ഒരു വ്യക്തിയെ നന്നായി അറിയാൻ അയാൾ കൈവ​രിച്ച നേട്ടങ്ങ​ളെ​ക്കു​റി​ച്ചും മറികടന്ന പ്രതി​സ​ന്ധി​ക​ളെ​ക്കു​റി​ച്ചും പഠിക്കു​ന്നത്‌ സഹായ​ക​മാ​യി​രി​ക്കും. ഇതു​പോ​ലെ നിങ്ങൾ ദൈവത്തെ നന്നായി അറിയാൻ ആഗ്രഹി​ക്കു​ന്നെ​ങ്കിൽ ദൈവം ചെയ്‌ത കാര്യ​ങ്ങ​ളെ​ക്കു​റിച്ച്‌ പഠിക്കണം. ഇപ്പോ​ഴും ഭാവി​യി​ലും നമുക്കു പ്രയോ​ജനം ചെയ്യുന്ന എന്തൊക്കെ കാര്യങ്ങൾ ദൈവം പണ്ടേ ചെയ്‌തി​ട്ടു​ണ്ടെന്ന്‌ അപ്പോൾ നിങ്ങൾ മനസ്സി​ലാ​ക്കും. അതു നിങ്ങളെ അതിശ​യി​പ്പി​ച്ചേ​ക്കാം.

യഹോ​വ​യാ​ണു സകലത്തി​ന്റെ​യും സ്രഷ്ടാവ്‌. ദൈവ​ത്തി​ന്റെ “അദൃശ്യ​ഗു​ണ​ങ്ങ​ളായ നിത്യ​ശ​ക്തി​യും ദിവ്യ​ത്വ​വും ലോകാ​രം​ഭം​മു​തൽ ദൈവ​ത്തി​ന്റെ സൃഷ്ടി​ക​ളി​ലൂ​ടെ വ്യക്തമാ​യി കാണാ​നും മനസ്സി​ലാ​ക്കാ​നും” കഴിയു​ന്നുണ്ട്‌. (റോമർ 1:20) “തന്റെ ശക്തിയാൽ ഭൂമിയെ സൃഷ്ടി​ച്ച​തും തന്റെ ജ്ഞാനത്താൽ ഫലപു​ഷ്ടി​യുള്ള നിലം ഒരുക്കി​യ​തും തന്റെ ഗ്രാഹ്യ​ത്താൽ ആകാശത്തെ വിരി​ച്ച​തും സത്യ​ദൈ​വ​മാണ്‌.” (യിരെമ്യ 10:12) സൃഷ്ടി​യി​ലെ അത്ഭുതങ്ങൾ ദൈവ​ത്തി​നു നമ്മളോ​ടുള്ള താത്‌പ​ര്യ​ത്തെ​യും എടുത്തു​കാ​ണി​ക്കു​ന്നു.

ദൈവം മനുഷ്യ​നെ സൃഷ്ടി​ച്ചത്‌ “സ്വന്തം ഛായയിൽ” ആണ്‌. (ഉൽപത്തി 1:27) അതായത്‌, തന്റെ ഗുണങ്ങൾ ചെറിയ തോതിൽ പ്രതി​ഫ​ലി​പ്പി​ക്കാ​നുള്ള കഴി​വോ​ടെ. അങ്ങനെ ദൈവം നമ്മുടെ ജീവിതം വിശേ​ഷ​ത​യു​ള്ള​താ​ക്കി. ദൈവ​ത്തി​ന്റെ വീക്ഷണ​ങ്ങ​ളും മൂല്യ​ങ്ങ​ളും മനസ്സി​ലാ​ക്കാ​നുള്ള കഴിവ്‌ ദൈവം നമുക്കു തന്നിട്ടുണ്ട്‌. നമ്മൾ അതു മനസ്സി​ലാ​ക്കി ജീവി​ക്കാൻ ശ്രമി​ക്കു​മ്പോൾ വലിയ സന്തോ​ഷ​വും ജീവി​ത​ത്തിന്‌ ഒരു അർഥവും ഉണ്ടാകും. ഏറ്റവും പ്രധാ​ന​മാ​യി, ദൈവ​വു​മാ​യി ഒരു ബന്ധം വളർത്തി​യെ​ടു​ക്കാ​നുള്ള കഴിവും ദൈവം നമുക്കു തന്നിട്ടുണ്ട്‌.

ദൈവ​ത്തി​ന്റെ ഭൂമി​യി​ലെ സൃഷ്ടി​ക്രി​യകൾ ദൈവ​ത്തി​നു നമ്മളോ​ടുള്ള താത്‌പ​ര്യം എടുത്തു​കാ​ണി​ക്കു​ന്നു. അതെക്കു​റിച്ച്‌ പൗലോസ്‌ അപ്പോ​സ്‌തലൻ ഇങ്ങനെ പറഞ്ഞു: “ദൈവം തന്നെക്കു​റിച്ച്‌ തെളി​വു​കൾ നൽകാ​തി​രു​ന്നി​ട്ടില്ല. ആകാശ​ത്തു​നിന്ന്‌ മഴയും ഫലസമൃ​ദ്ധ​മായ കാലങ്ങ​ളും നൽകിയ ദൈവം വേണ്ടത്ര ആഹാര​വും ഹൃദയം നിറയെ സന്തോ​ഷ​വും തന്ന്‌ നിങ്ങ​ളോ​ടു നന്മ കാണിച്ചു.” (പ്രവൃ​ത്തി​കൾ 14:17) ജീവൻ നിലനി​റു​ത്തു​ന്ന​തിന്‌ ആവശ്യ​മാ​യ​തി​ലും അധികം കാര്യങ്ങൾ ദൈവം തന്നിട്ടുണ്ട്‌. ജീവിതം ആസ്വദി​ക്കു​ന്ന​തിന്‌ ആവശ്യ​മാ​യ​തെ​ല്ലാം ദൈവം നമുക്കു സമൃദ്ധ​മാ​യും വൈവി​ധ്യ​ങ്ങ​ളോ​ടു​കൂ​ടി​യും തന്നിരി​ക്കു​ന്നു. എന്നാൽ നമ്മളെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം​വെ​ച്ചു​നോ​ക്കു​മ്പോൾ ഇതൊ​ന്നും ഒന്നുമല്ല.

 മനുഷ്യർക്ക്‌ എന്നും ജീവി​ക്കാൻ കഴിയുന്ന വിധത്തി​ലാണ്‌ യഹോവ ഭൂമി സൃഷ്ടി​ച്ചത്‌. ബൈബിൾ ഇങ്ങനെ പറയുന്നു: “ഭൂമി​യോ ദൈവം മനുഷ്യ​മ​ക്കൾക്കു കൊടു​ത്തി​രി​ക്കു​ന്നു.” ദൈവം “ഭൂമിയെ വെറുതേ സൃഷ്ടി​ക്കാ​തെ, മനുഷ്യർക്കു താമസി​ക്കാൻ ഉണ്ടാക്കി.” (സങ്കീർത്തനം 115:16; യശയ്യ 45:18) എങ്ങനെ​യു​ള്ള​വർക്കു​വേണ്ടി? എത്ര കാലം? “നീതി​മാ​ന്മാർ ഭൂമി കൈവ​ശ​മാ​ക്കും; അവർ അവിടെ എന്നു​മെ​ന്നേ​ക്കും ജീവി​ക്കും.”—സങ്കീർത്തനം 37:29.

ഈ ഉദ്ദേശ്യ​ത്തിൽ യഹോവ ആദ്യമ​നു​ഷ്യ​രായ ആദാമി​നെ​യും ഹവ്വയെ​യും സൃഷ്ടിച്ച്‌ “കൃഷി ചെയ്യേ​ണ്ട​തി​നും . . . പരിപാ​ലി​ക്കേ​ണ്ട​തി​നും” ഭൂമി​യി​ലെ ഏദെൻ തോട്ട​ത്തിൽ ആക്കി. (ഉൽപത്തി 2:8, 15) എന്നിട്ട്‌ ദൈവം അവർക്കു രണ്ട്‌ ഉത്തരവാ​ദി​ത്വ​ങ്ങൾ നൽകി. ദൈവം ഇങ്ങനെ പറഞ്ഞു: ‘നിങ്ങൾ സന്താന​സ​മൃ​ദ്ധി​യു​ള്ള​വ​രാ​യി പെരുകി ഭൂമി​യിൽ നിറഞ്ഞ്‌ അതിനെ അടക്കി​ഭ​രി​ക്കുക.’ (ഉൽപത്തി 1:28) ഈ ഭൂമി​യിൽ നിത്യം ജീവി​ക്കാ​നുള്ള പ്രത്യാശ ആദാമി​നും ഹവ്വയ്‌ക്കും ഉണ്ടായി​രു​ന്നു. എന്നാൽ അവർ ദൈവത്തെ അനുസ​രി​ച്ചില്ല. അങ്ങനെ ‘ഭൂമി കൈവ​ശ​മാ​ക്കുന്ന നീതി​മാ​ന്മാ​രു​ടെ’ കൂട്ടത്തിൽ അവർ ഇല്ലാതാ​യി. എന്നാൽ അതൊ​ന്നും ഭൂമി​യെ​ക്കു​റി​ച്ചും നമ്മളെ​ക്കു​റി​ച്ചും ഉള്ള യഹോ​വ​യു​ടെ ഉദ്ദേശ്യ​ത്തെ തകിടം മറിച്ചില്ല. പിന്നീട്‌ എന്താണു ദൈവം ചെയ്‌തത്‌? ചില കാര്യങ്ങൾ നോക്കാം.

ബൈബിൾ ദൈവ​വ​ച​ന​മെ​ന്നും അറിയ​പ്പെ​ടു​ന്നു. എന്തിനാണ്‌ യഹോവ നമുക്കു ബൈബിൾ തന്നിരി​ക്കു​ന്നത്‌? പ്രധാ​ന​മാ​യും ദൈവ​ത്തെ​ക്കു​റിച്ച്‌ നമുക്കു പഠിക്കാൻ. (സുഭാ​ഷി​തങ്ങൾ 2:1-5) ദൈവ​ത്തെ​ക്കു​റിച്ച്‌ നമുക്കുള്ള എല്ലാ ചോദ്യ​ത്തി​നും ബൈബിൾ ഉത്തരം തരുന്നില്ല എന്നതു സത്യമാണ്‌. ഒരു പുസ്‌ത​ക​ത്തി​നും അതു കഴിഞ്ഞി​ട്ടില്ല. (സഭാ​പ്ര​സം​ഗകൻ 3:11) എന്നാൽ ബൈബി​ളി​ലുള്ള കാര്യ​ങ്ങ​ളെ​ല്ലാം ദൈവ​ത്തെ​ക്കു​റിച്ച്‌ അറിയാൻ നമ്മളെ സഹായി​ക്കു​ന്ന​വ​യാണ്‌. ആളുക​ളോ​ടു ദൈവം ഇടപെ​ടുന്ന വിധത്തിൽനിന്ന്‌ ദൈവ​ത്തി​ന്റെ വ്യക്തി​ത്വം നമുക്ക്‌ അറിയാൻ കഴിയും. ദൈവ​ത്തിന്‌ ഇഷ്ടപ്പെ​ട്ട​വ​രെ​യും ഇഷ്ടപ്പെ​ടാ​ത്ത​വ​രെ​യും മനസ്സി​ലാ​ക്കാൻ കഴിയും. (സങ്കീർത്തനം 15:1-5) ആരാധ​ന​യു​ടെ കാര്യ​ത്തി​ലും ശരി​തെ​റ്റു​ക​ളു​ടെ കാര്യ​ത്തി​ലും വസ്‌തു​വ​ക​ക​ളു​ടെ കാര്യ​ത്തി​ലും ഉള്ള ദൈവ​ത്തി​ന്റെ വീക്ഷണം നമുക്കു പഠിക്കാം. യഹോ​വ​യു​ടെ വ്യക്തി​ത്വ​ത്തെ​ക്കു​റി​ച്ചുള്ള വ്യക്തമായ ചിത്രം ദൈവ​പു​ത്ര​നായ യേശു​ക്രി​സ്‌തു​വി​ന്റെ വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും ബൈബിൾ വിവരി​ക്കു​ന്നു.—യോഹ​ന്നാൻ 14:9.

യഹോവ ബൈബിൾ തന്നിരി​ക്കു​ന്ന​തി​ന്റെ മറ്റൊരു കാരണം സന്തോ​ഷ​ത്തോ​ടെ​യുള്ള ഉദ്ദേശ്യ​പൂർണ​മായ ഒരു ജീവിതം എങ്ങനെ നയിക്കാ​മെന്നു നമുക്കു മനസ്സി​ലാ​കു​ന്ന​തി​നു​വേ​ണ്ടി​യാണ്‌. കുടും​ബ​ജീ​വി​തം എങ്ങനെ സന്തോ​ഷ​മു​ള്ള​താ​ക്കാം, എങ്ങനെ തൃപ്‌ത​രാ​യി​രി​ക്കാം, ഉത്‌ക​ണ്‌ഠ​കളെ എങ്ങനെ നേരി​ടാം എന്നൊക്കെ ബൈബി​ളി​ലൂ​ടെ യഹോവ നമ്മളോ​ടു പറയുന്നു. ഈ മാസി​ക​യിൽ കാണാൻ പോകു​ന്ന​തു​പോ​ലെ, ജീവി​ത​ത്തി​ലെ പ്രധാ​ന​പ്പെട്ട ചോദ്യ​ങ്ങൾക്കുള്ള ഉത്തരവും ബൈബി​ളി​ലുണ്ട്‌. ഉദാഹ​ര​ണ​ത്തിന്‌, എന്തു​കൊ​ണ്ടാണ്‌ ഇത്രമാ​ത്രം ദുരി​ത​ങ്ങ​ളു​ള്ളത്‌, ഭാവി​യിൽ എന്തു സംഭവി​ക്കും തുടങ്ങിയ ചോദ്യ​ങ്ങൾ. തന്റെ ഉദ്ദേശ്യം നടപ്പാ​കു​മെന്ന്‌ ഉറപ്പു​വ​രു​ത്തു​ന്ന​തി​നു ദൈവം എന്തൊക്കെ ചെയ്‌തി​ട്ടു​ണ്ടെ​ന്നും ബൈബിൾ പറയുന്നു.

ബൈബിൾ ദൈവ​ത്തി​ന്റെ രചനയാ​ണെന്നു കാണി​ക്കുന്ന മറ്റു പല സവി​ശേ​ഷ​ത​ക​ളും അതിനുണ്ട്‌. 40-ഓളം പേർ 1,600 വർഷം​കൊ​ണ്ടാണ്‌ എഴുതി​യ​തെ​ങ്കി​ലും, ഈ പുസ്‌ത​ക​ത്തി​ന്റെ കേന്ദ്ര​വി​ഷയം ഒന്നാണ്‌. കാരണം അതിന്റെ രചയി​താവ്‌ ദൈവ​മാണ്‌. (2 തിമൊ​ഥെ​യൊസ്‌ 3:16) മറ്റു പുരാതന കൃതി​ക​ളിൽനിന്ന്‌ വ്യത്യ​സ്‌ത​മാ​യി ബൈബി​ളി​ന്റെ കൃത്യത ഉറപ്പു​വ​രു​ത്താൻ ഇന്ന്‌ അതിന്റെ ആയിര​ക്ക​ണ​ക്കി​നു പുരാതന കൈ​യെ​ഴു​ത്തു​പ്ര​തി​ക​ളുണ്ട്‌. ബൈബിൾ പരിഭാഷ ചെയ്യു​ന്ന​തി​നും വിതരണം ചെയ്യു​ന്ന​തി​നും വായി​ക്കു​ന്ന​തി​നും വരെ തടസ്സങ്ങ​ളു​ണ്ടാ​യി​രു​ന്നു. എന്നാൽ ഇന്ന്‌ ഏറ്റവും കൂടുതൽ വിതരണം ചെയ്യു​ന്ന​തും പരിഭാഷ ചെയ്യു​ന്ന​തും ആയ പുസ്‌തകം ബൈബി​ളാണ്‌. “ദൈവ​ത്തി​ന്റെ വചനമോ എന്നും നിലനിൽക്കു​ന്നു” എന്നതിന്റെ തെളി​വാ​ണു ബൈബിൾ ഇപ്പോ​ഴു​മു​ള്ളത്‌.—യശയ്യ 40:8.

നമ്മളെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം നടപ്പാ​കു​മെന്ന്‌ ഉറപ്പു​വ​രു​ത്തു​ന്ന​തി​നു​വേ​ണ്ടി​യും ദൈവം ഒരു പ്രധാ​ന​കാ​ര്യം ചെയ്‌തു. മുമ്പു പറഞ്ഞതു​പോ​ലെ, ഭൂമി​യിൽ മനുഷ്യർ എന്നേക്കും ജീവി​ക്കണം എന്നാണു ദൈവം ഉദ്ദേശി​ച്ചി​രു​ന്നത്‌. എന്നാൽ ദൈവ​ത്തോട്‌ അനുസ​ര​ണ​ക്കേടു കാണി​ച്ചു​കൊണ്ട്‌ ആദാം പാപം ചെയ്‌തു. അങ്ങനെ, നിത്യം ജീവി​ക്കാ​നുള്ള തന്റെ അവസരം മാത്രമല്ല ഭാവി​ത​ല​മു​റ​യു​ടെ അവസരം​കൂ​ടെ ആദാം നഷ്ടപ്പെ​ടു​ത്തി. “ഒരു മനുഷ്യ​നി​ലൂ​ടെ പാപവും പാപത്തി​ലൂ​ടെ മരണവും ലോക​ത്തിൽ കടന്നു. അങ്ങനെ എല്ലാവ​രും പാപം ചെയ്‌ത​തു​കൊണ്ട്‌ മരണം എല്ലാ മനുഷ്യ​രി​ലേ​ക്കും വ്യാപി​ച്ചു.” (റോമർ 5:12) ഈ അനുസ​ര​ണ​ക്കേടു കാരണം ദൈവ​ത്തി​ന്റെ ഉദ്ദേശ്യം ഇനി നടക്കി​ല്ലെന്ന അവസ്ഥയി​ലാ​യി. യഹോവ എന്തു ചെയ്‌തു?

തന്റെ മഹനീ​യ​ഗു​ണ​ങ്ങൾക്കു ചേർച്ച​യി​ലാണ്‌ യഹോവ പ്രവർത്തി​ക്കു​ന്നത്‌. ആദാമും ഹവ്വയും ചെയ്‌ത തെറ്റിന്റെ ഫലം അവർതന്നെ അനുഭ​വി​ക്കാൻ ദൈവം ഇടയാക്കി. എങ്കിലും അവരുടെ മക്കൾക്കു​വേണ്ടി ദൈവം സ്‌നേ​ഹ​ത്തോ​ടെ ചില കാര്യങ്ങൾ ചെയ്‌തു. തന്റെ ജ്ഞാനം ഉപയോ​ഗിച്ച്‌ ഈ പ്രശ്‌ന​ത്തി​നുള്ള പരിഹാ​രം യഹോവ കണ്ടെത്തി. അതു പെട്ടെന്നു പ്രഖ്യാ​പി​ക്കു​ക​യും ചെയ്‌തു. (ഉൽപത്തി 3:15) ദൈവ​പു​ത്ര​നായ യേശു​ക്രി​സ്‌തു​വി​ലൂ​ടെ​യാ​യി​രി​ക്കും പാപത്തിൽനി​ന്നും മരണത്തിൽനി​ന്നും ഉള്ള വിടുതൽ സാധ്യ​മാ​കുക. അതിൽ എന്തൊക്കെ ഉൾപ്പെ​ടു​ന്നു?

 ആദാമി​ന്റെ ധിക്കാ​ര​ത്തി​ന്റെ ഫലമായി വന്ന പ്രശ്‌ന​ങ്ങ​ളിൽനിന്ന്‌ മനുഷ്യ​കു​ടും​ബത്തെ വീണ്ടെ​ടു​ക്കു​ന്ന​തി​നു​വേണ്ടി, ആളുകളെ ജീവനി​ലേ​ക്കുള്ള വഴി പഠിപ്പി​ക്കാ​നും “അനേകർക്കു​വേണ്ടി . . . ജീവൻ മോച​ന​വി​ല​യാ​യി കൊടു​ക്കാ​നും” യേശു​വി​നെ യഹോവ ഭൂമി​യി​ലേക്ക്‌ അയച്ചു. a (മത്തായി 20:28; യോഹ​ന്നാൻ 14:6) ആദാമി​നെ​പ്പോ​ലെ പൂർണ​മ​നു​ഷ്യ​നാ​യി​രു​ന്ന​തു​കൊണ്ട്‌ യേശു​വി​നു മോച​ന​വില കൊടു​ക്കാൻ കഴിയു​മാ​യി​രു​ന്നു. എന്നാൽ ആദാമിൽനിന്ന്‌ വ്യത്യ​സ്‌ത​മാ​യി യേശു മരണം​വരെ എല്ലാ കാര്യ​ത്തി​ലും ദൈവത്തെ അനുസ​രി​ച്ചു. യേശു മരി​ക്കേ​ണ്ട​വ​ന​ല്ലാ​യി​രു​ന്ന​തു​കൊണ്ട്‌ യഹോവ സ്വർഗീ​യ​ജീ​വ​നി​ലേക്കു യേശു​വി​നെ ഉയിർപ്പി​ച്ചു. യേശു​വിന്‌ ഇനി ആദാം ചെയ്യാൻ പരാജ​യ​പ്പെട്ട കാര്യം ചെയ്യാ​നാ​കും. അതായത്‌, അനുസ​ര​ണ​മുള്ള മനുഷ്യർക്കു നിത്യം ജീവി​ക്കാ​നുള്ള അവസരം കൊടു​ക്കു​ന്നത്‌. “ഒറ്റ മനുഷ്യ​ന്റെ അനുസ​ര​ണ​ക്കേ​ടു​കൊണ്ട്‌ അനേകർ പാപി​ക​ളാ​യ​തു​പോ​ലെ ഒറ്റ വ്യക്തി​യു​ടെ അനുസ​ര​ണം​കൊണ്ട്‌ അനേകർ നീതി​മാ​ന്മാ​രാ​യി​ത്തീ​രും.” (റോമർ 5:19) യേശു​വി​ന്റെ മോച​ന​വി​ല​യി​ലൂ​ടെ, മനുഷ്യർ ഈ ഭൂമി​യിൽ എന്നേക്കും ജീവി​ക്കും എന്ന തന്റെ വാഗ്‌ദാ​നം ദൈവം നിറ​വേ​റ്റും.

ആദാമി​ന്റെ അനുസ​ര​ണ​ക്കേ​ടു​കൊ​ണ്ടു​ണ്ടായ പ്രശ്‌ന​ങ്ങളെ യഹോവ കൈകാ​ര്യം ചെയ്‌ത വിധത്തിൽനിന്ന്‌ യഹോ​വ​യെ​ക്കു​റിച്ച്‌ നമുക്ക്‌ ഒരുപാ​ടു കാര്യങ്ങൾ പഠിക്കാൻ കഴിയും. യഹോവ തുടങ്ങി​വെ​ച്ചതു തടയാൻ ഒന്നിനും കഴിയില്ല, ദൈവം വാഗ്‌ദാ​നം ചെയ്‌ത കാര്യങ്ങൾ “ഉറപ്പാ​യും നടത്തും.” (യശയ്യ 55:11) അതു​പോ​ലെ, യഹോവ നമ്മളെ എത്ര​ത്തോ​ളം സ്‌നേ​ഹി​ക്കു​ന്നു​ണ്ടെ​ന്നും യഹോവ ആ പ്രശ്‌നങ്ങൾ കൈകാ​ര്യം ചെയ്‌ത വിധത്തിൽനിന്ന്‌ നമുക്കു മനസ്സി​ലാ​ക്കാ​നാ​കും. “തന്റെ ഏകജാ​ത​നി​ലൂ​ടെ നമുക്കു ജീവൻ ലഭിക്കാൻവേണ്ടി ദൈവം ആ മകനെ ലോക​ത്തേക്ക്‌ അയച്ചു. ഇതിലൂ​ടെ ദൈവ​ത്തി​നു നമ്മളോ​ടുള്ള സ്‌നേഹം വെളി​പ്പെ​ട്ടി​രി​ക്കു​ന്നു. നമ്മൾ ദൈവത്തെ സ്‌നേ​ഹി​ച്ചി​ട്ടല്ല, പകരം നമ്മളോ​ടുള്ള സ്‌നേഹം കാരണ​മാ​ണു ദൈവം തന്റെ മകനെ നമ്മുടെ പാപങ്ങൾക്ക്‌ ഒരു അനുര​ഞ്‌ജ​ന​ബ​ലി​യാ​യി അയച്ചത്‌. ഇതാണ്‌ യഥാർഥ​സ്‌നേഹം.”—1 യോഹ​ന്നാൻ 4:9, 10.

“സ്വന്തം പുത്ര​നെ​ത്തന്നെ നമു​ക്കെ​ല്ലാം​വേണ്ടി തരാൻ ദൈവം മനസ്സു” കാണി​ച്ച​തു​കൊണ്ട്‌ വാഗ്‌ദാ​നം ചെയ്‌ത ‘മറ്റെല്ലാം ദൈവം നമുക്കു തരു​മെന്ന്‌’ ഉറപ്പാണ്‌. (റോമർ 8:32) നമുക്കു​വേണ്ടി ദൈവം എന്തു ചെയ്യു​മെ​ന്നാ​ണു പറഞ്ഞി​രി​ക്കു​ന്നത്‌? തുടർന്ന്‌ വായിക്കൂ.