Abụ Ọma 55:1-23
Ntụziaka e nyere onye na-eduzi abụ. A ga-eji ụbọ akwara kpọọ ya. Maskil.* Abụ Devid.
55 Chineke, biko, ṅaa ntị n’ekpere m.+
Elegharala arịrịọ m na-arịọ ka i meere m ebere anya.*+
2 Biko, gee m ntị ma za m.+
Ihe m na-eche na-eme ka obi ghara izu m ike.+
Isi na-agba m ghara ghara
3 N’ihi ihe onye iro m na-ekwuNakwa n’ihi nsogbu onye ajọ omume na-enye m.
N’ihi na ha na-ekonye m nsogbu n’isi,Ha bukwaara m iwe n’obi.+
4 Obi agbawaala m,+Ụjọ ọnwụ na-atụsikwa m ike.+
5 Ezigbo egwu ejidela m,M na-amakwa jijiji.
6 M nọ na-asị: “A sị nnọọ na m nwere nku ka nduru,M gaara efepụ gaa biri n’ebe obi ga-eru m ala.
7 M gaara efega n’ebe dị anya.+
M gaara aga biri n’ala ịkpa.+ (Sila)
8 M gaara agbaba n’ebe m ga-anọZere nsogbu ndị yiri oké ifufe nke na-efesi ike.”
9 Jehova, biko, megharịa ha anya, kụghasịakwa atụmatụ ha,*+N’ihi na ahụla m na ihe juru n’obodo a bụ tigbuo zọgbuo na esemokwu.
10 Ha na-aga elu mgbidi obodo a gburugburu n’ehihie nakwa n’abalị.
Ihe ọjọọ na nsogbu juru n’obodo a.+
11 Ihe ọjọọ na-eme n’ebe niile n’obodo a.
E nweghị mgbe a na-anaghị emegbu ndị mmadụ ma na-aghọ ha aghụghọ n’ámá ya.+
12 Ọ bụghị onye iro na-akparị m.+
A sị na ọ bụ ya, m gaara edi ya.
Ọ bụghị onye iro na-emegide m.
A sị na ọ bụ ya, m gaara ezo ka ọ ghara ịhụ m.
13 Kama ọ bụ gị, onye dị ka m,*+Enyi mụ m ma nke ọma.+
14 Mụ na gị bụbu ezigbo enyi.
Anyị na ìgwè mmadụ na-esobu abanye n’ụlọ Chineke.
15 Ka e bibie ha.+
Ka ha banye n’ili* ná ndụ.
N’ihi na ihe ọjọọ juru n’ebe ha bi, jukwa ha n’obi.
16 Ma, m ga-akpọku Chineke,Jehova ga-azọpụtakwa m.+
17 Ma ná mgbede ma n’ụtụtụ ma n’ehihie, obi anaghị ezu m ike, m na-asụkwa ude,+Ọ na-anụkwa olu m.+
18 Ọ ga-anapụta m,* meekwa ka ndị na-emegide m kwụsị ịlụso m ọgụ,N’ihi na ọtụtụ ìgwè mmadụ na-alụso m ọgụ.+
19 Chineke, onye nọ n’ocheeze kemgbe oge ochie,+Ga-anụ olu m ma lebara ha anya.+ (Sila)
Ndị na-anaghị atụ egwu Chineke+Agaghị ekwe agbanwe.
20 Ọ* lụsola ndị ya na ha dị ná mma ọgụ.+
O mezughị nkwa o kwere.*+
21 Okwu ya dị nro karịa bọta,+Ma ihe dị ya n’obi bụ ọgụ na mgba.
Okwu ya dị nro karịa mmanụ,Ma ha yiri mma agha a mịpụtara amịpụta.+
22 Bunye Jehova ibu na-anyịgbu gị.+
Ọ ga-enyere gị aka.+
E nweghị mgbe ọ ga-ahapụ onye ezi omume ka ọ daa.*+
23 Ma Chineke, ị ga-eme ka ndị ahụ ikpe ọbara mara na ndị na-aghọ aghụghọ banye n’ili.+
Ha agaghị anọru ọkara ndụ ha.+
Ma m ga-atụkwasị gị obi.
Ihe E Dere n'Ala Ala Peeji
^ Gụọ Nkọwa Okwu.
^ Ma ọ bụ “Ezorola m onwe gị mgbe m na-arịọ gị ka i nyere m aka.”
^ Na Hibru, “kewaa ire ha.”
^ Ma ọ bụ “nwoke mụ na ya hà.”
^ Ma ọ bụ “na Shiol.” Gụọ Nkọwa Okwu.
^ Ma ọ bụ “mkpụrụ obi m.”
^ Na Hibru, “ọgbụgba ndụ ya.”
^ Ya bụ, enyi ahụ e kwuru okwu ya n’amaokwu 13 na 14.
^ Ma ọ bụ “maa jijiji.”
