NGABA YADALWA?
Ubuchule Bokubhabha Bempukane
Wonke umntu owakha wazama ukubulala impukane, uyayazi indlela ekunzima ngayo. Ziyakwazi ukuphepha ngokukhawuleza xa uzibetha.
Oososayensi babone ukuba impukane iyakwazi ukujika njengeenqwelo moya zokulwa imfazwe, ngomzuzwana nje. UProfesa Michael Dickinson uthi, “ziba nobuchule bokubhabha” zizalwa nje. Uthi: “Kufana nokunika usana inqwelo moya yokulwa imfazwe ukuba luyiqhube luze luyazi into olumele luyenze.”
Abaphandi bafota indlela ezibhabha ngayo iimpukane baza babona ukuba ngomzuzwana omnye ziphaphazelisa amaphiko azo kayi-200. Sekunjalo, ziyakwazi ukujika zijonge kwelinye icala ngokuphaphazelisa nje iphiko elinye.
Yenza njani xa isengozini? Abaphandi bafumanise ukuba iimpukane ziyakwazi ukuphepha ingozi ngokukhawuleza ngakumbi kunokuqhwanyaza kweliso. UDickinson uthi: “Impukane iyakwazi ukucinga ngokukhawuleza ukuba mayibalekele kweliphi icala xa isengozini.”
Abaphandi abayazi indlela esebenza ngayo ingqondo yempukane, ibe bafuna ukuyiphanda.
Impukane iphepha ingozi ngokubalekela kwelinye icala ngomzuzwana nje
Ucinga ntoni? Ngaba ubuchule bokubhabha bempukane bazivelela? Okanye badalwa?
Mhlawumbi Ungayithanda Nale
IINCWADI NEENCWADANA EZINEMIFANEKISO
Ngaba Izinto Eziphilayo Zadalwa?
Ibalulekile into oyikholelwayo ngendlela obaqala ngayo ubomi.
UVUKANI!
Igqudu Elingaphantsi Kwephiko Lempukane
Wakha wazibuza ukuba kutheni kunzima kangaka ukubamba impukane? Funda ukuba yintoni ebonwe ziisayentisti.
UVUKANI!
Ukupheqa kweencam zamaphiko eentaka xa zibhabha
Ukukopa le ndlela, iinjineli zeenqwelo-moya ziye zonga iilitha eziyi-7 600 zezigidi zamafutha eenqwelo-moya ehlabathini lonke.
