Cikumbutso ca Imfa ya Yesu
Mande, March 22, 2027
Caka ciliconse, a Mboni za Yehova amacita mwambo wokumbukila imfa ya Yesu kamodzi pa caka mogwilizana ndi zimene Yesu ananena kuti: “Muzicita zimenezi pondikumbukila.”—Luka 22:19.
Tikuitanilani inu ndi a m’banja lanu kuti mukapezekepo pa cocitika capadela cimeneci.
Mafunso Amene Anthu Ambili Amafunsa
Kodi ndani ayenela kupezekapo?
Aliyense ndi wolandilidwa, conco mungabwele ndi anzanu komanso a m’banja lanu.
Kodi pulogilamu imeneyi idzatenga utali wotani?
Pulogilamu imeneyi idzatenga pafupifupi ola limodzi.
Kodi pulogilamuyi idzacitikila kuti?
Funsani kwa a Mboni za Yehova a kwanuko.
Kodi nikapezekapo nidzafunika kulipila ndalama kapena kubvomela kupezeka pamisonkhano ina?
Ai.
Kodi padzakhala kuyendetsa mbale ya zopeleka?
Ai. Pa misonkhano ya Mboni za Yehova sipakhala kupititsamo mbale ya zopeleka.—Mateyo 10:8.
Kodi pali mtundu wa zovala zofunikila?
Ai. Ngakhale n’conco, a Mboni za Yehova amayesetsa kubvala mwaulemu komanso moonetsa kuti akulemekeza cocitikaco.
Kodi n’ciani cimene cidzacitika ku Cikumbutso?
Kudzakambidwa nkhani yolimbikitsa imene idzafotokoza kufunika kwa imfa ya Yesu komanso mapindu amene timapeza cifukwa ca zimene Mulungu ndi Yesu anaticitila. Msonkhanowu udzayamba komanso kutha ndi nyimbo.
Kuti mudziwe zambili, onani nkhani yakuti “N’chifukwa Chiyani a Mboni za Yehova Mumachita Mwambo wa Mgonero wa Ambuye Mosiyana ndi Zipembedzo Zina?”
Kodi Cikumbutso cotsatila cidzacitika liti?
2027: Mande, March 22
2028: Cisanu, April 9
2029: Cinai, March 29
Mungakondenso Izi
CIKUMBUTSO
Kukumbukila Imfa ya Yesu
Tikupemphani kuti mudzapezeke pa cocitika cofunika kwambili cimeneci. Tidzaphunzila mmene tingapindulile ndi moyo wa Yesu ndiponso imfa yake.
ZIPHUNZITSO ZOFUNIKA ZA M'BAIBO
N’cifukwa Ciani Yesu Anafa?
Baibo imaonetsa kuti imfa ya Yesu ni yofunika kwambili. Kodi imfa yake inali na colinga canji?
NKHANI ZINANSO
Pindulani na Nsembe ya Yesu
Kodi ni zinthu ziŵili ziti zofunika zimene Yesu anatiphunzitsa kucita kuti tipindule na imfa yake?
ZOKHUDZA IFE MBONI
Kapezekemponi pa Misonkhano ya Mboni za Yehova
Fufuzani kumene timakumana komanso mmene timalambilila. Onse ni olandilidwa ndipo sipakhala kuyendetsa mbale ya zopeleka.