Isaya 22:1-25
22 Nantsi indlela eza kugwetywa ngayo iNtlambo Yombono:*+
Yintoni ingxaki yenu, le nto nonke ninyuke naya emaphahleni?
2 Ubukade unesiphithiphithi,Usisixeko esidlamkileyo, idolophu eyonwabileyo.
Ababuleweyo bakho bengabulewanga ngekrele,Bengafelanga nasedabini.+
3 Bonke oozwilakhe bakho babalekile.+
Benziwa amabanjwa bengakhonjwanga ngesaphetha.
Bonke abafunyanwayo benziwa amabanjwa,+Nakuba babalekela kude.
4 Yiloo nto ndathi: “Yekani ukundijonga.Yaye ndiza kutsho isijwili esikrakra.+
Yekani ukufuna ukundithuthuzelaNgenxa yokuba kutshatyalaliswa intombi* yabantu bam.+
5 Kuba yimini yesiphithiphithi, yokoyiswa neyombhodamo,+Yimini evela kwiNkosi enguMongami, uYehova wemikhosi,KwiNtlambo Yombono.
Kuchithwa udonga,+Ibe kuyalilwa entabeni.
6 UElam+ uphakamisa isingxobo sakhe seentoloNeenqwelo zakhe zokulwa namahashe aphaliswa ngabantu,NoKire+ utyhila* ikhaka.
7 Ezona ntlambo zakho zibukekayo*Ziza kugcwala qhu ziinqwelo zokulwa,Namahashe ami ngeendawo zawo* egeyithini,
8 Yaye udonga olukhuselayo lwakwaYuda luza kususwa.
“Ngaloo mini niza kujonga kwindawo yokugcina izixhobo zeNdlu Yehlathi,+
9 yaye niza kubona iintanda kwisiXeko SikaDavide.+ Ibe niza kuqokelela amanzi kwichibi elisezantsi.+
10 Niza kuzibala izindlu zaseYerusalem, nize nizidilize ukuze niqinise udonga.
11 Niza kwenza ichibi phakathi kwezo ndonga zimbini ukuze nigcine amanzi echibi elidala, kodwa anizukujonga kuMenzi walo Ozukileyo, ibe anizukumbona Lowo walidala kwakudala.
12 Ngaloo mini iNkosi enguMongami uYehova wemikhosi,Iza kuthi makulilwe kuze kuzilwe,+Kuchetywe iinkqayi, kubhinqwe namalaphu okwenza ingxowa.
13 Kodwa endaweni yaloo nto, kuyabhiyozwa, konwatyiwe,Kuxhelwa iinkomo neegusha,Kutyiwa inyama, kuselwa newayini.+
Kuthiwa, ‘Masityeni, sisele, kuba ngomso siza kufa.’”+
14 UYehova wemikhosi wandichazela le nto: “‘Esi sono asizukuhlawulelwa de nife,’+ itsho iNkosi enguMongami uYehova wemikhosi.”
15 Ithi iNkosi enguMongami uYehova wemikhosi: “Hamba uye kweli gosa, uShebhena,+ ophethe indlu kakumkani,* uze uthi,
16 ‘Ufuna ntoni apha, ingubani omfunayo apha, le nto ude uzimbele ingcwaba?’ Uzimbela indawo yokungcwaba kwindawo ephakamileyo; uzisikela indawo yokuphumla* eliweni.
17 ‘Jonga! uYehova uza kukujula phantsi ngobundlobongela ndodandini, akubambe engakucengi.
18 Ngokuqinisekileyo uza kukusonga akuqinise, akujule njengebhola kwilizwe elikhulu. Uza kufela apho, neenqwelo zozuko lwakho zibe lihlazo lendlu yenkosi yakho.
19 Ndiza kukususa esikhundleni sakho, ndikususe nakwisigxina sakho.
20 “‘Ngaloo mini ndiza kubiza umkhonzi wam uEliyakim+ unyana kaHilekiya,
21 Ndiza kumnxibisa umwunduzo wakho, ndimbophe ntshi ngombhinqo wakho,+ negunya lakho* ndilinikele esandleni sakhe. Uza kuba ngutata wabemi baseYerusalem nabendlu kaYuda.
22 Nesitshixo sendlu kaDavide+ ndiza kusibeka egxalabeni lakhe. Uza kuvula, kuze kungabikho uvalayo; avale kungabikho uvulayo.
23 Ndiza kumbethelela njengesikhonkwane kwindawo ehlala ikho, abe njengetrone yozuko endlini katata wakhe.
24 Kwaye baza kuluxhoma kuye lonke uzuko lwendlu katata wakhe, inzala nezizukulwana, zonke izitya ezincinci, izitya ezimgobongqo nayo yonke imiphanda emikhulu.
25 “‘Ngaloo mini,’ utsho uYehova wemikhosi, ‘isikhonkwane esibethelelwe kwindawo ehlala ikho siza kususwa,+ siza kunqunyulwa size siwe, nomthwalo okuso uza kuwa wonakale, kuba uYehova uthethile.’”
Umbhalo osemazantsi
^ Kucaca ukuba kuthethwa ngeYerusalem.
^ Esi sisimntwiso esingumbongo, mhlawumbi sichaza usizi okanye ukusizelwa.
^ Okanye “ulungisa.”
^ Okanye “nabakhweli-mahashe bami ngeendawo zabo.”
^ Okanye “Awona mathafa akho mahle.”
^ Okanye “indlu.”
^ Ngokoqobo, “ikhaya.”
^ Okanye “nolawulo lwakho.”
