Zaburi 103:1-22
Zaburi ya Dawidi.
103 Reka nsingize Yehova.
Reka nsingize izina rye ryera n’umutima wanjye wose.
2 Reka nsingize Yehova.
Sinzigera nibagirwa ibyo yakoze byose.+
3 Ni we umbabarira amakosa yanjye yose,+Kandi ni we unkiza indwara zanjye zose.+
4 Ni we unkiza urupfu,+Kandi ni we ungaragariza urukundo rudahemuka n’imbabazi.+
5 Ibintu byiza byose mfite+ mu buzima bwanjye ni we wabimpaye,Kugira ngo nkomeze kuba muto kandi ngire imbaraga nk’iza kagoma.*+
6 Yehova akora ibyo gukiranuka,+Kandi arenganura abakandamizwa bose.+
7 Yamenyesheje Mose imigenzereze ye,+Amenyesha Abisirayeli ibikorwa bye.+
8 Yehova ni umunyambabazi kandi agira impuhwe.+
Atinda kurakara kandi afite urukundo rudahemuka rwinshi.+
9 Ntazahora adushakaho amakosa,+Kandi ntazaturakarira iteka.+
10 Ntiyadukoreye ibihuje n’ibyaha byacu.+
Ntiyatwituye ibidukwiriye bingana n’amakosa yacu.+
11 Nk’uko ijuru riri kure cyane y’isi,Ni ko n’urukundo rudahemuka agaragariza abamutinya ari rwinshi.+
12 Nk’uko aho izuba rirasira ari kure y’aho rirengera,Ni ko yashyize kure ibyaha byacu.+
13 Nk’uko papa w’abana abagirira imbabazi,Ni ko Yehova yagiriye imbabazi abamutinya.+
14 Kuko azi neza uko turemwe.+
Yibuka ko turi umukungugu.+
15 Umuntu abaho igihe gito nk’ibyatsi bibisi.+
Aba ameze nk’indabo zo mu gasozi zirabya,+
16 Ariko umuyaga wahuha zikavaho,Zikamera nkaho zitigeze zibaho.
17 Ariko urukundo rudahemuka rwa Yehova ruhoraho kuva iteka ryose kugeza iteka ryose.
Arugaragariza abamutinya,+Kandi n’abuzukuru babo abagaragariza gukiranuka.+
18 Nanone abigaragariza abubahiriza isezerano rye,+N’abakurikiza amategeko ye babyitondeye.
19 Intebe y’Ubwami ya Yehova iba mu ijuru,+Kandi ihoraho iteka. Ubwami bwe butegeka byose.+
20 Nimusingize Yehova mwebwe mwese bamarayika be+ mufite imbaraga nyinshi,Mwe mwumvira amategeko ye+ kandi mugakurikiza ibyo ababwira.
21 Mwebwe mwese ngabo za Yehova nimumusingize,+Mwebwe bakozi be mukora ibyo ashaka.+
22 Mwa biremwa bya Yehova mwe nimumusingize,Muri aho ategeka hose.
Nanjye reka nsingize Yehova n’umutima wanjye wose.
Ibisobanuro ahagana hasi
^ Ni ubwoko bw’igisiga.
