1-3. (എ) യഹോവ നമുക്കു തന്ന നല്ല സമ്മാന​ങ്ങ​ളിൽ ഒന്ന്‌ ഏതാണ്‌? നമ്മൾ അത്‌ എങ്ങനെ ദുരു​പ​യോ​ഗം ചെയ്‌തേ​ക്കാം? (ബി) സംസാ​ര​പ്രാപ്‌തി നമ്മൾ എങ്ങനെ ഉപയോ​ഗി​ക്കണം?

 ഒരു പിതാവ്‌ സന്തോ​ഷ​ത്തോ​ടെ മകന്‌ ഒരു സൈക്കിൾ സമ്മാന​മാ​യി കൊടു​ക്കു​ന്നു. എന്നാൽ ആ മകൻ ശ്രദ്ധയി​ല്ലാ​തെ സൈക്കിൾ ഓടിച്ച്‌ ആരെ​യെ​ങ്കി​ലും ഇടിച്ച്‌ വീഴ്‌ത്തി പരി​ക്കേൽപ്പി​ച്ചാ​ലോ? ആ പിതാ​വിന്‌ എന്തു തോന്നും?

² “എല്ലാ നല്ല ദാനങ്ങ​ളും തികവുറ്റ സമ്മാന​ങ്ങ​ളും” നൽകു​ന്ന​വ​നാ​ണു യഹോവ. (യാക്കോബ്‌ 1:17) അത്തരം നല്ല സമ്മാന​ങ്ങ​ളിൽ ഒന്നാണ്‌ സംസാ​രി​ക്കാ​നുള്ള പ്രാപ്‌തി. നമ്മുടെ ചിന്തക​ളും വികാ​ര​ങ്ങ​ളും പ്രകടി​പ്പി​ക്കാൻ അതിലൂ​ടെ കഴിയു​ന്നു. ആളുകൾക്ക്‌ ഗുണം ചെയ്യു​ന്ന​തും സന്തോഷം നൽകു​ന്ന​തും ആയ കാര്യങ്ങൾ പറയാൻ ഇതിലൂ​ടെ നമുക്കാ​കു​ന്നു. എന്നാൽ നമ്മൾ പറയുന്ന കാര്യങ്ങൾ മറ്റുള്ള​വർക്കു ദോഷം ചെയ്യു​ന്ന​തോ അവരെ വേദനി​പ്പി​ക്കു​ന്ന​തോ ആകാനും ഇടയുണ്ട്‌.

³ വാക്കു​കൾക്കു വളരെ ശക്തിയുണ്ട്‌. അതു​കൊണ്ട്‌ സംസാരം എന്ന സമ്മാനം എങ്ങനെ ഉപയോ​ഗി​ക്ക​ണ​മെന്ന്‌ യഹോവ നമ്മളെ പഠിപ്പി​ക്കു​ന്നു. യഹോവ പറയുന്നു: “ചീത്ത വാക്കു​ക​ളൊ​ന്നും നിങ്ങളു​ടെ വായിൽനിന്ന്‌ വരരുത്‌. പകരം, കേൾക്കു​ന്ന​വർക്കു ഗുണം ചെയ്യു​ന്ന​തും അവരെ ബലപ്പെ​ടു​ത്തു​ന്ന​തും സന്ദർഭോ​ചി​ത​വും ആയ കാര്യങ്ങൾ മാത്രമേ വായിൽനിന്ന്‌ വരാവൂ.” (എഫെസ്യർ 4:29) ദൈവം തന്ന ഈ സമ്മാനം ദൈവ​ത്തിന്‌ ഇഷ്ടപ്പെ​ടുന്ന വിധത്തി​ലും മറ്റുള്ള​വരെ പ്രോ​ത്സാ​ഹി​പ്പി​ക്കുന്ന വിധത്തി​ലും എങ്ങനെ ഉപയോ​ഗി​ക്കാ​മെന്നു നമുക്ക്‌ ഇപ്പോൾ നോക്കാം.

4, 5. വാക്കു​ക​ളു​ടെ ശക്തി​യെ​ക്കു​റിച്ച്‌ സുഭാ​ഷി​ത​ങ്ങ​ളിൽനിന്ന്‌ നമുക്ക്‌ എന്തു പഠിക്കാം?

⁴ വാക്കു​കൾക്കു ശക്തിയുണ്ട്‌. അതു​കൊണ്ട്‌ നമ്മൾ എന്തു പറയുന്നു, എങ്ങനെ പറയുന്നു എന്നതിനു ശ്രദ്ധ കൊടു​ക്കണം. സുഭാ​ഷി​തങ്ങൾ 15:4 പറയുന്നു: “ശാന്തത​യുള്ള നാവ്‌ ജീവവൃ​ക്ഷം; എന്നാൽ വക്രത​യുള്ള സംസാരം തളർത്തി​ക്ക​ള​യു​ന്നു.” മനോ​ഹ​ര​മായ ഒരു മരം ശുദ്ധവാ​യു​വും കുളിർമ​യും തരുന്ന​തു​പോ​ലെ ദയയുള്ള വാക്കുകൾ, കേൾക്കു​ന്ന​വർക്കു നവോ​ന്മേഷം നൽകുന്നു. എന്നാൽ ക്രൂര​മായ വാക്കുകൾ മറ്റുള്ള​വരെ മുറി​പ്പെ​ടു​ത്തു​ക​യും ദുഃഖി​പ്പി​ക്കു​ക​യും ചെയ്യും.​—സുഭാ​ഷി​തങ്ങൾ 18:21.

⁵ “ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌ ” എന്ന്‌ സുഭാ​ഷി​തങ്ങൾ 12:18 പറയുന്നു. ദയയി​ല്ലാത്ത വാക്കുകൾ മനസ്സിനെ വേദനി​പ്പി​ക്കു​ക​യും ബന്ധങ്ങൾ തകർക്കു​ക​യും ചെയ്യുന്നു. ആരെങ്കി​ലും നിങ്ങ​ളോ​ടു ദയയി​ല്ലാ​തെ സംസാ​രി​ച്ചിട്ട്‌ നിങ്ങളു​ടെ മനസ്സു വിഷമിച്ച ഏതെങ്കി​ലും സാഹച​ര്യം നിങ്ങൾ ഓർക്കു​ന്നു​ണ്ടാ​കും. എന്നാൽ അതേ സുഭാ​ഷി​തം ഇങ്ങനെ തുടരു​ന്നു: “എന്നാൽ ബുദ്ധി​യു​ള്ള​വ​രു​ടെ നാവ്‌ മുറിവ്‌ ഉണക്കുന്നു.” ചിന്തിച്ച്‌ സംസാ​രി​ക്കു​മ്പോൾ വേദനി​ക്കുന്ന ഹൃദയ​ത്തി​ന്റെ മുറിവ്‌ ഉണക്കാ​നും തെറ്റി​ദ്ധാ​ര​ണ​കൊണ്ട്‌ മുറി​ഞ്ഞു​പോയ സൗഹൃ​ദങ്ങൾ നേരെ​യാ​ക്കാ​നും കഴിയും. (സുഭാ​ഷി​തങ്ങൾ 16:24 വായി​ക്കുക.) നമ്മുടെ വാക്കു​കൾക്കു മറ്റുള്ള​വരെ സുഖ​പ്പെ​ടു​ത്താ​നോ മുറി​പ്പെ​ടു​ത്താ​നോ കഴിയും എന്ന്‌ ഓർക്കു​ന്നെ​ങ്കിൽ, നമ്മൾ വാക്കുകൾ സൂക്ഷിച്ചേ ഉപയോ​ഗി​ക്കൂ.

6. സംസാരം നിയ​ന്ത്രി​ക്കുക എന്നത്‌ ബുദ്ധി​മു​ട്ടാ​ണെന്നു പറയു​ന്നത്‌ എന്തു​കൊണ്ട്‌?

⁶ നമ്മൾ ശ്രദ്ധിച്ച്‌ സംസാ​രി​ക്കേ​ണ്ട​തി​ന്റെ മറ്റൊരു കാരണം നമ്മളെ​ല്ലാം അപൂർണ​രാണ്‌ എന്നതാണ്‌. ‘മനുഷ്യ​ന്റെ ഹൃദയ​ത്തി​ന്റെ ചായ്‌വ്‌ ദോഷ​ത്തി​ലേ​ക്കാണ്‌.’ മിക്ക​പ്പോ​ഴും, നമ്മുടെ ഹൃദയ​ത്തി​ലു​ള്ളത്‌ എന്താ​ണെന്നു നമ്മുടെ വാക്കുകൾ വെളി​പ്പെ​ടു​ത്തു​ന്നു. (ഉൽപത്തി 8:21; ലൂക്കോസ്‌ 6:45) നാവിനെ നിയ​ന്ത്രി​ക്കുക എന്നതു നമുക്കു വലിയ ബുദ്ധി​മു​ട്ടുള്ള കാര്യ​മാ​യി​രി​ക്കാം. (യാക്കോബ്‌ 3:2-4 വായി​ക്കുക.) എങ്കിലും എങ്ങനെ സംസാ​രി​ക്കു​ന്നു എന്ന കാര്യ​ത്തിൽ മെച്ച​പ്പെ​ടാൻ നമ്മൾ സ്ഥിരം പരി​ശ്ര​മി​ക്കണം.

7, 8. നമ്മുടെ വാക്കുകൾ എങ്ങനെ​യാണ്‌ യഹോ​വ​യു​മാ​യുള്ള ബന്ധത്തെ ബാധി​ക്കു​ന്നത്‌?

 ⁷ ശ്രദ്ധിച്ച്‌ സംസാ​രി​ക്കേ​ണ്ട​തി​ന്റെ മറ്റൊരു കാരണം എന്തു പറയുന്നു, എങ്ങനെ പറയുന്നു എന്നതിന്‌ യഹോ​വ​യോ​ടു നമ്മൾ കണക്കു ബോധി​പ്പി​ക്കണം എന്നതാണ്‌. യാക്കോബ്‌ 1:26 പറയുന്നു: “താൻ ദൈവത്തെ ആരാധി​ക്കു​ന്നെന്നു കരുതു​ക​യും എന്നാൽ നാവിനു കടിഞ്ഞാ​ണി​ടാ​തി​രി​ക്കു​ക​യും ചെയ്യു​ന്ന​യാൾ സ്വന്തം ഹൃദയത്തെ വഞ്ചിക്കു​ക​യാണ്‌; അയാളു​ടെ ആരാധ​ന​കൊണ്ട്‌ ഒരു പ്രയോ​ജ​ന​വു​മില്ല.” അതു​കൊണ്ട്‌ സൂക്ഷിച്ച്‌ സംസാ​രി​ച്ചി​ല്ലെ​ങ്കിൽ യഹോ​വ​യു​മാ​യുള്ള നമ്മുടെ ബന്ധം നമ്മൾതന്നെ തകർക്കു​ക​യാ​യി​രി​ക്കും.​—യാക്കോബ്‌ 3:8-10.

⁸ നമ്മൾ എന്തു പറയുന്നു, എങ്ങനെ പറയുന്നു എന്ന കാര്യ​ത്തിൽ ശ്രദ്ധയു​ള്ള​വ​രാ​യി​രി​ക്കാൻ നമുക്കു വ്യക്തമായ കാരണ​ങ്ങ​ളുണ്ട്‌. സംസാ​ര​പ്രാപ്‌തി എന്ന സമ്മാനം യഹോവ ആഗ്രഹി​ക്കുന്ന വിധത്തിൽ ഉപയോ​ഗി​ക്കാൻ നമ്മൾ ഏതുത​ര​ത്തി​ലുള്ള സംസാരം ഒഴിവാ​ക്ക​ണ​മെന്ന്‌ ആദ്യം അറിയണം.

9, 10. (എ) ഇന്നു സർവസാ​ധാ​ര​ണ​മാ​യി​രി​ക്കുന്ന സംസാ​ര​രീ​തി ഏതാണ്‌? (ബി) അശ്ലീല​സം​ഭാ​ഷണം നമ്മൾ ഒഴിവാ​ക്കേ​ണ്ടത്‌ എന്തു​കൊണ്ട്‌?

⁹ അശ്ലീല​ഭാ​ഷ​യും വൃത്തി​കെട്ട സംസാ​ര​വും ഇന്നു സർവസാ​ധാ​ര​ണ​മാണ്‌.  വൃത്തി​കെട്ട, തരംതാണ വാക്കുകൾ ഉപയോ​ഗി​ച്ചാ​ലേ ആളുകൾക്ക്‌ കൃത്യ​മാ​യി കാര്യങ്ങൾ പിടി​കി​ട്ടൂ എന്ന്‌ അനേക​രും ചിന്തി​ക്കു​ന്നു. ആളുകളെ ചിരി​പ്പി​ക്കാൻ ഹാസ്യ​ക​ലാ​കാ​ര​ന്മാർ മിക്ക​പ്പോ​ഴും അശ്ലീല​ത​മാ​ശ​ക​ളും തരംതാണ പ്രയോ​ഗ​ങ്ങ​ളും ഉപയോ​ഗി​ക്കു​ന്നു. എന്നാൽ അപ്പോസ്‌ത​ല​നായ പൗലോസ്‌ പറഞ്ഞു: “ക്രോധം, കോപം, വഷളത്തം, അസഭ്യ​സം​സാ​രം എന്നിവ​യെ​ല്ലാം ഉപേക്ഷി​ക്കാ​നുള്ള സമയമാ​യി. അശ്ലീലം നിങ്ങളു​ടെ വായിൽനിന്ന്‌ വരരുത്‌.” (കൊ​ലോ​സ്യർ 3:8) ‘അശ്ലീല​ഫ​ലി​ത​ത്തെ​ക്കു​റിച്ച്‌ ’ സത്യ​ക്രിസ്‌ത്യാ​നി​ക​ളു​ടെ “ഇടയിൽ പറഞ്ഞു​കേൾക്കാൻപോ​ലും പാടില്ല” എന്നും അദ്ദേഹം പറഞ്ഞു.​—എഫെസ്യർ 5:3, 4.

¹⁰ അശ്ലീല​സം​ഭാ​ഷണം യഹോ​വയ്‌ക്കും യഹോ​വയെ സ്‌നേ​ഹി​ക്കു​ന്ന​വർക്കും ഇഷ്ടമല്ല. അത്‌ അശുദ്ധ​മാണ്‌. ബൈബി​ളിൽ ‘അശുദ്ധി​യെ’ ‘ജഡത്തിന്റെ പ്രവൃ​ത്തി​ക​ളി​ലാണ്‌ ’ ഉൾപ്പെ​ടു​ത്തി​യി​രി​ക്കു​ന്നത്‌. (ഗലാത്യർ 5:19-21) ‘അശുദ്ധി​യിൽ’ പല തരം പാപങ്ങൾ ഉൾപ്പെ​ടു​ന്നു. ഒരു അശുദ്ധ​മായ ശീലത്തി​നു മറ്റൊ​ന്നി​ലേക്കു നമ്മളെ നയിക്കാൻ കഴിയും. ഒരു വ്യക്തി മ്ലേച്ഛമായ, അങ്ങേയറ്റം അശ്ലീലം നിറഞ്ഞ സംസാ​ര​രീ​തി ഒഴിവാ​ക്കാൻ കൂട്ടാ​ക്കു​ന്നി​ല്ലെ​ങ്കിൽ, മേലാൽ അയാൾക്കു സഭയുടെ ഭാഗമാ​യി​രി​ക്കാൻ കഴിയി​ല്ലെ​ന്നാണ്‌ അതു സൂചി​പ്പി​ക്കു​ന്നത്‌.​—2 കൊരി​ന്ത്യർ 12:21; എഫെസ്യർ 4:19; പിൻകു​റിപ്പ്‌ 23 കാണുക.

11, 12. (എ) നിങ്ങളു​ടെ സംസാരം എങ്ങനെ അപവാദം പറച്ചി​ലാ​യി മാറി​യേ​ക്കാം? (ബി) പരദൂ​ഷണം ഒഴിവാ​ക്കേ​ണ്ടത്‌ എന്തു​കൊണ്ട്‌?

¹¹ അപവാദം പറയു​ന്ന​തും നമ്മൾ ഒഴിവാ​ക്കണം. നമ്മൾ മറ്റുള്ള​വ​രു​ടെ ക്ഷേമത്തിൽ താത്‌പ​ര്യം കാണി​ക്കു​ന്ന​തും കുടും​ബാം​ഗ​ങ്ങ​ളു​ടെ​യും കൂട്ടു​കാ​രു​ടെ​യും വിശേ​ഷങ്ങൾ പറയു​ന്ന​തും സ്വാഭാ​വി​ക​മാണ്‌. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളും, അവരുടെ സഹോ​ദ​രീ​സ​ഹോ​ദ​ര​ന്മാർ എന്തു ചെയ്യു​ന്നെ​ന്നും അവരെ സഹായി​ക്കാൻ എന്തു ചെയ്യാ​മെ​ന്നും അറിയാൻ ആഗ്രഹി​ച്ചി​രു​ന്നു. (എഫെസ്യർ 6:21, 22; കൊ​ലോ​സ്യർ 4:8, 9) എന്നാൽ മറ്റുള്ള​വ​രെ​ക്കു​റി​ച്ചുള്ള സംഭാ​ഷണം അപവാദം പറച്ചി​ലാ​യി മാറാൻ സാധ്യ​ത​യുണ്ട്‌. കേൾക്കുന്ന കാര്യങ്ങൾ മറ്റുള്ള​വ​രോ​ടു പറയു​മ്പോൾ സൂക്ഷി​ച്ചി​ല്ലെ​ങ്കിൽ പറയാൻ പാടി​ല്ലാത്ത കാര്യങ്ങൾ നമ്മൾ പറഞ്ഞു​പോ​യെന്നു വരാം. നമ്മൾ പറയുന്ന കാര്യങ്ങൾ അപ്പാടെ സത്യമ​ല്ലെ​ന്നും വരാം. ശ്രദ്ധി​ച്ചി​ല്ലെ​ങ്കിൽ ഇത്തരം മോശ​മായ സംസാരം വ്യജാ​രോ​പ​ണ​മാ​യോ  പരദൂ​ഷ​ണ​മാ​യോ മാറി​യേ​ക്കാം. ചെയ്യാത്ത കാര്യ​ങ്ങ​ളു​ടെ പേരിൽ യേശു​വി​നെ കുറ്റം ചുമത്തി​ക്കൊണ്ട്‌ പരീശ​ന്മാർ പരദൂ​ഷണം പറഞ്ഞു. (മത്തായി 9:32-34; 12:22-24) പരദൂ​ഷണം പറയു​ന്ന​യാൾ ഒരു വ്യക്തി​യു​ടെ സത്‌പേ​രി​നു കളങ്കം ചാർത്തു​ക​യാണ്‌. അതു വാഗ്വാ​ദ​ങ്ങ​ളി​ലേ​ക്കും മനോ​വി​ഷ​മ​ത്തി​ലേ​ക്കും സൗഹൃ​ദങ്ങൾ തകരു​ന്ന​തി​ലേ​ക്കും നയിക്കു​ന്നു.​—സുഭാ​ഷി​തങ്ങൾ 26:20.

¹² നമ്മൾ മറ്റുള്ള​വരെ സഹായി​ക്കു​ന്ന​തി​നും ബലപ്പെ​ടു​ത്തു​ന്ന​തി​നും വേണ്ടി വാക്കുകൾ ഉപയോ​ഗി​ക്കാ​നാണ്‌ യഹോവ ആഗ്രഹി​ക്കു​ന്നത്‌, അല്ലാതെ സ്‌നേ​ഹി​തരെ ശത്രു​ക്ക​ളാ​ക്കാ​നല്ല. ‘സഹോ​ദ​ര​ന്മാർക്കി​ട​യിൽ കലഹം ഉണ്ടാക്കു​ന്ന​വരെ’ യഹോവ വെറു​ക്കു​ന്നു. (സുഭാ​ഷി​തങ്ങൾ 6:16-19) ആദ്യത്തെ പരദൂ​ഷകൻ പിശാ​ചായ സാത്താ​നാണ്‌. പിശാച്‌ ദൈവ​ത്തിന്‌ എതിരെ പരദൂ​ഷണം പറഞ്ഞു. (വെളി​പാട്‌ 12:9, 10) ആളുക​ളെ​ക്കു​റിച്ച്‌ നുണ പറയു​ന്നത്‌ ഇന്നത്തെ ലോക​ത്തി​ന്റെ രീതി​യാണ്‌. എന്നാൽ ഇതു ക്രിസ്‌തീ​യ​സ​ഭ​യിൽ സംഭവി​ക്ക​രുത്‌. (ഗലാത്യർ 5:19-21) അതു​കൊണ്ട്‌ പറയുന്ന കാര്യ​ങ്ങ​ളെ​ക്കു​റിച്ച്‌ നമ്മൾ ശ്രദ്ധയു​ള്ള​വ​രാ​യി​രി​ക്കണം, സംസാ​രി​ക്കു​ന്ന​തി​നു മുമ്പു ചിന്തി​ക്കു​ക​യും വേണം. മറ്റുള്ള​വ​രെ​ക്കു​റിച്ച്‌ കേട്ട കാര്യം വേറെ ആരോ​ടെ​ങ്കി​ലും പറയു​ന്ന​തി​നു മുമ്പു സ്വയം ചോദി​ക്കുക: ‘ഞാൻ പറയാൻ പോകുന്ന കാര്യം സത്യമാ​ണോ? അതു ക്രൂര​ത​യാ​യി​പ്പോ​കു​മോ? ഇതു പ്രയോ​ജനം ചെയ്യുന്ന കാര്യ​മാ​ണോ? ഞാൻ ആരെക്കു​റി​ച്ചാ​ണോ പറയു​ന്നത്‌, അയാൾ കേൾക്കെ ഞാൻ ഇക്കാര്യം പറയു​മോ? എന്നെക്കു​റിച്ച്‌ ആരെങ്കി​ലും ഇങ്ങനെ പറഞ്ഞാൽ എനിക്ക്‌ എന്തു തോന്നും?’​—1 തെസ്സ​ലോ​നി​ക്യർ 4:11 വായി​ക്കുക.

13, 14. (എ) അസഭ്യ​സം​സാ​രം ആളുകളെ എങ്ങനെ ബാധി​ക്കും? (ബി) അധി​ക്ഷേ​പി​ക്കുക എന്നാൽ എന്താണ്‌? ക്രിസ്‌ത്യാ​നി​കൾ അത്‌ ഒഴിവാ​ക്കേ​ണ്ടത്‌ എന്തു​കൊണ്ട്‌?

¹³ പിന്നീടു ഖേദി​ക്കേണ്ടി വന്ന പല കാര്യ​ങ്ങ​ളും ചില​പ്പോ​ഴൊ​ക്കെ നമ്മളും പറഞ്ഞി​ട്ടുണ്ട്‌. എന്നാൽ മറ്റുള്ള​വരെ വിമർശി​ക്കു​ന്ന​തും ദയയി​ല്ലാ​തെ​യോ ക്രൂര​മാ​യോ സംസാ​രി​ക്കു​ന്ന​തും ഒരു ശീലമാ​ക്കാൻ നമ്മൾ ആഗ്രഹി​ക്കു​ന്നില്ല. നമ്മുടെ ജീവി​ത​ത്തിൽ അസഭ്യ​സം​സാ​ര​ത്തിന്‌ യാതൊ​രു സ്ഥാനവു​മില്ല. പൗലോസ്‌ പറഞ്ഞു: “എല്ലാ തരം പകയും കോപ​വും ക്രോ​ധ​വും ആക്രോ​ശ​വും അസഭ്യ​സം​സാ​ര​വും ഹാനി​ക​ര​മായ എല്ലാ കാര്യ​ങ്ങ​ളും നിങ്ങളിൽനിന്ന്‌ നീക്കി​ക്ക​ള​യുക.”  (എഫെസ്യർ 4:31) മറ്റു ബൈബിൾപ​രി​ഭാ​ഷകൾ ‘അസഭ്യ​സം​സാ​രത്തെ’ ‘പരുഷ​വാ​ക്കു​കൾ,’ ‘വേദനി​പ്പി​ക്കുന്ന സംസാരം,’ ‘ദൂഷണം’ എന്നൊ​ക്കെ​യാ​ണു പരിഭാഷ ചെയ്‌തി​രി​ക്കു​ന്നത്‌. അസഭ്യ​സം​സാ​രം ആളുക​ളു​ടെ ആത്മാഭി​മാ​ന​ത്തി​നു ക്ഷതമേൽപ്പി​ക്കു​ക​യും അവർ ഒന്നിനും കൊള്ളാ​ത്ത​വ​രാ​ണെന്നു ചിന്തി​ക്കാൻ ഇടയാ​ക്കു​ക​യും ചെയ്യുന്നു. പ്രത്യേ​കി​ച്ചു കുട്ടി​ക​ളു​ടെ മനസ്സിനെ ഇതു പെട്ടെന്നു മുറി​പ്പെ​ടു​ത്തി​യേ​ക്കാം. അതു​കൊണ്ട്‌ അവരെ തകർത്തു​ക​ള​യുന്ന ഇത്തരം വാക്കുകൾ ഒഴിവാ​ക്കാൻ നമ്മൾ പ്രത്യേ​കം ശ്രദ്ധി​ക്കും.​—കൊ​ലോ​സ്യർ 3:21.

¹⁴ അസഭ്യ​സം​സാ​ര​ത്തി​ന്റെ ഏറ്റവും തരംതാഴ്‌ന്ന രൂപമായ അധി​ക്ഷേ​പ​ത്തിന്‌ എതിരെ ബൈബിൾ മുന്നറി​യി​പ്പു തരുന്നു. മറ്റുള്ള​വരെ മുറി​പ്പെ​ടു​ത്തുക എന്ന ലക്ഷ്യത്തിൽ അവരെ സ്ഥിരമാ​യി അപമാ​നി​ക്കു​ന്ന​താണ്‌ അധി​ക്ഷേപം. ഒരു വ്യക്തി തന്റെ ഇണയോ​ടോ മക്കളോ​ടോ ഈ വിധത്തിൽ സംസാ​രി​ക്കു​ന്നെ​ങ്കിൽ അത്‌ എത്ര മോശ​മാ​യി​രി​ക്കും! ഒരു വ്യക്തി മറ്റുള്ള​വരെ അധി​ക്ഷേ​പി​ക്കു​ന്നതു നിറു​ത്താൻ കൂട്ടാ​ക്കാ​തി​രു​ന്നാൽ അയാൾ സഭയുടെ ഭാഗമാ​യി​രി​ക്കാൻ യോഗ്യ​നാ​യി​രി​ക്കില്ല. (1 കൊരി​ന്ത്യർ 5:11-13; 6:9, 10) നമ്മൾ പഠിച്ച​തു​പോ​ലെ, അശ്ലീല​മായ കാര്യ​ങ്ങ​ളോ സത്യമ​ല്ലാത്ത കാര്യ​ങ്ങ​ളോ മറ്റുള്ള​വരെ വേദനി​പ്പി​ക്കുന്ന കാര്യ​ങ്ങ​ളോ പറയു​ന്നെ​ങ്കിൽ യഹോ​വ​യു​മാ​യും ആളുക​ളു​മാ​യും നമുക്കുള്ള ബന്ധം തകരാ​റി​ലാ​കും.

15. എങ്ങനെ​യുള്ള സംസാ​ര​മാ​ണു ബന്ധങ്ങൾ ശക്തമാ​ക്കു​ന്നത്‌?

¹⁵ യഹോവ ആഗ്രഹി​ക്കുന്ന വിധത്തിൽ നമുക്ക്‌ എങ്ങനെ സംസാ​ര​പ്രാപ്‌തി ഉപയോ​ഗി​ക്കാം? നമ്മൾ എന്തു സംസാ​രി​ക്കണം, എന്തു സംസാ​രി​ക്ക​രുത്‌ എന്ന്‌ ബൈബിൾ വ്യക്തമാ​യി പറയു​ന്നി​ല്ലെ​ങ്കി​ലും “ബലപ്പെ​ടു​ത്തു​ന്ന​തും സന്ദർഭോ​ചി​ത​വും ആയ കാര്യങ്ങൾ മാത്രമേ വായിൽനിന്ന്‌ വരാവൂ” എന്ന്‌ അതു പറയുന്നു. (എഫെസ്യർ 4:29) ബലപ്പെ​ടു​ത്തുന്ന സംസാരം, ശുദ്ധവും ദയയോ​ടു​കൂ​ടി​യ​തും സത്യവും ആയിരി​ക്കും. മറ്റുള്ള​വരെ പ്രോ​ത്സാ​ഹി​പ്പി​ക്കാ​നും സഹായി​ക്കാ​നും വേണ്ടി നമ്മൾ വാക്കുകൾ ഉപയോ​ഗി​ക്കാ​നാണ്‌ യഹോവ ആഗ്രഹി​ക്കു​ന്നത്‌. ഇത്‌ അൽപ്പം ബുദ്ധി​മു​ട്ടുള്ള കാര്യ​മാണ്‌. നല്ല കാര്യങ്ങൾ പറയാൻ മോശം കാര്യം പറയു​ന്ന​തി​നെ​ക്കാൾ ശ്രമം ആവശ്യ​മാണ്‌.  (തീത്തോസ്‌ 2:8) സംസാ​ര​ത്തി​ലൂ​ടെ മറ്റുള്ള​വരെ ബലപ്പെ​ടു​ത്താ​നാ​കുന്ന ചില വിധങ്ങൾ നമുക്കു നോക്കാം.

16, 17. (എ) നമ്മൾ മറ്റുള്ള​വരെ അഭിന​ന്ദി​ക്കേ​ണ്ടത്‌ എന്തു​കൊണ്ട്‌? (ബി) ആരെ​യൊ​ക്കെ അഭിന​ന്ദി​ക്കാം?

¹⁶ യഹോ​വ​യും യേശു​വും അഭിന​ന്ദി​ക്കുന്ന കാര്യ​ത്തിൽ പിശു​ക്കി​ല്ലാ​ത്ത​വ​രാണ്‌. അവരെ അനുക​രി​ക്കാ​നാ​ണു നമ്മൾ ആഗ്രഹി​ക്കു​ന്നത്‌. (മത്തായി 3:17; 25:19-23; യോഹ​ന്നാൻ 1:47) നമ്മൾ ഒരാളെ അഭിന​ന്ദി​ക്കു​മ്പോൾ അയാൾക്കു ശരിക്കും പ്രോ​ത്സാ​ഹനം തോന്ന​ണ​മെ​ങ്കിൽ നന്നായി ചിന്തിച്ച്‌, ആ വ്യക്തി​യി​ലുള്ള താത്‌പ​ര്യം നിഴലി​ക്കുന്ന വിധത്തിൽ അഭിന​ന്ദി​ക്കണം. “തക്കസമ​യത്ത്‌ പറയുന്ന വാക്ക്‌ എത്ര നല്ലത്‌!” എന്ന്‌ സുഭാ​ഷി​തങ്ങൾ 15:23 പറയുന്നു. നമ്മുടെ കഠിനാ​ധ്വാ​നത്തെ ആരെങ്കി​ലും ആത്മാർഥ​മാ​യി അഭിന​ന്ദി​ക്കു​മ്പോ​ഴോ നമ്മൾ ചെയ്‌ത എന്തി​നെ​ങ്കി​ലും നന്ദി അറിയി​ക്കു​മ്പോ​ഴോ നമുക്കു പ്രോ​ത്സാ​ഹനം തോന്നാ​റുണ്ട്‌.—മത്തായി 7:12. വായി​ക്കുക; പിൻകു​റിപ്പ്‌ 27 കാണുക.

¹⁷ മറ്റുള്ള​വ​രി​ലെ നന്മ കാണു​ന്നത്‌ ഒരു ശീലമാ​ക്കു​ന്നെ​ങ്കിൽ ആത്മാർഥ​മാ​യി അഭിന​ന്ദി​ക്കു​ന്നത്‌ എളുപ്പ​മാ​യി​രി​ക്കും. ഉദാഹ​ര​ണ​ത്തിന്‌, സഭയിലെ ആരെങ്കി​ലും നന്നായി പ്രസംഗം തയ്യാറാ​കു​ന്ന​തോ യോഗ​ങ്ങൾക്ക്‌ അഭി​പ്രാ​യം പറയാൻ നല്ല ശ്രമം ചെയ്യു​ന്ന​തോ നിങ്ങളു​ടെ ശ്രദ്ധയിൽപ്പെ​ട്ടി​ട്ടു​ണ്ടാ​കും. ഒരു ചെറു​പ്പ​ക്കാ​രൻ സ്‌കൂ​ളിൽ സത്യത്തി​നു​വേണ്ടി ഉറച്ച നിലപാട്‌ എടുത്തി​ട്ടു​ണ്ടാ​കാം, അല്ലെങ്കിൽ പ്രായ​മായ ഒരാൾ ക്രമമാ​യി ശുശ്രൂ​ഷ​യിൽ ഏർപ്പെ​ടു​ന്നു​ണ്ടാ​കാം. നിങ്ങളു​ടെ അഭിന​ന്ദ​ന​വാ​ക്കു​കൾ അവർക്കു വേണ്ടതു​ത​ന്നെ​യാ​യി​രി​ക്കും. ഒരു ഭർത്താവ്‌ ഭാര്യ​യോ​ടുള്ള സ്‌നേഹം വാക്കു​ക​ളി​ലൂ​ടെ അറിയി​ക്കേ​ണ്ട​തും വിലമ​തി​പ്പു പ്രകടി​പ്പി​ക്കേ​ണ്ട​തും വളരെ പ്രധാ​ന​മാണ്‌. (സുഭാ​ഷി​തങ്ങൾ 31:10, 28) ചെടി​കൾക്കു വെള്ളവും വെളി​ച്ച​വും ആവശ്യ​മാ​യി​രി​ക്കു​ന്ന​തു​പോ​ലെ ആളുകൾക്ക്‌ അഭിന​ന്ദ​ന​വും ആവശ്യ​മാണ്‌. കുട്ടി​ക​ളു​ടെ കാര്യ​ത്തിൽ ഇതു പ്രത്യേ​കി​ച്ചു സത്യമാണ്‌. അവരുടെ നല്ല ഗുണങ്ങ​ളെ​യും ശ്രമങ്ങ​ളെ​യും അഭിന​ന്ദി​ക്കാ​നുള്ള അവസര​ങ്ങൾക്കാ​യി നോക്കുക. അഭിന​ന്ദനം അവർക്കു ധൈര്യ​വും ആത്മവി​ശ്വാ​സ​വും നൽകും; ബുദ്ധി​മു​ട്ടാ​ണെ​ങ്കിൽപ്പോ​ലും ശരിയാ​യതു ചെയ്യാൻ അവർ പരി​ശ്ര​മി​ക്കും.

18, 19. മറ്റുള്ള​വരെ പ്രോ​ത്സാ​ഹി​പ്പി​ക്കാ​നും ആശ്വസി​പ്പി​ക്കാ​നും നമ്മൾ പരമാ​വധി ശ്രമി​ക്കേ​ണ്ടത്‌ എന്തു​കൊണ്ട്‌? നമുക്ക്‌ അത്‌ എങ്ങനെ ചെയ്യാം?

 ¹⁸ മറ്റുള്ള​വരെ പ്രോ​ത്സാ​ഹി​പ്പി​ക്കു​ക​യും ആശ്വസി​പ്പി​ക്കു​ക​യും ചെയ്യു​മ്പോൾ നമ്മൾ യഹോ​വയെ അനുക​രി​ക്കു​ക​യാണ്‌. ‘എളിയ​വ​രോ​ടും തകർന്ന​വ​രോ​ടും’ യഹോവ ആഴമായ കരുതൽ കാണി​ക്കു​ന്നു. (യശയ്യ 57:15) നമ്മൾ ‘പരസ്‌പരം പ്രോ​ത്സാ​ഹി​പ്പി​ക്കാ​നും’ ‘വിഷാ​ദി​ച്ചി​രി​ക്കു​ന്ന​വർക്ക്‌ ആശ്വാസം തോന്നുന്ന രീതി​യിൽ സംസാ​രി​ക്കാ​നും’ യഹോവ ആഗ്രഹി​ക്കു​ന്നു. (1 തെസ്സ​ലോ​നി​ക്യർ 5:11, 14) അങ്ങനെ ചെയ്യാൻ ശ്രമി​ക്കു​മ്പോൾ യഹോവ അതു കാണു​ക​യും വിലമ​തി​ക്കു​ക​യും ചെയ്യും.

¹⁹ സഭയി​ലുള്ള ആർക്കെ​ങ്കി​ലും നിരു​ത്സാ​ഹ​മോ വിഷാ​ദ​മോ ഉള്ളതായി നിങ്ങളു​ടെ ശ്രദ്ധയിൽപ്പെ​ട്ടേ​ക്കാം. അവർക്കു ഗുണം ചെയ്യുന്ന വിധത്തിൽ നിങ്ങൾക്ക്‌ എന്തു പറയാൻ കഴിയും? നിങ്ങൾക്കു പ്രശ്‌നം  പരിഹ​രി​ക്കാൻ പറ്റില്ലാ​യി​രി​ക്കും. എന്നാൽ നിങ്ങൾക്ക്‌ അവരെ​ക്കു​റിച്ച്‌ ചിന്തയു​ണ്ടെന്ന്‌ അവരെ അറിയി​ക്കാൻ കഴിയും; ഉദാഹ​ര​ണ​ത്തിന്‌, അവരോ​ടൊ​പ്പം സമയം ചെലവ​ഴി​ച്ചു​കൊണ്ട്‌. പ്രോ​ത്സാ​ഹനം നൽകുന്ന ഒരു ബൈബിൾ വാക്യം വായി​ക്കാ​നോ അല്ലെങ്കിൽ അവരോ​ടൊ​പ്പം പ്രാർഥി​ക്കാ​നോ പോലും നിങ്ങൾക്കു കഴിയും. (സങ്കീർത്തനം 34:18; മത്തായി 10:29-31) കൂടാതെ, സഭയിലെ സഹോ​ദ​രീ​സ​ഹോ​ദ​ര​ന്മാർ അവരെ സ്‌നേ​ഹി​ക്കു​ന്നു​ണ്ടെന്ന്‌ അവർക്ക്‌ ഉറപ്പു കൊടു​ക്കുക. (1 കൊരി​ന്ത്യർ 12:12-26; യാക്കോബ്‌ 5:14, 15) അതു പറയാൻവേണ്ടി പറയു​ന്നതല്ല, അവരോ​ടുള്ള യഥാർഥസ്‌നേ​ഹം​കൊണ്ട്‌ പറയു​ന്ന​താ​ണെന്ന്‌ അവർക്കു മനസ്സി​ലാ​കണം.​—സുഭാ​ഷി​തങ്ങൾ 12:25 വായി​ക്കുക.

20, 21. എങ്ങനെ​യുള്ള ഉപദേ​ശ​മാണ്‌ ആളുകൾക്ക്‌ എളുപ്പം സ്വീക​രി​ക്കാൻ കഴിയു​ന്നത്‌?

²⁰ നല്ല ഉപദേ​ശങ്ങൾ കൊടു​ക്കു​മ്പോ​ഴും നമ്മൾ മറ്റുള്ള​വരെ  ബലപ്പെ​ടു​ത്തു​ക​യാണ്‌. അപൂർണ​രാ​യ​തു​കൊണ്ട്‌ നമു​ക്കെ​ല്ലാം കൂടെ​ക്കൂ​ടെ ഉപദേശം ആവശ്യ​മാണ്‌. സുഭാ​ഷി​തങ്ങൾ 19:20 പറയുന്നു: “ഉപദേശം ശ്രദ്ധിച്ച്‌ ശിക്ഷണം സ്വീക​രി​ച്ചാൽ ഭാവി​യിൽ നീ ജ്ഞാനി​യാ​യി​ത്തീ​രും.” ഉപദേശം നൽകാൻ പറ്റിയവർ മൂപ്പന്മാർ മാത്രമല്ല. മാതാ​പി​താ​ക്കൾ മക്കൾക്കു മാർഗ​നിർദേശം നൽകണം. (എഫെസ്യർ 6:4) സഹോ​ദ​രി​മാർക്കു പരസ്‌പരം നല്ല ഉപദേ​ശങ്ങൾ നൽകാൻ കഴിയും. (തീത്തോസ്‌ 2:3-5) സഹോ​ദ​രീ​സ​ഹോ​ദ​ര​ന്മാ​രെ സ്‌നേ​ഹി​ക്കു​ന്ന​തു​കൊണ്ട്‌ അവരെ വിഷമി​പ്പി​ക്കുന്ന വിധത്തി​ലല്ല ഉപദേശം നൽകു​ന്ന​തെന്ന്‌ ഉറപ്പു​വ​രു​ത്താൻ നമ്മൾ ആഗ്രഹി​ക്കു​ന്നു. അതിനു നമ്മളെ എന്തു സഹായി​ക്കും?

²¹ എളുപ്പം സ്വീക​രി​ക്കാൻ കഴിയുന്ന വിധത്തിൽ ആരെങ്കി​ലും ഉപദേശം തന്നതു നിങ്ങൾ ഓർക്കു​ന്നു​ണ്ടാ​കും. നിങ്ങൾക്ക്‌ അതു നല്ലതായി തോന്നി​യത്‌ എന്തു​കൊ​ണ്ടാണ്‌? ഉപദേശം തന്ന വ്യക്തി നിങ്ങ​ളെ​ക്കു​റിച്ച്‌ നന്നായി ചിന്തി​ച്ചി​ട്ടാണ്‌ അതു തന്നതെന്നു നിങ്ങൾക്കു തോന്നി​യി​ട്ടു​ണ്ടാ​കണം. അല്ലെങ്കിൽ ആ വ്യക്തി സ്‌നേ​ഹ​ത്തോ​ടും ദയയോ​ടും കൂടി​യാ​യി​രി​ക്കും നിങ്ങ​ളോ​ടു സംസാ​രി​ച്ചത്‌. (കൊ​ലോ​സ്യർ 4:6) ആ ഉപദേശം ബൈബി​ളി​നെ അടിസ്ഥാ​ന​പ്പെ​ടു​ത്തി​യു​ള്ള​തും ആയിരി​ക്കാം. (2 തിമൊ​ഥെ​യൊസ്‌ 3:16) നമ്മൾ ഉപദേശം കൊടു​ക്കു​ന്നതു ബൈബി​ളിൽനിന്ന്‌ നേരി​ട്ടാ​ണെ​ങ്കി​ലും അല്ലെങ്കി​ലും അതു തിരു​വെ​ഴു​ത്ത​ധിഷ്‌ഠി​ത​മാ​യിരി​ക്കണം. ആരും സ്വന്തം അഭി​പ്രാ​യങ്ങൾ മറ്റുള്ള​വ​രു​ടെ മേൽ അടി​ച്ചേൽപ്പി​ക്കാ​നോ സ്വന്തം ആശയം സ്ഥാപി​ച്ചെ​ടു​ക്കാൻവേണ്ടി തിരു​വെ​ഴു​ത്തു​കളെ വളച്ചൊ​ടി​ക്കാ​നോ പാടില്ല. നിങ്ങൾക്ക്‌ ഉപദേശം കിട്ടിയ വിധ​ത്തെ​ക്കു​റിച്ച്‌ ഓർക്കു​ന്നത്‌ അതേ വിധത്തിൽ മറ്റുള്ള​വർക്ക്‌ ഉപദേശം കൊടു​ക്കാൻ നിങ്ങളെ സഹായി​ക്കും.

22. സംസാ​ര​പ്രാപ്‌തി എന്ന സമ്മാനം എങ്ങനെ ഉപയോ​ഗി​ക്കാ​നാ​ണു നിങ്ങൾ ആഗ്രഹി​ക്കു​ന്നത്‌?

²² സംസാ​രി​ക്കാ​നുള്ള പ്രാപ്‌തി ദൈവ​ത്തി​ന്റെ സമ്മാന​മാണ്‌. ദൈവ​ത്തോ​ടുള്ള സ്‌നേഹം ആ സമ്മാനം നല്ല വിധത്തിൽ ഉപയോ​ഗി​ക്കാൻ നമ്മളെ പ്രേരി​പ്പി​ക്കണം. ഓർക്കുക: വാക്കു​കൾക്ക്‌ ഒരാളെ ഇടിച്ചു​ക​ള​യാ​നും ബലപ്പെ​ടു​ത്താ​നും ഉള്ള ശക്തിയുണ്ട്‌. അതു​കൊണ്ട്‌ മറ്റുള്ള​വരെ ബലപ്പെ​ടു​ത്താ​നും പ്രോ​ത്സാ​ഹി​പ്പി​ക്കാ​നും ആയി വാക്കുകൾ ഉപയോ​ഗി​ക്കാൻ നമ്മളാൽ കഴിയു​ന്ന​തെ​ല്ലാം നമുക്കു ചെയ്യാം.