Deuteronomo 33:1-29
33 Tsopano awa ndi madalitso amene Mose, munthu wa Mulungu woona, ananena asanafe kuti Aisiraeli adzalandira.+
2 Iye anati:
“Yehova anabwera kuchokera ku Sinai,+Anawala pa iwo kuchokera ku Seiri.
Anawala mwa ulemerero kuchokera kudera lamapiri la Parana,+Ndipo anali ndi angelo ake ambirimbiri,*+Kudzanja lake lamanja kunali asilikali ake.+
3 Iye ankakonda anthu ake,+Anthu oyera onsewa ali mʼmanja mwanu.+
Iwowa anakhala pamapazi anu.+Anayamba kumvetsera mawu anu.+
4 (Mose anatipatsa chilamulo,+Chimene ndi chuma cha mpingo wa Yakobo.)+
5 Mulungu anakhala mfumu mu Yesuruni,*+Pamene atsogoleri a anthu anasonkhana pamodzi,+Limodzi ndi mafuko onse a Isiraeli.+
6 Rubeni akhale ndi moyo ndipo asafe,+Ndipo anthu ake asakhale ochepa.”+
7 Iye ananena kuti Yuda adzalandira madalitso otsatirawa:+
“Inu Yehova, imvani mawu a Yuda,+Ndipo mumubwezere kwa anthu ake.
Iye wateteza* zinthu zake ndi manja ake,Mumuthandize kulimbana ndi adani ake.”+
8 Ponena za Levi anati:+
“Tumimu ndi Urimu wanu*+ ndi za munthu wokhulupirika kwa inu,+Amene munamuyesa pa Masa.+
Munayamba kulimbana naye pafupi ndi madzi a ku Meriba.+
9 Munthu amene anauza bambo ndi mayi ake kuti, ‘Sindinasonyeze kuti ndikuwalabadira.’
Ngakhale abale ake sanawasamale,+Ndipo ana ake anakhala ngati sakuwadziwa.
Chifukwa anatsatira mawu anu,Ndipo anasunga pangano lanu.+
10 Amenewa azilangiza Yakobo pa zigamulo zanu+Ndi Isiraeli mʼChilamulo chanu.+
Azipereka nsembe zofukiza kuti zikhale kafungo kosangalatsa kwa inu,*+Ndi nsembe yathunthu paguwa lanu lansembe.+
11 Inu Yehova dalitsani mphamvu zake,Ndipo mukondwere ndi ntchito ya manja ake.
Muphwanye miyendo ya* amene akumuukira,Kuti amene amadana naye asathenso kuimirira.”
12 Ponena za Benjamini anati:+
“Wokondedwa wa Yehova azikhala wotetezedwa ndi iye,Pamene akumuteteza tsiku lonse,Iye adzakhala pakati pa mapewa ake.”
13 Ponena za Yosefe anati:+
“Dziko lake lidalitsidwe ndi Yehova.+Lidalitsidwe ndi zinthu zabwino kwambiri zakumwamba,Ndi mame komanso madzi ochokera mu akasupe a pansi pa nthaka.+
14 Lidalitsidwenso ndi zinthu zabwino kwambiri, zochokera ku dzuwa,Ndi zokolola zabwino kwambiri mwezi uliwonse,+
15 Lidalitsidwe ndi zinthu zabwino koposa zamʼmapiri akale,*+Ndi zinthu zabwino kwambiri zamʼmapiri amene adzakhalapo mpaka kalekale.
16 Lidalitsidwe ndi zinthu zabwino kwambiri za padziko lapansi, ndi chuma chake chonse,+Komanso movomerezedwa ndi Iye amene anaonekera mʼchitsamba chaminga.+
Madalitso amenewa akhale pamutu pa Yosefe,Paliwombo pa munthu amene anasankhidwa pakati pa abale ake.+
17 Ulemerero wake ndi wofanana ndi wa mwana wa ngʼombe wamphongo woyamba kubadwa,Ndipo nyanga zake ndi nyanga za ngʼombe yamphongo yamʼtchire.
Nyanga zimenezo adzakankha* nazo anthu.Adzakankha nazo anthu onse pamodzi mpaka kukafika kumalekezero a dziko lapansi.
Nyanga zimenezo ndi anthu masauzande makumimakumi a fuko la Efuraimu,+Ndiponso anthu masauzande a fuko la Manase.”
18 Ponena za Zebuloni anati:+
“Kondwera Zebuloni iwe, pa maulendo ako,Ndiponso iwe Isakara, mʼmatenti ako.+
19 Adzaitanira mitundu ya anthu kuphiri.
Kumeneko adzapereka nsembe zachilungamo.
Chifukwa adzatenga chuma* kuchokera pa chuma chochuluka cha mʼnyanja,Ndi chuma chobisika chamumchenga.”
20 Ponena za Gadi anati:+
“Wofutukula malire a dera la Gadi ndi wodala.+
Iye adzagona kumeneko ngati mkango,Wokonzeka kukhadzula dzanja, komanso kungʼamba mutu paliwombo.
21 Iye adzasankha gawo labwino kwambiri kuti likhale lake,+Chifukwa gawo loperekedwa ndi wopereka malamulo linasungidwa kumeneko.+
Atsogoleri a anthu adzasonkhana pamodzi.
Iye adzachita chilungamo cha Yehova,Ndi zigamulo zake zokhudza Isiraeli.”
22 Ponena za Dani anati:+
“Dani ndi mwana wa mkango.+
Adzadumpha kuchokera ku Basana.”+
23 Ponena za Nafitali anati:+
“Nafitali wakhutira chifukwa chovomerezedwa,Ndipo madalitso a Yehova amuchulukira.
Tenga chigawo chakumadzulo ndi kumʼmwera.”
24 Ponena za Aseri anati:+
“Aseri anamudalitsa ndi ana aamuna.
Abale ake amukomere mtima,Ndipo apondetse* mapazi ake mʼmafuta.
25 Chitsulo komanso kopa* ndi zokhomera geti lako,+Ndipo udzakhala wotetezeka masiku onse a moyo wako.*
26 Palibe amene angafanane ndi Mulungu woona+ wa Yesuruni,+Amene amayenda mumlengalenga kuti akuthandize,Amene amayenda pamitambo mu ulemerero wake.+
27 Mulungu ndi malo ako othawirapo kuyambira kalekale,+Iye wakunyamula mʼmanja ake omwe adzakhalapo mpaka kalekale.+
Adzathamangitsa mdani pamaso pako,+Ndipo adzanena kuti, ‘Awonongeni!’+
28 Isiraeli adzakhala motetezeka,Kasupe wa Yakobo adzakhala motetezeka,Mʼdziko lokhala ndi chakudya komanso vinyo watsopano,+Limene kumwamba kwake kudzagwetsa mame.+
29 Ndiwe wosangalala iwe Isiraeli!+
Ndani angafanane ndi iwe,+Anthu amene akupulumutsidwa ndi Yehova,+Chishango chako chokuteteza,+Komanso lupanga lako lamphamvu?
Adani ako adzakhala mwamantha chifukwa cha iwe,+Ndipo iwe udzaponda pamisana yawo.”*
Mawu a M'munsi
^ Kapena kuti, “anali ndi oyera ake masauzande masauzande.”
^ Kutanthauza “Wolungama.” Limeneli ndi dzina laulemu la Isiraeli.
^ Kapena kuti, “wamenyera nkhondo.”
^ Mawu akuti “wanu” ndi “inu” akuimira Mulungu.
^ Mʼchilankhulo choyambirira, “mʼmphuno mwanu.”
^ Kapena kuti, “ziuno za.”
^ Mabaibulo ena amati, “mʼmapiri a kumʼmawa.”
^ Kapena kuti, “adzagunda.”
^ Mʼchilankhulo choyambirira, “adzayamwa chuma chochuluka.”
^ Kapena kuti, “asambitse.”
^ Kapena kuti, “mkuwa.”
^ Mʼchilankhulo choyambirira, “mphamvu zako zidzafanana ndi masiku a moyo wako.”
^ Mabaibulo ena amati, “pamalo awo okwezeka.”
