Abụ Ọma 83:1-18
Abụ Esaf.+ Abụ ọma.
83 Chineke, biko, agbala nkịtị.+
Chineke, biko, anọla jụụ,* anọkwala na-ele n’anya n’anya.
2 Lee, ndị iro gị na-eme mkpọtụ.+
Ndị kpọrọ gị asị na-ama gị aka.*
3 Ha ji aghụghọ na-agbara ndị gị izu.
Ha na-akpara ndị ị hụrụ n’anya* nkata ọjọọ.
4 Ha na-asị: “Bịanụ ka anyị kpochapụ ha ka ha ghara ịbụkwa mba,+Ka a gharazie icheta aha Izrel ọzọ.”
5 Ha na-eji otu obi agba izu ihe ha ga-eme.
Ha agbakọọla aka* ka ha lụso gị ọgụ,+
6 Ndị Ịdọm na ndị Ishmel, ndị Moab+ na ndị Hega,+
7 Gibal na Amọn+ na Amalek,Filistia+ nakwa ndị bi na Taya.+
8 Asiria+ esorokwala ha.
Ha na-akwado ụmụ Lọt.+ (Sila)
9 Mee ha ihe i mere Midian,+Ihe i mere Sisera na Jebin n’iyi* Kaịshọn.+
10 A lara ha n’iyi n’En-dọọ.+
Ha ghọrọ nri ala.
11 Mee ndị a ma ama n’obodo ha ihe i mere Oreb na Zieb,+Meekwa ndị isi* ha ihe i mere Ziba na Zalmọna,+
12 N’ihi na ha sịrị: “Ka anyị weghara ala ebe Chineke bi.”
13 Chineke m, biko, mee ka ha dị ka ahịhịa ogwu ifufe na-ebugharị,+Ka ha dị ka ahịhịa ọka ifufe na-ebugharị.
14 Otú ahụ ọkụ si agba oké ọhịa,Ire ọkụ ana-erekwa ugwu,+
15 Si otú ahụ jiri oké ifufe gị chụọ ha ọsọ,+Jirikwa oké ifufe gị yie ha egwu.+
16 Jehova, biko, mee ka ihere ju ha ihu,Ka ha wee chọọ aha gị.
17 Biko, ka e menye ha ihere, ka ụjọ na-atụkwa ha ruo mgbe ebighị ebi.
Ka e mechuo ha ihu ma laa ha n’iyi.
18 Ka ndị mmadụ mara na aha gị bụ Jehova+Nakwa na ọ bụ naanị gị bụ Onye Kacha Elu n’ụwa niile.+
Ihe E Dere n'Ala Ala Peeji
^ Ma ọ bụ “emechila ọnụ.”
^ Na Hibru, “na-eweli isi ha elu.”
^ Na Hibru, “ndị i zoro ezo.”
^ Ma ọ bụ “Ha agbaala ndụ.”
^ Ma ọ bụ “na ndagwurugwu.”
^ Ma ọ bụ “ndị na-edu.”
