21 GICURASI 2024 | YAHUJWE N’IGIHE KU ITARIKI YA 11 UKUBOZA 2024
U BURUSIYA

AMAKURU MASHYA—UMUVANDIMWE YARAKATIWE | Nterwa ishema no kuvuganira izina rya Yehova

FUNGURA

Ku itariki ya 11 Ukuboza 2024, Urukiko rw’Umujyi wa Biysk, mu gace ka Altai, rwahamije icyaha umuvandimwe Sergey Lukin, kandi rumukatira igifungo gisubitse cy’imyaka ine n’amezi atandatu. Ntibizaba ngombwa ko ajyanwa muri gereza.

Icyo twamuvugaho

Sergey Lukin

Igihe yavukiye: 1971 (Biysk)

Ibimuranga: Akora ubworozi bw’umurama w’amafi

Yashakanye na Yelena mu mwaka wa 1991. Bafite umwana w’umuhungu, uw’umukobwa n’umwuzukuru

Mama wa Sergey yabaye Umuhamya wa Yehova mu mwaka wa 1998. Yakundaga kumutera inkunga yo gusoma Bibiliya. Sergey yatangajwe n’ukuntu ibice bitandukanye bya Bibiliya byuzuzanya. Yabatijwe mu mwaka wa 2010

Ibyo yavuze

Ni uwuhe murongo wo muri Bibiliya waguteye inkunga?

Igihe nabaga Umuhamya wa Yehova nahuye n’ibibazo byinshi. Nirukanywe ku kazi kandi abagize umuryango wanjye barantoteza. Icyo gihe numvise nta gaciro mfite. Icyakora umurongo wo muri Zaburi 118:6 warampumurije. Ugira uti: “Yehova ari mu ruhande rwanjye, sinzatinya. Umuntu yantwara iki?” No muri iki gihe iyo mpuye n’ibibazo ayo magambo arankomeza. Urugero, igihe abategetsi bazaga gusaka inzu yacu no kuduhata ibibazo nahise numva ntagomba kugira ubwoba. Yehova yamfashije gutuza kandi nyuma yaho nkomeza kugira ibyishimo. Ibyo byatumye niyumvisha ukuntu intumwa ziyumvaga nyuma yo gukubitwa bazihora kuvuganira izina rya Yesu. Ubu nsobanukiwe ko kuvuganira izina rya Yehova ari inshingano y’agaciro kenshi cyane mfite. Nifuza gukora uko nshoboye kose kugira ngo ntazayitakaza.

Dukorwa ku mutima n’urugero rw’umuvandimwe Sergey, kuko rutwibutsa ko urukundo dukunda Yehova rutuma ‘twirukana ubwoba.’—1 Yohana 4:18.

Uko ibintu byagiye bikurikirana

Ku itariki ya 1 Ukuboza 2022

Yatangiye gukurikiranwaho icyaha
Ku itariki ya 25 Mutarama 2023

Baje gusaka aho yabaga n’aho yakoreraga. Yahaswe ibibazo kandi ategekwa kutarenga agace atuyemo
Ku itariki ya 25 Mutarama 2024

Urubanza rwe rwaratangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU