Yobhi 24:1-25
24 “Kutheni uSomandla engabeki xesha?+
Kutheni abo bamaziyo bengayiboni imini yakhe?*
2 Abantu babhekelisa imida yemihlaba;+Beba neegusha bazise emadlelweni abo.
3 Bemka nedonki yabantwana abangenatata,Bathimbe* nenkunzi yenkomo yomhlolokazi.+
4 Bakhupha amahlwempu endleleni ngetshova;Abaxhwalekileyo banyanzeleka ukuba babazimele.+
5 Amahlwempu akhangela ukutya okweedonki zasendle;+Akhangelela abantwana bawo ukutya entlango.
6 Avuna* kumasimi abanye abantu,Achola-chole kumasimi eediliya abenzi-bubi.
7 Alala eze ubusuku bonke,+Engenanto yakwambatha kuloo ngqele.
8 Aba manzi tixi ziimvula zasezintabeni;Ancathama emaweni kuba engenakhusi.
9 Usana olungenatata luxhwilwa ebeleni;+Neempahla zamahlwempu ziyathathwa zibe sisibambiso,+
10 Anyanzeleke ukuba ahambe ze,Athwale izithungu elambile.
11 Asebenza nzima, etshiswa lilanga ngakwiindonga zamasimi;Ayanxanwa kodwa axovula iwayini.+
12 Abantu bayagcuma besifa esixekweni;Abenzakeleyo bakhalela uncedo,+Kodwa uThixo akaboni nto imbi kuloo nto.*
13 Kukho nabo badelela ukukhanya;+Abaziboneli ntweni iindlela zako,Ibe abahambi ngazo.
14 Umbulali uvuka ekuseni;Ubulala amahlwempu nabo bangakwazi kuzenzela nto,+Aze ebusuku abe lisela.
15 Umkrexezi ulinda kutshone ilanga,+Esithi, ‘Akukho mntu uza kundibona!’+
Aze agqume ubuso bakhe.
16 Ebusuku amasela aqhekeza izindlu,Aze emini azivalele ezindlini zawo.
Awadibani nokukhanya.+
17 Wona awoyiki ebusuku njengabanye abantu;
Oyika ekuseni.
18 Kodwa akhawuleza emke namanzi.
Umhlaba wawo uza kuqalekiswa.+
Awazukubuyela kumasimi awo eediliya.
19 Ingcwaba* liginya aboni,+Kanye njengokuba imbalela nobushushu zitshisa amanzi ekhephu!
20 Baza kulityalwa ngoomama babo, batyiwe ziimpethu.
Abazukuphinda bakhunjulwe.+
Yaye abenzi-bubi baza kugawulwa njengomthi.
21 Baxhaphaza umfazi ongafumani bantwana,Bamphathe kakubi umhlolokazi.
22 UThixo uza kubatshabalalisa abo bomeleleyo;Nokuba bangaphakama, abaqinisekanga ngobomi babo.
23 UThixo uyabayeka bazithembe, bacinge ukuba bakhuselekile,+Kodwa amehlo akhe abona yonke into abayenzayo.+
24 Bazukiswa okwethutyana, baze banyamalale.+
Bayathotywa+ baze bafe njengomntu wonke.Baza kuqhawulwa njengezikhwebu.
25 Ngubani ke onokundiphikisaAthi ndiyaxoka?”
Umbhalo osemazantsi
^ Oko kukuthi, imini yakhe yomgwebo.
^ Okanye “Bathathe njengesibambiso.”
^ Okanye kusenokwenzeka, “Avuna ukutya kwezilwanyana.”
^ Okanye kusenokwenzeka, “uThixo akamangaleli mntu ngaloo nto.”
^ Funda Ingcaciso Yamagama.
