PA NTHAWI ina, M’bale Sormin anaitanidwa kuti akaonekere pamaso pa mkulu wa ofufuza milandu.

Mkuluyo ananena kuti: “Iwe ndiwe nzika ya dziko lino, ndiye ndikufuna kuti undiuze zoona zokhazokha. Kodi a Mboni za Yehova amachita chiyani kwenikweni ku Indonesia kuno?”

M’bale Sormin anayankha kuti: “Bwanji choyamba ndikufotokozereni mbiri yanga. Poyamba ndinali mtsogoleri wa zigawenga zoopsa kwambiri koma panopa ndimaphunzitsa anthu Baibulo. Zimenezi n’zimene a Mboni za Yehova amachita ku Indonesia kuno. Amathandiza anthu omwe anali ndi makhalidwe oipa ngati ineyo, kuti asinthe n’kukhala nzika zabwino.”

Patapita nthawi, mkuluyo anauza anthu ena kuti: “Ndimamva anthu ambiri akudandaula za a Mboni za Yehova. Koma ndimadziwa kuti ndi chipembedzo chabwino chifukwa anathandiza anthu ngati Bambo Sormin kuti asinthe.”