30 DECEMBER 2024
RUSSIA

“Yehova Akuona Zimene Zikundichitikira”

YAMBANI

Pa 26 December 2024, Khoti la Mzinda wa Nazarovo m’chigawo cha Krasnoyarsk linamanga M’bale Pavel Chemrov ndipo linagamula kuti kwa zaka zitatu, azitsatira malamulo enaake ali panyumba. M’baleyu sakufunika kupita kundende panopa.

Zokhudza M’baleyu

Pavel Chemrov

Chaka chobadwa: 1964 (Ku Progress, Chigawo cha Krasnoyarsk)

Chaka chobatizidwa: 2015

Mbiri yake: Amagwira ntchito yoyendetsa galimoto. M’banja lakwawo ndi iye yekha amene ndi wa Mboni za Yehova

Mlandu wake: Kukambirana ndi ena zokhudza Baibulo komanso zimene a Mboni za Yehova amakhulupirira

Chigamulo: Kwa zaka zitatu azitsatira malamulo enaake ali panyumba

Zimene Ananena

Kodi mwaphunzira zotani zokhudza Yehova pa mavuto amene mwakumana nawowa?

Mavuto amene ndakumana nawo andithandiza kudziwa kuti Yehova amaona zimene zikundichitikira ndipo amakhudzidwa. Ndimapemphera kwa iye pafupipafupi, kumuuza chilichonse chimene chikundidetsa nkhawa komanso ndimamupempha kuti andipatse mphamvu kuti ndipirire. Nthawi zonse Yehova amandiyankha pa nthawi yoyenera. Ndimamuyamikira chifukwa choti amandikonda komanso amandisamalira.

Mofanana ndi M’bale Chemrov, nafenso timalimbikitsidwa podziwa kuti Yehova ‘amationa’ ndipo adzatidalitsa tikamayesetsa kukhalabe okhulupirika kwa iye.—Yeremiya 12:3.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI