Rwiyo rwaSoromoni 2:1-17
2 “Ndinongovawo zvangu ruva resafuroni remubani remumhenderekedzo yegungwa,Ruva remumapani.”+
2 “Seruva riri pakati peminzwaNdizvo zvakaita mudiwa wangu pakati pevanasikana.”
3 “Semuti wemuapuro uri pakati pemiti yemusango,Ndizvo zvakaita mudiwa wangu pakati pevanakomana.
Ndinoda chaizvo kugara mumumvuri wake,Uye muchero wake unotapira mukanwa mangu.
4 Akandiunza muimba yemabiko,*Uye rudo rwake rwakanga rwakaita semureza pamusoro pangu.
5 Ndigutse nemakeke emazambiringa akaomeswa;+Ndisimbise nemaapuro,Nekuti ndiri kurwara nerudo.
6 Ruoko rwake rweruboshwe ruri pasi pemusoro wangu,Uye ruoko rwake rwerudyi rwakandimbundira.+
7 Ndinoita kuti mupike, imi vanasikana veJerusarema,Nemhara+ uye nenondo dzemusango:
Musaedza kumutsa rudo mukati mangu kusvikira rwava kuda.+
8 Ndiri kunzwa mudiwa wangu!
Uyo! Ari kuuya,Achikwira makomo, achisvetuka zvikomo.
9 Mudiwa wangu akaita semhara, akaita senondo diki.+
Uyo ari apo, akamira kuseri kwemadziro edu,Achitarisa nepamahwindo,Achidongorera nepamahwindo emaburi maburi.
10 Mudiwa wangu anotaura, anoti kwandiri:
‘Simuka, iwe mudiwa wangu,Tsvarakadenga yangu, ngatiende tese.
11 Ona! Mwaka wechando* wapfuura.
Hakusisina mvura, yaenda.
12 Maruva ava kuoneka panyika,+Nguva yekuchekerera miti yasvika,+Uye rwiyo rwenjiva rwava kunzwika munyika yedu.+
13 Muonde wava kuibvisa maonde awo ekutanga;+Mizambiringa yava nemaruva uye yava kunhuhwirira.
Simuka, mudiwa wangu, uuye.
Tsvarakadenga yangu, ngatiende tese.
14 Iwe njiva yangu yakazororera pakati pematombo,+Iri munzvimbo yekuhwanda mumawere,Rega ndikuone, ndinzwe inzwi rako,+Nekuti inzwi rako rinofadza uye chimiro chako chakanaka.’”+
15 “Tibatire makava,Makava madiki anoparadza minda yemizambiringa,Nekuti minda yedu yemizambiringa yava nemaruva.”
16 “Mudiwa wangu ndewangu uye ini ndiri wake.+
Ari kufudza makwai+ ari pakati pemaruva.+
17 Kusvikira kwava kufefetera uye mimvuri yava kutiza,Dzoka nekukurumidza, iwe mudiwa wangu,Semhara+ kana kuti senondo diki hono+ iri pamakomo ekuparadzana.*
Mashoko Emuzasi
^ ChiHeb., “muimba yewaini.”
^ Kana kuti “wemvura.”
^ Dzimwe shanduro dzinoti, “makomo akaparadzana.” Kana kuti “makomo eBhetari.”
