Abụ Ọma 48:1-14
Abụ. Abụ olu ụtọ nke ụmụ Kora.+
48 Jehova dị ukwuu, bụrụkwa onye e kwesịrị ito nke ukwuu+N’obodo Chineke anyị,+ n’ugwu nsọ ya.+
2 Ugwu Zayọn nke dị n’ime ime ebe ugwu,+Bụ́ obodo nke Eze Ukwu,+Mara mma n’ihi ịdị elu ya, bụrụkwa ihe aṅụrị nke ụwa dum.+
3 A marawo Chineke dị ka ebe dị elu e wusiri ike n’ime ụlọ elu ndị dị n’ime ya.+
4 N’ihi na, lee! ndị eze eyiwo agba wee zukọta,+Ha niile agaferewo.+
5 Ha hụrụ ya; o wee ju ha anya.Ha mara jijiji wee gbalaga n’ihi ụjọ.+
6 Ụjọ jidere ha n’ebe ahụ,+Ime mere ha dị ka nwaanyị na-amụ nwa.+
7 I ji ifufe nke si n’ebe ọwụwa anyanwụ mee ka ụgbọ mmiri niile nke Tashish kpuo.+
8 Dị nnọọ ka anyị nụrụ, otú ahụ ka anyị hụrụ ya+N’obodo Jehova nke ụsụụ ndị agha, n’obodo Chineke anyị.+Chineke ga-eme ka o guzosie ike ruo mgbe ebighị ebi.+ Sila.
9 Chineke, anyị echebarawo obiọma* gị echiche+N’ime ụlọ nsọ gị.+
10 Chineke, dị ka aha gị+ na-ede ude ruo na nsọtụ ụwa, otú ahụ ka otuto gịNa-eru nsọtụ ụwa.Aka nri gị jupụtara n’ezi omume.+
11 Ka Ugwu Zayọn+ ṅụrịa ọṅụ,Ka obodo nta ndị dị na Juda nwee obi ụtọ,+ n’ihi mkpebi ikpe gị.+
12 Gaanụ gburugburu Zayọn, gaakwanụ ya okirikiri,+Gụọnụ ụlọ elu ya ọnụ.+
13 Chebaranụ ékpè ya echiche.+Leruonụ ụlọ elu ya niile anya,Ka unu wee kọọrọ ya ọgbọ dị n’ihu.+
14 N’ihi na Chineke a bụ Chineke anyị ruo mgbe ebighị ebi, ọbụna ruo mgbe niile ebighị ebi.+Ya onwe ya ga na-edu anyị ruo mgbe anyị nwụrụ.+
Ihe E Dere n'Ala Ala Peeji
^ Ma ọ bụ, “ịhụnanya na-adịgide adịgide.”
