IMizekeliso 28:1-28
28 Abenzi-bubi babaleka kungekho mntu ubaleqayo,Kodwa amalungisa azithembe okwengonyama.+
2 Xa kusaphulwa umthetho elizweni, liza kuba nenkosana emva kwenye,+Kodwa indoda enengqondo nenolwazi iza kuyinceda inkosana ilawule ixesha elide.+
3 Ihlwempu eliqhatha abasweleyo+Linjengemvula ekhukulisa konke ukutya.
4 Abo bashiya umthetho badumisa umenzi-bubi,Kodwa abo bawuthobelayo umthetho bayabacaphukela.+
5 Abenzi-bubi abasiqondi isigwebo sobulungisa,Kodwa abo bafuna uYehova baqonda yonke into.+
6 Libhetele ihlwempu elimsulwa kwiindlela zaloKunesityebi esinamaqhinga.+
7 Unyana oqondayo uyawugcina umthetho,Kodwa onabahlobo abangamadla-kudla uhlaza utata wakhe.+
8 Umntu owandisa ubutyebi bakhe ngenzala+ nengeniso yamaqhingaUqokelelela lowo uwakhathaleleyo amahlwempu.+
9 Umntu owalayo ukumamela umthetho,Kwenyanyeka nomthandazo lo wakhe.+
10 Umntu owenza amalungisa ahambe ngendlela embi uza kuwela kumngxuma awumbe ngokwakhe,+Kodwa abamsulwa baza kufumana ilifa lezinto ezilungileyo.+
11 Umntu osisityebi ulumkile kwawakhe amehlo,+Kodwa ihlwempu elisebenzisa ingqondo alinakuqhathwa nguye.+
12 Xa amalungisa ephumelela, kubakho uzuko olukhulu,Kodwa xa abenzi-bubi besiba sezikhundleni eziphezulu, abantu bayazimela.+
13 Umntu ozifihlayo izono zakhe akazukuphumelela,+Kodwa nabani na ozivumayo aze aziyeke uza kwenzelwa inceba.+
14 Uyavuya umntu ohlala ethe qwa,*Kodwa oyenza lukhuni intliziyo yakhe uza kuwela kwintlekele.+
15 Unjengengonyama ebhavumayo nebhere elihlaselayoUmlawuli ongumenzi-bubi kwisizwana esingakwazi kuzinceda.+
16 Inkokheli engasebenzisi ngqondo ilisebenzisa kakubi igunya,+Kodwa umntu oyicaphukelayo ingeniso yamaqhinga uza kuphila ubomi obude.+
17 Umntu osindwa lityala legazi lokubulala umntu uza kubaleka de aye kungena engcwabeni.*+
Makungabikho mntu umxhasayo.
18 Umntu ohamba ngokungenasiphoso uza kusindiswa,+Kodwa oneendlela zamaqhinga uza kuwa ngesiquphe.+
19 Umntu owulimayo umhlaba wakhe uza kuba nesonka esininzi,Kodwa oleqeka emva kwezinto ezingenaxabiso uza kuba yimpula kaLujaca.+
20 Umntu othembekileyo uza kufumana iintsikelelo ezininzi,+Kodwa ongxamela ukuba sisityebi akazukuhlala emsulwa.+
21 Ukukhetha ubuso akulunganga;+Kodwa umntu usenokuyenza into embi kuba efuna iqhekeza lesonka.
22 Umntu onomona* ungxamela ukuba sisityebi,Kanti akazi ukuba uza kufikelwa bubuhlwempu.
23 Nabani na owohlwaya omnye+ uza kuthandwa emva koko+Kunalowo uncoma exoka.
24 Nabani na otsotsa utata wakhe nomama wakhe aze athi, “Ayimbanga loo nto,”+
Ngumhlobo womntu odala umonakalo.+
25 Umntu onyolukileyo* udala ingxabano,Kodwa nabani na othembela ngoYehova uza kuphumelela.*+
26 Nabani na othembela ngentliziyo yakhe sisidenge,+Kodwa ohamba ngobulumko uza kusinda.+
27 Nabani na opha amahlwempu, akananto aza kuyidinga,+Kodwa umntu ongawahoyiyo, uza kuqalekiswa kakhulu.
28 Xa abenzi-bubi belawula, umntu uyazifihla,Kodwa xa betshabalala, amalungisa ayanda.+
Umbhalo osemazantsi
^ Okanye “ohlala esoyika.”
^ Okanye “emngxunyeni.”
^ Okanye “onyolukileyo.”
^ Okanye kusenokwenzeka, “ozenza bhetele.”
^ Ngokoqobo, “uza kutyetyiswa.”
