Makhalidwe akuloŵa pansi. Odwala amwano amalalatila madokotala; makasitomala opanda ulemu amakalipila ogwila nchito m’malesitilanti; okwela ndeke osalamulilika amacitila nkhanza ogwila nchito m’ndeke; ana okonda kuphwanya malamulo amaseka aphunzitsi awo, kuwaopseza, ngakhale kuwaukila kumene; andale ena amacita zinthu zocititsa manyazi, pomwe ena amadzionetsela kuti ali na makhalidwe abwino.

 Baibo ni gwelo lodalilika lotionetsa makhalidwe abwino. Imafotokozanso cifukwa cake anthu alibe makhalidwe abwino masiku ano.

 Kuloŵa pansi kwa makhalidwe abwino kukuonekela kwambili kuzungulila dziko lonse lapansi.

•   Malinga na kafukufuku wina wodalilika wa posacedwapa, anthu a ku America amaona kuti m’dziko lawo makhalidwe aloŵa pansi kwambili kuposa mmene zinalili pa zaka 22 zapitazi.

•   Pa kafukufuku winanso amene anacitika pa anthu 32,000 m’maiko 28, anthu opitilila hafu anakamba kuti makhalidwe aloŵa pansi kwambili kuposa n’kale lonse.

 Baibo inakambilatu za makhalidwe amene timaona masiku ano.

•   “Masiku otsiliza adzakhala nthawi yapadela komanso yovuta. Anthu adzakhala odzikonda, okonda ndalama, odzitama, odzikweza, onyoza, osamvela makolo, osayamika, . . . osadziletsa, [komanso] oopsa.”—2 Timoteyo 3:1-3.

 Kuti mudziŵe zambili zokhudza mmene ulosiwu ukukwanilitsikila masiku ano, ŵelengani nkhani yakuti “Kodi Baibulo Linaneneratu za Mmene Anthu Adzidzaganizira ndi Kuchitira Zinthu Masiku Ano?”

 M’dziko limene makhalidwe akuloŵa pansi, anthu mamiliyoni apeza kuti Baibo ni gwelo lodalilika la makhalidwe abwino. Malangizo ake pa nkhani ya makhalidwe ni “odalilika nthawi zonse, kuyambila panopa mpaka kalekale.” (Salimo 111:8) Onan’koni zitsanzo zingapo:

•   Zimene Baibo imanena: “Zinthu zonse zimene mumafuna kuti anthu akucitileni, inunso muwacitile zomwezo.”—Mateyo 7:12.

   Tanthauzo lake: Tizicitila ena zinthu mokoma mtima komanso mwaulemu, monga tingafunile kuti ena aziticitila.

•   Zimene Baibo imanena: “Popeza tsopano mwataya cinyengo, aliyense wa inu azilankhula zoona kwa mnzake.”—Aefeso 4:25.

   Tanthauzo lake: Tizikhala oona mtima pa zonse zimene timakamba na kucita.

 Kuti mudziŵe zambili pa nkhani imeneyi, conde ŵelengani:

•   Nsanja ya Mlonda ya mutu wakuti “Kodi Tingawapeze Kuti Malangizo Odalilika?”

•   Nkhani yakuti “Kodi Baibo Imathandiza Bwanji Anthu Kukhala Ololela?.”