Caka ciliconse, timayembekezela kucita phwando la kuuzimu pa misonkhano yathu yacigawo. Conco, tiyenela kuitana anthu mmene tingathele kuti adzacite nafe msonkhanowu, kuti naonso akaone kuti Yehova ndi wabwino. (Sal. 34:8) Bungwe lililonse la akulu lidzapanga makonzedwe a mmene tingagaŵile tumapepala twa ciitano tumenetu.

• Kodi msonkhano wacigawo udzacitika liti?

• Kodi mpingo udzayamba liti kugaŵila tumapepala twa ciitano?

• Ndi liti pamene mpingo umakumana kuti ukonzekele kupita mu ulaliki?

• Kodi ndaika zolinga zotani ponena za kugaŵila tumapepala twa ciitano?

• Kodi ndidzaitana ndani?

Mukapatsana moni, mungakambe kuti:

“Tikugwila nchito yapadela imene ikucitika padziko lonse yoitanila anthu ku cocitika cofunika kwambili. Deti, nthawi, ndi malo zalembedwa pa kapepala aka ka ciitano. Tidzasangalala kuona kuti mwapezekapo.”

Ngakhale kuti tifuna kuitanila anthu ambili ku msonkhano wacigawo, tifunika kukhala chelu kuti tithandize anthu amene aonetsa cidwi.

Kumapeto kwa mlungu, mungagaŵile magazini pamodzi ndi kapepala ka ciitano.