IiNdumiso 81:1-16
Kumalathisi; mayidlalwe ngeGititi.* Eka-Asafu.+
81 Khwazani ngovuyo kuThixo ongamandla ethu.+
Khwazani ngoloyiso oluvela kuThixo kaYakobi.
2 Hlabelani ingoma nize nithathe igubu,Nidlale ingoma emnandi ngohadi nomrhubhe.
3 Vuthelani uphondo ekuthwaseni kwenyanga,+Naxa inyanga iphelele, ngemini yetheko lethu.+
4 Kaloku lowo ngummiselo kaSirayeli,Ngumthetho owamiselwa nguThixo kaYakobi.+
5 Wawenza wasisikhumbuzo kuYosefu+Mhla wahlasela ilizwe laseYiputa.+
Ndeva ilizwi endingalaziyo* lisithi:
6 “Ndawothula umthwalo emagxeni abo;+Ndaziphumza izandla zabo ekuphatheni iibhaskithi.
7 Nandikhalela nisentlungwini, ndanisindisa;+Ndaniphendula ndikwilifu elineendudumo.*+
Ndanivavanya emanzini aseMeribha.*+ (Selah)
8 Mamelani, bantu bam, ndiza kunilumkisa.
Owu Sirayeli, akwaba ubunokundimamela.+
9 Phakathi kwakho, akuzukubakho thixo wasemzini,Ibe awuzukuqubuda komnye uthixo.+
10 Mna, Yehova, ndinguThixo wakho,Owakukhupha kwilizwe laseYiputa.+
Khamisa, ndize ndikutyise uhluthe.+
11 Kodwa abantu bam abazange balimamele ilizwi lam;USirayeli akazange andithobele.+
12 Ngoko ndabayekela kwezo nkani zabo;Benza ukuthanda kwabo.*+
13 Akwaba abantu bam bebenokundimamela,+Akwaba uSirayeli ebenokuhamba ezindleleni zam!+
14 Bendiza kuzithi qwaka-qwaka iintshaba zakhe;Bendiza kubabhuqa abo bamhlaselayo.+
15 Baza koyika phambi kukaYehova abo bamcaphukelayo,Ibe intlekele yabo iza* kuhlala ngonaphakade.
16 Kodwa nina* uza kunondla ngengqolowa yodidi,*+Nibutye nanele ubusi obuseliweni.”+
Umbhalo osemazantsi
^ Funda Ingcaciso Yamagama.
^ Okanye “ulwimi endingalwaziyo.”
^ Ethetha ukuthi “Ukuxabana.”
^ Ngokoqobo, “ndikwindawo efihlakeleyo yendudumo.”
^ Ngokoqobo, “Bahamba ngabayibonayo.”
^ Ngokoqobo, “ixesha labo liza.”
^ Oko kukuthi, abantu bakaThixo.
^ Ngokoqobo, “ngamanqatha engqolowa.”
