സാത്താൻ ഉപയോ​ഗി​ക്കുന്ന നുണ​പ്ര​ചാ​ര​ണ​ത്തി​ന്റെ അപകട​ത്തെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ ബോധ​വാ​നാ​യി​രു​ന്നു. പക്ഷേ അന്നത്തെ എല്ലാ ക്രിസ്‌ത്യാ​നി​ക​ളും അങ്ങനെ​യ​ല്ലാ​യി​രു​ന്നു. കൊരി​ന്തി​ലു​ണ്ടാ​യി​രുന്ന ചിലർ അതിന്‌ ഒരു ഉദാഹ​ര​ണ​മാണ്‌. വിശ്വാ​സ​ത്തിൽ ശക്തരാ​യ​തു​കൊണ്ട്‌ ഒരിക്ക​ലും വീണു​പോ​കി​ല്ലെന്ന അമിത​മായ ആത്മവി​ശ്വാ​സ​മാ​യി​രു​ന്നു അവർക്ക്‌. (1 കൊരി. 10:12) അതു​കൊണ്ട്‌ പൗലോസ്‌ ഈ മുന്നറി​യി​പ്പു കൊടു​ത്തു: “സർപ്പം കൗശലം പ്രയോ​ഗിച്ച്‌ ഹവ്വയെ വശീക​രി​ച്ച​തു​പോ​ലെ ഏതെങ്കി​ലും വിധത്തിൽ നിങ്ങളു​ടെ മനസ്സു ക്രിസ്‌തു അർഹി​ക്കുന്ന ആത്മാർഥ​ത​യും നിർമ​ല​ത​യും വിട്ട്‌ വഷളാ​യി​പ്പോ​കു​മോ എന്നു ഞാൻ പേടി​ക്കു​ന്നു.”—2 കൊരി. 11:3.

‘എനിക്ക്‌ ഒന്നും സംഭവി​ക്കില്ല’ എന്ന മനോ​ഭാ​വ​ത്തി​ന്റെ അപകടം എത്രമാ​ത്ര​മാ​ണെന്നു പൗലോ​സി​ന്റെ വാക്കുകൾ കാണി​ക്കു​ന്നു. നുണ​പ്ര​ചാ​രണം നിങ്ങളു​ടെ മനസ്സിനെ കീഴ്‌പെ​ടു​ത്താ​തി​രി​ക്ക​ണ​മെ​ങ്കിൽ അതിന്റെ അപകട​ങ്ങ​ളെ​ക്കു​റിച്ച്‌ മനസ്സി​ലാ​ക്കി, അതിന്‌ ഇരയാ​കാ​തെ നോക്കണം.

എന്താണു നുണ​പ്ര​ചാ​രണം? ആളുക​ളു​ടെ ചിന്ത​യെ​യും പ്രവർത്ത​ന​ങ്ങ​ളെ​യും വഴി​തെ​റ്റി​ക്കുന്ന രീതി​യിൽ വളച്ചൊ​ടിച്ച, തെറ്റായ വിവരങ്ങൾ അവതരി​പ്പി​ക്കു​ന്നത്‌ ഇതിൽ ഉൾപ്പെ​ടും. ചിലർ നുണ​പ്ര​ചാ​ര​ണത്തെ, “വഞ്ചന, കൗശല​ത്തി​ലൂ​ടെ വശത്താ​ക്കുക, മനസ്സിനെ വശീക​രി​ക്കുക, മനശ്ശാ​സ്‌ത്ര​പ​ര​മായ ഒരു ആക്രമണം” എന്നെല്ലാം വിശദീ​ക​രി​ക്കാ​റുണ്ട്‌. “ധർമത്തി​നു നിരക്കാത്ത, അപകട​ക​ര​മായ ഒരു കപടത​ന്ത്രം” എന്നും ആളുകൾ അതിനെ വിശേ​ഷി​പ്പി​ക്കു​ന്നു.—നുണ​പ്ര​ചാ​ര​ണ​ത്തി​ന്റെ സ്വാധീ​ന​ശക്തി (ഇംഗ്ലീഷ്‌).

നുണ​പ്ര​ചാ​ര​ണം എത്ര​ത്തോ​ളം അപകടം​പി​ടി​ച്ച​താണ്‌? കണ്ണിനു കാണാൻ പറ്റാത്ത, മണത്തറി​യാൻ സാധി​ക്കാത്ത ഒരു വിഷവാ​ത​കം​പോ​ലെ​യാ​ണു നുണ​പ്ര​ചാ​രണം. അതിനെ പെട്ടെന്നു തിരി​ച്ച​റി​യാൻ സാധി​ക്കില്ല. പതി​യെ​പ്പ​തി​യെ അതു നമ്മുടെ മനസ്സി​ലേക്ക്‌ അരിച്ചി​റ​ങ്ങി​യേ​ക്കാം. മനുഷ്യ​രു​ടെ പെരു​മാ​റ്റ​രീ​തി​ക​ളെ​ക്കു​റിച്ച്‌ പഠിക്കുന്ന  വാൻസ്‌ പാക്കാർഡ്‌ പറഞ്ഞത്‌, നുണ​പ്ര​ചാ​ര​ണ​ത്തി​ന്റെ തനിസ്വ​രൂ​പം തിരി​ച്ച​റി​യാ​തെ, “നമ്മളിൽ പലരും ഇപ്പോൾത്തന്നെ അതിന്റെ കളിപ്പാ​വ​ക​ളാ​യി​രി​ക്കു​ന്നു” എന്നാണ്‌. “ഒരുപക്ഷേ നമ്മൾ തിരി​ച്ച​റി​യു​ന്ന​തി​നെ​ക്കാൾ കൂടുതൽ അതു നമ്മളെ സ്വാധീ​നി​ക്കു​ന്നുണ്ട്‌” എന്നും അദ്ദേഹം കൂട്ടി​ച്ചേർത്തു. ഒരു പണ്ഡിതൻ പറയു​ന്ന​ത​നു​സ​രിച്ച്‌, അതിന്റെ സ്വാധീ​ന​ത്തി​ലാ​യി​ക്ക​ഴി​ഞ്ഞാൽ പുരു​ഷ​ന്മാ​രും സ്‌ത്രീ​ക​ളും “സാമാ​ന്യ​ബോ​ധ​മി​ല്ലാ​ത്ത​വ​രാ​യി പെരു​മാ​റി​ത്തു​ട​ങ്ങും. അവർ വളരെ അപകട​കാ​രി​ക​ളാ​യി മാറി​യേ​ക്കാം.” ‘വംശഹത്യ, യുദ്ധം, വംശീ​യ​വി​ദ്വേ​ഷം, മതപര​മായ അസഹി​ഷ്‌ണുത എന്നിവ​യും മനുഷ്യൻ വിവേ​ക​മി​ല്ലാ​തെ ചെയ്യുന്ന മറ്റു പല കാര്യ​ങ്ങ​ളും’ അതിനു ചില ഉദാഹ​ര​ണങ്ങൾ മാത്രം.—നുണ​പ്ര​ചാ​ര​ണ​ത്തി​ന്റെ വശീക​ര​ണ​ശക്തി (ഇംഗ്ലീഷ്‌).

വെറും മനുഷ്യർക്കു നുണ​പ്ര​ചാ​ര​ണ​ങ്ങ​ളി​ലൂ​ടെ നമ്മളെ വഞ്ചിക്കാൻ കഴിയു​മെ​ങ്കിൽ സാത്താൻ ആ തന്ത്രം എത്ര​ത്തോ​ളം ഉപയോ​ഗി​ക്കു​മെന്നു ചിന്തി​ച്ചു​നോ​ക്കൂ! മനുഷ്യൻ സൃഷ്ടി​ക്ക​പ്പെ​ട്ട​തു​മു​തൽ അവൻ മനുഷ്യ​ന്റെ സ്വഭാവം പഠിച്ചു​കൊ​ണ്ടി​രി​ക്കു​ക​യാണ്‌. ഇപ്പോൾ “ലോകം മുഴു​വ​നും” അവന്റെ നിയ​ന്ത്ര​ണ​ത്തി​ലു​മാണ്‌. തന്റെ നുണകൾ പ്രചരി​പ്പി​ക്കാൻ ഈ ലോക​ത്തി​ലെ ഏതു ഘടക​ത്തെ​യും അവന്‌ ഉപയോ​ഗി​ക്കാ​നാ​കും. (1 യോഹ. 5:19; യോഹ. 8:44) ആളുക​ളു​ടെ ‘മനസ്സ്‌ അന്ധമാ​ക്കു​ന്ന​തിൽ’ അത്രയ്‌ക്കു വിദഗ്‌ധ​നാ​യ​തു​കൊണ്ട്‌ അവൻ ഇന്നു ‘ഭൂലോ​കത്തെ മുഴുവൻ വഴി​തെ​റ്റി​ക്കു​ന്ന​തിൽ’ വിജയി​ച്ചി​രി​ക്കു​ന്നു. (2 കൊരി. 4:4; വെളി. 12:9) അവന്റെ നുണ​പ്ര​ചാ​ര​ണ​ങ്ങ​ളിൽ വീണു​പോ​കാ​തി​രി​ക്കാൻ നിങ്ങൾക്ക്‌ എന്തു ചെയ്യാ​നാ​കും?

നുണ​പ്ര​ചാ​ര​ണ​ത്തിന്‌ എതി​രെ​യുള്ള യുദ്ധത്തിൽ പോരാ​ടാ​നുള്ള ലളിത​മായ ഒരു വഴി​യെ​ക്കു​റിച്ച്‌ യേശു പറഞ്ഞി​ട്ടുണ്ട്‌. അത്‌ ഇതാണ്‌: ‘സത്യം അറിയുക, സത്യം നിങ്ങളെ സ്വത​ന്ത്ര​രാ​ക്കും.’ (യോഹ. 8:31, 32) ശത്രു​വി​ന്റെ നുണ​പ്ര​ചാ​ര​ണങ്ങൾ മനസ്സിനെ കബളി​പ്പി​ക്കാൻ സാധ്യ​ത​യു​ള്ള​തു​കൊണ്ട്‌ യുദ്ധഭൂ​മി​യി​ലെ ഒരു പടയാ​ളിക്ക്‌ ‘സത്യം’ അഥവാ നേരായ വിവരങ്ങൾ ലഭി​ക്കേ​ണ്ട​തുണ്ട്‌. സാത്താന്റെ നുണ​പ്ര​ചാ​ര​ണ​ത്തിന്‌ എതിരെ പോരാ​ടാൻ നമുക്കും വിശ്വ​സ​നീ​യ​വും ആശ്രയ​യോ​ഗ്യ​വും ആയ വിവരങ്ങൾ ആവശ്യ​മാണ്‌. നമുക്ക്‌ അത്‌ എവി​ടെ​നിന്ന്‌ ലഭിക്കും? അത്തര​മൊ​രു പോരാ​ട്ട​ത്തി​നു വേണ്ട​തെ​ല്ലാം ബൈബി​ളി​ന്റെ താളു​ക​ളി​ലൂ​ടെ യഹോവ നമുക്കു തന്നിട്ടുണ്ട്‌.—2 തിമൊ. 3:16, 17.

നുണ​പ്ര​ചാ​ര​ണ​വി​ദ​ഗ്‌ധ​നായ സാത്താന്‌ ഇക്കാര്യം അറിയാം. അതു​കൊണ്ട്‌ തന്റെ ഈ വ്യവസ്ഥി​തി​യെ ഉപയോ​ഗിച്ച്‌ നമ്മുടെ ബൈബിൾ വായന​യും പഠനവും ഇല്ലാതാ​ക്കാൻ അവൻ ശ്രമി​ക്കു​ന്നു. അവന്റെ കുടി​ല​ത​ന്ത്ര​ങ്ങ​ളിൽ വീണു​പോ​ക​രുത്‌. (എഫെ. 6:11) നമ്മൾ ‘സത്യത്തി​ന്റെ വീതി​യും നീളവും ഉയരവും ആഴവും പൂർണ​മാ​യി ഗ്രഹി​ക്കാൻ പ്രാപ്‌ത​രാ​കണം.’ (എഫെ. 3:18) നന്നായി ശ്രമി​ച്ചാ​ലേ അതിനു സാധിക്കൂ. എഴുത്തു​കാ​ര​നായ നോം ചോം​സ്‌കി പറഞ്ഞ ഈ അടിസ്ഥാ​ന​സ​ത്യം ഓർക്കുക: “ആരും നിങ്ങളു​ടെ തലച്ചോ​റി​ലേക്കു സത്യം പകർന്നു​ത​രാൻപോ​കു​ന്നില്ല. അതു നിങ്ങൾ സ്വന്തമാ​യി കണ്ടെത്തി​യേ മതിയാ​കൂ.” അതു​കൊണ്ട്‌ ‘ദിവസ​വും ശ്രദ്ധ​യോ​ടെ തിരു​വെ​ഴു​ത്തു​കൾ പരി​ശോ​ധിച്ച്‌’ ‘സത്യം സ്വന്തമാ​യി കണ്ടെത്തുക.’—പ്രവൃ. 17:11.

 നിങ്ങൾ ശരിയാ​യി ചിന്തി​ക്കാ​നും കാര്യ​ങ്ങളെ നേരാം​വണ്ണം വിലയി​രു​ത്താ​നും സാത്താൻ ആഗ്രഹി​ക്കു​ന്നി​ല്ലെന്ന്‌ ഓർക്കുക. എന്തു​കൊണ്ട്‌? കാരണം, ഒരു പുസ്‌തകം പറയുന്നു: “കാര്യ​ങ്ങളെ നന്നായി വിലയി​രു​ത്താൻ ആളുകൾക്കു സാധി​ക്കാ​ത്ത​പ്പോ​ഴാ​ണു” നുണ​പ്ര​ചാ​രണം “ഏറ്റവും ഫലം ചെയ്യാറ്‌.” [ഇരുപ​താം നൂറ്റാ​ണ്ടി​ലെ മാധ്യ​മ​ങ്ങ​ളും പൊതു​സ​മൂ​ഹ​വും (ഇംഗ്ലീഷ്‌)] അതു​കൊണ്ട്‌ കേൾക്കുന്ന കാര്യ​ങ്ങ​ളെ​ല്ലാം കണ്ണുമ​ടച്ച്‌ അപ്പാടേ വിശ്വ​സി​ക്ക​രുത്‌. (സുഭാ. 14:15) ദൈവം നിങ്ങൾക്കു തന്നിരി​ക്കുന്ന ചിന്താ​പ്രാ​പ്‌തി​യും കാര്യ​ങ്ങളെ വിലയി​രു​ത്താ​നുള്ള കഴിവും ഉപയോ​ഗി​ച്ചു​കൊണ്ട്‌ സത്യം നിങ്ങളു​ടെ സ്വന്തമാ​ക്കുക.—സുഭാ. 2:10-15; റോമ. 12:1, 2.

എതിർപ​ക്ഷത്തെ സൈനി​ക​രു​ടെ ആത്മവി​ശ്വാ​സ​വും പോരാ​ട്ട​വീ​ര്യ​വും ചോർത്തി​ക്ക​ള​യാൻ യുദ്ധത​ന്ത്രജ്ഞർ ചില നുണ​പ്ര​ചാ​ര​ണങ്ങൾ നടത്താ​റുണ്ട്‌. മറുപ​ക്ഷത്തെ പട്ടാള​ക്കാ​രെ തമ്മില​ടി​പ്പി​ക്കാ​നോ അവരിൽ ചിലരെ സൈന്യ​ത്തിൽനിന്ന്‌ അകറ്റാ​നോ വേണ്ടി​യാ​യി​രി​ക്കാം അവർ ഇതു ചെയ്യു​ന്നത്‌. ഒന്നാം ലോക​മ​ഹാ​യു​ദ്ധ​ത്തിൽ പരാജ​യ​പ്പെ​ട്ട​തി​ന്റെ ഒരു കാരണ​ത്തെ​ക്കു​റിച്ച്‌ ഒരു ജർമൻ ജനറൽ ഇങ്ങനെ അഭി​പ്രാ​യ​പ്പെ​ട്ട​താ​യി പറയ​പ്പെ​ടു​ന്നു: “ഒരു പാമ്പ്‌ മുയലി​നെ മയക്കി​യെ​ടു​ക്കു​ന്ന​തു​പോ​ലെ, ശത്രുക്കൾ മനഞ്ഞെ​ടുത്ത നുണ​പ്ര​ചാ​ര​ണങ്ങൾ ആളുകളെ മയക്കി​ക്ക​ളഞ്ഞു.” ആളുകളെ ഭിന്നി​പ്പിച്ച്‌ കീഴട​ക്കാൻ ഇക്കാലത്ത്‌ സാത്താൻ അതു​പോ​ലുള്ള ചില തന്ത്രങ്ങൾ ഉപയോ​ഗി​ക്കു​ന്നു. ഉദാഹ​ര​ണ​ത്തിന്‌, സഹോ​ദ​രീ​സ​ഹോ​ദ​ര​ന്മാർക്കി​ട​യിൽ പ്രശ്‌ന​ങ്ങ​ളു​ണ്ടാ​ക്കാൻ അവൻ ശ്രമി​ക്കാ​റുണ്ട്‌. ഇനി, സംഘട​ന​യിൽ നടക്കുന്ന ചില കാര്യങ്ങൾ അന്യാ​യ​മാ​ണെ​ന്നോ ശരിയ​ല്ലെ​ന്നോ തോന്നി​പ്പിച്ച്‌ യഹോ​വ​യു​ടെ സംഘട​ന​യിൽനിന്ന്‌ ആളുകളെ അകറ്റി​ക്ക​ള​യാ​നും സാത്താൻ ശ്രമി​ക്കു​ന്നു.

വഞ്ചിക്ക​പ്പെ​ട​രുത്‌! ദൈവ​വ​ചനം നിങ്ങളെ വഴി കാണി​ക്കട്ടെ. നിങ്ങളു​ടെ സഹോ​ദ​ര​ങ്ങ​ളു​മാ​യി ഐക്യം കാത്തു​സൂ​ക്ഷി​ക്കുന്ന കാര്യ​ത്തിൽ ബൈബി​ളി​നു നിങ്ങളെ എങ്ങനെ സഹായി​ക്കാ​നാ​കും? ‘അന്യോ​ന്യം ഉദാര​മാ​യി ക്ഷമിക്കാ​നും’ പ്രശ്‌ന​ങ്ങ​ളു​ണ്ടാ​യാൽ അതു പെട്ടെന്നു പരിഹ​രി​ക്കാ​നും ആണ്‌ ദൈവ​വ​ചനം പറയു​ന്നത്‌. (കൊലോ. 3:13, 14; മത്താ. 5:23, 24) സഭയിൽനിന്ന്‌ നമ്മളെ​ത്തന്നെ അകറ്റു​ന്ന​തി​നോ ഒറ്റപ്പെ​ടു​ത്തു​ന്ന​തി​നോ എതി​രെ​യും അതു ശക്തമായ മുന്നറി​യി​പ്പു തരുന്നു. (സുഭാ. 18:1) സാത്താന്റെ നുണ​പ്ര​ചാ​ര​ണ​ങ്ങളെ തടുക്കാ​നുള്ള നിങ്ങളു​ടെ പ്രതി​രോ​ധ​സം​വി​ധാ​നങ്ങൾ ശക്തമാ​ണെന്ന്‌ ഉറപ്പു​വ​രു​ത്തുക. നിങ്ങ​ളോ​ടു​തന്നെ ചോദി​ക്കുക: ‘സഹോ​ദ​ര​ങ്ങ​ളിൽ ഒരാൾ ഇയ്യടുത്ത്‌ എന്നെ വിഷമി​പ്പി​ച്ച​പ്പോൾ ഞാൻ എങ്ങനെ​യാണ്‌ അതിനെ കണ്ടത്‌? ലോക​ത്തി​ന്റെ ആത്മാവാ​ണോ അതോ ദൈവ​ത്തി​ന്റെ ആത്മാവാ​ണോ അന്ന്‌ എന്നെ നിയ​ന്ത്രി​ച്ചത്‌?’—ഗലാ. 5:16-26; എഫെ. 2:2, 3.

തന്റെ നേതാ​വി​ലുള്ള വിശ്വാ​സം നഷ്ടപ്പെട്ട ഒരു പടയാളി നന്നായി യുദ്ധം ചെയ്യില്ല. അതു​കൊണ്ട്‌ നുണ​പ്ര​ചാ​രണം നടത്തു​ന്നവർ, പടയാ​ളി​ക്കും നേതാ​വി​നും ഇടയി​ലുള്ള വിശ്വാ​സം നഷ്ടപ്പെ​ടു​ത്താൻ ശ്രമി​ക്കാ​റുണ്ട്‌. “നിങ്ങളു​ടെ നേതാ​ക്കളെ വിശ്വ​സി​ക്ക​രുത്‌,” “അവർ നിങ്ങളെ കൊല​യ്‌ക്കു കൊടു​ക്കും” എന്നൊക്കെ അവർ പറഞ്ഞു​പ​ര​ത്തും.  ആ വാദങ്ങൾക്കു ബലമേ​കാൻ, നേതാക്കൾ ചെയ്‌ത എന്തെങ്കി​ലും തെറ്റും അവർ എടുത്തു​കാ​ണി​ക്കും. ഇത്തരത്തി​ലുള്ള ഒരാളാ​ണു സാത്താൻ. തന്റെ ജനത്തെ നയിക്കാൻ യഹോവ ഉപയോ​ഗി​ക്കു​ന്ന​വ​രി​ലുള്ള വിശ്വാ​സം ഇടിച്ചു​ക​ള​യാൻ അവൻ എപ്പോ​ഴും ശ്രമി​ച്ചു​കൊ​ണ്ടി​രി​ക്കും.

നിങ്ങൾക്ക്‌ അത്തര​മൊ​രു ആക്രമ​ണത്തെ എങ്ങനെ പ്രതി​രോ​ധി​ക്കാം? നേതൃ​ത്വ​മെ​ടു​ക്കു​ന്നവർ തെറ്റുകൾ വരുത്തി​യേ​ക്കാ​മെ​ങ്കി​ലും യഹോ​വ​യു​ടെ സംഘട​ന​യോ​ടു ചേർന്നു​നിൽക്കു​മെ​ന്നും ദൈവ​ജ​നത്തെ നയിക്കു​ന്ന​വരെ വിശ്വ​സ്‌ത​മാ​യി പിന്തു​ണ​യ്‌ക്കു​മെ​ന്നും ഉറച്ച തീരു​മാ​ന​മെ​ടു​ക്കുക. (1 തെസ്സ. 5:12, 13) വിശ്വാ​സ​ത്യാ​ഗി​ക​ളും വഞ്ചകരായ മറ്റുള്ള​വ​രും പറയുന്ന ചില കാര്യങ്ങൾ എത്ര വിശ്വ​സ​നീ​യ​മാ​യി തോന്നി​യാ​ലും ‘സുബോ​ധം നഷ്ടപ്പെ​ടാ​തി​രി​ക്കാൻ’ നമ്മൾ ശ്രദ്ധയു​ള്ള​വ​രാ​യി​രി​ക്കണം. (2 തെസ്സ. 2:2; തീത്തോ. 1:10) പൗലോസ്‌ യുവാ​വായ തിമൊ​ഥെ​യൊ​സി​നോ​ടു പറഞ്ഞതു​പോ​ലെ, നിങ്ങൾക്കു ലഭിച്ച സത്യം മുറു​കെ​പ്പി​ടി​ക്കുക, ആ സത്യം എവി​ടെ​നി​ന്നാ​ണു പഠിച്ച​തെന്ന്‌ ഒരിക്ക​ലും മറക്കാ​തി​രി​ക്കുക. (2 തിമൊ. 3:14, 15) നമ്മളെ സത്യത്തി​ന്റെ പാതയിൽ നയിക്കു​ന്ന​തിന്‌ യഹോവ കഴിഞ്ഞ നൂറി​ല​ധി​കം വർഷമാ​യി ഉപയോ​ഗി​ച്ചു​കൊ​ണ്ടി​രി​ക്കുന്ന സരണിയെ നമുക്കു വിശ്വ​സി​ക്കാ​നാ​കും എന്നതിനു മതിയായ തെളി​വു​ക​ളുണ്ട്‌.—മത്താ. 24:45-47; എബ്രാ. 13:7, 17.

ഒളിഞ്ഞും മറഞ്ഞും ഉള്ള ആക്രമ​ണങ്ങൾ മാത്രമല്ല സാത്താൻ എപ്പോ​ഴും നടത്താ​റു​ള്ളത്‌. ചില​പ്പോൾ അവൻ ഭയത്തെ ഒരു ആയുധ​മാ​യി ഉപയോ​ഗി​ക്കും. “ഇത്തരം നുണ​പ്ര​ചാ​ര​ണങ്ങൾ വളരെ പണ്ടുമു​തലേ ഉപയോ​ഗി​ച്ചു​പോ​ന്നി​ട്ടുണ്ട്‌” എന്നാണ്‌ ഒരു പുസ്‌തകം പറയു​ന്നത്‌. [നുണ​പ്ര​ചാ​ര​ണ​ത്തി​ന്റെ വശീക​ര​ണ​ശക്തി, ഒരു ചരിത്രം (ഇംഗ്ലീഷ്‌)] ബ്രിട്ടീഷ്‌ പ്രഫസ​റായ ഫിലിപ്പ്‌ എം. ടെയ്‌ലർ പറയു​ന്ന​ത​നു​സ​രിച്ച്‌, ശത്രു​ക്കളെ വരുതി​യി​ലാ​ക്കാൻ അസീറി​യ​ക്കാർ “നുണക​ളും ഭയവും കൂട്ടി​ക്ക​ലർത്തി അവതരി​പ്പി​ക്കുന്ന ഒരു നയമാണു” സ്വീക​രി​ച്ചത്‌. നിങ്ങളെ വരുതി​യി​ലാ​ക്കാ​നും യഹോ​വയെ സേവി​ക്കു​ന്ന​തിൽനിന്ന്‌ പിന്തി​രി​പ്പി​ക്കാ​നും സാത്താൻ മനുഷ്യ​ഭ​യ​വും മരണഭീ​തി​യും ഉപദ്ര​വങ്ങൾ നേരി​ടേ​ണ്ടി​വ​രു​മെന്ന ഭയവും ഉപയോ​ഗി​ക്കും. മറ്റു പല കാര്യ​ങ്ങ​ളി​ലൂ​ടെ​യും അവൻ നമ്മളിൽ ഭയം ജനിപ്പി​ച്ചേ​ക്കാം.—യശ. 8:12; യിരെ. 42:11; എബ്രാ. 2:15.

ഭയം ഉപയോ​ഗിച്ച്‌ നമ്മുടെ മനോ​വീ​ര്യം ഇടിച്ചു​ക​ള​യാ​നോ വിശ്വ​സ്‌തത തകർക്കാ​നോ സാത്താനെ ഒരിക്ക​ലും അനുവ​ദി​ക്ക​രുത്‌. യേശു പറഞ്ഞു: “ശരീരത്തെ കൊല്ലു​ന്ന​വരെ നിങ്ങൾ പേടി​ക്കേണ്ടാ. അവർക്ക്‌ അതു മാത്ര​മല്ലേ ചെയ്യാൻ കഴിയൂ.” (ലൂക്കോ. 12:4) നിങ്ങളെ കാത്തു​ര​ക്ഷി​ക്കു​മെ​ന്നും നിങ്ങൾക്ക്‌ “അസാധാ​ര​ണ​ശക്തി” തരു​മെ​ന്നും നിങ്ങളെ പേടി​പ്പിച്ച്‌ കീഴ്‌പെ​ടു​ത്താ​നുള്ള സാത്താന്റെ ഏതൊരു ശ്രമ​ത്തെ​യും ചെറു​ക്കാൻ സഹായി​ക്കു​മെ​ന്നും ഉള്ള യഹോ​വ​യു​ടെ വാഗ്‌ദാ​ന​ത്തിൽ പൂർണ​വി​ശ്വാ​സ​മു​ണ്ടാ​യി​രി​ക്കുക.—2 കൊരി. 4:7-9; 1 പത്രോ. 3:14.

എന്നാൽ നമുക്കു ഭയം തോന്നുന്ന, നമ്മുടെ ആത്മവി​ശ്വാ​സം കെടു​ത്തി​ക്ക​ള​യുന്ന സംഭവങ്ങൾ ഭാവി​യിൽ ഉണ്ടാ​യേ​ക്കാം. അപ്പോ​ഴെ​ല്ലാം യഹോവ യോശു​വയെ പ്രോ​ത്സാ​ഹി​പ്പി​ക്കാ​നാ​യി പറഞ്ഞ ഈ വാക്കുകൾ ഓർക്കുക: ‘ധൈര്യ​വും മനക്കരു​ത്തും ഉള്ളവനാ​യി​രി​ക്കുക. . . . പേടി​ക്കു​ക​യോ ഭയപര​വ​ശ​നാ​കു​ക​യോ അരുത്‌. കാരണം നീ എവിടെ പോയാ​ലും നിന്റെ ദൈവ​മായ യഹോവ നിന്റെ​കൂ​ടെ​യുണ്ട്‌.’ (യോശു. 1:9) ഉത്‌കണ്‌ഠ തോന്നി​യാൽ ഒട്ടും താമസി​ക്കാ​തെ നിങ്ങളു​ടെ എല്ലാ ആകുല​ത​ക​ളും പ്രാർഥ​ന​യി​ലൂ​ടെ യഹോ​വയെ അറിയി​ക്കുക. തീർച്ച​യാ​യും “ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും . . . കാക്കും.” അതു സാത്താന്റെ എല്ലാ നുണ​പ്ര​ചാ​ര​ണ​ങ്ങ​ളെ​യും ചെറു​ത്തു​നിൽക്കാ​നുള്ള ശക്തി നിങ്ങൾക്കു തരും.—ഫിലി. 4:6, 7, 13.

അസീറി​യ​ക്കാ​രു​ടെ പ്രതി​നി​ധി​യായ റബ്‌ശാ​ക്കെ ദൈവ​ജ​നത്തെ ഭയപ്പെ​ടു​ത്താൻ പറഞ്ഞ നുണകൾ നിങ്ങൾ ഓർക്കു​ന്നു​ണ്ടോ? അയാൾ പറഞ്ഞതി​ന്റെ സാരം ഇതായി​രു​ന്നു: ‘ആർക്കും അസീറി​യ​ക്കാ​രു​ടെ കൈയിൽനിന്ന്‌ നിങ്ങളെ രക്ഷിക്കാൻ കഴിയില്ല. നിങ്ങളു​ടെ ദൈവ​മായ യഹോ​വ​യ്‌ക്കു​പോ​ലും ഒന്നും ചെയ്യാ​നാ​കില്ല.’ അയാൾ ഇങ്ങനെ​യും പറഞ്ഞു: ‘ഈ ദേശത്തെ നശിപ്പി​ക്കാൻ യഹോ​വ​ത​ന്നെ​യാ​ണു പറഞ്ഞത്‌.’ യഹോ​വ​യു​ടെ മറുപടി എന്തായി​രു​ന്നു? “അസീറി​യൻ രാജാ​വി​ന്റെ ഭൃത്യ​ന്മാർ എന്നെ നിന്ദി​ച്ചു​പറഞ്ഞ വാക്കുകൾ കേട്ട്‌ . . . ഭയപ്പെ​ടേണ്ടാ.” (2 രാജാ. 18:22-25; 19:6) യഹോവ അയച്ച ഒരു ദൂതൻ ഒറ്റ രാത്രി​കൊണ്ട്‌ 1,85,000 അസീറി​യ​ക്കാ​രെ കൊന്നു​ക​ളഞ്ഞു.—2 രാജാ. 19:35.

നിങ്ങൾ ഇപ്പോൾ ഒരു സിനിമ കണ്ടു​കൊ​ണ്ടി​രി​ക്കു​ക​യാണ്‌. ആ സിനി​മ​യിൽ ഒരാളെ ചിലർ പറഞ്ഞു​പ​റ്റി​ക്കുന്ന ഒരു രംഗം വരുക​യാ​ണെ​ങ്കിൽ നിങ്ങൾക്ക്‌ ഇങ്ങനെ വിളി​ച്ചു​പ​റ​യാൻ തോന്നി​ല്ലേ: ‘അതു വിശ്വ​സി​ക്ക​രുത്‌! അവർ നിങ്ങളെ പറ്റിക്കു​ക​യാണ്‌!’ ദൈവ​ദൂ​ത​ന്മാ​രും അതു​പോ​ലൊ​രു കാര്യം നിങ്ങ​ളോ​ടു വിളി​ച്ചു​പ​റ​യു​ന്നതു ഭാവന​യിൽ കാണാൻ കഴിയു​ന്നു​ണ്ടോ: “സാത്താൻ പറയു​ന്നതു നുണയാണ്‌. അതിൽ വീണു​പോ​ക​രുത്‌.”

അതു​കൊണ്ട്‌ സാത്താന്റെ നുണ​പ്ര​ചാ​ര​ണ​ങ്ങൾക്ക്‌ ഒരിക്ക​ലും ചെവി കൊടു​ക്ക​രുത്‌. (സുഭാ. 26:24, 25) പകരം, എപ്പോ​ഴും യഹോവ പറയു​ന്നതു ശ്രദ്ധി​ക്കുക, എല്ലാ കാര്യ​ങ്ങ​ളി​ലും യഹോ​വ​യിൽ ആശ്രയി​ക്കുക. (സുഭാ. 3:5-7) “മകനേ, നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പി​ക്കുക” എന്ന യഹോ​വ​യു​ടെ സ്‌നേഹം തുളു​മ്പുന്ന വാക്കു​കൾക്കു മനസ്സു ചായ്‌ക്കുക. (സുഭാ. 27:11) അങ്ങനെ​യെ​ങ്കിൽ, നിങ്ങൾക്കു നിങ്ങളു​ടെ മനസ്സു നുണ​പ്ര​ചാ​ര​ണ​ങ്ങൾക്ക്‌ അടിയറ വെക്കേ​ണ്ടി​വ​രില്ല.