Intangiriro 1:1-31

FUNGURA

1 Mu ntangiriro+ Imana+ yaremye+ ijuru n’isi.+ ² Icyo gihe isi ntiyari ifite ishusho kandi yariho ubusa; umwijima wari hejuru y’imuhengeri+ kandi imbaraga* z’Imana zari hejuru y’amazi,+ zijya hirya no hino.+ ³ Nuko Imana iravuga+ iti “habeho umucyo.” Maze umucyo ubaho.+ ⁴ Hanyuma Imana ibona ko umucyo ari mwiza, maze itandukanya umucyo n’umwijima.+ ⁵ Imana yita umucyo Umunsi,+ naho umwijima iwita Ijoro.+ Burira buracya, uwo ni umunsi wa mbere. ⁶ Imana iravuga iti “isanzure+ ribe hagati y’amazi kandi habeho itandukaniro hagati y’amazi n’andi mazi.”+ ⁷ Hanyuma Imana ishyiraho isanzure kandi ishyira itandukaniro hagati y’amazi agomba kuba munsi y’isanzure n’amazi agomba kuba hejuru yaryo.+ Nuko biba bityo. ⁸ Imana yita isanzure Ijuru.+ Burira buracya, uwo ni umunsi wa kabiri. ⁹ Imana iravuga iti “amazi yo munsi y’ijuru nateranire hamwe kandi ubutaka bwumutse bugaragare.”+ Nuko biba bityo. ¹⁰ Imana yita ubutaka bwumutse Isi,+ ariko amazi ateraniye hamwe iyita Inyanja.+ Nuko Imana ibona ko ari byiza.+ ¹¹ Imana iravuga iti “isi imeze ibyatsi, kandi ku isi habeho ibimera byera imbuto+ n’ibiti by’imbuto byera imbuto zifite utubuto imbere muri zo,+ nk’uko amoko yabyo ari.”+ Nuko biba bityo. ¹² Isi itangira kumeraho ibyatsi, ibimera byera imbuto nk’uko amoko yabyo ari,+ n’ibiti byera imbuto zifite utubuto imbere muri zo, nk’uko amoko yabyo ari.+ Nuko Imana ibona ko ari byiza. ¹³ Burira buracya, uwo ni umunsi wa gatatu. ¹⁴ Imana iravuga iti “mu isanzure haboneke ibimurika kugira ngo bitandukanye amanywa n’ijoro.+ Bizabe ibimenyetso kandi bigaragaze ibihe n’iminsi n’imyaka,+ ¹⁵ bitange urumuri mu isanzure ry’ijuru, bimurikire isi.”+ Nuko biba bityo. ¹⁶ Nuko Imana ishyiraho ibimurika bibiri binini, ikimurika kinini ngo gitegeke umunsi, n’ikimurika gito ngo gitegeke ijoro, irema* n’inyenyeri.+ ¹⁷ Nuko Imana ibishyira mu isanzure ry’ijuru kugira ngo bijye bimurika ku isi,+ ¹⁸ ngo bitegeke umunsi n’ijoro kandi bitandukanye umucyo n’umwijima.+ Nuko Imana ibona ko ari byiza.+ ¹⁹ Burira buracya, uwo ni umunsi wa kane. ²⁰ Imana iravuga iti “amazi yuzuremo ibifite ubugingo*+ kandi ibiguruka biguruke hejuru y’isi mu isanzure ry’ijuru.”+ ²¹ Nuko Imana irema ibikoko binini byo mu nyanja+ n’ibifite ubugingo byose byigenza,+ byuzura mu mazi nk’uko amoko yabyo ari, n’ibiguruka byose nk’uko amoko yabyo ari.+ Imana ibona ko ari byiza. ²² Imana ibiha umugisha, iravuga iti “mwororoke, mugwire mwuzure amazi y’inyanja,+ kandi n’ibiguruka bigwire mu isi.” ²³ Burira buracya, uwo ni umunsi wa gatanu. ²⁴ Imana iravuga iti “isi+ izane ibifite ubugingo nk’uko amoko yabyo ari, amatungo+ n’izindi nyamaswa zigenda+ ku butaka,* n’inyamaswa zo mu gasozi+ nk’uko amoko yazo ari.” Nuko biba bityo. ²⁵ Nuko Imana irema inyamaswa zo mu gasozi nk’uko amoko yazo ari n’amatungo nk’uko amoko yayo ari, n’inyamaswa zose zigenda ku butaka nk’uko amoko yazo ari.+ Imana ibona ko ari byiza. ²⁶ Imana iravuga iti “tureme+ umuntu mu ishusho yacu,+ ase natwe,+ ategeke amafi yo mu nyanja n’ibiguruka mu kirere n’amatungo n’isi yose n’izindi nyamaswa zose zigenda ku butaka.”+ ²⁷ Nuko Imana irema umuntu mu ishusho yayo, imurema afite ishusho y’Imana;+ umugabo n’umugore ni uko yabaremye.+ ²⁸ Imana ibaha umugisha,+ irababwira iti “mwororoke+ mugwire mwuzure isi kandi muyitegeke,+ mutegeke+ amafi yo mu nyanja n’ibiguruka byo mu kirere n’ibyaremwe byose bifite ubuzima byigenza ku isi.” ²⁹ Imana iravuga iti “dore mbahaye ibimera byose byera imbuto biri mu isi yose, n’ibiti byose byera imbuto+ ngo bibabere ibyokurya.+ ³⁰ Inyamaswa zose zo ku isi n’ibiguruka mu kirere byose n’ibifite ubugingo byose bigenda ku butaka, mbihaye ibimera bibisi byose ngo bibe ibyokurya byabyo.”+ Nuko biba bityo. ³¹ Hanyuma Imana ireba ibyo yaremye byose ibona ko ari byiza cyane.+ Burira buracya, uwo ni umunsi wa gatandatu.