1-2. യഹോവ നമ്മളെ തന്റെ കുടും​ബ​ത്തി​ന്റെ ഭാഗമാ​ക്കാ​നുള്ള ക്രമീ​ക​ര​ണങ്ങൾ ചെയ്‌തത്‌ എന്തു​കൊണ്ട്‌, എങ്ങനെ?

 യഹോ​വ​യ്‌ക്കു തന്റെ ആരാധകർ ചേരുന്ന ഒരു കുടും​ബ​മുണ്ട്‌. അതിന്റെ ഭാഗമാ​കാൻ യഹോവ നമ്മളെ​യും ക്ഷണിച്ചി​രി​ക്കു​ന്നു. എത്ര വിശി​ഷ്ട​മായ ഒരു പദവി​യാണ്‌ അത്‌! ദൈവ​ത്തി​നു ജീവിതം സമർപ്പി​ക്കു​ക​യും ദൈവ​പു​ത്രന്റെ മോച​ന​വി​ല​യിൽ വിശ്വ​സി​ക്കു​ക​യും ചെയ്യു​ന്ന​വ​രാണ്‌ ഈ കുടും​ബ​ത്തി​ലെ അംഗങ്ങൾ. നമ്മു​ടേതു സന്തോ​ഷ​മുള്ള ഒരു കുടും​ബ​മാണ്‌. ഇപ്പോൾത്തന്നെ, ഉദ്ദേശ്യ​മുള്ള ഒരു ജീവി​ത​മാ​ണു നമുക്കു​ള്ളത്‌. ഭാവി​യിൽ എന്നു​മെ​ന്നും ജീവി​ക്കാ​നുള്ള പ്രത്യാ​ശ​യും നമുക്കുണ്ട്‌. അതു ചില​പ്പോൾ സ്വർഗ​ത്തി​ലാ​യി​രി​ക്കാം, അല്ലെങ്കിൽ ഭൂമി​യി​ലെ പറുദീ​സ​യി​ലാ​യി​രി​ക്കാം.

² നമ്മളോ​ടു സ്‌നേ​ഹ​മു​ള്ള​തു​കൊ​ണ്ടാണ്‌ യഹോവ നമ്മളെ തന്റെ കുടും​ബ​ത്തി​ന്റെ ഭാഗമാ​ക്കാ​നുള്ള വഴി തുറന്നത്‌. പക്ഷേ അതിനു​വേണ്ടി യഹോ​വ​യ്‌ക്കു വലിയ നഷ്ടം സഹി​ക്കേ​ണ്ടി​വന്നു. (യോഹ. 3:16) നമ്മളെ “വില കൊടുത്ത്‌ വാങ്ങി​യ​താണ്‌.” (1 കൊരി. 6:20) യഹോവ മോച​ന​വില തന്നതു​കൊണ്ട്‌, യഹോ​വ​യു​മാ​യി ഒരു അടുത്ത ബന്ധത്തി​ലേക്കു വരാൻ നമുക്കു കഴിയു​ന്നു. ഒന്നു ചിന്തി​ക്കുക: ഈ പ്രപഞ്ച​ത്തി​ലെ ഏറ്റവും ഉന്നതനായ വ്യക്തിയെ “പിതാവേ” എന്നു വിളി​ക്കാ​നുള്ള പദവി നമുക്കുണ്ട്‌. ഇനി, കഴിഞ്ഞ ലേഖന​ത്തിൽ പഠിച്ച​തു​പോ​ലെ, യഹോ​വ​യാ​ണു നമുക്കു കിട്ടാ​വു​ന്ന​തിൽവെച്ച്‌ ഏറ്റവും നല്ല പിതാവ്‌.

3. ഏതു ചോദ്യ​ങ്ങൾ നമ്മൾ സ്വയം ചോദി​ച്ചേ​ക്കാം? (“ യഹോവ എന്നെ ശ്രദ്ധി​ക്കു​ന്നു​ണ്ടോ?” എന്ന ചതുരം കാണുക.)

³ ഒരു ബൈബി​ളെ​ഴു​ത്തു​കാ​ര​നെ​പ്പോ​ലെ നമ്മളും ഇങ്ങനെ ചോദി​ച്ചേ​ക്കാം: “യഹോവ ചെയ്‌തു​തന്ന സകല നന്മകൾക്കും ഞാൻ എന്തു പകരം കൊടു​ക്കും?” (സങ്കീ. 116:12) നമുക്ക്‌ അതിന്‌ ഒരിക്ക​ലും കഴിയില്ല എന്നതാണു സത്യം. പക്ഷേ യഹോവ നമ്മളോ​ടു കാണിച്ച സ്‌നേ​ഹ​ത്തെ​ക്കു​റിച്ച്‌ ഓർക്കു​മ്പോൾ യഹോ​വ​യോ​ടു നമുക്കു സ്‌നേഹം തോന്നു​ന്നു. യോഹ​ന്നാൻ അപ്പോ​സ്‌തലൻ എഴുതി: “ദൈവം ആദ്യം നമ്മളെ സ്‌നേ​ഹി​ച്ച​തു​കൊ​ണ്ടാ​ണു നമ്മൾ സ്‌നേ​ഹി​ക്കു​ന്നത്‌.” (1 യോഹ. 4:19) നമ്മുടെ സ്വർഗീ​യ​പി​താ​വി​നെ സ്‌നേ​ഹി​ക്കു​ന്നെന്നു നമുക്ക്‌ ഏതെല്ലാം വിധങ്ങ​ളിൽ കാണി​ക്കാം?

4. യാക്കോബ്‌ 4:8 പറയു​ന്ന​തു​പോ​ലെ, യഹോ​വ​യോട്‌ അടുത്തു​ചെ​ല്ലാൻ നമ്മൾ ശ്രമി​ക്കേ​ണ്ടത്‌ എന്തു​കൊണ്ട്‌?

⁴ നമ്മൾ തന്നോട്‌ അടുത്തു​വ​രാ​നും സംസാ​രി​ക്കാ​നും താൻ പറയു​ന്നതു കേൾക്കാ​നും യഹോവ ആഗ്രഹി​ക്കു​ന്നു. (യാക്കോബ്‌ 4:8 വായി​ക്കുക.) ‘മടുത്ത്‌ പിന്മാ​റാ​തെ പ്രാർഥി​ച്ചു​കൊ​ണ്ടി​രി​ക്കാൻ’ യഹോവ നമ്മളോ​ടു പറയുന്നു. നമ്മൾ പറയു​ന്നതു കേൾക്കാൻ യഹോവ എപ്പോ​ഴും ഒരുക്ക​മാണ്‌. (റോമ. 12:12) നമ്മളെ ശ്രദ്ധി​ക്കാൻ സമയമി​ല്ലാ​ത്ത​തു​പോ​ലെ യഹോവ തിരക്കി​ലാ​കു​ക​യോ ക്ഷീണി​ച്ചു​പോ​കു​ക​യോ ഇല്ല. ഇനി, ദൈവ​വ​ച​ന​മായ ബൈബി​ളും ബൈബിൾ മനസ്സി​ലാ​ക്കാൻ നമ്മളെ സഹായി​ക്കുന്ന പ്രസി​ദ്ധീ​ക​ര​ണ​ങ്ങ​ളും വായി​ച്ചു​കൊണ്ട്‌ നമ്മൾ യഹോ​വയെ ശ്രദ്ധി​ക്കു​ന്നു. സഭാ​യോ​ഗ​ങ്ങ​ളിൽ നന്നായി ശ്രദ്ധി​ച്ചി​രു​ന്നു​കൊ​ണ്ടും നമ്മൾ യഹോവ പറയു​ന്നതു കേൾക്കു​ന്നു. കുട്ടി​ക​ളും അച്ഛനമ്മ​മാ​രും തമ്മിൽ സംസാ​രി​ക്കു​ന്നത്‌ അവർ തമ്മിലുള്ള അടുപ്പം കുറയാ​തി​രി​ക്കാൻ സഹായി​ക്കും. അതു​പോ​ലെ, നമ്മൾ പതിവാ​യി യഹോ​വ​യോ​ടു സംസാ​രി​ക്കു​ക​യും യഹോവ പറയു​ന്നതു ശ്രദ്ധി​ക്കു​ക​യും ചെയ്യു​ന്നെ​ങ്കിൽ യഹോ​വ​യോട്‌ എപ്പോ​ഴും അടുത്തു​നിൽക്കാൻ നമുക്കു കഴിയും.

5. യഹോ​വ​യ്‌ക്ക്‌ ഇഷ്ടം തോന്നുന്ന വിധത്തിൽ നമുക്ക്‌ എങ്ങനെ പ്രാർഥി​ക്കാം?

⁵ നമ്മൾ എങ്ങനെ​യാ​ണു പ്രാർഥി​ക്കു​ന്നത്‌? യഹോ​വ​യ്‌ക്ക്‌ ഇഷ്ടം തോന്നുന്ന വിധത്തി​ലാ​ണോ? പ്രാർഥ​ന​യിൽ നമ്മൾ തന്റെ മുമ്പാകെ ഹൃദയം പകരാൻ യഹോവ ആഗ്രഹി​ക്കു​ന്നു. (സങ്കീ. 62:8) നിങ്ങ​ളോ​ടു​തന്നെ ചോദി​ക്കുക: ‘എന്റെ പ്രാർഥ​നകൾ ഒരു ആശംസാ​കാർഡി​ലെ അച്ചടിച്ച, ഔപചാ​രി​ക​മായ സന്ദേശം​പോ​ലെ​യാ​ണോ അതോ കൈ​കൊണ്ട്‌ എഴുതിയ ഹൃദയ​സ്‌പർശി​യായ ഒരു കത്തു​പോ​ലെ​യാ​ണോ?’ നിങ്ങൾ യഹോ​വയെ ആഴമായി സ്‌നേ​ഹി​ക്കു​ന്നുണ്ട്‌ എന്ന കാര്യ​ത്തിൽ സംശയ​മില്ല. അതു​പോ​ലെ യഹോ​വ​യു​മാ​യി ശക്തമായ ബന്ധം നിലനി​റു​ത്താൻ ആഗ്രഹി​ക്കു​ന്നു​മുണ്ട്‌. അതിനു നിങ്ങൾ യഹോ​വ​യോ​ടു പതിവാ​യി സംസാ​രി​ക്കണം, എല്ലാ കാര്യ​ങ്ങ​ളും തുറന്നു​പ​റ​യണം. നിങ്ങളു​ടെ സന്തോ​ഷ​ങ്ങ​ളും വിഷമ​ങ്ങ​ളും എല്ലാം യഹോ​വയെ അറിയി​ക്കുക. സഹായ​ത്തി​നാ​യി എപ്പോൾ വേണമെങ്കിലും യഹോ​വ​യു​ടെ അടു​ത്തേക്കു പോകാ​മെന്ന്‌ ഉറപ്പു​ണ്ടാ​യി​രി​ക്കുക.

6. നമ്മുടെ സ്വർഗീ​യ​പി​താ​വി​നോട്‌ അടുത്ത്‌ നിൽക്കാൻ എന്തു ചെയ്യണം?

⁶ നമ്മുടെ സ്വർഗീ​യ​പി​താ​വി​നോട്‌ അടുത്ത്‌ നിൽക്ക​ണ​മെ​ങ്കിൽ, ദൈവം നമുക്കു ചെയ്‌തു​തന്ന എല്ലാ കാര്യ​ങ്ങൾക്കും നമുക്ക്‌ എപ്പോ​ഴും നന്ദിയു​ണ്ടാ​യി​രി​ക്കണം. “എന്റെ ദൈവ​മായ യഹോവേ, അങ്ങ്‌ എത്രയോ കാര്യങ്ങൾ ചെയ്‌തി​രി​ക്കു​ന്നു! അങ്ങയുടെ മഹനീ​യ​പ്ര​വൃ​ത്തി​ക​ളും ഞങ്ങളെ​ക്കു​റി​ച്ചുള്ള ചിന്തക​ളും എത്രയ​ധി​കം! അങ്ങയ്‌ക്കു തുല്യ​നാ​യി ആരുമില്ല; അവയെ​ക്കു​റി​ച്ചെ​ല്ലാം വർണി​ക്കാൻ നോക്കി​യാ​ലോ അവ എണ്ണമറ്റ​വ​യും!” എന്ന്‌ എഴുതിയ സങ്കീർത്ത​ന​ക്കാ​രനെ പോ​ലെ​യാ​ണു നമുക്കും തോന്നു​ന്നത്‌. (സങ്കീ. 40:5) എന്നാൽ നമുക്കു നന്ദി തോന്നുക മാത്രമല്ല, വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും യഹോ​വ​യോ​ടുള്ള നന്ദി കാണി​ക്കു​ക​യും ചെയ്യണം. അങ്ങനെ ചെയ്യു​മ്പോൾ നമ്മൾ ഇന്നുള്ള പലരിൽനി​ന്നും വ്യത്യ​സ്‌ത​രാ​ണെന്നു കാണി​ക്കു​ക​യാണ്‌. നമുക്കു ചുറ്റു​മുള്ള ഭൂരി​പക്ഷം പേർക്കും ദൈവം അവർക്കു​വേണ്ടി ചെയ്‌ത കാര്യ​ങ്ങ​ളോട്‌ ഒരു നന്ദിയു​മില്ല. ‘അവസാ​ന​കാ​ല​ത്തി​ന്റെ’ ഒരു അടയാ​ളം​തന്നെ ആളുകൾ നന്ദിയി​ല്ലാ​ത്ത​വ​രാ​യി​രി​ക്കും എന്നതാണ്‌. (2 തിമൊ. 3:1, 2) നമ്മൾ ഒരിക്ക​ലും അവരെ​പ്പോ​ലെ​യാ​ക​രുത്‌!

7. നമ്മൾ എന്തു ചെയ്യാൻ യഹോവ പ്രതീ​ക്ഷി​ക്കു​ന്നു, എന്തു​കൊണ്ട്‌?

⁷ മക്കൾ പരസ്‌പരം വഴക്കടി​ക്കു​ന്നതു കാണാനല്ല, പകരം അവർ നല്ല കൂട്ടു​കാ​രാ​യി​രി​ക്കു​ന്നതു കാണാ​നാണ്‌ അച്ഛനമ്മ​മാർക്ക്‌ ഇഷ്ടം. യഹോ​വ​യും അതു​പോ​ലെ​യാണ്‌. തന്റെ എല്ലാ മക്കളും പരസ്‌പരം സ്‌നേ​ഹ​ത്തി​ലാ​യി​രി​ക്കാ​നാ​ണു ദൈവം ആഗ്രഹി​ക്കു​ന്നത്‌. സത്യ​ക്രി​സ്‌ത്യാ​നി​ക​ളാ​യി നമ്മളെ തിരി​ച്ച​റി​യി​ക്കു​ന്ന​തു​തന്നെ നമുക്കു പരസ്‌പ​ര​മുള്ള സ്‌നേ​ഹ​മാണ്‌. (യോഹ. 13:35) സങ്കീർത്ത​ന​ക്കാ​രൻ എഴുതി: “സഹോ​ദ​ര​ന്മാർ ഒന്നിച്ച്‌ ഒരുമ​യോ​ടെ കഴിയു​ന്നത്‌ എത്ര നല്ലത്‌! എത്ര രസകരം!” അത്‌ എത്ര സത്യമാണ്‌, അല്ലേ? (സങ്കീ. 133:1) സഹോ​ദ​ര​ങ്ങളെ സ്‌നേ​ഹി​ക്കു​മ്പോൾ, ശരിക്കും ദൈവ​ത്തോ​ടു സ്‌നേ​ഹ​മു​ണ്ടെന്നു നമ്മൾ ദൈവ​ത്തി​നു കാണി​ച്ചു​കൊ​ടു​ക്കു​ക​യാണ്‌. (1 യോഹ. 4:20) “തമ്മിൽ ദയയും മനസ്സലി​വും ഉള്ള” സഹോ​ദ​ര​ങ്ങ​ളു​ടെ കുടും​ബ​ത്തി​ലെ ഒരു അംഗമാ​യി​രി​ക്കു​ന്നത്‌ എത്ര സന്തോ​ഷ​മുള്ള കാര്യ​മാണ്‌!—എഫെ. 4:32.

8. 1 യോഹ​ന്നാൻ 5:3 പറയു​ന്ന​തു​പോ​ലെ, നമ്മൾ യഹോ​വയെ അനുസ​രി​ക്കു​ന്ന​തി​ന്റെ ഏറ്റവും പ്രധാ​ന​പ്പെട്ട കാരണം എന്താണ്‌?

⁸ മക്കൾ മാതാ​പി​താ​ക്കളെ അനുസ​രി​ക്കാൻ ദൈവം പ്രതീ​ക്ഷി​ക്കു​ന്നു, നമ്മൾ ദൈവത്തെ അനുസ​രി​ക്കാ​നും ദൈവം പ്രതീ​ക്ഷി​ക്കു​ന്നു. (എഫെ. 6:1) യഹോ​വയെ നമ്മൾ അനുസ​രി​ക്കണം, കാരണം യഹോ​വ​യാ​ണു  നമ്മുടെ സ്രഷ്ടാ​വും നമ്മുടെ ജീവൻ നിലനി​റു​ത്തു​ന്ന​വ​നും. ഭൂമി​യി​ലുള്ള ഏതൊരു അപ്പനെ​ക്കാ​ളും ജ്ഞാനമു​ള്ള​തും ദൈവ​ത്തി​നാണ്‌. പക്ഷേ നമ്മൾ യഹോ​വയെ അനുസ​രി​ക്കു​ന്ന​തി​ന്റെ ഏറ്റവും പ്രധാ​ന​പ്പെട്ട കാരണം നമ്മൾ യഹോ​വയെ സ്‌നേ​ഹി​ക്കു​ന്നു എന്നതാണ്‌. (1 യോഹ​ന്നാൻ 5:3 വായി​ക്കുക.) യഹോ​വയെ നമ്മൾ അനുസ​രി​ക്കേ​ണ്ട​തി​നു പല കാരണ​ങ്ങ​ളു​ണ്ടെ​ങ്കി​ലും യഹോവ അതിനു നമ്മളെ നിർബ​ന്ധി​ക്കു​ന്നില്ല. തീരു​മാ​ന​മെ​ടു​ക്കാ​നുള്ള സ്വാത​ന്ത്ര്യം യഹോവ നമുക്കു തന്നിട്ടുണ്ട്‌. ദൈവ​ത്തോ​ടുള്ള സ്‌നേ​ഹം​കൊണ്ട്‌ ദൈവത്തെ അനുസ​രി​ക്കാൻ നമ്മൾ തീരു​മാ​നി​ക്കു​മ്പോൾ ദൈവം സന്തോ​ഷി​ക്കും.

9-10. യഹോ​വ​യു​ടെ മാർഗ​നിർദേ​ശങ്ങൾ മനസ്സി​ലാ​ക്കു​ന്ന​തും അത്‌ അനുസ​രിച്ച്‌ ജീവി​ക്കു​ന്ന​തും എന്തു​കൊ​ണ്ടാ​ണു പ്രധാ​ന​മാ​യി​രി​ക്കു​ന്നത്‌?

⁹ മക്കൾക്ക്‌ ഒരു കുഴപ്പ​വും വരാൻ അച്ഛനമ്മ​മാർ ആഗ്രഹി​ക്കു​ന്നില്ല. അതു​കൊ​ണ്ടാ​ണു മക്കൾ ചെയ്യേ​ണ്ട​തും ചെയ്യരു​താ​ത്ത​തും ആയ കാര്യ​ങ്ങൾക്ക്‌ അവർ നിയമങ്ങൾ വെക്കു​ന്നത്‌. മക്കളുടെ പ്രയോ​ജ​ന​ത്തി​നാണ്‌ അത്‌. മക്കൾ അത്‌ അനുസ​രി​ക്കു​മ്പോൾ അച്ഛനമ്മ​മാ​രെ വിശ്വ​സി​ക്കു​ന്നെ​ന്നും ബഹുമാ​നി​ക്കു​ന്നെ​ന്നും കാണി​ക്കു​ക​യാണ്‌. അങ്ങനെ​യെ​ങ്കിൽ നമ്മുടെ സ്വർഗീ​യ​പി​താ​വി​ന്റെ മാർഗ​നിർദേ​ശങ്ങൾ മനസ്സി​ലാ​ക്കു​ന്ന​തും അത്‌ അനുസ​രിച്ച്‌ ജീവി​ക്കു​ന്ന​തും എത്ര പ്രധാ​ന​മാണ്‌! അങ്ങനെ ചെയ്യു​മ്പോൾ യഹോ​വയെ സ്‌നേ​ഹി​ക്കു​ന്നെ​ന്നും ബഹുമാ​നി​ക്കു​ന്നെ​ന്നും നമ്മൾ കാണി​ക്കു​ക​യാണ്‌. അതു നമുക്കും പ്രയോ​ജനം ചെയ്യും. (യശ. 48:17, 18) എന്നാൽ യഹോ​വ​യെ​യും യഹോവ പറയുന്ന കാര്യ​ങ്ങ​ളെ​യും അവഗണി​ക്കു​ന്നവർ അതിന്റെ ദോഷ​ഫ​ലങ്ങൾ അനുഭ​വി​ക്കും.—ഗലാ. 6:7, 8.

¹⁰ യഹോ​വയെ സന്തോ​ഷി​പ്പി​ക്കുന്ന രീതി​യിൽ ജീവി​ക്കു​ന്നത്‌, ആരോ​ഗ്യ​ത്തി​നു ദോഷം ചെയ്യു​ന്ന​തും നമുക്കു മാനസി​ക​വേദന വരുത്തി​വെ​ക്കു​ന്ന​തും യഹോ​വ​യു​മാ​യുള്ള ബന്ധം തകർക്കു​ന്ന​തും ആയ കാര്യ​ങ്ങ​ളിൽനിന്ന്‌ ഒരു സംരക്ഷ​ണ​മാ​യി​രി​ക്കും. നമുക്ക്‌ ഏറ്റവും നല്ലത്‌ എന്താ​ണെന്ന്‌ യഹോ​വ​യ്‌ക്കാണ്‌ അറിയാ​വു​ന്നത്‌. ഐക്യ​നാ​ടു​ക​ളിൽ കഴിയുന്ന അറോറ പറയുന്നു: “എപ്പോ​ഴും യഹോ​വയെ അനുസ​രി​ച്ചു​കൊ​ണ്ടുള്ള ജീവി​ത​മാണ്‌ ഏറ്റവും നല്ലതെന്ന്‌  എനിക്ക്‌ അറിയാം.” നമ്മുടെ എല്ലാവ​രു​ടെ​യും കാര്യ​ത്തിൽ അതാണു സത്യം. യഹോവ സ്‌നേ​ഹ​ത്തോ​ടെ തരുന്ന നിർദേ​ശങ്ങൾ അനുസ​രി​ച്ച​തു​കൊണ്ട്‌ നിങ്ങൾക്ക്‌ എന്തെല്ലാം പ്രയോ​ജ​ന​ങ്ങ​ളാ​ണു കിട്ടി​യി​ട്ടു​ള്ളത്‌?

11. പ്രാർഥന എങ്ങനെ​യാ​ണു നമ്മളെ സഹായി​ക്കു​ന്നത്‌?

¹¹ അനുസ​ര​ണ​മു​ള്ള​വ​രാ​യി​രി​ക്കാൻ പ്രാർഥന സഹായി​ക്കും. യഹോ​വയെ അനുസ​രി​ക്കു​ന്നതു ചില​പ്പോൾ ബുദ്ധി​മു​ട്ടാ​യി തോന്നി​യേ​ക്കാം. കാരണം പാപം ചെയ്യാ​നുള്ള ഒരു ചായ്‌വ്‌ നമുക്കുണ്ട്‌. അതിന്‌ എതിരെ നമ്മൾ നിറു​ത്താ​തെ പോരാ​ടണം. അത്തരം സാഹച​ര്യ​ങ്ങ​ളിൽ പ്രാർഥന നമ്മളെ സഹായി​ക്കും. സങ്കീർത്ത​ന​ക്കാ​രൻ ദൈവ​ത്തോട്‌ ഇങ്ങനെ അപേക്ഷി​ച്ചു: “അങ്ങയെ അനുസ​രി​ക്കാ​നുള്ള മനസ്സൊ​രു​ക്കം എന്നിൽ ഉണർത്തേ​ണമേ.” (സങ്കീ. 51:12) ഒരു സാധാരണ മുൻനി​ര​സേ​വ​ക​നായ ഡെന്നിസ്‌ പറയുന്നു: “യഹോ​വ​യു​ടെ ഏതെങ്കി​ലും ഒരു കല്‌പന അനുസ​രി​ക്കാൻ ബുദ്ധി​മു​ട്ടു തോന്നി​യാൽ ശരിയാ​യതു ചെയ്യാ​നുള്ള ശക്തിക്കാ​യി ഞാൻ പ്രാർഥി​ക്കും.” അങ്ങനെ​യുള്ള പ്രാർഥ​ന​കൾക്ക്‌ യഹോവ എപ്പോ​ഴും ഉത്തരം തരു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം.—ലൂക്കോ. 11:9-13.

12. എഫെസ്യർ 5:1 പറയു​ന്ന​തു​പോ​ലെ നമ്മൾ എന്തു ചെയ്യണം?

¹² എഫെസ്യർ 5:1 വായി​ക്കുക. യഹോ​വ​യു​ടെ “പ്രിയ​മ​ക്ക​ളായ” നമ്മൾ കഴിയു​ന്നത്ര നന്നായി യഹോ​വയെ അനുക​രി​ക്കാൻ ശ്രമി​ക്കും. മറ്റുള്ള​വ​രോ​ടു സ്‌നേ​ഹ​വും ദയയും കാണി​ച്ചു​കൊ​ണ്ടും അവരുടെ തെറ്റുകൾ ക്ഷമിച്ചു​കൊ​ണ്ടും നമുക്കു ദൈവ​ത്തി​ന്റെ ഗുണങ്ങൾ അനുക​രി​ക്കാം. നമ്മുടെ നല്ല പെരു​മാ​റ്റം കാണു​മ്പോൾ ദൈവത്തെ അറിയാ​ത്ത​വർക്കു ദൈവ​ത്തെ​ക്കു​റിച്ച്‌ പഠിക്കാൻ പ്രേരണ തോന്നി​യേ​ക്കാം. (1 പത്രോ. 2:12) യഹോവ നമ്മളോട്‌ ഇടപെ​ടു​ന്ന​തു​പോ​ലെ മക്കളോട്‌ ഇടപെ​ടാൻ ക്രിസ്‌ത്യാ​നി​ക​ളായ അച്ഛനമ്മ​മാർ ശ്രമി​ക്കണം. അങ്ങനെ ചെയ്‌താൽ, സ്‌നേ​ഹ​മുള്ള നമ്മുടെ പിതാ​വി​ന്റെ ഒരു സുഹൃ​ത്താ​കാൻ മക്കൾക്ക്‌ ആഗ്രഹം തോന്നി​യേ​ക്കാം.

13. ധൈര്യം നേടാൻ നമ്മൾ എന്തി​നെ​ക്കു​റിച്ച്‌ ചിന്തി​ക്കണം?

 ¹³ ഒരു കൊച്ചു​കു​ട്ടി അവന്റെ അച്ഛനെ​ക്കു​റിച്ച്‌ അഭിമാ​ന​ത്തോ​ടെ​യും സന്തോ​ഷ​ത്തോ​ടെ​യും സംസാ​രി​ക്കും. അതു​പോ​ലെ നമ്മുടെ സ്വർഗീ​യ​പി​താ​വായ യഹോ​വ​യെ​ക്കു​റിച്ച്‌ നമുക്കും അഭിമാ​ന​മുണ്ട്‌. മറ്റുള്ളവർ ദൈവ​ത്തെ​ക്കു​റിച്ച്‌ അറിയാൻ നമ്മൾ ആഗ്രഹി​ക്കു​ന്നു. “ഞാൻ യഹോ​വ​യെ​ക്കു​റിച്ച്‌ അഭിമാ​ന​ത്തോ​ടെ സംസാ​രി​ക്കും” എന്ന്‌ എഴുതിയ ദാവീദ്‌ രാജാ​വി​നെ​പ്പോ​ലെ​യാ​ണു നമുക്കും തോന്നു​ന്നത്‌. (സങ്കീ. 34:2) പക്ഷേ അതിന്‌ ആഗ്രഹ​മു​ണ്ടെ​ങ്കി​ലും നമുക്കു നാണം തോന്നു​ന്നെ​ങ്കി​ലോ? നമുക്ക്‌ എങ്ങനെ ധൈര്യ​മു​ള്ള​വ​രാ​കാം? നമ്മുടെ ലജ്ജയെ​ക്കു​റിച്ച്‌ ചിന്തി​ക്കു​ന്ന​തി​നു പകരം, ദൈവ​ത്തെ​ക്കു​റിച്ച്‌ നമ്മൾ സംസാ​രി​ക്കു​മ്പോൾ ദൈവ​ത്തിന്‌ എത്രമാ​ത്രം സന്തോഷം തോന്നു​മെ​ന്നും ദൈവ​ത്തെ​ക്കു​റിച്ച്‌ പഠിക്കു​ന്നതു മറ്റുള്ള​വർക്ക്‌ എത്രയ​ധി​കം പ്രയോ​ജനം ചെയ്യു​മെ​ന്നും ചിന്തി​ക്കു​ന്നതു സഹായി​ക്കും. നമുക്കു വേണ്ട ധൈര്യം യഹോവ തരും. ഒന്നാം നൂറ്റാ​ണ്ടിൽ ജീവി​ച്ചി​രുന്ന നമ്മുടെ സഹോ​ദ​ര​ങ്ങളെ ധൈര്യ​മു​ള്ള​വ​രാ​കാൻ യഹോവ സഹായി​ച്ചു, നമ്മളെ​യും സഹായി​ക്കും.—1 തെസ്സ. 2:2.

14. സന്തോ​ഷ​വാർത്ത അറിയി​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തി​ന്റെ ചില കാരണങ്ങൾ എന്തൊ​ക്കെ​യാണ്‌?

¹⁴ യഹോവ പക്ഷപാ​ത​മു​ള്ള​വനല്ല. ആളുക​ളു​ടെ പശ്ചാത്തലം ഒന്നും നോക്കാ​തെ എല്ലാ തരം ആളുക​ളെ​യും നമ്മൾ സ്‌നേ​ഹി​ക്കു​ന്നതു കാണു​മ്പോൾ ദൈവ​ത്തി​നു സന്തോഷം തോന്നും. (പ്രവൃ. 10:34, 35) മറ്റുള്ള​വരെ സന്തോ​ഷ​വാർത്ത അറിയി​ക്കു​ന്ന​താണ്‌ അവരോ​ടു സ്‌നേഹം കാണി​ക്കാ​നുള്ള ഒരു നല്ല വഴി. (മത്താ. 28:19, 20) എന്തു​കൊണ്ട്‌? നമ്മുടെ സന്ദേശം ശ്രദ്ധി​ക്കു​ന്ന​വർക്ക്‌ ഇപ്പോൾത്തന്നെ സന്തോ​ഷ​ത്തോ​ടെ ജീവി​ക്കാൻ കഴിയും, ഭാവി​യിൽ എന്നേക്കും ജീവി​ക്കാ​നുള്ള പ്രത്യാ​ശ​യും അവർക്കു കിട്ടും.—1 തിമൊ. 4:16.

15-16. നമുക്കു സന്തോ​ഷി​ക്കാൻ എന്തൊക്കെ കാരണ​ങ്ങ​ളുണ്ട്‌?

¹⁵ യഹോവ സ്‌നേ​ഹ​മുള്ള ഒരു പിതാ​വാണ്‌. അതു​കൊണ്ട്‌ തന്റെ കുടും​ബ​ത്തി​ലു​ള്ള​വ​രെ​ല്ലാം സന്തോ​ഷ​ത്തോ​ടെ​യി​രി​ക്കാൻ യഹോവ ആഗ്രഹി​ക്കു​ന്നു. (യശ. 65:14) നമുക്ക്‌ ഇപ്പോൾ പല പ്രശ്‌ന​ങ്ങ​ളു​മു​ണ്ടാ​യി​രി​ക്കും. എങ്കിലും ഇപ്പോൾത്തന്നെ സന്തോ​ഷ​മു​ള്ള​വ​രാ​യി​രി​ക്കാൻ നമുക്കു കഴിയും. എന്തു​കൊണ്ട്‌? നമ്മുടെ സ്വർഗീ​യ​പി​താവ്‌ നമ്മളെ ആഴമായി സ്‌നേ​ഹി​ക്കു​ന്നെന്നു നമുക്ക്‌ ഉറപ്പുണ്ട്‌. ദൈവ​വ​ച​ന​മായ ബൈബി​ളി​ന്റെ ശരിയായ അറിവും നമുക്കുണ്ട്‌. (യിരെ. 15:16) ഇനി, എല്ലാവ​രും പരസ്‌പരം സ്‌നേ​ഹി​ക്കുന്ന ഒരു കുടും​ബ​ത്തി​ലെ അംഗങ്ങ​ളാ​ണു നമ്മൾ. അതിലെ അംഗങ്ങൾ യഹോ​വ​യെ​യും യഹോ​വ​യു​ടെ ശ്രേഷ്‌ഠ​മായ ധാർമി​ക​നി​ല​വാ​ര​ങ്ങ​ളെ​യും സ്‌നേ​ഹി​ക്കു​ന്നു. ഇങ്ങനെ​യൊ​രു കുടും​ബം വേറെ​യു​ണ്ടോ!—സങ്കീ. 106:4, 5.

¹⁶ ഭാവി​യിൽ ജീവിതം ഇനിയും മെച്ച​പ്പെ​ടു​മെ​ന്നുള്ള ഉറച്ച പ്രത്യാശ നമുക്കുണ്ട്‌. അതാണു നമ്മുടെ സന്തോ​ഷ​ത്തി​ന്റെ മറ്റൊരു കാരണം. അധികം വൈകാ​തെ യഹോവ ദുഷ്ടന്മാ​രെ​യെ​ല്ലാം നീക്കി​ക്ക​ള​യും. എന്നിട്ട്‌ തന്റെ രാജ്യ​ത്തി​ലൂ​ടെ ഭൂമിയെ വീണ്ടും ഒരു പറുദീ​സ​യാ​ക്കി മാറ്റും. മരിച്ചു​പോ​യവർ തിരികെ ജീവനി​ലേക്കു വരു​മെ​ന്നും അവർ നമ്മോ​ടൊ​പ്പം ചേരു​മെ​ന്നും ഉള്ള പ്രത്യാ​ശ​യും നമുക്കുണ്ട്‌. (യോഹ. 5:28, 29) എത്ര മഹത്തായ ഒരു സമയമാ​യി​രി​ക്കും അത്‌! അന്ന്‌ സ്വർഗ​ത്തി​ലും ഭൂമി​യി​ലും ഉള്ള എല്ലാവ​രും നമ്മുടെ സ്‌നേ​ഹ​മുള്ള പിതാ​വായ യഹോ​വ​യ്‌ക്ക്‌, അർഹമായ സ്‌തു​തി​യും മഹത്ത്വ​വും ആരാധ​ന​യും കൊടു​ക്കും. അതല്ലേ നമുക്ക്‌ ഏറ്റവും സന്തോഷം നൽകു​ന്നത്‌!