IiNdumiso 33:1-22
33 Khwazani nivuya nina malungisa, nivuyela izinto azenzileyo uYehova.+
Bafanele bamdumise abantu abalungileyo.
2 Bulelani kuYehova ngohadi;Mdumiseni ngengoma* nidlala umrhubhe oneentambo ezilishumi.
3 Mculeleni ingoma entsha;+Yidlaleni ngobuchule kumrhubhe, nikhwaze nivuya.
4 Kuba ilizwi likaYehova lilungile,+Ibe yonke into ayenzayo ithembekile.
5 Uyabuthanda ubulungisa nokusesikweni.*+
Umhlaba ugcwele luthando lukaYehova olungagungqiyo.+
6 Amazulu enziwe ngelizwi likaYehova,+Yonke into ekuwo yenziwe* ngumoya womlomo* wakhe.
7 Uqokelela amanzi olwandle ngathi lidama;+Ufaka amanzi aqukuqelayo koovimba.
8 Wonke umhlaba mawumoyike uYehova.+
Bonke abemi bomhlaba mabamangaliswe nguye.
9 Kuba wathetha, suka kwenzeka;+Wayalela, kwaza kwaba njalo.+
10 UYehova uye wawagxobha amayelenqe eentlanga,+Wawenza awaphumelela amacebo ezizwana.+
11 Kodwa zona izigqibo* zikaYehova ziza kuma ngonaphakade;+Iingcinga zentliziyo yakhe zisuka kwesinye isizukulwana ziye kwesinye.
12 Lonwabile uhlanga olunoThixo onguYehova,+Abantu abanyulileyo balilifa lakhe.+
13 UYehova ujonga phantsi esezulwini;Ubabona bonke oonyana babantu.+
14 Ubabukele bonke abantu abasemhlabeni,Ekwindawo ahlala kuyo.
15 Nguye owenza iintliziyo zabo bonke abantu;Uhlola zonke izinto abazenzayo.+
16 Akukho kumkani usindiswa bubukhulu bomkhosi wakhe;+Indoda eligorha ayisindiswa ngamandla ayo.+
17 Ukuthembela ekusindisweni lihashe akuncedi nto;*+Amandla alo awakuqinisekisi ukuba uza kusinda.
18 Jonga! Ilihlo likaYehova lihlala libagadile abo bamoyikayo,+Abo bathembele kuthando lwakhe olungagungqiyo,
19 Ukuze abasindise ekufeni,Nokuze abagcine bephila ngexesha lendlala.+
20 Sijonge kuYehova.
Ungumncedi wethu nekhaka lethu.+
21 Iintliziyo zethu ziyavuya ngenxa yakhe,Kuba sithembele kwigama lakhe elingcwele.+
22 Malube kuthi uthando lwakho olungagungqiyo, owu yhini Yehova,+Ngoxa siqhubeka sijonge kuwe.+
Umbhalo osemazantsi
^ Okanye “Mqambeleni ingoma.”
^ Okanye “nobulungisa.”
^ Ngokoqobo, “Wonke umkhosi okuwo wenziwe.”
^ Okanye “yimpefumlo yomlomo.”
^ Okanye “icebo.”
^ Okanye “Ihashe alizisi mpumelelo.”
