Isaya 50:1-11
50 Uthi uYehova:
“Siphi isiqinisekiso sokuqhawula umtshato+ sikamama wenu endamgxothayo?
Khona, ndanithengisa kuwuphi umbolekisi?
Jongani! Nathengiswa ngenxa yeziphoso zenu,+Nomama wenu wagxothwa ngenxa yeziphoso zenu.+
2 Kutheni ke ndifike kungekho mntu?
Kutheni ndingazange ndiphendulwe xa ndithetha?+
Ngaba sifutshane isandla sam ukuba singasindisa?Okanye andinawo na amandla okusindisa?+
Jongani! Ndithi ndakukhalima, lome ulwandle;+Imilambo ndiyenza ibe yintlango.+
Iintlanzi zayo ziyabola ngenxa yokungabikho kwamanzi,Ibe ziyafa ngenxa yonxano.
3 Ndiwambathisa ngobumnyama amazulu,+Ndiwogquma ngamalaphu okwenza ingxowa.”
4 INkosi enguMongami uYehova indinike ulwimi lwezifundiswa,*+Ukuze ndazi indlela yokuphendula* odiniweyo ngelizwi elifanelekileyo.*+
Iyandivusa ntsasa nganye;Iyayivusa indlebe yam ukuze imamele njengezifundiswa.+
5 INkosi enguMongami uYehova iyivulile indlebe yam,Ibe mna ndandithobela.+
Ndandingenzi ntando yam.+
6 Ndabanika umqolo wam abo bandibethayo,Ndabanika nezidlele zam ukuze bazixhwithe.*
Andibufihlanga ubuso bam ehlazweni nasekutshicelweni.+
7 Kodwa iNkosi enguMongami uYehova iza kundinceda.+
Yiloo nto ndingazukuziva ndihlazekile.
Yiloo nto ndiqinise ubuso bam njengelitye lenyengane,+Ibe ndiyazi ukuba andizukuhlaziswa.
8 Lowo undivakalisa ndililungisa ukufutshane nam.
Ngubani onokundisola?*+
Makeze sidibane.
Ngubani onokundibeka ityala?
Makeze kumangala.*
9 Jonga! INkosi enguMongami uYehova iza kundinceda.
Ngubani onokundigweba ngelithi ndinetyala?
Jonga! Bonke baza kuguga okwempahla.
Baza kutyiwa linundu.*
10 Ngubani apha kuni owoyika uYehovaNomamela ilizwi lomkhonzi wakhe?+
Ngubani ohambe esithokothokweni sobumnyama ekude ekukhanyeni?
Makathembele ngegama likaYehova aze azixhase* ngoThixo wakhe.
11 “Jongani! Nonke nina baphemba umlilo,Batakisa iintlantsi,Hambani ekukhanyeni komlilo wenu,Naphakathi kweentlantsi enizivuthisayo.
Nantsi into eniza kuba nayo esuka esandleni sam:
Niza kulala phantsi nisifa ziintlungu.
Umbhalo osemazantsi
^ Okanye kusenokwenzeka, “yokomeleza.”
^ Ngokoqobo, “ngelizwi.”
^ Okanye “ulwimi oluqeqeshwe kakuhle.”
^ Okanye “bazixhwithe iindevu.”
^ Okanye “onokulwa nam.”
^ Okanye “sizokuqubisana.”
^ Oko kukuthi, isinambuzane esitya impahla.
^ Okanye “athembele.”
