1. അഭിഷിക്ത ക്രിസ്‌ത്യാ​നി​കൾക്കു പൗലോസ്‌ അപ്പോ​സ്‌തലൻ എന്തു മുന്നറി​യി​പ്പാ​ണു കൊടു​ത്തത്‌?

“ഈ വ്യവസ്ഥി​തി നിങ്ങളെ അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌” എന്നു പൗലോസ്‌ അപ്പോ​സ്‌തലൻ മുന്നറി​യി​പ്പു നൽകി. (റോമ. 12:2) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കാ​ണു പൗലോസ്‌ ഇത്‌ എഴുതി​യത്‌. ദൈവ​ത്തി​നു സമർപ്പി​ച്ച​വ​രും പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ട​വ​രും ആയ ആ സഹോ​ദ​ര​ങ്ങൾക്ക്‌ എന്തു​കൊ​ണ്ടാ​ണു പൗലോസ്‌ ഇത്ര ശക്തമായ ഉപദേശം കൊടു​ത്തത്‌?—റോമ. 1:7.

2-3. നമ്മളെ യഹോ​വ​യിൽനിന്ന്‌ അകറ്റാൻ സാത്താൻ ശ്രമി​ക്കു​ന്നത്‌ എങ്ങനെ, നമ്മുടെ മനസ്സിൽ “കോട്ട​ക​ളെ​പ്പോ​ലെ” ഉറച്ചു​പോയ ചിന്താ​ഗ​തി​കളെ എങ്ങനെ​യാ​ണു നമുക്കു നീക്കി​ക്ക​ള​യാൻ കഴിയു​ന്നത്‌?

² പൗലോ​സിന്‌ അവരെ​ക്കു​റിച്ച്‌ ഉത്‌കണ്‌ഠ തോന്നി​യ​തി​നു തക്കതായ കാരണ​മു​ണ്ടാ​യി​രു​ന്നു. സാത്താന്റെ ലോക​ത്തി​ന്റെ ഹാനി​ക​ര​മായ വാദമു​ഖ​ങ്ങ​ളും തത്ത്വജ്ഞാ​ന​വും അവിടത്തെ ചില ക്രിസ്‌ത്യാ​നി​കളെ സ്വാധീ​നി​ക്കാൻ തുടങ്ങി​യി​രു​ന്നു. (എഫെ. 4:17-19) ഇക്കാല​ത്തും, നമ്മളിൽ ആർക്കു വേണ​മെ​ങ്കി​ലും ഇതു സംഭവി​ക്കാം. നമ്മളെ എങ്ങനെ​യും യഹോ​വ​യിൽനിന്ന്‌ അകറ്റാ​നാ​യി ഈ വ്യവസ്ഥി​തി​യു​ടെ ദൈവ​മായ സാത്താൻ പല തന്ത്രങ്ങ​ളും ഉപയോ​ഗി​ക്കു​ന്നുണ്ട്‌. മറ്റുള്ള​വ​രെ​ക്കാൾ മികച്ചു​നിൽക്ക​ണ​മെ​ന്നോ മറ്റുള്ള​വ​രു​ടെ ശ്രദ്ധ പിടി​ച്ചു​പ​റ്റ​ണ​മെ​ന്നോ ഉള്ള ആഗ്രഹം നമുക്കു​ണ്ടെ​ങ്കിൽ അതു ചൂഷണം ചെയ്യു​ന്ന​താ​ണു സാത്താന്റെ ഒരു വിധം. അവൻ ആഗ്രഹി​ക്കുന്ന വിധത്തിൽ നമ്മൾ ചിന്തി​ക്കാൻവേണ്ടി നമ്മൾ വളർന്നു​വന്ന പശ്ചാത്തലം, സംസ്‌കാ​രം, വിദ്യാ​ഭ്യാ​സം തുടങ്ങിയ കാര്യങ്ങൾ അവൻ ഉപയോ​ഗി​ച്ചേ​ക്കാം.

³ “കോട്ട​ക​ളെ​പ്പോ​ലെ,” നമ്മുടെ മനസ്സിൽ ഉറച്ചു​പോയ കാര്യ​ങ്ങളെ തകർത്തു​ക​ള​യാൻ നമുക്കു കഴിയു​മോ? (2 കൊരി. 10:4) പൗലോസ്‌ നൽകുന്ന  മറുപടി ശ്രദ്ധി​ക്കുക: “ദൈവ​പ​രി​ജ്ഞാ​ന​ത്തിന്‌ എതിരാ​യി ഉയർന്നു​വ​രുന്ന വാദമു​ഖ​ങ്ങ​ളെ​യും, എല്ലാ വൻപ്ര​തി​ബ​ന്ധ​ങ്ങ​ളെ​യും ഞങ്ങൾ ഇടിച്ചു​ക​ള​യു​ന്നു. സകല ചിന്താ​ഗ​തി​ക​ളെ​യും കീഴടക്കി അവയെ ക്രിസ്‌തു​വി​നോട്‌ അനുസ​ര​ണ​മു​ള്ള​താ​ക്കാ​നാ​ണു ഞങ്ങൾ നോക്കു​ന്നത്‌.” (2 കൊരി. 10:5) യഹോ​വ​യു​ടെ സഹായ​ത്താൽ നമുക്കു തെറ്റായ ചിന്താ​രീ​തി​കളെ മാറ്റാൻ കഴിയും. ദൈവ​വ​ചനം വിഷബാ​ധ​യു​ടെ ഫലങ്ങൾക്ക്‌ എതിരെ പ്രവർത്തി​ക്കുന്ന ഒരു മരുന്നു​പോ​ലെ​യാണ്‌. സാത്താന്റെ ലോകം നമ്മുടെ ഉള്ളിൽ കുത്തി​വെ​ച്ചേ​ക്കാ​വുന്ന വിഷം കലർന്ന ചിന്താ​ഗ​തി​കളെ നീക്കി​ക്ക​ള​യാൻ അതിനു നമ്മളെ സഹായി​ക്കാൻ കഴിയും.

4. ബൈബിൾസ​ത്യം പഠിച്ച​പ്പോൾ നമ്മളിൽ പലർക്കും ഏതു തരത്തി​ലുള്ള മാറ്റമാ​ണു വരു​ത്തേ​ണ്ടി​വ​ന്നത്‌?

⁴ ബൈബിൾസ​ത്യം പഠിച്ച്‌ യഹോ​വയെ സേവി​ക്കാൻ തീരു​മാ​നിച്ച സമയത്ത്‌ നിങ്ങൾ വരുത്തിയ മാറ്റങ്ങൾ ഒന്ന്‌ ഓർത്തു​നോ​ക്കുക. നമ്മളിൽ പലരും മുമ്പ്‌ ചെയ്‌തു​കൊ​ണ്ടി​രുന്ന തെറ്റായ പ്രവൃ​ത്തി​കൾ നിറുത്തി. (1 കൊരി. 6:9-11) അത്തരം മോശ​മായ ശീലങ്ങൾ മറിക​ട​ക്കാൻ സഹായി​ച്ച​തി​നു നമ്മൾ യഹോ​വ​യോട്‌ എത്ര നന്ദിയു​ള്ള​വ​രാണ്‌!

5. റോമർ 12:2 നമ്മളോ​ടു ചെയ്യാൻ ആവശ്യ​പ്പെ​ടുന്ന രണ്ടു കാര്യങ്ങൾ ഏതൊ​ക്കെ​യാണ്‌?

⁵ ഗൗരവ​മേ​റിയ പാപങ്ങൾ ചെയ്യു​ന്നു​ണ്ടാ​യി​രു​ന്നെ​ങ്കിൽ സ്‌നാ​ന​മേൽക്കു​ന്ന​തി​നു മുമ്പു​തന്നെ അതെല്ലാം നമ്മൾ നിറുത്തി എന്നതു ശരിയാണ്‌. പക്ഷേ, അതു​കൊണ്ട്‌ എല്ലാമാ​കു​ന്നില്ല. ആ പഴയ പാപങ്ങ​ളി​ലേക്കു തിരി​ച്ചു​പോ​കാൻ ഇടയാ​ക്കി​യേ​ക്കാ​വുന്ന ഏതു പ്രലോ​ഭ​ന​ത്തിന്‌ എതി​രെ​യും നമ്മൾ ജാഗ്രത പാലി​ക്കണം. അത്‌ എങ്ങനെ കഴിയും? പൗലോസ്‌ ഉത്തരം തരുന്നു: “ഈ വ്യവസ്ഥി​തി നിങ്ങളെ അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌. പകരം, മനസ്സു പുതുക്കി രൂപാ​ന്ത​ര​പ്പെ​ടുക.” (റോമ. 12:2) ഈ വാക്യം പറയു​ന്ന​തു​പോ​ലെ, നമ്മൾ രണ്ടു കാര്യങ്ങൾ ചെയ്യണം. ഒന്ന്‌, ഈ ലോകം നമ്മളെ “അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌.” രണ്ട്‌, നമ്മൾ മനസ്സു പുതുക്കി ‘രൂപാ​ന്ത​ര​പ്പെ​ടണം.’

6. മത്തായി 12:43-45-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കു​ക​ളിൽനിന്ന്‌ നമ്മൾ എന്തു പഠിക്കു​ന്നു?

⁶ രൂപാ​ന്ത​ര​പ്പെ​ടണം എന്നു പറഞ്ഞ​പ്പോൾ പൗലോ​സി​ന്റെ മനസ്സി​ലു​ണ്ടാ​യി​രു​ന്നതു വെറും പുറ​മേ​യുള്ള ഒരു മാറ്റം മാത്രമല്ല. വ്യക്തി​ത്വ​ത്തി​ന്റെ എല്ലാ വശങ്ങളി​ലും വരുത്തേണ്ട മാറ്റമാണ്‌. (“ രൂപാ​ന്ത​ര​പ്പെ​ടു​ക​യാ​ണോ ആൾമാ​റാ​ട്ടം നടത്തു​ക​യാ​ണോ” എന്ന  ചതുരം കാണുക.) നമ്മൾ മനസ്സു പുതു​ക്കണം. അതായത്‌, നമ്മുടെ ഉള്ളിന്റെ ഉള്ളിലെ മനോ​ഭാ​വ​ങ്ങൾക്കും ദുർഗു​ണ​ങ്ങൾക്കും അഭിലാ​ഷ​ങ്ങൾക്കും പൂർണ​മായ മാറ്റം വരുത്തണം. നമ്മൾ സ്വയം ഇങ്ങനെ ചോദി​ക്കണം: ‘ഒരു ക്രിസ്‌ത്യാ​നി​യാ​കാൻ ഞാൻ, പുറ​മേ​യുള്ള മാറ്റങ്ങൾ മാത്രമേ വരുത്തു​ന്നു​ള്ളോ? അതോ ഞാൻ ഉള്ളിൽ മാറ്റങ്ങൾ വരുത്തു​ന്നു​ണ്ടോ?’ അതു തമ്മിലുള്ള വ്യത്യാ​സം പ്രധാ​ന​മാണ്‌. നമ്മൾ എന്താണു ചെയ്യേ​ണ്ട​തെന്നു മത്തായി 12:43-45-ൽ (വായി​ക്കുക.) യേശു പറഞ്ഞി​ട്ടുണ്ട്‌. ആ വാക്കുകൾ നമ്മളെ ഒരു സുപ്ര​ധാ​ന​പാ​ഠം പഠിപ്പി​ക്കു​ന്നു: തെറ്റായ ചിന്തകൾ നീക്കി​ക്ക​ള​ഞ്ഞാൽ മാത്രം പോരാ. ദൈവ​ത്തിന്‌ ഇഷ്ടമുള്ള ചിന്തകൾകൊണ്ട്‌ മനസ്സു നിറയ്‌ക്കു​ക​യും വേണം.

7. ഉള്ളിന്റെ ഉള്ളിലെ വ്യക്തിക്ക്‌ എങ്ങനെ മാറ്റം വരുത്താം?

⁷ നമ്മുടെ ഉള്ളിന്റെ ഉള്ളിലെ വ്യക്തിക്കു മാറ്റം വരുത്തുക സാധ്യ​മാ​ണോ? ദൈവ​ത്തി​ന്റെ വചനം ഉത്തരം തരുന്നു: “നിങ്ങളു​ടെ ചിന്താ​രീ​തി പുതു​ക്കി​ക്കൊ​ണ്ടേ​യി​രി​ക്കുക. കൂടാതെ ശരിയായ നീതി​ക്കും വിശ്വ​സ്‌ത​ത​യ്‌ക്കും ചേർച്ച​യിൽ ദൈവ​ത്തി​ന്റെ ഇഷ്ടമനു​സ​രിച്ച്‌ സൃഷ്ടി​ച്ചി​രി​ക്കുന്ന പുതിയ വ്യക്തി​ത്വം ധരിക്കു​ക​യും വേണം.” (എഫെ. 4:23, 24) നമ്മുടെ അകമേ​യുള്ള വ്യക്തിക്കു മാറ്റം വരുത്താൻ കഴിയും എന്നല്ലേ ഇതു കാണി​ക്കു​ന്നത്‌? പക്ഷേ അത്‌ അത്ര എളുപ്പമല്ല. മോശ​മായ അഭിലാ​ഷങ്ങൾ തലപൊ​ക്കു​ക​യോ തെറ്റായ കാര്യങ്ങൾ ചെയ്യാ​നുള്ള പ്രലോ​ഭനം തോന്നു​ക​യോ ചെയ്യു​മ്പോൾ അവയെ പിടി​ച്ചു​വെ​ച്ചാൽ മാത്രം പോരാ. നമ്മുടെ ‘ചിന്താ​രീ​തി’ മാറ്റണം. അതിൽ നമ്മുടെ അഭിലാ​ഷങ്ങൾ, ചായ്‌വു​കൾ, പ്രേര​ക​ഘ​ട​കങ്ങൾ തുടങ്ങി​യവ മാറ്റു​ന്നത്‌ ഉൾപ്പെ​ടു​ന്നു. ഇതിനു നമ്മുടെ ഭാഗത്ത്‌ നിരന്ത​ര​മായ ശ്രമം ആവശ്യ​മാണ്‌.

8-9. ഉള്ളിന്റെ ഉള്ളിൽ മാറ്റം വരു​ത്തേ​ണ്ട​തി​ന്റെ പ്രാധാ​ന്യം ഒരു സഹോ​ദ​രന്റെ അനുഭവം കാണി​ക്കു​ന്നത്‌ എങ്ങനെ?

⁸ ഒരു സഹോ​ദ​രന്റെ അനുഭവം നോക്കാം. ബൈബിൾ പഠിക്കു​ന്ന​തി​നു മുമ്പ്‌ എന്തിനും ഏതിനും വഴക്കു​ണ്ടാ​ക്കുന്ന സ്വഭാ​വ​മാ​യി​രു​ന്നു അദ്ദേഹ​ത്തിന്‌. മദ്യപി​ക്കു​ന്ന​തും വഴക്കു​ണ്ടാ​ക്കു​ന്ന​തും നിറുത്തി ആ സഹോ​ദരൻ സ്‌നാ​ന​ത്തി​നു യോഗ്യത നേടി. ഇതു നാട്ടിൽ ഒരു നല്ല സാക്ഷ്യ​മാ​യി. എന്നാൽ സ്‌നാ​ന​മേറ്റ്‌ അധികം കഴിയു​ന്ന​തി​നു മുമ്പ്‌ അദ്ദേഹ​ത്തിന്‌ അപ്രതീ​ക്ഷി​ത​മായ ഒരു പരി​ശോ​ധന നേരിട്ടു. ഒരു ദിവസം വൈകു​ന്നേരം, കുടിച്ച്‌ ലക്കുകെട്ട ഒരാൾ സഹോ​ദ​രന്റെ വീട്ടിൽ എത്തി അദ്ദേഹത്തെ വെല്ലു​വി​ളി​ച്ചു. ഇറങ്ങി​ച്ചെന്ന്‌ അയാളെ അടിക്കാൻ തോന്നി​യെ​ങ്കി​ലും ആദ്യ​മൊ​ക്കെ സഹോ​ദരൻ സ്വയം നിയ​ന്ത്രി​ച്ചു. എന്നാൽ അവസാനം, അയാൾ യഹോ​വ​യു​ടെ പേര്‌ ചേർത്ത്‌ അസഭ്യം പറയാൻ തുടങ്ങി​യ​പ്പോൾ സഹോ​ദ​രന്റെ സകല നിയ​ന്ത്ര​ണ​വും നഷ്ടപ്പെട്ടു. നേരെ ചെന്ന്‌ ആ മനുഷ്യ​നെ തല്ലി. സഹോ​ദ​രന്‌ എവി​ടെ​യാ​ണു പിഴച്ചത്‌? അദ്ദേഹം ബൈബിൾ പഠിക്കു​ക​യും പുരോ​ഗതി വരുത്തു​ക​യും ചെയ്‌തു എന്നതു ശരിയാണ്‌. പക്ഷേ അക്രമാ​സ​ക്ത​മായ പ്രവണ​തകൾ അടക്കി​നി​റു​ത്താ​നേ അദ്ദേഹം പഠിച്ചു​ള്ളൂ. തന്റെ ചിന്താ​രീ​തി മാറ്റാൻ അതുവരെ അദ്ദേഹ​ത്തി​നു കഴിഞ്ഞി​രു​ന്നില്ല. മറ്റു വാക്കു​ക​ളിൽ പറഞ്ഞാൽ, സഹോ​ദ​രനു തന്റെ ഉള്ളിന്റെ ഉള്ളിലെ വ്യക്തിക്കു മാറ്റം വരുത്താൻ കഴിഞ്ഞി​രു​ന്നില്ല.

⁹ എങ്കിലും സഹോ​ദരൻ മടുത്ത്‌ പിന്മാ​റി​യില്ല. (സുഭാ. 24:16) മൂപ്പന്മാ​രു​ടെ സഹായം സ്വീക​രിച്ച അദ്ദേഹം നല്ല പുരോ​ഗതി വരുത്തി. പിന്നീട്‌ ഒരു മൂപ്പനാ​യി. അങ്ങനെ​യി​രി​ക്കെ, ഒരു വൈകു​ന്നേരം രാജ്യ​ഹാ​ളി​നു പുറത്ത്‌, മദ്യപിച്ച്‌ എത്തിയ ഒരാൾ സഹോ​ദ​രന്റെ മുന്നിൽവെച്ച്‌ ഒരു സഹമൂ​പ്പനെ അടിക്കാൻ കൈ ഓങ്ങി. ഇത്തവണ നമ്മുടെ സഹോ​ദരൻ എന്തു ചെയ്‌തു? സൗമ്യ​മാ​യി, താഴ്‌മ​യോ​ടെ അദ്ദേഹം ആ മദ്യപാ​നി​യോ​ടു സംസാ​രി​ച്ചു. അങ്ങനെ ആ സാഹച​ര്യം ഒന്നു തണുപ്പി​ച്ചു. മാത്രമല്ല, ആടിയാ​ടി നടക്കുന്ന ആ മനുഷ്യ​നെ വീട്ടിൽ എത്താൻ സഹായി​ക്കു​ക​യും ചെയ്‌തു. വ്യത്യ​സ്‌ത​മാ​യി പ്രതി​ക​രി​ക്കാൻ സഹോ​ദ​രന്‌ എന്തു​കൊ​ണ്ടാ​ണു കഴിഞ്ഞത്‌? സഹോ​ദരൻ ചിന്താ​രീ​തി​ക്കു മാറ്റം വരുത്തി. ഉള്ളിന്റെ ഉള്ളിൽ അദ്ദേഹം സമാധാ​ന​പ്രി​യ​നായ, താഴ്‌മ​യുള്ള ഒരു വ്യക്തി​യാ​യി രൂപാ​ന്ത​ര​പ്പെ​ട്ടി​രു​ന്നു. ഇത്‌ യഹോ​വ​യ്‌ക്കു മഹത്ത്വം കൈവ​രു​ത്തി.

10. ഉള്ളിന്റെ ഉള്ളിലെ വ്യക്തിക്കു മാറ്റം വരുത്ത​ണ​മെ​ങ്കിൽ എന്തു ചെയ്യണം?

¹⁰ ഇത്തരം മാറ്റം ഒറ്റ രാത്രി​കൊണ്ട്‌ സംഭവി​ക്കു​ന്നതല്ല. അതു തനിയെ ഉണ്ടാകു​ന്ന​തു​മല്ല. അതിനു വർഷങ്ങൾ നീണ്ട “കഠിന​ശ്രമം” വേണ്ടി​വ​ന്നേ​ക്കാം. (2 പത്രോ. 1:5) നമ്മൾ ‘സത്യത്തിൽ വന്നിട്ട്‌’ കുറെ വർഷമാ​യി എന്നതു​കൊണ്ട്‌ സ്വാഭാ​വി​ക​മാ​യി ഈ മാറ്റങ്ങൾ സംഭവി​ക്കില്ല. ഉള്ളിന്റെ ഉള്ളിലെ വ്യക്തിക്കു മാറ്റം വരുത്താൻ നമ്മൾ കഠിന​ശ്രമം ചെയ്യണം. ഇതിനു നമ്മളെ സഹായി​ക്കുന്ന ചില പടികൾ നമുക്കു നോക്കാം.

11. നമ്മുടെ ചിന്താ​രീ​തി​ക്കു മാറ്റം വരുത്താൻ പ്രാർഥന എങ്ങനെ​യാ​ണു സഹായി​ക്കു​ന്നത്‌?

¹¹ നമ്മൾ സ്വീക​രി​ക്കേണ്ട ആദ്യത്തെ പ്രധാ​ന​പ്പെട്ട പടി പ്രാർഥ​ന​യാണ്‌. സങ്കീർത്ത​ന​ക്കാ​ര​നെ​പ്പോ​ലെ നമ്മളും ഇങ്ങനെ പ്രാർഥി​ക്കണം: “ദൈവമേ, ശുദ്ധമാ​യൊ​രു ഹൃദയം എന്നിൽ സൃഷ്ടി​ക്കേ​ണമേ; അചഞ്ചല​മായ പുതി​യൊ​രു ആത്മാവ്‌ എനിക്കു നൽകേ​ണമേ.” (സങ്കീ. 51:10) ചിന്താ​രീ​തി​ക്കു മാറ്റം വരുത്ത​ണ​മെന്ന കാര്യം നമ്മൾ അംഗീ​ക​രി​ക്കു​ക​യും യഹോ​വ​യോ​ടു സഹായം ചോദി​ക്കു​ക​യും വേണം. യഹോവ നമ്മളെ സഹായി​ക്കു​മെന്ന്‌ എന്ത്‌ ഉറപ്പാ​ണു​ള്ളത്‌? യഹസ്‌കേ​ലി​ന്റെ കാലത്തെ കഠിന​ഹൃ​ദ​യ​രായ ഇസ്രാ​യേ​ല്യ​രെ​ക്കു​റിച്ച്‌ യഹോവ പറഞ്ഞ പിൻവ​രുന്ന വാക്കുകൾ നമുക്ക്‌ ഒരു പ്രോ​ത്സാ​ഹ​ന​മാണ്‌: “ഞാൻ അവർക്ക്‌ ഒരേ മനസ്സു കൊടു​ക്കും. പുതി​യൊ​രു ആത്മാവ്‌ അവരുടെ ഉള്ളിൽ വെക്കും. . . . (ഞാൻ) മാംസം​കൊ​ണ്ടുള്ള ഹൃദയം (“ദൈവ​ത്തി​ന്റെ മാർഗ​ദർശ​ന​ത്തോ​ടു പ്രതി​ക​രി​ക്കുന്ന ഹൃദയം”) വെക്കും.” (യഹ. 11:19, അടിക്കു​റിപ്പ്‌) മാറ്റം വരുത്താൻ അവരെ സഹായി​ക്കു​ന്ന​തിന്‌ യഹോ​വ​യ്‌ക്കു മനസ്സാ​യി​രു​ന്നു. നമ്മളെ സഹായി​ക്കാ​നും യഹോവ തയ്യാറാണ്‌.

12-13. (എ) സങ്കീർത്തനം 119:59 അനുസ​രിച്ച്‌ എന്തി​നെ​ക്കു​റിച്ച്‌ നമ്മൾ ധ്യാനി​ക്കണം? (ബി) ഏതെല്ലാം ചോദ്യ​ങ്ങൾ നിങ്ങൾ സ്വയം ചോദി​ക്കണം?

¹² രണ്ടാമത്തെ സുപ്ര​ധാ​ന​പ​ടി​യാ​ണു ധ്യാനം. ഓരോ ദിവസ​വും ദൈവ​വ​ചനം ശ്രദ്ധാ​പൂർവം വായി​ക്കു​മ്പോൾ ധ്യാനി​ക്കു​ന്ന​തിന്‌, അതായത്‌ ആഴത്തിൽ ചിന്തി​ക്കു​ന്ന​തിന്‌, സമയ​മെ​ടു​ക്കണം. ഏതെല്ലാം ചിന്തകൾക്കും ദുർഗു​ണ​ങ്ങൾക്കും ആണു നമ്മൾ മാറ്റം വരു​ത്തേ​ണ്ട​തെന്നു നന്നായി ചിന്തി​ക്കണം. (സങ്കീർത്തനം 119:59 വായി​ക്കുക; എബ്രാ. 4:12; യാക്കോ. 1:25) ലോക​ത്തി​ന്റെ ആശയങ്ങ​ളോട്‌ ആകർഷണം തോന്നുന്ന എന്തെങ്കി​ലും ചിന്ത നമ്മുടെ ഉള്ളിലു​ണ്ടെ​ങ്കിൽ അതു നമ്മൾ കണ്ടുപി​ടി​ക്കണം. കൂടാതെ, നമ്മുടെ ബലഹീ​ന​തകൾ എന്തെല്ലാ​മാ​ണെന്നു സത്യസ​ന്ധ​മാ​യി നമ്മൾ സമ്മതി​ക്കണം. എന്നിട്ട്‌ മാറ്റം വരുത്താൻ കഠിന​മാ​യി ശ്രമി​ക്കണം.

¹³ ഉദാഹ​ര​ണ​ത്തിന്‌, നിങ്ങ​ളോ​ടു​തന്നെ ചോദി​ക്കുക: ‘എന്റെ ഉള്ളിന്റെ ഉള്ളിൽ അസൂയ​യു​ടെ ഒരു കണിക​യെ​ങ്കി​ലും ഉണ്ടോ?’ (1 പത്രോ. 2:1) ‘എന്റെ പശ്ചാത്ത​ല​ത്തെ​യോ വിദ്യാ​ഭ്യാ​സ​ത്തെ​യോ സാമ്പത്തി​ക​നി​ല​യെ​യോ കുറിച്ച്‌ ഞാൻ അഹങ്കരി​ക്കാ​റു​ണ്ടോ?’ (സുഭാ. 16:5) ‘എന്റെ അതേ നിലയും വിലയും ഇല്ലാത്ത​വരെ ഞാൻ പുച്ഛ​ത്തോ​ടെ​യാ​ണോ വീക്ഷി​ക്കു​ന്നത്‌?’ ‘താഴ്‌ന്ന ജാതി​യെന്നു ലോകം കരുതു​ന്ന​വരെ ഞാനും അങ്ങനെ​യാ​ണോ കാണു​ന്നത്‌?’ (യാക്കോ. 2:2-4) ‘സാത്താന്റെ ലോകം വെച്ചു​നീ​ട്ടുന്ന കാര്യ​ങ്ങ​ളോട്‌ എനിക്ക്‌ ആകർഷണം തോന്നു​ന്നു​ണ്ടോ?’ (1 യോഹ. 2:15-17) ‘ലൈം​ഗി​ക​ത​യും അക്രമ​വും ഉൾപ്പെ​ടുന്ന വിനോ​ദങ്ങൾ ഞാൻ ഇഷ്ടപ്പെ​ടു​ന്നു​ണ്ടോ?’ (സങ്കീ. 97:10; 101:3; ആമോ. 5:15) ഈ ചോദ്യ​ങ്ങ​ളു​ടെ ഉത്തരങ്ങൾ നിങ്ങൾ മാറ്റം വരുത്തേണ്ട മേഖലകൾ കാണി​ച്ചു​ത​രും. “കോട്ട​ക​ളെ​പ്പോ​ലെ” ശക്തമായ ചിന്തക​ളെ​യും വികാ​ര​ങ്ങ​ളെ​യും കീഴട​ക്കി​ക്കൊണ്ട്‌ നമുക്കു നമ്മുടെ സ്വർഗീ​യ​പി​താ​വി​നെ സന്തോ​ഷി​പ്പി​ക്കാം.—സങ്കീ. 19:14.

14. നല്ല കൂട്ടു​കാ​രെ തിര​ഞ്ഞെ​ടു​ക്കു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ നല്ല കൂട്ടു​കാ​രെ തിര​ഞ്ഞെ​ടു​ക്കു​ന്ന​താ​ണു മൂന്നാ​മത്തെ പടി. നമ്മൾ തിരി​ച്ച​റി​ഞ്ഞാ​ലും ഇല്ലെങ്കി​ലും ശരി, കൂട്ടു​കാർക്കു നമ്മളെ ശക്തമായി സ്വാധീ​നി​ക്കാൻ കഴിയും. (സുഭാ. 13:20) ജോലി​സ്ഥ​ല​ത്തോ സ്‌കൂ​ളി​ലോ ഒക്കെ, ദൈവി​ക​ചി​ന്തകൾ വളർത്തി​യെ​ടു​ക്കാൻ സഹായി​ക്കാത്ത ആളുക​ളാ​യി​രി​ക്കാം നമുക്കു ചുറ്റു​മു​ള്ളത്‌. എന്നാൽ നല്ല കൂട്ടു​കാ​രെ നമുക്കു സഭാ​യോ​ഗ​ങ്ങ​ളിൽ കണ്ടെത്താൻ കഴിയും. മീറ്റി​ങ്ങു​ക​ളിൽനി​ന്നാ​ണു “സ്‌നേ​ഹി​ക്കാ​നും നല്ല കാര്യങ്ങൾ ചെയ്യാ​നും” വേണ്ട പ്രചോ​ദനം നമുക്കു ലഭിക്കു​ന്നത്‌.—എബ്രാ. 10:24, 25.

15-16. സാത്താൻ നമ്മുടെ ചിന്താ​രീ​തി​യെ മാറ്റാൻ ശ്രമി​ക്കു​ന്നത്‌ എങ്ങനെ​യാണ്‌?

¹⁵ ഓർക്കുക: സാത്താൻ നമ്മുടെ ചിന്താ​രീ​തി​യെ മാറ്റാൻ തീരു​മാ​നിച്ച്‌ ഉറച്ചി​രി​ക്കു​ക​യാണ്‌. നമ്മുടെ ചിന്തയിൽ ദൈവ​വ​ചനം ചെലു​ത്തുന്ന നല്ല സ്വാധീ​നം ഇല്ലാതാ​ക്കാൻ അവൻ എല്ലാ തരം ന്യായ​വാ​ദ​ങ്ങ​ളും ഉപയോ​ഗി​ക്കും.

¹⁶ ഏദെനിൽവെച്ച്‌ ഹവ്വയോ​ടു ചോദിച്ച അതേ ചോദ്യം സാത്താൻ ഇന്നും ആവർത്തി​ക്കു​ന്നു: “ദൈവം ശരിക്കും പറഞ്ഞി​ട്ടു​ണ്ടോ?” (ഉൽപ. 3:1) നമ്മുടെ ഉള്ളിലും സംശയ​ത്തി​ന്റെ വിത്തുകൾ വിതയ്‌ക്കുന്ന ചോദ്യ​ങ്ങൾ ഇന്നും കേൾക്കാ​നാ​കു​ന്നി​ല്ലേ? സാത്താന്റെ ലോകം ഉയർത്തുന്ന ചില ചോദ്യ​ങ്ങൾ ശ്രദ്ധി​ക്കുക: ‘സ്വവർഗ​വി​വാ​ഹം ദൈവം ശരിക്കും വിലക്കു​ന്നു​ണ്ടോ? ക്രിസ്‌മ​സ്സും ജന്മദി​ന​വും നിങ്ങൾ ആഘോ​ഷി​ക്കു​ന്നതു ദൈവ​ത്തി​നു ശരിക്കും ഇഷ്ടമ​ല്ലെ​ന്നാ​ണോ പറയു​ന്നത്‌? രക്തം സ്വീക​രി​ക്ക​രു​തെന്നു  ദൈവം ശരിക്കും പറഞ്ഞി​ട്ടു​ണ്ടോ? പ്രിയ​പ്പെട്ട ഒരു സുഹൃ​ത്തോ ബന്ധുവോ പുറത്താ​ക്ക​പ്പെ​ട്ടാൽ അവരു​മാ​യി ഒരു സമ്പർക്ക​വും പാടി​ല്ലെന്നു സ്‌നേ​ഹ​വാ​നായ ദൈവം ശരിക്കും ആഗ്രഹി​ക്കു​മോ?’

17. ഏതെങ്കി​ലും ബൈബിൾവി​ഷ​യ​ത്തെ​ക്കു​റിച്ച്‌ സംശയ​മു​ണ്ടെ​ങ്കിൽ നമ്മൾ എന്തു ചെയ്യണം, അങ്ങനെ ചെയ്‌താ​ലുള്ള പ്രയോ​ജ​ന​ത്തെ​ക്കു​റിച്ച്‌ കൊ​ലോ​സ്യർ 2:6, 7 എന്താണു പറയു​ന്നത്‌?

¹⁷ നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ നമുക്ക്‌ ഉറച്ച ബോധ്യ​മു​ണ്ടാ​യി​രി​ക്കണം. ഏതെങ്കി​ലും പ്രധാ​ന​പ്പെട്ട ഒരു ബൈബിൾവി​ഷ​യ​ത്തെ​ക്കു​റിച്ച്‌ ഒരു ചെറിയ സംശയം നമ്മുടെ മനസ്സിൽ അവശേ​ഷി​ക്കു​ന്നെ​ങ്കിൽ അതു പിന്നീടു വലിയ സംശയ​ങ്ങ​ളാ​യി​ത്തീർന്നേ​ക്കാം. അതു നമ്മുടെ ചിന്തകളെ ബാധി​ക്കു​ക​യും ക്രമേണ വിശ്വാ​സത്തെ തകർക്കു​ക​യും ചെയ്‌തേ​ക്കാം. അതു​കൊണ്ട്‌ നമ്മൾ എന്താണു ചെയ്യേ​ണ്ടത്‌? ദൈവ​വ​ചനം പറയു​ന്ന​തു​പോ​ലെ, നമ്മൾ “നല്ലതും സ്വീകാ​ര്യ​വും അത്യു​ത്ത​മ​വും ആയ ദൈ​വേഷ്ടം എന്താ​ണെന്ന്‌” പരി​ശോ​ധിച്ച്‌ ഉറപ്പു വരുത്തണം. (റോമ. 12:2) ബൈബി​ളും നമ്മുടെ പ്രസി​ദ്ധീ​ക​ര​ണ​ങ്ങ​ളും ക്രമമാ​യി പഠിക്കു​ന്നെ​ങ്കിൽ, നമ്മൾ വിശ്വ​സി​ക്കുന്ന കാര്യങ്ങൾ സത്യമാ​ണെന്നു നമുക്ക്‌ ഉറപ്പാ​കും. യഹോ​വ​യു​ടെ നിലവാ​ര​ങ്ങ​ളാ​ണു ശരി​യെന്നു നമുക്കു വ്യക്തമാ​യി മനസ്സി​ലാ​കും. അങ്ങനെ​യാ​കു​മ്പോൾ ഉറച്ച വേരു​ക​ളുള്ള ഒരു വൃക്ഷം​പോ​ലെ ‘വിശ്വാ​സ​ത്തിൽ സ്ഥിരത​യു​ള്ള​വ​രാ​കാൻ’ നമുക്കു കഴിയും.—കൊ​ലോ​സ്യർ 2:6, 7 വായി​ക്കുക.

18. സാത്താന്റെ ലോക​ത്തി​ന്റെ ചിന്താ​രീ​തി ഉള്ളിൽ കടന്നി​ട്ടു​ണ്ടെ​ങ്കിൽ നിങ്ങൾ എന്തു ചെയ്യണം?

¹⁸ “വിശ്വാ​സ​ത്തിൽ സ്ഥിരത​യു​ള്ള​വ​രാ​കാൻ” നമ്മൾത്തന്നെ ശ്രമി​ക്കണം. നമുക്കു​വേണ്ടി മറ്റൊ​രാൾക്ക്‌ അതു ചെയ്യാൻ കഴിയില്ല. അതു​കൊണ്ട്‌ നിങ്ങളു​ടെ ചിന്താ​രീ​തി പുതു​ക്കി​ക്കൊ​ണ്ടേ​യി​രി​ക്കുക. ഇടവി​ടാ​തെ പ്രാർഥി​ക്കുക; യഹോ​വ​യു​ടെ ആത്മാവി​ന്റെ സഹായ​ത്തി​നാ​യി യാചി​ക്കുക. ആഴമായി ധ്യാനി​ക്കുക; നിങ്ങളു​ടെ ചിന്തക​ളെ​യും ലക്ഷ്യങ്ങ​ളെ​യും വിലയി​രു​ത്തുക. നല്ല കൂട്ടു​കാ​രെ കണ്ടെത്തുക; നിങ്ങളു​ടെ ചിന്താ​രീ​തി​ക്കു രൂപാ​ന്തരം വരുത്താൻ സഹായി​ക്കുന്ന വ്യക്തി​ക​ളു​ടെ ഇടയി​ലാ​യി​രി​ക്കുക. അതുവഴി, നിങ്ങൾക്കു സാത്താന്റെ ലോക​ത്തി​ന്റെ ദൂഷ്യ​ഫ​ല​ങ്ങ​ളിൽനിന്ന്‌ സ്വയം സംരക്ഷി​ക്കാ​നും “ദൈവ​പ​രി​ജ്ഞാ​ന​ത്തിന്‌ എതിരാ​യി ഉയർന്നു​വ​രുന്ന വാദമു​ഖ​ങ്ങ​ളെ​യും, എല്ലാ വൻപ്ര​തി​ബ​ന്ധ​ങ്ങ​ളെ​യും” ഇടിച്ചു​ക​ള​യാ​നും സാധി​ക്കും.—2 കൊരി. 10:5.