ഭൂമിയിൽ ആയിരു​ന്ന​പ്പോൾ യേശു സ്വർഗ​ത്തി​ലുള്ള തന്റെ പിതാ​വി​ന്റെ ഗുണങ്ങൾ അതേപടി പകർത്തി, പിതാവ്‌ ചെയ്യു​ന്ന​തു​പോ​ലെ​തന്നെ കാര്യങ്ങൾ ചെയ്‌തു. യേശു പറഞ്ഞു: ‘ഞാൻ സ്വന്തം ഇഷ്ടമനു​സ​രിച്ച്‌ ഒന്നും ചെയ്യാതെ പിതാവ്‌ എന്നെ പഠിപ്പി​ച്ച​തു​പോ​ലെ സംസാ​രി​ക്കു​ന്നു. ഞാൻ എപ്പോ​ഴും ആ വ്യക്തിക്ക്‌ ഇഷ്ടമു​ള്ളതു ചെയ്യുന്നു.’ (യോഹ​ന്നാൻ 8:28, 29; കൊ​ലോ​സ്യർ 1:15) അതു​കൊണ്ട്‌ ദൈവം സ്‌ത്രീ​കളെ എങ്ങനെ​യാണ്‌ കാണു​ന്ന​തെന്ന്‌ മനസ്സി​ലാ​ക്കാൻ യേശു സ്‌ത്രീ​ക​ളോട്‌ ഇടപെട്ട വിധം നോക്കി​യാൽ മതി.

യേശുവിന്റെ കാലത്ത്‌ ആളുകൾ പൊതു​വേ സ്‌ത്രീ​കളെ വീക്ഷി​ച്ചി​രു​ന്ന​തു​പോ​ലെയേ അല്ല യേശു അവരെ കണ്ടിരു​ന്നത്‌ എന്ന്‌ സുവി​ശേ​ഷ​വി​വ​ര​ണങ്ങൾ പരി​ശോ​ധി​ക്കുന്ന പല പണ്ഡിത​ന്മാ​രും പറഞ്ഞി​ട്ടുണ്ട്‌. എന്തായി​രു​ന്നു ആ വ്യത്യാ​സം? യേശു പഠിപ്പിച്ച കാര്യങ്ങൾ ഇക്കാലത്തെ സ്‌ത്രീ​കൾക്കും കൂടുതൽ സ്വാത​ന്ത്ര്യം നൽകു​മോ?

ലൈംഗികാവശ്യങ്ങൾക്കുവേണ്ടി മാത്ര​മു​ള്ള​വ​രാണ്‌ സ്‌ത്രീ​കൾ എന്ന അക്കാലത്തെ ധാരണ യേശു തിരുത്തി. സ്‌ത്രീ​ക​ളു​മാ​യി ഇടപെ​ടു​ന്നത്‌ കാമവി​കാ​രങ്ങൾ ഉണർത്താ​നേ ഉപകരി​ക്കൂ എന്നായി​രു​ന്നു അന്നത്തെ ചില ജൂതമ​ത​നേ​താ​ക്ക​ന്മാ​രു​ടെ ചിന്താ​ഗതി. പുരു​ഷ​ന്മാ​രു​ടെ മനസ്സ്‌ പതറി​ക്കു​മെന്ന കാരണം പറഞ്ഞ്‌ പൊതു​സ്ഥ​ല​ത്തു​വെച്ച്‌ പുരു​ഷ​ന്മാ​രോട്‌ സംസാ​രി​ക്കാ​നോ തല മൂടാതെ പുറത്തി​റങ്ങി നടക്കാ​നോ സ്‌ത്രീ​കളെ അനുവ​ദി​ച്ചി​രു​ന്നില്ല. പക്ഷേ യേശു പറഞ്ഞത്‌ പുരു​ഷ​ന്മാർ അവരുടെ വികാ​രങ്ങൾ സ്വയം നിയ​ന്ത്രി​ക്ക​ണ​മെ​ന്നും സ്‌ത്രീ​ക​ളോട്‌ മാന്യ​ത​യോ​ടെ ഇടപെ​ട​ണ​മെ​ന്നും ആണ്‌, അല്ലാതെ സമൂഹ​ത്തിൽനിന്ന്‌ അവരെ മാറ്റി​നി​റു​ത്ത​ണ​മെന്നല്ല.—മത്തായി 5:28.

യേശു ഇങ്ങനെ​യും പറഞ്ഞു: “ഭാര്യയെ വിവാ​ഹ​മോ​ചനം ചെയ്‌ത്‌ മറ്റൊ​രു​വളെ വിവാഹം കഴിക്കു​ന്നവൻ അവൾക്കു വിരോ​ധ​മാ​യി വ്യഭി​ചാ​രം ചെയ്യുന്നു.” (മർക്കോസ്‌ 10:11, 12) “ഏതു കാരണം പറഞ്ഞും” ഭാര്യയെ വിവാ​ഹ​മോ​ചനം ചെയ്യാ​മെന്ന അക്കാലത്തെ റബ്ബിമാ​രു​ടെ ഉപദേശം യേശു അങ്ങനെ തള്ളിക്ക​ളഞ്ഞു. (മത്തായി 19:3, 9) ഭാര്യ​യ്‌ക്കെ​തി​രെ വ്യഭി​ചാ​രം ചെയ്യുക എന്ന ആശയം​തന്നെ മിക്ക ജൂതന്മാർക്കും പരിച​യ​മി​ല്ലാ​ത്ത ഒന്നായി​രു​ന്നു. ഒരു ഭർത്താ​വിന്‌ ഒരിക്ക​ലും ഭാര്യ​യ്‌ക്കെ​തി​രെ വ്യഭി​ചാ​രം ചെയ്യാ​നാ​കില്ല എന്നാണ്‌ റബ്ബിമാർ പഠിപ്പി​ച്ചി​രു​ന്നത്‌. അവരുടെ കണ്ണിൽ ഒരു സ്‌ത്രീക്ക്‌ മാത്രമേ അവിശ്വ​സ്‌തത കാണി​ക്കാ​നാ​കൂ. ഒരു ബൈബിൾവ്യാ​ഖ്യാ​ന​ഗ്രന്ഥം പറയു​ന്നത്‌ ഇങ്ങനെ​യാണ്‌: “ധാർമി​ക​ശു​ദ്ധി പാലി​ക്കാ​നുള്ള കടപ്പാട്‌ ഭാര്യ​യ്‌ക്കു​ള്ള​തു​പോ​ലെ​തന്നെ ഭർത്താ​വി​നും ഉണ്ടെന്ന്‌ സ്ഥാപി​ച്ച​തി​ലൂ​ടെ യേശു സ്‌ത്രീ​ക​ളു​ടെ അന്തസ്സും മാന്യ​ത​യും ഉയർത്തി.”

യേശു പഠിപ്പിച്ച കാര്യ​ങ്ങ​ളു​ടെ പ്രയോ​ജനം ഇന്ന്‌: യഹോ​വ​യു​ടെ സാക്ഷി​ക​ളു​ടെ ക്രിസ്‌തീ​യ​സ​ഭ​ക​ളിൽ സ്‌ത്രീ​കൾ പുരു​ഷ​ന്മാ​രോട്‌ സ്വാത​ന്ത്ര്യ​ത്തോ​ടെ ഇടപെ​ടു​ന്നു. അവിടെ ആരും അവരെ മോശ​മാ​യി നോക്കു​ക​യോ അതിരു​ക​ടന്ന്‌ അവരോട്‌ പെരു​മാ​റു​ക​യോ ചെയ്യു​ന്നില്ല. കാരണം “പ്രായ​മുള്ള സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ പൂർണ​നിർമ​ല​ത​യോ​ടെ പെങ്ങന്മാ​രെ​പ്പോ​ലെ​യും” കണ്ട്‌ അവരോട്‌ ഇടപെ​ടാൻ ക്രിസ്‌തീ​യ​പു​രു​ഷ​ന്മാർ പ്രത്യേ​കം ശ്രദ്ധി​ക്കു​ന്നു.—1 തിമൊ​ഥെ​യൊസ്‌ 5:2.

യേശു സ്‌ത്രീ​കളെ പഠിപ്പി​ച്ചു. അറി​വൊ​ന്നും പകർന്നു കൊടു​ക്കാ​തെ സ്‌ത്രീ​കളെ അവഗണി​ച്ചി​ട്ടി​രുന്ന റബ്ബിമാ​രെ​പ്പോ​ലെ ആയിരു​ന്നില്ല യേശു. യേശു സ്‌ത്രീ​കളെ പഠിപ്പി​ക്കു​ക​യും മനസ്സി​ലു​ള്ളത്‌ തുറന്നു​പ​റ​യാൻ അവരെ പ്രോ​ത്സാ​ഹി​പ്പി​ക്കു​ക​യും ചെയ്‌തു. അടുക്ക​ള​യിൽ മറിയ തന്നെ സഹായി​ക്കു​ന്നി​ല്ലെന്ന്‌ സഹോ​ദ​രി​യായ മാർത്ത പരാതി​പ്പെ​ട്ടി​ട്ടും, താൻ പറയുന്ന കാര്യങ്ങൾ കേട്ടു പഠിക്കാൻ യേശു മറിയയെ അനുവ​ദി​ച്ചു. അതിലൂ​ടെ സ്‌ത്രീ​ക​ളു​ടെ സ്ഥാനം അടുക്ക​ള​യിൽ മാത്ര​മ​ല്ലെന്ന്‌ യേശു കാണി​ക്കു​ക​യാ​യി​രു​ന്നു. (ലൂക്കോസ്‌ 10:38-42) യേശു പഠിപ്പിച്ച കാര്യ​ങ്ങ​ളിൽനിന്ന്‌ മാർത്ത​യും പ്രയോ​ജനം നേടി. ലാസറി​ന്റെ മരണ​ശേഷം മാർത്ത യേശു​വി​നോട്‌ പറഞ്ഞ കാര്യ​ങ്ങ​ളിൽനിന്ന്‌ അതു മനസ്സി​ലാ​ക്കാം.—യോഹ​ന്നാൻ 11:21-27.

സ്‌ത്രീകൾ എന്തു വിചാ​രി​ക്കു​ന്നു എന്നത്‌ യേശു കാര്യ​മാ​യി എടുത്തു. അക്കാലത്ത്‌ മിക്ക ജൂതസ്‌ത്രീ​ക​ളും വിശ്വ​സി​ച്ചി​രു​ന്നത്‌ നല്ല ഒരു മകൻ ഉണ്ടായി​രി​ക്കു​ന്ന​താണ്‌ ഏറ്റവും വലിയ അനു​ഗ്രഹം എന്നാണ്‌. പ്രത്യേ​കി​ച്ചും, മകൻ ഒരു പ്രവാ​ചകൻ ആണെങ്കിൽ! ‘അങ്ങയെ ചുമന്ന വയറ്‌’ അനുഗൃ​ഹീ​തം എന്ന്‌ ഒരു സ്‌ത്രീ ഉറക്കെ വിളി​ച്ചു​പ​റ​ഞ്ഞ​പ്പോൾ ഒരു കാര്യം പഠിപ്പി​ക്കാൻ ആ അവസരം യേശു ഉപയോ​ഗി​ച്ചു. (ലൂക്കോസ്‌ 11:27, 28) സ്‌ത്രീ​ക​ളു​ടേത്‌ മാത്ര​മെന്ന്‌ കരുതി​പ്പോ​ന്നി​രുന്ന അത്തരം ചുമത​ല​ക​ളെ​ക്കാൾ പ്രധാനം ദൈവത്തെ അനുസ​രി​ക്കു​ന്ന​താ​ണെന്ന്‌ യേശു ആ സ്‌ത്രീ​യെ പഠിപ്പി​ച്ചു.—യോഹ​ന്നാൻ 8:32.

യേശു പഠിപ്പിച്ച കാര്യ​ങ്ങ​ളു​ടെ പ്രയോ​ജനം ഇന്ന്‌: ക്രിസ്‌തീ​യ​സ​ഭ​ക​ളിൽ പഠിപ്പി​ക്കു​ന്നവർ യോഗ​ങ്ങ​ളിൽ സ്‌ത്രീ​ക​ളു​ടെ അഭി​പ്രാ​യം സ്വാഗ​തം​ചെ​യ്യു​ന്നു. വാക്കു​ക​ളാ​ലും മാതൃ​ക​യാ​ലും ‘നല്ല കാര്യങ്ങൾ പഠിപ്പി​ക്കുന്ന’ പക്വത​യുള്ള സ്‌ത്രീ​കളെ അവർ ബഹുമാ​നി​ക്കു​ന്നു. (തീത്തോസ്‌ 2:3) ദൈവ​രാ​ജ്യ​ത്തി​ന്റെ സന്തോ​ഷ​വാർത്ത മറ്റുള്ള​വരെ അറിയി​ക്കാ​നും അവർ സ്‌ത്രീ​ക​ളു​ടെ സഹായം തേടുന്നു.—സങ്കീർത്തനം 68:11; “ അപ്പോ​സ്‌ത​ല​നായ പൗലോസ്‌ സ്‌ത്രീ​കൾ സംസാ​രി​ക്കു​ന്നതു വിലക്കി​യോ” എന്ന ചതുരം കാണുക.

യേശു സ്‌ത്രീ​കൾക്കാ​യി കരുതി. ബൈബിൾക്കാ​ല​ങ്ങ​ളിൽ പെൺമ​ക്കളെ ആൺമക്ക​ളു​ടെ അത്രയും വിലയു​ള്ള​വ​രാ​യി കണ്ടിരു​ന്നില്ല. ജൂതന്മാ​രു​ടെ നിയമ​സം​ഹി​ത​യായ താൽമൂദ്‌ ഇങ്ങനെ പറയുന്നു: “ആൺമക്കൾ ഉള്ളവർ ഭാഗ്യ​വാ​ന്മാർ. പെൺമക്കൾ ഉള്ളവർക്കോ ഹാ കഷ്ടം.” ചില മാതാ​പി​താ​ക്കൾ പെൺകു​ട്ടി​കളെ ഒരു ബാധ്യ​ത​യാ​യാണ്‌ കണക്കാ​ക്കി​യി​രു​ന്നത്‌. കാരണം അവരെ വിവാഹം കഴിച്ച്‌ അയയ്‌ക്കണം, സ്‌ത്രീ​ധനം കൊടു​ക്കണം. മാത്രമല്ല, തങ്ങൾക്കു പ്രായ​മാ​കു​മ്പോൾ അവർ നോക്കു​മെന്ന്‌ പ്രതീ​ക്ഷി​ക്കാ​നും കഴിയില്ല.

ഒരു കൊച്ചു​പെൺകു​ട്ടി​യു​ടെ ജീവൻ, ആൺകു​ട്ടി​യു​ടെ ജീവന്റെ അത്രയും​തന്നെ പ്രധാ​ന​മാ​ണെന്ന്‌ യേശു കാണിച്ചു. യേശു നയിനി​ലെ വിധവ​യു​ടെ മകനെ ഉയിർപ്പി​ച്ച​തു​പോ​ലെ​തന്നെ യായീ​റൊ​സി​ന്റെ മകളെ​യും ഉയിർപ്പി​ച്ചു. (മർക്കോസ്‌ 5:35, 41, 42; ലൂക്കോസ്‌ 7:11-15) “ഭൂതം ബാധി​ച്ച​തു​കൊണ്ട്‌ 18 വർഷമാ​യി” ഒട്ടും നിവരാൻ കഴിയാ​തി​രുന്ന ഒരു സ്‌ത്രീ​യെ സുഖ​പ്പെ​ടു​ത്തി​യ​ശേഷം യേശു അവളെ ‘അബ്രാ​ഹാ​മി​ന്റെ മകൾ’ എന്നു വിളിച്ചു. (ലൂക്കോസ്‌ 13:10-16) ജൂതന്മാ​രു​ടെ എഴുത്തു​ക​ളിൽ ഒന്നും​തന്നെ കാണാൻ കഴിയാത്ത ഒരു പ്രയോ​ഗ​മാ​ണത്‌. ആദര​വോ​ടും ദയയോ​ടും കൂടെ ആ സ്‌ത്രീ​യെ അങ്ങനെ വിളി​ച്ച​തി​ലൂ​ടെ സമൂഹ​ത്തി​ലെ വിലയും നിലയും ഉള്ള ഒരംഗ​മാ​യി യേശു അവളെ കണക്കാക്കി. മാത്രമല്ല അവൾ കാണിച്ച വലിയ വിശ്വാ​സത്തെ അംഗീ​ക​രി​ച്ചു​പ​റ​യു​ക​യും ചെയ്‌തു.—ലൂക്കോസ്‌ 19:9; ഗലാത്യർ 3:7.

യേശു പഠിപ്പിച്ച കാര്യ​ങ്ങ​ളു​ടെ പ്രയോ​ജനം ഇന്ന്‌: ഒരു ഏഷ്യൻ പഴമൊ​ഴി ഇങ്ങനെ പറയുന്നു: “ഒരു മകളെ വളർത്തു​ന്നത്‌ അയൽപ​ക്കത്തെ ചെടി​കൾക്കു വെള്ളം ഒഴിക്കു​ന്ന​തു​പോ​ലെ​യാണ്‌.” ക്രിസ്‌തു​വി​നെ അനുസ​രി​ക്കുന്ന സ്‌നേ​ഹ​മുള്ള അച്ഛന്മാർ ഒരിക്ക​ലും ഇങ്ങനെ ചിന്തി​ക്കില്ല. അവർ എല്ലാ മക്കളെ​യും ഒരു​പോ​ലെ കരുതും, ആൺമക്ക​ളെ​യും പെൺമ​ക്ക​ളെ​യും. ക്രിസ്‌തീയ മാതാ​പി​താ​ക്കൾ എല്ലാ മക്കൾക്കും ശരിയായ വിദ്യാ​ഭ്യാ​സ​വും ആരോ​ഗ്യ​വും ഉറപ്പു​വ​രു​ത്തും.

യേശു സ്‌ത്രീ​കളെ വിശ്വ​സി​ച്ചു. ജൂതന്മാ​രു​ടെ കോട​തി​ക​ളിൽ സ്ര്‌തീ​ക​ളു​ടെ സാക്ഷി​മൊ​ഴി ഒരു അടിമ​യു​ടെ മൊഴി​ക്കു തുല്യ​മാ​യി മാത്രമേ കണക്കാ​ക്കി​യി​രു​ന്നു​ള്ളൂ. ഒന്നാം നൂറ്റാ​ണ്ടി​ലെ ഒരു ചരി​ത്ര​കാ​ര​നായ ജോസീ​ഫസ്‌ ഇങ്ങനെ​യൊ​രു നിർദേശം മുന്നോ​ട്ടു​വെച്ചു: “സ്‌ത്രീ​കൾ നൽകുന്ന തെളി​വു​ക​ളൊ​ന്നും സ്വീക​രി​ക്ക​രുത്‌. കാരണം പെൺവർഗം പൊതു​വേ കാര്യ​ഗൗ​രവം ഇല്ലാത്ത​വ​രും എടുത്തു​ചാ​ട്ട​ക്കാ​രു​മാണ്‌.”

നേർവിപരീതമായി, തന്റെ പുനരു​ത്ഥാ​ന​ത്തി​നു സാക്ഷി​ക​ളാ​കാൻ യേശു സ്‌ത്രീ​കളെ അനുവ​ദി​ച്ചു. (മത്തായി 28:1, 8-10) ക്രിസ്‌തു​വി​നെ വധിക്കു​ന്ന​തും കല്ലറയിൽ വെക്കു​ന്ന​തും വിശ്വ​സ്‌ത​രായ ഈ സ്‌ത്രീ​കൾ നേരിൽ കണ്ടതാ​ണെ​ങ്കി​ലും അവർ പറയു​ന്നത്‌ വിശ്വ​സി​ക്കാൻ അപ്പോ​സ്‌ത​ല​ന്മാർക്ക്‌ ബുദ്ധി​മു​ട്ടാ​യി​രു​ന്നു. (മത്തായി 27:55, 56, 61; ലൂക്കോസ്‌ 24:10, 11) എന്നാൽ പുനരു​ത്ഥാ​ന​ശേഷം ആദ്യം സ്‌ത്രീ​ക​ളു​ടെ മുമ്പിൽ പ്രത്യ​ക്ഷ​പ്പെ​ട്ട​തി​ലൂ​ടെ, തന്റെ മറ്റ്‌ ശിഷ്യ​രെ​പ്പോ​ലെ​തന്നെ സ്‌ത്രീ​ക​ളും സാക്ഷ്യം നൽകാൻ യോഗ്യ​രാ​ണെന്ന്‌ ക്രിസ്‌തു തെളി​യി​ച്ചു.—പ്രവൃ​ത്തി​കൾ 1:8, 14.

യേശു പഠിപ്പിച്ച കാര്യ​ങ്ങ​ളു​ടെ പ്രയോ​ജനം ഇന്ന്‌: യഹോ​വ​യു​ടെ സാക്ഷി​ക​ളു​ടെ സഭകളിൽ ഉത്തരവാ​ദി​ത്വ സ്ഥാനങ്ങ​ളി​ലുള്ള പുരു​ഷ​ന്മാർ സ്‌ത്രീ​ക​ളു​ടെ അഭി​പ്രാ​യങ്ങൾ മാനി​ച്ചു​കൊണ്ട്‌ അവരോട്‌ പരിഗണന കാണി​ക്കു​ന്നു. ഇനി, ക്രിസ്‌തീയ ഭർത്താ​ക്ക​ന്മാ​രാ​ണെ​ങ്കിൽ ഭാര്യ​മാർ പറയു​ന്നത്‌ ശ്രദ്ധിച്ച്‌ കേട്ടു​കൊണ്ട്‌ ‘അവരെ ആദരി​ക്കു​ന്നു.’—1 പത്രോസ്‌ 3:7; ഉൽപത്തി 21:12.

പുരുഷന്മാർ ക്രിസ്‌തു​വി​ന്റെ മാതൃക പകർത്തു​മ്പോൾ സ്‌ത്രീ​കൾക്ക്‌ ആദരവും സ്വാത​ന്ത്ര്യ​വും കിട്ടും, ദൈവം ആദ്യം അവർക്കു​വേണ്ടി ഉദ്ദേശി​ച്ചി​രു​ന്ന​തു​പോ​ലെ​തന്നെ. (ഉൽപത്തി 1:27, 28) ഭർത്താവ്‌ പുരു​ഷ​മേ​ധാ​വി​ത്വം കാണി​ക്കാ​തെ ബൈബിൾ തത്ത്വങ്ങൾ അനുസ​രി​ക്കു​മ്പോൾ അത്‌ ഭാര്യയെ സന്തോ​ഷി​പ്പി​ക്കും.—എഫെസ്യർ 5:28, 29.

യെലേനയുടെ അനുഭവം നോക്കാം. ഭർത്താ​വിൽനിന്ന്‌ ക്രൂര​മായ ഉപദ്രവം സഹിച്ചു​ക​ഴി​ഞ്ഞി​രുന്ന യെലേന ബൈബിൾ പഠിക്കാൻ തുടങ്ങി. അക്രമം നിറഞ്ഞ ഒരു സ്ഥലത്താണ്‌ യെലേ​ന​യു​ടെ ഭർത്താവ്‌ വളർന്നത്‌. വിവാഹം കഴിക്കാൻ ആഗ്രഹി​ക്കുന്ന പെൺകു​ട്ടി​യെ തട്ടി​ക്കൊ​ണ്ടു​പോ​കു​ന്ന​തും ഉപദ്ര​വി​ക്കു​ന്ന​തും ഒക്കെ അവിടെ സാധാരണ സംഭവ​മാ​യി​രു​ന്നു. യെലേന പറയുന്നു: “ബൈബി​ളിൽനിന്ന്‌ പഠിച്ച കാര്യങ്ങൾ എന്നെ ശക്തി​പ്പെ​ടു​ത്തി. എന്നെ ഒരുപാട്‌ സ്‌നേ​ഹി​ക്കുന്ന, എനിക്കു വില കല്‌പി​ക്കുന്ന, എന്നെക്കു​റിച്ച്‌ കരുത​ലുള്ള ഒരാളു​ണ്ടെന്ന്‌ എനിക്കു മനസ്സി​ലാ​യി. എന്റെ ഭർത്താവ്‌ ബൈബിൾ പഠിച്ചാൽ എന്നോ​ടുള്ള അദ്ദേഹ​ത്തി​ന്റെ പെരു​മാ​റ്റ​ത്തി​നു മാറ്റം വരു​മെ​ന്നും എനിക്കു മനസ്സി​ലാ​യി.” യെലേന ആഗ്രഹി​ച്ച​തു​പോ​ലെ ഒടുവിൽ യെലേ​ന​യു​ടെ ഭർത്താവ്‌ ബൈബിൾ പഠിച്ചു. യഹോ​വ​യു​ടെ സാക്ഷി​ക​ളിൽ ഒരാളാ​യി സ്‌നാ​ന​മേൽക്കു​ക​യും ചെയ്‌തു. യെലേന തുടരു​ന്നു: “സ്വയം നിയ​ന്ത്രി​ക്കുന്ന കാര്യ​ത്തിൽ ഇപ്പോൾ അദ്ദേഹത്തെ കണ്ട്‌ പഠിക്കണം. അത്രയ്‌ക്ക്‌ വലിയ മാറ്റമാണ്‌ വരുത്തി​യത്‌. അങ്ങോ​ട്ടും ഇങ്ങോ​ട്ടും ഉദാര​മാ​യി ക്ഷമിക്കാൻ ഞങ്ങൾ പഠിച്ചു. വിവാ​ഹ​ജീ​വി​ത​ത്തിൽ ഒരു സുരക്ഷി​ത​ത്വ​വും ഞാൻ വേണ്ട​പ്പെ​ട്ട​വ​ളാ​ണെന്ന തോന്ന​ലും ഒക്കെ ഉണ്ടായത്‌ ഞങ്ങൾ ബൈബിൾ പഠിക്കാൻ തുടങ്ങി​യ​തി​നു ശേഷമാണ്‌.”—കൊ​ലോ​സ്യർ 3:13, 18, 19.

ഇത്‌ യെലേ​ന​യു​ടെ മാത്രം അനുഭ​വമല്ല. ഭാര്യാ​ഭർത്താ​ക്ക​ന്മാർ വിവാ​ഹ​ജീ​വി​ത​ത്തിൽ ബൈബിൾത​ത്ത്വ​ങ്ങൾ അനുസ​രി​ക്കാൻ ഒരു​പോ​ലെ ശ്രമി​ക്കു​ന്ന​തു​കൊണ്ട്‌ ദശലക്ഷ​ക്ക​ണ​ക്കിന്‌ ക്രിസ്‌തീ​യ​സ്‌ത്രീ​കൾ സന്തോഷം ആസ്വദി​ക്കു​ന്നു. സഭയി​ലു​ള്ള​വ​രും അവരോട്‌ ആദര​വോ​ടെ, അവർക്ക്‌ ആശ്വാ​സ​വും സ്വാത​ന്ത്ര്യ​വും തോന്നുന്ന വിധത്തിൽ ഇടപെ​ടു​ന്നു.—യോഹ​ന്നാൻ 13:34, 35.

ക്രിസ്‌തീയസ്‌ത്രീകളായാലും പുരു​ഷ​ന്മാ​രാ​യാ​ലും ഒരു​പോ​ലെ തിരി​ച്ച​റി​യുന്ന ഒരു കാര്യ​മുണ്ട്‌. തങ്ങൾ പാപി​ക​ളും അപൂർണ​രും ആയതു​കൊണ്ട്‌ ‘വ്യർഥ​മാ​യൊ​രു ജീവി​ത​ത്തി​ന്റെ അടിമ​ത്ത​ത്തി​ലാണ്‌’ എന്നത്‌. എന്നാൽ സ്‌നേഹം നിറഞ്ഞ പിതാ​വും ദൈവ​വും ആയ യഹോ​വ​യോട്‌ അടുക്കു​ന്ന​തി​ലൂ​ടെ “ജീർണ​ത​യു​ടെ അടിമ​ത്ത​ത്തിൽനിന്ന്‌ മോചനം നേടി ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം” നേടാ​നാ​കു​മെന്ന പ്രതീക്ഷ അവർക്കുണ്ട്‌. പുരു​ഷ​ന്മാർക്കും സ്‌ത്രീ​കൾക്കും എത്ര മഹത്തായ ഒരു ഭാവി​യാണ്‌ ദൈവം കരുതി​വെ​ച്ചി​രി​ക്കു​ന്നത്‌!—റോമർ 8:20, 21.