Aịzaya 44:1-28
44 “Jekọb ohu m, gee ntị.
Izrel, onye m họọrọ, geekwa ntị.+
2 Jehova bụ Onye kere gị na Onye mere ka ị dịrị ndụ,+Onye na-enyere gị aka malite n’oge ị nọ n’afọ.*
Ọ bụ ya kwuru, sị:
‘Jekọb ohu m, atụla egwu.+
Jeshurọn,*+ onye m họọrọ, atụla ụjọ.
3 N’ihi na m ga-enye onye akpịrị na-akpọ nkụ mmiri ka ọ ṅụọ,+Meekwa ka iyi sọwa n’ala kpọrọ nkụ.
M ga-awụkwasị ụmụ* gị mmụọ m,+Gọziekwa ha.
4 Ha ga-epulite dị ka ahịhịa ndụ,+Dịkwa ka osisi pọpla ndị dị n’akụkụ ọwa mmiri.
5 Otu onye ga-asị: “Abụ m nke Jehova.”+
Onye nke ọzọ ga-akụrụ aha Jekọb.
Ihe onye ọzọ ga-ede n’aka ya bụ: “Abụ m nke Jehova.”
Ọ ga-azawazi aha Izrel.’
6 Jehova, bụ́ Eze Izrel+ na Onye Mgbapụta ya,+Jehova nke ụsụụ ndị agha, kwuru, sị:
‘Abụ m onye mbụ, bụrụkwa onye ikpeazụ.+
Ọ dịghị Chineke ọzọ dị ma e wezụga m.+
7 Ònye dị ka m?+
Ya kwuo okwu ma gosi m ihe o ji dị ka m.+
Malite n’oge m mere ka ndị oge ochie bido ịdị ndụ,Ka ha kwuo ihe ndị ga-eme n’oge na-adịghị anyaNa ndị nke ga-eme n’ọdịnihu.
8 Ndị m, unu atụla ụjọ.
Unu atụkwala egwu.+
Ọ̀ bụ na mụ adịghị mbụ gwa ya onye ọ bụla n’ime unu?
Unu bụ ndị àmà m.+
Ọ̀ dị Chineke ọzọ dị ma e wezụga m?
Mba, ọ dịghị Oké Nkume ọzọ dị.+ Ọ dịghị ọzọ m ma.’”
9 Ndị niile na-apị arụsị enweghị ihe ha bụ.
Ihe ndị ahụ ha hụrụ n’anya agaghịkwa aba uru ọ bụla.+
Arụsị ndị ahụ bụ ndị àmà ha. Ma, ha anaghị ahụ ihe ọ bụla. Ha amaghịkwa ihe ọ bụla.+
N’ihi ya, ihere ga-eme ndị pịrị ha.+
10 Ọ bụrụ na mmadụ apịa chi ma ọ bụ kpụọ arụsị,Ọ gaghị abara ya uru ọ bụla.+
11 Ihere ga-eme ndị òtù ya niile.+
Ndị omenkà ya bụ ụmụ mmadụ nkịtị.
Ha niile ga-ezukọta, guzoro otu ebe.
Ụjọ ga-ejide ha, ihere emeekwa ha.
12 Onye na-akpụ ụ́zụ́ na-etinye ígwè n’ọkụ, mechaa were ihe o ji akpụ ụ́zụ́ jiri ígwè ahụ kpụọ ihe.
Ọ na-akụ ya hama,Jirikwa aka ya dị ike na-akụ ya.+
Agụụ na-emecha gụwa ya, ike agwụkwa ya.
Ọ naghị aṅụ mmiri. Ike na-agwụkwa ya.
13 Onye na-eji osisi apị ihe chọọ ịpị ihe, ya agbatịa eriri e ji atụ̀ ihe n’elu osisi, jiri nzu uhie see otú ihe ahụ ọ chọrọ ịpị ga-adị.
Ọ na-eji mkpịsị ígwè ese otú ọ ga-adị, jirikwa ihe e ji akpụcha osisi kpụchaa ya.
Ọ na-apịgide ya ya eyie mmadụ.+
Ya mechaa, ya achọọ ya mma ka à ga-asị na ọ bụ mmadụ,Dowezie ya n’ụlọ.*+
14 E nwere onye ọrụ ya bụ igbutu osisi sida.
A bịakwa n’osisi ndị ọzọ dị n’oké ọhịa,O nwere ike ịhọrọ osisi ook, hapụ ya ka ọ kaa akaa.+
O nwekwara ike ịkụ osisi lọrel, mmiri ozuzo emee ka o too.
15 Mmadụ na-eji osisi ahụ mere nkụ.
Ọ na-egbute nke ọ ga-eji nyaa ọkụ.
Ọ na-akwanye ọkụ, jiri ya mee achịcha.
Ma, ọ na-ejikwa osisi ahụ apị chi, na-efekwa ya.
Ọ na-eji osisi ahụ apị arụsị, na-akpọkwara ya isiala.+
16 Ọ na-etinye ọkara ya ọkụ.
Ọ na-eji ya ahụ anụ ọ ga-ata. Ya tachaa, afọ eju ya.
Ọ na-anyakwa ọkụ, sị:
“Ehee! Ahụ́ ekporola m ọkụ ka m na-ele ọkụ a.”
17 Ma, ọ na-eji nke fọrọ afọ pịa chi, ya abụrụ arụsị a pịrị apị.
Ọ na-akpọrọ ya isiala, na-efekwa ya.
Ọ na-arịọ ya, sị:
“Zọpụta m, n’ihi na ị bụ chi m.”+
18 Ndị na-eme ihe a amaghị ihe ọ bụla. Ha anaghịkwa aghọta ihe ọ bụla,+N’ihi na a nyachiela anya ha ka ha ghara ịhụ ụzọ.
Ha* anaghịkwa aghọta ihe.
19 E nweghị onye na-eche echiche.
E nweghịkwa onye ma ihe ma ọ bụ onye na-aghọta ihe, nke na-asị:
“Etinyere m ọkara osisi ahụ ọkụ,Jiri icheku ọkụ ya mee achịcha, jirikwa ya hụọ anụ m tara.
M̀ kwesịrị iji nke fọrọ afọ pịa ihe rụrụ arụ?+
M̀ kwesịrị ife mkpirisi osisi?”
20 Ọ dị ka onye na-aracha ntụ.
Obi ya duhiere ya maka na a ghọgburu ya.
O nweghị ike ịzọpụta onwe ya.* Ọ naghịkwanụ asị:
“Arụsị a m ji n’aka abaghị uru ọ bụla.”
21 “Jekọb, cheta ihe ndị a, Izrel, chetakwa ihe ndị a,N’ihi na ị bụ ohu m.
Ọ bụ m kpụrụ gị. Ị bụkwa ohu m.+
Izrel, agaghị m echefu gị.+
22 M ga-ekpuchi ajọ omume gị ka à ga-asị na e ji ígwé ojii kpuchie ya,+Kpuchiekwa mmehie gị ka à ga-asị na e ji ígwé ojii kpuchie ya.
Lọghachikwute m, n’ihi na m ga-agbapụta gị.+
23 Eluigwe, tie mkpu ọṅụ,N’ihi na Jehova emeela ihe o zubere.
Ebe ndị kacha ala n’ụwa, tienụ mkpu ọṅụ.
Ugwu niile, nwewenụ aṅụrị.+
Oké ọhịa na unu osisi niile dị na ya, nwewenụ aṅụrị.
N’ihi na Jehova agbapụtala Jekọb.
O jirila Izrel gosi na ya dị ebube.”+
24 Jehova, bụ́ Onye Mgbapụta gị,+Onye kpụrụ gị mgbe ị nọ n’afọ, kwuru, sị:
“Abụ m Jehova, onye mere ihe niile.
Ọ bụ m gbasara eluigwe ka ákwà,+Gbasaakwa ụwa.+
Ò nwere onye nyeere m aka?
25 M na-eme ka ihe àmà nke ndị na-ekwu okwu na-abaghị uru* bụrụ ihe na-enweghị isi.
Ọ bụkwa m na-eme ka ndị na-agba afa na-eme ka ndị nzuzu.+
Ọ bụ m na-emekwa ka ndị ma ihe ghara ịma ihe ha na-eme,Na-emekwa ka ha bụrụ ndị nzuzu kama ịbụ ndị ma ihe.+
26 Ọ bụ m na-eme ka okwu ohu m mezuo,Na-emezuchakwa ihe ndị ozi m kwuru ga-eme.+
Ọ bụ m na-ekwu gbasara Jeruselem, sị, ‘A ga-ebi na ya,’+Kwuokwa gbasara obodo ndị dị na Juda, sị, ‘A ga-arụghachi ha.+
M ga-arụghachi ebe ya niile e bibiri ebibi.’+
27 Ọ bụ m na-asị mmiri miri emi, ‘Takọọ.
M ga-emekwa ka osimiri gị niile taa.’+
28 Ọ bụ m na-ekwu gbasara Saịrọs,+ sị, ‘Ọ bụ onye ọzụzụ atụrụ m.
Ọ ga-emekwa ihe niile bụ́ uche m.’+
Ọ bụ m na-ekwu gbasara Jeruselem, sị, ‘A ga-arụghachi ya,’Kwuokwa gbasara ụlọ nsọ dị na ya, sị, ‘A ga-atọ ntọala ya.’”+
Ihe E Dere n'Ala Ala Peeji
^ Ma ọ bụ “kemgbe a mụrụ gị.”
^ Jeshurọn pụtara “Onye Ezi Omume.” Ihe a bụ aha a na-etu Izrel iji kwanyere ya ùgwù.
^ Na Hibru, “mkpụrụ.”
^ Ma ọ bụ “n’ihu arụsị.”
^ Na Hibru, “Obi ha.”
^ Ma ọ bụ “mkpụrụ obi ya.”
^ Ma ọ bụ “ndị amụma ụgha.”
