെ​ട്ട​വ​രാ​ണെന്ന തോന്നൽ അവരിൽ ഉളവാ​ക്കി​യേ​ക്കാം. അസഭ്യ​സം​സാ​രം ഏറ്റവും അധികം ബാധി​ക്കു​ന്നതു നിഷ്‌ക​ള​ങ്ക​മായ കുരു​ന്നു​മ​ന​സ്സു​ക​ളെ​യാണ്‌.—കൊ​ലോ​സ്യർ 3:21.

¹⁴ അധി​ക്ഷേ​പിച്ച്‌ സംസാ​രി​ക്കു​ന്ന​തി​നെ, അതായത്‌ തരംതാ​ഴ്‌ത്തു​ന്ന​തും നിന്ദാ​ക​ര​വും ആയ വാക്കുകൾ ഉപയോ​ഗിച്ച്‌ മറ്റുള്ള​വരെ കരിവാ​രി​ത്തേ​ക്കു​ന്ന​തി​നെ, ബൈബിൾ ശക്തമായ ഭാഷയിൽ കുറ്റം വിധി​ക്കു​ന്നു. അതു പതിവാ​ക്കുന്ന ഒരാൾ വളരെ അപകട​ക​ര​മായ ഒരവസ്ഥ​യി​ലേ​ക്കാ​ണു നീങ്ങു​ന്നത്‌. കാരണം, ആവർത്തി​ച്ചുള്ള ഓർമി​പ്പി​ക്കൽ ലഭിച്ചി​ട്ടും ചെവി​ക്കൊ​ള്ളാത്ത അത്തര​മൊ​രാൾ സഭയിൽനിന്ന്‌ നീക്കം​ചെ​യ്യ​പ്പെ​ട്ടേ​ക്കാം. മാറ്റം വരുത്തു​ന്നി​ല്ലെ​ങ്കിൽ  ദൈവ​രാ​ജ്യ​ത്തി​ന്റെ അനു​ഗ്ര​ഹ​ങ്ങ​ളും അയാൾക്കു നഷ്ടമാ​കും. (1 കൊരി​ന്ത്യർ 5:11-13; 6:9, 10) അതു​കൊണ്ട്‌, അനുചി​ത​വും സത്യത്തി​നു നിരക്കാ​ത്ത​തും പരിഗ​ണ​ന​യി​ല്ലാ​ത്ത​തും ആയ സംസാരം ശീലമാ​ക്കി​യാൽ നമുക്ക്‌ ഒരിക്ക​ലും ദൈവ​സ്‌നേ​ഹ​ത്തിൽ നിലനിൽക്കാ​നാ​കില്ല എന്നു വ്യക്തം. അത്തരം സംസാരം മറ്റുള്ള​വരെ ഇടിച്ചു​ക​ള​യു​കയേ ഉള്ളൂ.

15. ഏതുതരം സംസാ​ര​മാ​ണു മറ്റുള്ള​വരെ ‘ബലപ്പെ​ടു​ത്തു​ന്നത്‌?’

¹⁵ ദൈവം ഉദ്ദേശിച്ച വിധത്തിൽ സംസാ​ര​പ്രാ​പ്‌തി ഉപയോ​ഗി​ക്കാൻ നമുക്ക്‌ എങ്ങനെ കഴിയും? ‘ബലപ്പെ​ടു​ത്തുന്ന കാര്യങ്ങൾ’ സംസാ​രി​ക്കാൻ ദൈവ​വ​ചനം നമ്മളെ ഉദ്‌ബോ​ധി​പ്പി​ക്കു​ന്നെന്ന്‌ ഓർക്കുക. (എഫെസ്യർ 4:29) മറ്റുള്ള​വരെ ആത്മീയ​മാ​യി പരിപു​ഷ്ടി​പ്പെ​ടു​ത്തുന്ന, അവരെ പ്രോ​ത്സാ​ഹി​പ്പി​ക്കു​ക​യും ശക്തി​പ്പെ​ടു​ത്തു​ക​യും ചെയ്യുന്ന വിധത്തിൽ നമ്മൾ സംസാ​രി​ക്കു​ന്ന​താണ്‌ യഹോ​വ​യ്‌ക്ക്‌ ഇഷ്ടം. ചിന്തിച്ച്‌ സംസാ​രി​ച്ചാൽ മാത്രമേ അതിനു സാധിക്കൂ. അതിനുള്ള സൂത്ര​വാ​ക്യം ബൈബി​ളി​ലില്ല. ‘ആർക്കും കുറ്റം പറയാ​നാ​കാത്ത നല്ല വാക്കു​ക​ളു​ടെ’ ഒരു സമ്പൂർണ​ലി​സ്റ്റും അതു തരുന്നില്ല. (തീത്തോസ്‌ 2:8) “ബലപ്പെ​ടു​ത്തുന്ന” രീതി​യിൽ സംസാ​രി​ക്ക​ണ​മെ​ങ്കിൽ അതിന്റെ മുന്നു പ്രമു​ഖ​സ​വി​ശേ​ഷ​തകൾ നമ്മൾ മനസ്സിൽപ്പി​ടി​ക്കണം: അത്തരം വാക്കുകൾ ഉചിത​മാ​യി​രി​ക്കും, സത്യത്തി​നു നിരക്കു​ന്ന​താ​യി​രി​ക്കും, പരിഗ​ണ​ന​യു​ള്ള​താ​യി​രി​ക്കും. ഇക്കാര്യ​ങ്ങൾ മനസ്സിൽപ്പി​ടി​ച്ചു​കൊണ്ട്‌, “ബലപ്പെ​ടു​ത്തുന്ന” സംസാ​ര​ത്തി​ന്റെ ഏതാനും ഉദാഹ​ര​ണങ്ങൾ നമുക്കു ശ്രദ്ധി​ക്കാം.—“ ബലപ്പെ​ടു​ത്തു​ന്ന​താ​ണോ എന്റെ സംസാരം?” എന്ന ചതുരം കാണുക.

16, 17. (എ) മറ്റുള്ള​വരെ അഭിന​ന്ദി​ക്കേ​ണ്ടത്‌ എന്തു​കൊണ്ട്‌? (ബി) സഭയി​ലും കുടും​ബ​ത്തി​ലും അഭിന​ന്ദി​ക്കാ​നുള്ള ഏതെല്ലാം അവസര​ങ്ങ​ളാ​ണു​ള്ളത്‌?

¹⁶ ആത്മാർഥ​മായ അഭിന​ന്ദനം. അഭിന​ന്ദ​ന​ത്തി​ന്റെ​യും അംഗീ​കാ​ര​ത്തി​ന്റെ​യും വാക്കുകൾ പറയേ​ണ്ടത്‌ എത്ര പ്രധാ​ന​മാ​ണെന്ന്‌ യഹോ​വ​യ്‌ക്കും യേശു​വി​നും അറിയാം. (മത്തായി 3:17; 25:19-23; യോഹ​ന്നാൻ 1:47) ക്രിസ്‌ത്യാ​നി​ക​ളായ നമ്മളും മറ്റുള്ള​വരെ  ആത്മാർഥ​മാ​യി അഭിന​ന്ദി​ക്കണം. കാരണം? “തക്കസമ​യത്ത്‌ പറയുന്ന വാക്ക്‌ എത്ര നല്ലത്‌!” എന്നു സുഭാ​ഷി​തങ്ങൾ 15:23 പറയുന്നു. സ്വയം ഇങ്ങനെ ചോദി​ക്കുക: ‘ആരെങ്കി​ലും എന്നെ അഭിന​ന്ദി​ക്കു​മ്പോൾ എനിക്ക്‌ എന്താണു തോന്നു​ന്നത്‌? അപ്പോൾ എനിക്കു സംതൃ​പ്‌തി​യും പ്രോ​ത്സാ​ഹ​ന​വും തോന്നാ​റി​ല്ലേ?’ നിങ്ങളെ ശ്രദ്ധി​ക്കുന്ന, നിങ്ങൾക്കു​വേണ്ടി കരുതുന്ന ആരൊ​ക്കെ​യോ ഉണ്ടെന്നും നിങ്ങളു​ടെ ശ്രമങ്ങൾ മൂല്യ​വ​ത്താ​ണെ​ന്നും ആണ്‌ ആത്മാർഥ​മായ ഒരു അഭിന​ന്ദനം നിങ്ങ​ളോ​ടു പറയു​ന്നത്‌. അതു നിങ്ങളു​ടെ ആത്മവി​ശ്വാ​സം വർധി​പ്പി​ക്കു​ക​യും പൂർവാ​ധി​കം ഉത്സാഹ​ത്തോ​ടെ പ്രവർത്തി​ക്കാൻ നിങ്ങളെ പ്രചോ​ദി​പ്പി​ക്കു​ക​യും ചെയ്യും. അഭിന​ന്ദനം കിട്ടു​ന്നതു നിങ്ങൾക്ക  ഇഷ്ടമാ​ണെ​ങ്കിൽ, മറ്റുള്ള​വർക്ക്‌ അഭിന​ന്ദനം കൊടു​ക്കാ​നും നിങ്ങൾ ശ്രമി​ക്കേ​ണ്ട​തല്ലേ?—മത്തായി 7:12 വായി​ക്കുക.

¹⁷ മറ്റുള്ള​വ​രി​ലെ നന്മ കാണാ​നും അതിനെ അഭിന​ന്ദി​ക്കാ​നും നിങ്ങ​ളെ​ത്തന്നെ പരിശീ​ലി​പ്പി​ക്കുക. നിങ്ങൾ സഭയിൽ നല്ലൊരു പ്രസംഗം കേട്ടേ​ക്കാം, ഒരു യുവ​ക്രി​സ്‌ത്യാ​നി ആത്മീയ​ല​ക്ഷ്യ​ങ്ങൾവെച്ച്‌ മുന്നേ​റു​ന്നതു നിരീ​ക്ഷി​ച്ചേ​ക്കാം, അതുമ​ല്ലെ​ങ്കിൽ വാർധ​ക്യ​പ്ര​ശ്‌നങ്ങൾ വകവെ​ക്കാ​തെ യോഗ​ങ്ങൾക്കു ക്രമമാ​യി വരുന്ന ഒരു സഹോ​ദ​ര​നെ​യോ സഹോ​ദ​രി​യെ​യോ കണ്ടേക്കാം. ആത്മാർഥ​മായ അഭിന​ന്ദനം ഇങ്ങനെ​യു​ള്ള​വ​രു​ടെ ഹൃദയത്തെ സ്‌പർശി​ക്കു​ക​യും അവരെ ആത്മീയ​മാ​യി ബലപ്പെ​ടു​ത്തു​ക​യും ചെയ്യും. കുടും​ബ​ത്തിൽ, ഭാര്യ​യും ഭർത്താ​വും പരസ്‌പരം അഭിന​ന്ദി​ക്കു​ക​യും വിലമ​തി​പ്പു നിറഞ്ഞ വാക്കുകൾ പറയു​ക​യും വേണം. (സുഭാ​ഷി​തങ്ങൾ 31:10, 28) മാതാ​പി​താ​ക്കൾ തങ്ങളെ ശ്രദ്ധി​ക്കു​ക​യും വിലമ​തി​ക്കു​ക​യും ചെയ്യു​ന്നു​ണ്ടെന്നു മനസ്സി​ലാ​ക്കു​മ്പോൾ കുട്ടികൾ മിടു​ക്ക​രാ​യി വളരും. ഒരു കുട്ടിയെ സംബന്ധി​ച്ചി​ട​ത്തോ​ളം അഭിന​ന്ദ​ന​വും അംഗീ​കാ​ര​വും, ഒരു ചെടി​യു​ടെ വളർച്ച​യ്‌ക്ക്‌ ആവശ്യ​മായ സൂര്യ​പ്ര​കാ​ശ​വും വെള്ളവും പോ​ലെ​യാണ്‌. മാതാ​പി​താ​ക്കളേ, കുട്ടി​ക​ളു​ടെ നല്ല ഗുണങ്ങ​ളെ​യും അവർ ചെയ്യുന്ന നല്ല കാര്യ​ങ്ങ​ളെ​യും പ്രതി അവരെ അഭിന​ന്ദി​ക്കു​ന്ന​തിൽ ഒട്ടും പിശുക്കു കാണി​ക്ക​രുത്‌. അതു കുട്ടി​ക​ളു​ടെ ധൈര്യ​വും ആത്മവി​ശ്വാ​സ​വും വർധി​പ്പി​ക്കും. ശരിയാ​യതു  ചെയ്യാൻ കൂടുതൽ നന്നായി ശ്രമി​ക്കു​ന്ന​തിന്‌ അത്‌ അവരെ പ്രചോ​ദി​പ്പി​ക്കും.

18, 19. സഹവി​ശ്വാ​സി​കളെ പ്രോ​ത്സാ​ഹി​പ്പി​ക്കാൻ നമ്മൾ പരമാ​വധി ശ്രമി​ക്കേ​ണ്ടത്‌ എന്തു​കൊണ്ട്‌, അത്‌ എങ്ങനെ ചെയ്യാം?

¹⁸ പ്രോ​ത്സാ​ഹ​ന​വും ആശ്വാ​സ​വും. ‘എളിയ​വ​നെ​യും’ ‘തകർന്ന​വ​നെ​യും’ കുറിച്ച്‌ യഹോ​വ​യ്‌ക്കു വലിയ ചിന്തയുണ്ട്‌. (യശയ്യ 57:15) ‘പരസ്‌പരം പ്രോ​ത്സാ​ഹി​പ്പി​ക്കാ​നും’ ‘വിഷാ​ദി​ച്ചി​രി​ക്കു​ന്ന​വ​രോട്‌ ആശ്വാസം തോന്നുന്ന രീതി​യിൽ സംസാ​രി​ക്കാ​നും’ ദൈവ​വ​ചനം നമ്മളെ പ്രോ​ത്സാ​ഹി​പ്പി​ക്കു​ന്നു. (1 തെസ്സ​ലോ​നി​ക്യർ 5:11, 14) ദുഃഖ​ഭാ​ര​ത്താൽ തകർന്നി​രി​ക്കുന്ന സഹാരാ​ധ​കരെ പ്രോ​ത്സാ​ഹി​പ്പി​ക്കാ​നും ആശ്വസി​പ്പി​ക്കാ​നും നമ്മൾ നടത്തുന്ന ശ്രമങ്ങൾ ദൈവം ശ്രദ്ധി​ക്കു​ന്നു​ണ്ടെ​ന്നും അതു ദൈവം വിലമ​തി​ക്കു​ന്നു​ണ്ടെ​ന്നും നമുക്ക്‌ ഉറപ്പു​ണ്ടാ​യി​രി​ക്കാം.

¹⁹ അങ്ങനെ​യെ​ങ്കിൽ, നിരു​ത്സാ​ഹി​ത​നും നിരാ​ശ​നും ആയ ഒരു സഹക്രി​സ്‌ത്യാ​നി​യെ ബലപ്പെ​ടു​ത്താ​നാ​യി നിങ്ങൾക്ക്‌ എന്തു പറയാ​നാ​കും? പ്രശ്‌നം പരിഹ​രി​ക്കേ​ണ്ടതു നിങ്ങളു​ടെ ഉത്തരവാ​ദി​ത്വ​മാ​ണെന്നു ചിന്തി​ക്കേ​ണ്ട​തില്ല. പലപ്പോ​ഴും, ആശ്വാ​സ​പ്ര​ദ​മായ ഏതാനും വാക്കുകൾ മാത്രം മതിയാ​കും. നിങ്ങളു​ടെ ആത്മാർഥ​മായ താത്‌പ​ര്യം ആ വ്യക്തിക്ക്‌ അനുഭ​വ​പ്പെ​ടണം. ആ വ്യക്തി​യോ​ടൊ​പ്പം പ്രാർഥി​ക്കുക; മറ്റുള്ള​വ​രും യഹോ​വ​യും ആ വ്യക്തിയെ എത്രമാ​ത്രം സ്‌നേ​ഹി​ക്കു​ന്നു​ണ്ടെന്നു മനസ്സി​ലാ​ക്കാൻ അദ്ദേഹത്തെ സഹായി​ക്ക​ണ​മെന്നു നിങ്ങൾക്കു പ്രാർഥി​ക്കാ​വു​ന്ന​താണ്‌. (യാക്കോബ്‌  5:14, 15) സഭയ്‌ക്ക്‌ അദ്ദേഹ​ത്തെ​ക്കൊണ്ട്‌ ആവശ്യ​മു​ണ്ടെ​ന്നും അദ്ദേഹം സഭയിലെ വിലപ്പെട്ട ഒരംഗ​മാ​ണെ​ന്നും അദ്ദേഹം അറിയട്ടെ. (1 കൊരി​ന്ത്യർ 12:12-26) യഹോ​വ​യ്‌ക്ക്‌ അദ്ദേഹ​ത്തി​ന്റെ കാര്യ​ത്തിൽ വ്യക്തി​പ​ര​മായ താത്‌പ​ര്യ​മു​ണ്ടെന്ന്‌ ഉറപ്പു കൊടു​ക്കുന്ന പ്രോ​ത്സാ​ഹ​ജ​ന​ക​മായ ഒരു വാക്യം ബൈബി​ളിൽനിന്ന്‌ വായി​ച്ചു​കേൾപ്പി​ക്കുക. (സങ്കീർത്തനം 34:18; മത്തായി 10:29-31) മനംത​കർന്നി​രി​ക്കുന്ന ഒരാളെ ആത്മാർഥ​മാ​യി ആശ്വസി​പ്പി​ക്കാൻ അൽപ്പം സമയം ചെലവ​ഴി​ച്ചാൽ മറ്റുള്ള​വർക്കു തന്നോടു സ്‌നേ​ഹ​മു​ണ്ടെന്ന്‌ അദ്ദേഹ​ത്തി​നു തീർച്ച​യാ​യും മനസ്സി​ലാ​കും. തന്നെ അവർ വിലമ​തി​ക്കു​ന്നു​ണ്ട​ന്നും അദ്ദേഹം തിരി​ച്ച​റി​യും.—സുഭാ​ഷി​തങ്ങൾ 12:25 വായി​ക്കുക.

20, 21. ഫലപ്ര​ദ​മായ ബുദ്ധി​യു​പ​ദേ​ശ​ത്തിന്‌ അനിവാ​ര്യ​മായ ഘടകങ്ങൾ ഏതെല്ലാം?

²⁰ ഫലപ്ര​ദ​മായ ബുദ്ധി​യു​പ​ദേശം. അപൂർണ​രാ​യ​തി​നാൽ നമു​ക്കെ​ല്ലാം കൂടെ​ക്കൂ​ടെ ബുദ്ധി​യു​പ​ദേശം ആവശ്യ​മാണ്‌. “ഉപദേശം ശ്രദ്ധിച്ച്‌ ശിക്ഷണം സ്വീക​രി​ച്ചാൽ ഭാവി​യിൽ നീ ജ്ഞാനി​യാ​യി​ത്തീ​രും” എന്നു ബൈബിൾ നമ്മളോ​ടു പറയുന്നു. (സുഭാ​ഷി​തങ്ങൾ 19:20) ബുദ്ധി​യു​പ​ദേശം നൽകാ​നുള്ള ഉത്തരവാ​ദി​ത്വം മൂപ്പന്മാർക്കു മാത്ര​മു​ള്ളതല്ല. മാതാ​പി​താ​ക്കൾ മക്കളെ ബുദ്ധി​യു​പ​ദേ​ശി​ക്കണം. (എഫെസ്യർ 6:4) പക്വത​യുള്ള സഹോ​ദ​രി​മാർ പ്രായം കുറഞ്ഞ സഹോ​ദ​രി​മാർക്കു ബുദ്ധി​യു​പ​ദേശം കൊടു​ക്കേ​ണ്ടി​വ​ന്നേ​ക്കാം. (തീത്തോസ്‌ 2:3-5) മറ്റുള്ള​വ​രോ​ടു സ്‌നേ​ഹ​മു​ണ്ടെ​ങ്കിൽ അവർക്കു സ്വീക​രി​ക്കാൻ ബുദ്ധി​മു​ട്ടു തോന്നാ​ത്ത​വി​ധം ബുദ്ധി​യു​പ​ദേശം കൊടു​ക്കാൻ നമ്മൾ ശ്രമി​ക്കും. അങ്ങനെ ചെയ്യാൻ എന്തു സഹായി​ക്കും? ബുദ്ധി​യു​പ​ദേ​ശത്തെ ഏറെ ഫലപ്ര​ദ​മാ​ക്കുന്ന മൂന്നു ഘടകങ്ങൾ ശ്രദ്ധി​ക്കുക: അതു കൊടു​ക്കുന്ന വ്യക്തി​യു​ടെ മനോ​ഭാ​വ​വും ആന്തരവും, അതു നൽകാ​നുള്ള കാരണം, നൽകുന്ന രീതി.

²¹ ബുദ്ധി​യു​പ​ദേശം എത്ര​ത്തോ​ളം ഫലപ്ര​ദ​മാ​കും എന്നത്‌, ഏറെയും അതു കൊടു​ക്കുന്ന വ്യക്തിയെ ആശ്രയി​ച്ചാ​ണി​രി​ക്കു​ന്നത്‌. സ്വയം ഇങ്ങനെ ചോദി​ക്കുക, ‘എനിക്ക്‌ എപ്പോ​ഴാ​ണു ബുദ്ധി​യു​പ​ദേശം സ്വീക​രി​ക്കാൻ ഏറ്റവും എളുപ്പം തോന്നാറ്‌?’  ബുദ്ധി​യു​പ​ദേശം കൊടു​ക്കുന്ന വ്യക്തിക്കു നിങ്ങ​ളെ​ക്കു​റിച്ച്‌ ചിന്തയു​ണ്ടെ​ന്നും നിങ്ങ​ളോ​ടുള്ള ദേഷ്യം​തീർക്കാ​നല്ല നിങ്ങളെ ഉപദേ​ശി​ക്കു​ന്ന​തെ​ന്നും അദ്ദേഹ​ത്തി​നു ഗൂഢമായ ഉദ്ദേശ്യ​മൊ​ന്നു​മി​ല്ലെ​ന്നും മനസ്സി​ലാ​ക്കു​മ്പോൾ അതു സ്വീക​രി​ക്കാൻ കൂടുതൽ എളുപ്പ​മാ​യി​രി​ക്കും. ആ സ്ഥിതിക്ക്‌, നിങ്ങൾ മറ്റുള്ള​വരെ ബുദ്ധി​യു​പ​ദേ​ശി​ക്കു​മ്പോ​ഴും ഇത്‌ ഓർക്കേ​ണ്ട​തല്ലേ? ബുദ്ധി​യു​പ​ദേശം ഫലപ്ര​ദ​മാ​ക​ണ​മെ​ങ്കിൽ അതു ദൈവ​വ​ച​ന​ത്തിൽ വേരൂ​ന്നി​യ​തും ആയിരി​ക്കണം. (2 തിമൊ​ഥെ​യൊസ്‌ 3:16) ബൈബി​ളിൽനിന്ന്‌ നേരിട്ട്‌ ഉദ്ധരി​ച്ചാ​ലും ഇല്ലെങ്കി​ലും നമ്മൾ നൽകുന്ന ഏതു ബുദ്ധി​യു​പ​ദേ​ശ​ത്തി​നും തിരു​വെ​ഴു​ത്തി​ന്റെ പിൻബ​ല​മു​ണ്ടാ​യി​രി​ക്കണം. അതു​കൊ​ണ്ടു​തന്നെ, സ്വന്തം വീക്ഷണങ്ങൾ മറ്റുള്ള​വ​രിൽ അടി​ച്ചേൽപ്പി​ക്കാ​തി​രി​ക്കാൻ മൂപ്പന്മാർ ശ്രദ്ധയു​ള്ള​വ​രാണ്‌; വ്യക്തി​പ​ര​മായ ഏതെങ്കി​ലും വീക്ഷണ​ത്തി​നു ബൈബി​ളി​ന്റെ പിന്തു​ണ​യു​ണ്ടെന്നു വരുത്തി​ത്തീർക്കാൻ അവർ തിരു​വെ​ഴു​ത്തു​കളെ വളച്ചൊ​ടി​ക്കു​ക​യു​മില്ല. ബുദ്ധി​യു​പ​ദേ​ശ​ത്തി​ന്റെ ഫലപ്ര​ദ​ത്വം നിർണ​യി​ക്കുന്ന മറ്റൊരു ഘടകമാണ്‌ അതു നൽകുന്ന രീതി. ഉപ്പിനാൽ രുചി​വ​രു​ത്തി​യ​തു​പോ​ലുള്ള, ദയാപൂർവ​ക​മായ ബുദ്ധി​യു​പ​ദേശം, മറ്റുള്ള​വർക്കു സ്വീക​രി​ക്കാൻ എളുപ്പ​മാ​യി​രി​ക്കു​മെന്നു മാത്രമല്ല, അത്‌ അവരുടെ അന്തസ്സിനു ക്ഷതമേൽപ്പി​ക്കു​ക​യു​മില്ല.—കൊ​ലോ​സ്യർ 4:6.

22. സംസാ​ര​പ്രാ​പ്‌തി എങ്ങനെ ഉപയോ​ഗി​ക്കാ​നാ​ണു നിങ്ങളു​ടെ തീരു​മാ​നം?

²² സംസാ​ര​പ്രാ​പ്‌തി ദൈവ​ത്തിൽനി​ന്നുള്ള വില​യേ​റിയ ഒരു സമ്മാന​മാണ്‌ എന്നതിനു സംശയ​മില്ല. അതു ദുരു​പ​യോ​ഗം ചെയ്യു​ന്ന​തി​നു പകരം നന്നായി ഉപയോ​ഗി​ക്കാൻ യഹോ​വ​യോ​ടുള്ള സ്‌നേഹം നമ്മളെ പ്രചോ​ദി​പ്പി​ക്കും. നമ്മുടെ വായിൽനിന്ന്‌ വരുന്ന വാക്കു​കൾക്കു മറ്റുള്ള​വരെ ബലപ്പെ​ടു​ത്താ​നോ ഇടിച്ചു​ക​ള​യാ​നോ ഉള്ള ശക്തിയു​ണ്ടെന്ന കാര്യം നമ്മൾ മറക്കരുത്‌. അതു​കൊണ്ട്‌ ഈ സമ്മാനത്തെ ദൈവം ഉദ്ദേശി​ച്ച​തു​പോ​ലെ, മറ്റുള്ള​വരെ “ബലപ്പെ​ടു​ത്തുന്ന” രീതി​യിൽ ഉപയോ​ഗി​ക്കാൻ നമുക്കു തീവ്ര​മാ​യി യത്‌നി​ക്കാം. അങ്ങനെ​യാ​കു​മ്പോൾ നമ്മുടെ സംസാരം മറ്റുള്ള​വർക്കു പ്രോ​ത്സാ​ഹനം പകരു​മെന്നു മാത്രമല്ല ദൈവ​സ്‌നേ​ഹ​ത്തിൽ നിലനിൽക്കാൻ നമ്മളെ സഹായി​ക്കു​ക​യും ചെയ്യും.