IiNdumiso 59:1-17
Kumalathisi; mayidlalwe ngethi “Sukonakalisa.” EkaDavide. IMiktam.* Xa uSawule wathumela amadoda ukuba ayokugada indlu kaDavide* ukuze ambulale.+
59 Ndisindise kwiintshaba zam, owu yhini Thixo wam;+Ndikhusele kwabo balwa nam.+
2 Ndisindise kwabo bakhohlakeleyo;Ndisindise kwiindlobongela zamadoda.*
3 Jonga! Bandilalele;+Ndihlaselwa zizigantsontso zamadodaNdingakhange ndiwajikele okanye ndone,+ Yehova.
4 Nangona ndingenzanga nto, balungiselela ukundihlasela.
Ndicela uvuke xa ndikubiza, ubone.
5 Kuba wena Yehova Thixo wemikhosi, unguThixo kaSirayeli.+
Vuka uze uzihoye zonke ezi ntlanga.
Sukuzisizela izikhohlakali ezindijikeleyo.+ (Selah)
6 Babuya yonke le mihla ngokuhlwa;+Bagragrama* okwezinja,+ bengqunga esixekweni.+
7 Jonga into ephuma* emilonyeni yabo;Imilebe yabo ifana namakrele,+Kuba bathi: “Ngubani omameleyo?”+
8 Kodwa wena Yehova, uza kubahleka;+Uza kuzenza intlekisa zonke iintlanga.+
9 Owu Mandla am, ndiza kukulinda;+Kuba uThixo yindawo yam yokubalekela ekhuselekileyo.*+
10 UThixo ondithanda ngokungagungqiyo uza kundinceda;+UThixo uza kundenza ndizoyise iintshaba zam.+
11 Ndicela ungababulali, ukuze abantu bam bangayilibali le nto.
Ngamandla akho benze babhadule;Owu yhini Yehova, bawise khaka lethu.+
12 Ngenxa yesono semilomo yabo, ilizwi lemilebe yabo,Mabarhintyelwe likratshi labo,+Ngenxa yokuqalekisa nokuthetha kwabo izinto eziqhathayo.
13 Batshayele ngomsindo;+Bagqibe, baphele tu;Bazise ukuba nguThixo olawula kwaYakobi nakwezona ndawo zikude emhlabeni.+ (Selah)
14 Mababuye ngokuhlwa;Mabagragrame* okwezinja, bangqunge esixekweni.+
15 Mababhadule bekhangela ukutya;+Ungabavumeli bahluthe okanye bafumane indawo yokulala.
16 Kodwa mna, ndiza kucula ngamandla akho;+Ndiza kubalisa kwakusasa ngothando lwakho olungagungqiyo ndivuya.
Kuba uyindawo yam yokuzimela ekhuselekileyo+Nendawo yam yokubalekela xa ndisengxakini.+
17 Owu Mandla am, ndiza kukudumisa ngengoma,*+Kuba uThixo uyindawo yam ekhuselekileyo yokubalekela, uThixo ondithanda ngokungagungqiyo.+
Umbhalo osemazantsi
^ Funda Ingcaciso Yamagama.
^ Ngokoqobo, “indlu.”
^ Okanye “kumadoda anxanelwe igazi.”
^ Okanye “Bakhonkotha.”
^ Okanye “ephuphuma.”
^ Okanye “ephakamileyo nekhuselekileyo.”
^ Okanye “Mabakhonkothe.”
^ Okanye “kukuqambela ingoma.”
