ISOMO RYA 8
Aburahamu na Sara bumviye Imana
Hafi y’i Babeli hari umugi wa Uri. Abantu bo muri uwo mugi basengaga ibigirwamana byinshi. Ariko hariyo umuntu witwaga Aburahamu wasengaga Yehova gusa.
Yehova yabwiye Aburahamu ati “va mu rugo rwawe no muri bene wanyu ujye mu gihugu nzakwereka.” Hanyuma Imana yaramusezeranyije iti “uzaba ishyanga rikomeye, kandi nzaha abantu benshi bo ku isi hose ibintu byiza kubera wowe.”
Aburahamu yiringiye Yehova nubwo atari azi aho yari agiye kumwohereza. Aburahamu, umugore we Sara, se Tera n’umuhungu yari abereye se wabo ari we Loti, bumviye Imana, bapakira ibintu byabo maze batangira urugendo rurerure.
Aburahamu yari afite imyaka 75 igihe we n’umuryango we bageraga mu gihugu Yehova yashakaga kubereka. Icyo gihugu cyitwaga Kanani. Bahageze, Imana yasezeranyije Aburahamu iti “iki gihugu cyose ureba, nzagiha abana bawe.” Icyakora, icyo gihe Aburahamu na Sara bari bashaje kandi nta mwana bari bafite. None se ubwo Yehova yari gusohoza ate iryo sezerano?
‘Kwizera ni ko kwatumye Aburahamu yumvira akava iwabo, akajya mu gihugu yagombaga guhabwa ho umurage; yavuye iwabo nubwo atari azi aho agiye.’—Abaheburayo 11:8
Ibindi wamenya
IMYITOZO ISHINGIYE KU MASHUSHO
Ni irihe somo twavana kuri Aburahamu?
Aburahamu yagaragarije abandi ineza ate? Kugira ngo ubimenye, vanaho uyu mwitozo kandi usome iyo nkuru muri Bibiliya.
UDUFISHI TW’ABANTU BAVUGWA MURI BIBILIYA
Agafishi ka Bibiliya: Aburahamu
Menya impamvu Aburahamu yiswe incuti ya Yehova. Capa aka gafishi ka Bibiliya, ugakate maze ukabike.
BIBILIYA IRIMO UBUHE BUTUMWA?
Imana igirana isezerano na Aburahamu
Kuki Aburahamu yimukiye i Kanani? Ni irihe sezerano Yehova yagiranye na Aburahamu?
