Ny programa JW Library a dia natao mba hahatonga ny famakianao Baiboly hahafinaritra kokoa, sady hanampy anao handalina azy io. Azonao alaina ao amin’io programa io ny boky sy gazety ara-baiboly, video, ary raki-peo. Ho azonao ampiasaina foana izy ireny amin’izay, na aiza na aiza, ary na rahoviana na rahoviana.

Baiboly Amin’ny Fandikan-teny Samihafa

• Vakio ny Tenin’Andriamanitra, ary ampitahao ny andininy ao amin’ireo fandikan-teny an-jatony ao.

Boky sy Lahatsoratra Isan-karazany

• Azo alaina ao ny boky sy bokikely ary lahatsoratra amin’ny fiteny 1 000 mahery, anisan’izany ny amin’ny tenin’ny tanana maherin’ny 100.

Video sy Raki-peo

• Misy fandaharana isan-karazany azonao ankafizina ao, ohatra hoe video momba ny fampianaran’ny Baiboly, lahateny ara-baiboly, tantara, ary sary miaina.

Mozika

• Misy mozika isan-karazany azo henoina ao. Misy mpihira ny sasany, ny hafa nataon’ny orkesitra, ary misy koa feon-kira fotsiny.

Teny Vakina Isan’andro

• Atombohy amin’ny andinin-teny iray ny andronao. Misy fanazavana sy hevitra mampahery miaraka amin’ilay izy.

Fivoriana

• Ho hitanao ao amin’ny toerana iray ny zavatra ilaina amin’ny fivoriana andavan’andro sy amin’ny fivoriana faran’ny herinandro.

Fikarohana

• Afaka mikaroka andinin-teny ianao, na mikaroka fanazavana na loha hevitra.

Fianarana Samirery

• Azonao atao ny mandoko ny soratra sy mandray naoty ary manisy maritka an’izany.

Lisitra

• Azonao atao ny mamorona lisitra sy mandahatra ny mozika, video, raki-peo, ary sary.