എത്ര മഹത്തായ പ്രതീക്ഷ! ഈ ഭൂമി​യിൽത്തന്നെ നമുക്ക്‌ എന്നേക്കും ജീവി​ക്കാ​നാ​കു​മെന്നു നമ്മുടെ സ്രഷ്ടാവ്‌ വാഗ്‌ദാ​നം ചെയ്‌തി​രി​ക്കു​ന്നു. എന്നാൽ, പലർക്കും അതു വിശ്വ​സി​ക്കാൻ പ്രയാ​സ​മാണ്‌. അവർ പറയു​ന്നത്‌ ‘ജനിച്ചാൽ ഒരുനാൾ മരിക്കണം, അതൊരു പ്രപഞ്ച​സ​ത്യ​മാണ്‌’ എന്നാണ്‌. മറ്റുചി​ലർ എന്നേക്കും ജീവി​ക്കാൻ കഴിയു​മെന്നു വിചാ​രി​ക്കു​ന്നു. പക്ഷേ ഇവിടെ ഭൂമി​യി​ലല്ല, മരിച്ച്‌ സ്വർഗ​ത്തിൽ ചെന്നതി​നു ശേഷം. നിങ്ങൾ എന്തു വിചാ​രി​ക്കു​ന്നു?

ഒരു തീരു​മാ​ന​ത്തി​ലെ​ത്തു​ന്ന​തി​നു മുമ്പ്‌, ഈ മൂന്നു ചോദ്യ​ങ്ങൾക്കുള്ള ബൈബി​ളി​ന്റെ ഉത്തരം നോക്കി​യാ​ലോ? എത്രകാ​ലം ജീവി​ക്കാ​നാണ്‌ ദൈവം മനുഷ്യ​നെ സൃഷ്ടി​ച്ചത്‌? ഭൂമി​യെ​യും മനുഷ്യ​രെ​യും കുറി​ച്ചുള്ള ദൈവ​ത്തി​ന്റെ ഉദ്ദേശ്യം എന്തായി​രു​ന്നു? മനുഷ്യ​രി​ലേക്കു മരണം എങ്ങനെ വന്നു?

ഭൂമി​യിൽ ദൈവം സൃഷ്ടിച്ച എല്ലാ ജീവജാ​ല​ങ്ങ​ളിൽനി​ന്നും തികച്ചും വ്യത്യ​സ്‌ത​നാ​ണു മനുഷ്യൻ. ഏതു വിധത്തിൽ? മനുഷ്യ​നെ മാത്ര​മാണ്‌ ദൈവ​ത്തി​ന്റെ ‘ഛായയി​ലും’ ‘സാദൃ​ശ്യ​ത്തി​ലും’ സൃഷ്ടി​ച്ച​തെന്നു ബൈബിൾ പറയുന്നു. (ഉൽപത്തി 1:26, 27) അതിന്റെ അർഥം സ്‌നേ​ഹ​വും നീതി​ബോ​ധ​വും പോലുള്ള ദൈവി​ക​ഗു​ണങ്ങൾ പ്രതി​ഫ​ലി​പ്പി​ക്കാൻ കഴിയുന്ന വിധത്തി​ലാണ്‌ മനുഷ്യ​നെ സൃഷ്ടി​ച്ചി​രി​ക്കു​ന്നത്‌ എന്നാണ്‌.

ഇതോ​ടൊ​പ്പം മനുഷ്യ​നു ചിന്തി​ക്കാ​നും കാര്യങ്ങൾ വിലയി​രു​ത്താ​നും ശരിയും തെറ്റും തിരി​ച്ച​റി​യാ​നും ഉള്ള പ്രാപ്‌തി​യും നൽകി​യി​ട്ടുണ്ട്‌. കൂടാതെ, ദൈവ​ത്തെ​ക്കു​റിച്ച്‌ അറിയാ​നും ദൈവ​ത്തോട്‌ അടുക്കാ​നും ഉള്ള ആഗ്രഹ​വും സഹിത​മാണ്‌ മനുഷ്യ​നെ സൃഷ്ടി​ച്ചി​രി​ക്കു​ന്നത്‌. അതു​കൊ​ണ്ടാണ്‌ പ്രപഞ്ച​ത്തി​ന്റെ ഗാംഭീ​ര്യ​വും പ്രകൃ​തി​യി​ലെ വിസ്‌മ​യ​ങ്ങ​ളും അമ്പര​പ്പോ​ടെ നോക്കി​ക്കാ​ണാ​നും കലയും കവിത​യും സംഗീ​ത​വും ഒക്കെ ആസ്വദി​ക്കാ​നും നമുക്കു കഴിയു​ന്നത്‌. ഇതി​നെ​ല്ലാം പുറമെ സ്രഷ്ടാ​വി​നെ ആരാധി​ക്കാ​നുള്ള അതുല്യ​മായ പ്രാപ്‌തി​യും മനുഷ്യർക്കുണ്ട്‌. ഈ സവി​ശേ​ഷ​ത​ക​ളെ​ല്ലാം ഭൂമി​യി​ലെ മറ്റെല്ലാ ജീവജാ​ല​ങ്ങ​ളിൽനി​ന്നും മനുഷ്യ​നെ ഏറെ വ്യത്യ​സ്‌ത​നാ​ക്കു​ന്നു.

ഇതൊന്നു ചിന്തിക്കൂ: നമ്മൾ ഏതാനും വർഷം മാത്രം ജീവി​ക്കാ​നാണ്‌ ദൈവം ഉദ്ദേശി​ച്ചി​രു​ന്ന​തെ​ങ്കിൽ, ഇത്തരം മികച്ച കഴിവു​ക​ളും ഗുണങ്ങ​ളും വളർത്തി​യെ​ടു​ക്കാ​നും അതു വികസി​പ്പി​ക്കാ​നും ഒക്കെയുള്ള അനന്തസാ​ധ്യ​തകൾ സഹിതം ദൈവം മനുഷ്യ​രെ സൃഷ്ടി​ക്കു​മാ​യി​രു​ന്നോ? സത്യം ഇതാണ്‌: ഈ ഭൂമി​യിൽത്തന്നെ നമ്മൾ എന്നേക്കും ജീവി​ക്കു​ന്ന​തി​നും ജീവിതം ആസ്വദി​ക്കു​ന്ന​തി​നും വേണ്ടി​യാണ്‌ ദൈവം നമുക്ക്‌ ഇത്തരം അതുല്യ​മായ ഗുണങ്ങ​ളും പ്രാപ്‌തി​ക​ളും നൽകി​യത്‌.

ഭൂമി​യിൽ എക്കാല​വും മനുഷ്യർ ജീവി​ക്കാൻ ദൈവം ഉദ്ദേശി​ച്ചി​രു​ന്നില്ല എന്നു ചിലർ പറയാ​റുണ്ട്‌. അവർ പറയു​ന്നത്‌, ഭൂമി ഒരു ഇടത്താ​വ​ള​മാ​യി​ട്ടാണ്‌ ഉണ്ടാക്കി​യി​രി​ക്കു​ന്നത്‌ എന്നാണ്‌. ആരൊക്കെ സ്വർഗ​ത്തിൽ പോയി ദൈവ​ത്തോ​ടൊ​പ്പം നിത്യം ജീവി​ക്ക​ണ​മെന്നു പരി​ശോ​ധി​ച്ച​റി​യാ​നുള്ള ഒരു സ്ഥലം മാത്രം. അതു സത്യമാ​ണെ​ങ്കിൽ, ഭൂമി​യി​ലുള്ള എല്ലാ തിന്മകൾക്കും ദുഷ്ടത​കൾക്കും ഉത്തരവാ​ദി ദൈവ​മാ​ണെന്നു വരില്ലേ? അത്‌ ദൈവ​ത്തി​ന്റെ വ്യക്തി​ത്വ​ത്തി​നു നിരക്കാ​ത്ത​താണ്‌. ദൈവ​ത്തെ​ക്കു​റിച്ച്‌ ബൈബിൾ പറയു​ന്നത്‌ ഇങ്ങനെ​യാണ്‌: “ദൈവ​ത്തി​ന്റെ വഴിക​ളെ​ല്ലാം നീതി​യു​ള്ളവ. ദൈവം വിശ്വ​സ്‌തൻ,  അനീതി​യി​ല്ലാ​ത്തവൻ; നീതി​യും നേരും ഉള്ളവൻതന്നെ.”—ആവർത്തനം 32:4.

ഭൂമി​യെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം എന്താ​ണെന്നു ബൈബി​ളിൽ വ്യക്തമാ​യി പറഞ്ഞി​ട്ടുണ്ട്‌. അത്‌ ഇങ്ങനെ പറയുന്നു: “സ്വർഗം യഹോ​വ​യു​ടേത്‌; ഭൂമി​യോ ദൈവം മനുഷ്യ​മ​ക്കൾക്കു കൊടു​ത്തി​രി​ക്കു​ന്നു.” (സങ്കീർത്തനം 115:16) ദൈവം ഭൂമിയെ സൃഷ്ടി​ച്ചത്‌ മനുഷ്യർക്കു​വേ​ണ്ടി​യുള്ള ഒരു ഇടത്താ​വ​ള​മാ​യി​ട്ടല്ല മറിച്ച്‌ സുന്ദര​മായ ഒരു നിത്യ​ഭ​വ​ന​മാ​യി​ട്ടാണ്‌. അർഥവ​ത്തായ അനന്തജീ​വി​തം ആസ്വദി​ക്കാൻ ആവശ്യ​മാ​യ​തെ​ല്ലാം സഹിത​മാണ്‌ ഭൂമിയെ സൃഷ്ടി​ച്ചി​രി​ക്കു​ന്നത്‌.—ഉൽപത്തി 2:8, 9.

“സ്വർഗം യഹോ​വ​യു​ടേത്‌; ഭൂമി​യോ ദൈവം മനുഷ്യ​മ​ക്കൾക്കു കൊടു​ത്തി​രി​ക്കു​ന്നു.”—സങ്കീർത്തനം 115:16

മനുഷ്യ​രെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം എന്താ​ണെ​ന്നും ബൈബി​ളിൽ വ്യക്തമാ​യി പറയു​ന്നുണ്ട്‌. ദൈവം ആദ്യത്തെ ദമ്പതി​കൾക്ക്‌ ഈ ഉത്തരവാ​ദി​ത്വം നൽകി: “നിങ്ങൾ സന്താന​സ​മൃ​ദ്ധി​യു​ള്ള​വ​രാ​യി പെരുകി ഭൂമി​യിൽ നിറഞ്ഞ്‌ അതിനെ അടക്കി​ഭ​രിച്ച്‌ . . . ഭൂമി​യിൽ കാണുന്ന എല്ലാ ജീവി​ക​ളു​ടെ മേലും ആധിപ​ത്യം നടത്തുക.” (ഉൽപത്തി 1:28) പറുദീ​സാ​ഭ​വനം പരിപാ​ലി​ക്കാ​നും അതു ഭൂമി മുഴുവൻ വ്യാപി​പ്പി​ക്കാ​നും ഉള്ള വലി​യൊ​രു പദവി അവർക്കു​ണ്ടാ​യി​രു​ന്നു! ആദാമി​നും ഹവ്വയ്‌ക്കും അവരുടെ ഭാവി​ത​ല​മു​റ​കൾക്കും കാത്തു​വെ​ച്ചി​രു​ന്നത്‌ ഈ ഭൂമി​യി​ലെ എന്നേക്കു​മുള്ള ജീവി​ത​മാണ്‌, അല്ലാതെ സ്വർഗ​ത്തി​ലേതല്ല.

അപ്പോൾപ്പി​ന്നെ നമ്മൾ എന്തു​കൊ​ണ്ടാണ്‌ മരിക്കു​ന്നത്‌? പിശാ​ചായ സാത്താ​നെന്നു പിന്നീട്‌ അറിയ​പ്പെട്ട, മത്സരി​യാ​യി​ത്തീർന്ന ദൈവ​ത്തി​ന്റെ ഒരു ആത്മസൃഷ്ടി, മനുഷ്യ​നെ​യും ഭൂമി​യെ​യും കുറി​ച്ചുള്ള ദൈവ​ത്തി​ന്റെ ഉദ്ദേശ്യം തകിടം മറിക്കാൻ ശ്രമി​ച്ചെന്നു ബൈബിൾ പറയുന്നു. എങ്ങനെ?

ദൈവ​ത്തി​നെ​തി​രെ​യുള്ള മത്സരത്തിൽ തന്നോ​ടൊ​പ്പം ചേരാൻ മനുഷ്യ​രു​ടെ ആദ്യമാ​താ​പി​താ​ക്ക​ളായ ആദാമി​നെ​യും ഹവ്വയെ​യും സാത്താൻ പ്രേരി​പ്പി​ച്ചു. ദൈവം അവരിൽനിന്ന്‌ എന്തോ നന്മ, അതായത്‌ തങ്ങളുടെ കാര്യ​ത്തിൽ ശരി​യേത്‌ തെറ്റേത്‌ എന്നു തീരു​മാ​നി​ക്കാ​നുള്ള അവകാശം, പിടി​ച്ചു​വെ​ച്ചി​രി​ക്കു​ക​യാ​ണെന്നു സാത്താൻ അവകാ​ശ​പ്പെ​ട്ട​പ്പോൾ അവർ സാത്താ​നോ​ടൊ​പ്പം ചേർന്നു. ഫലം എന്തായി​രു​ന്നു? ദൈവം പറഞ്ഞതു​പോ​ലെ അവർ മരിച്ചു. ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാ​നുള്ള അവരുടെ മഹത്തായ പ്രത്യാശ നഷ്ടമായി.—ഉൽപത്തി 2:17; 3:1-6; 5:5.

ആദാമി​ന്റെ​യും ഹവ്വയു​ടെ​യും ധിക്കാരം ഇന്നുവ​രെ​യുള്ള മനുഷ്യ​രെ ബാധി​ച്ചി​രി​ക്കു​ന്നു. ദൈവ​വ​ചനം പറയുന്നു: “ഒരു മനുഷ്യ​നി​ലൂ​ടെ (ആദാമി​ലൂ​ടെ) പാപവും പാപത്തി​ലൂ​ടെ മരണവും ലോക​ത്തിൽ കടന്നു. അങ്ങനെ എല്ലാവ​രും പാപം ചെയ്‌ത​തു​കൊണ്ട്‌ മരണം എല്ലാ മനുഷ്യ​രി​ലേ​ക്കും വ്യാപി​ച്ചു.” (റോമർ 5:12) നമ്മൾ മരിക്കു​ന്നത്‌ ആദ്യമാ​താ​പി​താ​ക്ക​ളിൽനിന്ന്‌ പാപവും മരണവും കൈമാ​റി​ക്കി​ട്ടി​യ​തു​കൊ​ണ്ടാണ്‌. അല്ലാതെ, മനുഷ്യർക്കു മനസ്സി​ലാ​ക്കാ​നാ​കാത്ത, ദൈവം മുൻകൂ​ട്ടി​നി​ശ്ച​യിച്ച ഒരു പദ്ധതി​യു​ടെ ഭാഗമാ​യി​ട്ടല്ല.

ഏദെനി​ലെ ധിക്കാരം മനുഷ്യ​രെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം തകിടം മറിച്ചില്ല. പാരമ്പ​ര്യ​മാ​യി കൈമാ​റി​ക്കി​ട്ടിയ പാപത്തി​ന്റെ​യും മരണത്തി​ന്റെ​യും ബന്ധനത്തിൽനിന്ന്‌ നമ്മളെ മോചി​പ്പി​ക്കാൻ ദൈവ​ത്തി​ന്റെ പരിപൂർണ​മായ സ്‌നേ​ഹ​വും നീതി​ബോ​ധ​വും ദൈവത്തെ പ്രേരി​പ്പി​ച്ചു. അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “പാപം തരുന്ന ശമ്പളം മരണം. ദൈവം തരുന്ന സമ്മാന​മോ നമ്മുടെ കർത്താ​വായ ക്രിസ്‌തു​യേ​ശു​വി​ലൂ​ടെ​യുള്ള നിത്യ​ജീ​വ​നും.” (റോമർ 6:23) സ്‌നേ​ഹ​ത്തോ​ടെ, “തന്റെ ഏകജാ​ത​നായ മകനിൽ (ക്രിസ്‌തു​യേ​ശു​വിൽ) വിശ്വ​സി​ക്കുന്ന ആരും നശിച്ചു​പോ​കാ​തെ അവരെ​ല്ലാം നിത്യ​ജീ​വൻ നേടാൻ ദൈവം അവനെ ലോക​ത്തി​നു​വേണ്ടി നൽകി.” (യോഹ​ന്നാൻ 3:16) തന്റെ ജീവൻ മനസ്സോ​ടെ ഒരു മോച​ന​വി​ല​യാ​യി നൽകി​ക്കൊണ്ട്‌, ആദാം നഷ്ടമാ​ക്കി​യ​തെ​ല്ലാം യേശു വീണ്ടെ​ടു​ത്തു. a

ഭൂമി പറുദീ​സ​യാ​കു​മെന്ന ദൈവ​ത്തി​ന്റെ വാഗ്‌ദാ​നം പെട്ടെ​ന്നു​തന്നെ ഒരു യാഥാർഥ്യ​മാ​യി​ത്തീ​രും. യേശു​വി​ന്റെ പിൻവ​രുന്ന നിർദേശം ഹൃദയ​പൂർവം കൈ​ക്കൊ​ണ്ടാൽ ആ മനോ​ഹ​ര​മായ ഭാവി നിങ്ങളു​ടേ​താ​കും: “ഇടുങ്ങിയ വാതി​ലി​ലൂ​ടെ അകത്ത്‌ കടക്കുക. കാരണം നാശത്തി​ലേ​ക്കുള്ള വാതിൽ വീതി​യു​ള്ള​തും വഴി വിശാ​ല​വും ആണ്‌; അനേകം ആളുക​ളും പോകു​ന്നത്‌ അതിലൂ​ടെ​യാണ്‌. എന്നാൽ ജീവനി​ലേ​ക്കുള്ള വാതിൽ ഇടുങ്ങി​യ​തും വഴി ഞെരു​ക്ക​മു​ള്ള​തും ആണ്‌. കുറച്ച്‌ പേർ മാത്രമേ അതു കണ്ടെത്തു​ന്നു​ള്ളൂ.” (മത്തായി 7:13, 14) അതെ, നിങ്ങളു​ടെ ഭാവി നിങ്ങളു​ടെ കൈയിൽത്ത​ന്നെ​യാണ്‌. നിങ്ങൾ ഏതു വഴിയേ പോകും? എന്താണ്‌ നിങ്ങളു​ടെ തീരു​മാ​നം?