IiNdumiso 50:1-23
Ingoma emnandi ka-Asafu.+
50 UThixo woothixo, uYehova,*+ uthethile;Ubiza umhlabaUkusuka empumalanga ukuya entshonalanga.
2 UThixo ubengezela ephuma eZiyon, indawo egqwesileyo ngobuhle.+
3 UThixo wethu uza kuza, ibe akazukuhlala ethule.+Kukho umlilo odlayo phambi kwakhe,+Ibe ujikelezwe sisivuthu-vuthu sesaqhwithi esikhulu.+
4 Ubiza amazulu nomhlaba,+Ukuze agwebe abantu bakhe:+
5 “Baqokelele beze kum abo bathembekileyo,Abo babingelelayo besenza isivumelwano nam.”+
6 Amazulu axela ubulungisa bakhe,Kuba nguThixo ngokwakhe uMgwebi.+ (Selah)
7 “Khanimamele kaloku bantu bam, ndithethe;Sirayeli, ndiza kuveza ubungqina ngawe.+
NdinguThixo, uThixo wakho.+
8 Andikululeki ngenxa yemibingelelo yakho,Ndingakululeki nangale minikelo yakho etshiswa ngokupheleleyo, ihlala iphambi kwam.+
9 Andidingi kuthatha nkunzi yankomo endlini yakho,Ndingadingi nazibhokhwe* zabuhlanti bakho.+
10 Kuba zonke izilwanyana zasendle ezisehlathini zezam,+Nditsho namarhamncwa akwiintaba eziliwaka.
11 Ndizazi zonke iintaka zasezintabeni;+Yonke le nqwaba yezilwanyana zasendle yeyam.
12 Ukuba bendilambile, bendingazukutsho kuwe,Kuba umhlaba ngowam, nento yonke ekuwo yeyam.+
13 Ndimele nditye inyama yeenkunzi zeenkomo na mna,Ndisele negazi leebhokhwe?+
14 Umbingelelo wakho kuThixo mayibe kukubulela,+Ibe umele uzifezekise izithembiso zakho kOyena Uphakamileyo;+
15 Ndibize ngemini yobunzima.+
Ndiza kukusindisa, uze wena undizukise.”+
16 Kodwa uThixo uza kuthi kulowo ungalunganga:
“Ngubani othe ungathetha ngemithetho yam+Nothe ungathetha ngesivumelwano sam?+
17 Kaloku wena awukufuni nokukubona ukuqeqeshwa,*Uhlala uwanikela umva* amazwi am.+
18 Xa ubona isela, uyalivuyela,*+Ibe uhlala nabantu abakrexezayo.*
19 Uthetha izinto ezimbi ngomlomo wakho,Inkohliso ithe nca elulwimini lwakho.+
20 Uhleli nje uthetha kakubi ngomntakwenu;+Udiza iingxaki anazo unyana* kamama wakho.
21 Ndathula ndathi tu xa wawusenza ezi zinto,Wena wawucinga ukuba ndiza kufana nawe.
Kodwa ngoku ndiza kukululeka,Ibe ndiza kukumangalela.+
22 Khanicinge ngale nto ke nina balibala uThixo,+Ukuze ndinganidlakazi ningenamsindisi.
23 Ngulowo ubingelela ngokubulela ondizukisayo,+Yena umntu olandela indlela ebekiweyo,Ndiza kumenza abone ukuba kunjani ukusindiswa nguThixo.”+
Umbhalo osemazantsi
^ Okanye “Lowo unguThixo, uYehova.”
^ Ngokoqobo, “nazinkunzi zabhokhwe.”
^ Okanye “ukuyalelwa.”
^ Ngokoqobo, “uwaphosa emva kwakho.”
^ Oko kukuthi, abantu abalala nabantu abangatshatanga nabo.
^ Okanye kusenokwenzeka, “uyalincedisa.”
^ Okanye “Ungcolisa igama lonyana.”
