CHIDZIDZO 8
Abrahamu naSara Vakateerera Mwari
Pedyo neBhabheri paiva neguta rainzi Uri. Vanhu vaiva ikoko vakanga vasinganamati Jehovha asi vainamata vanamwari vakawanda. Asi muUri maiva nemumwe murume ainamata Jehovha chete. Zita rake ainzi Abrahamu.
Jehovha akati kuna Abrahamu: ‘Siya musha wako nehama dzako, uende kunyika yandichakuratidza.’ Mwari akabva amuvimbisa kuti: ‘Uchava rudzi rwakakura, uye ndichaitira vanhu vakawanda vari panyika zvinhu zvakanaka nekuda kwako.’
Abrahamu akanga asingazivi kwaakanga anzi naJehovha aende, asi akavimba naJehovha. Saka Abrahamu, mudzimai wake Sara, baba vake Tera, naRoti mwana wemukoma wake, vakatora zvinhu zvavo ndokutanga rwendo rwavo rwakareba sezvakanga zvataurwa naJehovha.
Abrahamu akanga ava nemakore 75 paakazosvika nemhuri yake kunyika yavakanga vanzi naJehovha vaende. Nyika yacho yainzi Kenani. Ikoko, Mwari akataura naAbrahamu uye akamuvimbisa kuti: ‘Ndichapa vana vako nyika yese iyi yauri kuona.’ Asi Abrahamu naSara vakanga vakwegura, uye vakanga vasina kana mwana. Saka Jehovha aizozadzisa sei vimbiso yake?
“Nekutenda, Abrahamu . . . akateerera akaenda kunzvimbo yaaizofanira kugamuchira senhaka; akabuda, kunyange akanga asingazivi kwaakanga achienda.”—VaHebheru 11:8
Zvimwe Zvaunogona Kufarira
MAKADHI EVANHU VOMUBHAIBHERI
Abrahamu Kadhi reBhaibheri
Ona kuti sei Abrahamu akanzi shamwari yaJehovha. Prinda, cheka, uye chengeta kadhi iri reBhaibheri.
BHAIBHERI
Mwari Anoita Sungano naAbrahamu
Nei Abrahamu akatamira kuKenani? Jehovha akaita sungano ipi naAbrahamu?
