IMizekeliso 2:1-22
2 Nyana wam, ukuba wamkela amazwi amIze ibaluleke kuwe imiyalelo yam,+
2 Ngokubuvulela indlebe ubulumko,+Uvule nentliziyo yakho ukuze uzibone kakuhle izinto;+
3 Ngaphezu koko, ukuba ubize ukuqonda,+Wakukhwaza nokuqiqa,+
4 Ukuba uhlala ubukhangela njengesilivere,+Ubuphanda njengobutyebi obufihliweyo;+
5 Uza kutsho wazi ukuba kuthetha ukuthini ukoyika uYehova,+Utsho umazi uThixo.+
6 Kuba nguYehova onika ubulumko;+Emlonyeni wakhe kuphuma ulwazi nokuqonda.
7 Ubagcinela ubulumko abo balungileyo;Ulikhaka kwabo bahamba ngokuthembeka.+
8 Uyigadile indlela yobulungisa,Uza kuyigada nendlela yabo banamathela kuye.+
9 Uza kutsho ubuqonde ubulungisa, okusesikweni* nokungakhethi buso,Uyiqonde ngokupheleleyo into elungileyo.+
10 Xa ubulumko bungena entliziyweni yakho+Nomphefumlo* wakho uluthanda ulwazi,+
11 Ukucingisisa kuya kukwalusa,+Ukuqonda kuya kukukhusela,
12 Ukuze usinde endleleni embi,Nasemntwini othetha izinto ezijijekileyo,+
13 Kwabo bashiya iindlela ezilungileyoUkuze bahambe ngeendlela zobumnyama,+
14 Kwabo bavuyela ukwenza izinto ezimbi,Abonwabela imikhwa ejijekileyo,
15 Abo baneendlela ezigqwethekileyoNabangamaqhophololo kwiindlela zabo zonke.
16 Buza kukusindisa kumfazi ongakwazi kuziphatha,*Kumazwi esincwaso* omfazi oziphethe kakubi,*+
17 Olahla umhlobo osenyongweni* wobutsha bakhe,+Aze asilibale isivumelwano awasenza noThixo wakhe;
18 Kuba indlu yakhe yehlela ekufeni,Neendlela zakhe zikhokelela kwabafileyo.+
19 Akukho namnye obuyayo kwabo balala naye,*Bengazukuphinda bayifumane nendlela yobomi.+
20 Ngoko ke, landela indlela yabantu abalungileyoUze uhlale endleleni yamalungisa,+
21 Kuba ngabalungileyo kuphela abaza kuhlala emhlabeni,Ibe ngabo bamsulwa* abaza kushiyeka kuwo.+
22 Ke bona abenzi-bubi baza kususwa emhlabeni,+Nabantu abanamaqhinga baza kuncothulwa kuwo.+
Umbhalo osemazantsi
^ Okanye “ubulungisa.”
^ Funda Ingcaciso Yamagama.
^ Ngokoqobo, “wasemzini.” Kubonakala ukuba ngomshiyileyo uThixo.
^ Okanye “ahendayo.”
^ Ngokoqobo, “wasemzini.” Kubonakala ukuba ngomshiyileyo uThixo.
^ Okanye “umyeni.”
^ Ngokoqobo, “kwabo bangena kuye.”
^ Okanye “ngabo bahlala bethembekile.”
