ഏദെൻ എന്ന സ്ഥലത്ത്‌ യഹോവ ഒരു തോട്ടം ഉണ്ടാക്കി. അതിൽ നിറയെ പൂക്കളും മരങ്ങളും മൃഗങ്ങ​ളും ഒക്കെ ഉണ്ടായി​രു​ന്നു. എന്നിട്ട്‌ ദൈവം നിലത്തെ പൊടി​കൊണ്ട്‌ മനുഷ്യ​നെ ഉണ്ടാക്കി​യിട്ട്‌ മൂക്കി​ലേക്കു ജീവശ്വാ​സം ഊതി. അപ്പോൾ എന്തു സംഭവി​ച്ചെ​ന്നോ? മനുഷ്യൻ ജീവനുള്ള ഒരു വ്യക്തി​യാ​യി​ത്തീർന്നു! അതാണ്‌ ആദ്യത്തെ മനുഷ്യ​നായ ആദാം. തോട്ട​ത്തി​ന്റെ ചുമതല യഹോവ ആദാമി​നെ ഏൽപ്പിച്ചു. മൃഗങ്ങൾക്കെ​ല്ലാം പേരി​ടാ​നും ആദാമി​നോ​ടു പറഞ്ഞു.

യഹോവ ആദാമി​നു പ്രധാ​ന​പ്പെട്ട ഒരു കല്‌പന കൊടു​ത്തു. ദൈവം പറഞ്ഞു: ‘തോട്ട​ത്തി​ലെ എല്ലാ മരങ്ങളിൽനി​ന്നും നിനക്കു തിന്നാം. പക്ഷേ ഒരു മരത്തിൽനിന്ന്‌ മാത്രം തിന്നരുത്‌. ആ മരത്തിന്റെ പഴം തിന്നാൽ നീ മരിക്കും.’

പിന്നെ യഹോവ പറഞ്ഞു: ‘ഞാൻ ആദാമിന്‌ ഒരു സഹായി​യെ ഉണ്ടാക്കി​ക്കൊ​ടു​ക്കും.’ ദൈവം ആദാമി​നു നല്ല ഉറക്കം വരുത്തി. എന്നിട്ട്‌ ആദാമി​ന്റെ വാരി​യെ​ല്ലു​ക​ളിൽ ഒന്ന്‌ എടുത്ത്‌ ഒരു സ്‌ത്രീ​യെ സൃഷ്ടിച്ച്‌ ആദാമി​നു ഭാര്യ​യാ​യി കൊടു​ത്തു. ഹവ്വ എന്നായി​രു​ന്നു അവളുടെ പേര്‌. അങ്ങനെ ആദാമും ഹവ്വയും ആദ്യത്തെ കുടും​ബ​മാ​യി. ഇങ്ങനെ​യൊ​രു ഭാര്യയെ കിട്ടി​യ​പ്പോൾ ആദാമിന്‌ എന്താണു തോന്നി​യത്‌? ഒത്തിരി സന്തോഷം! അതു​കൊണ്ട്‌ ആദാം  പറഞ്ഞു: ‘എന്റെ വാരി​യെ​ല്ലു​കൊണ്ട്‌ യഹോവ ഒരു സ്‌ത്രീ​യെ ഉണ്ടാക്കി! അങ്ങനെ എന്നെ​പ്പോ​ലെ ഒരാളെ അവസാനം എനിക്കു കിട്ടി.’

മക്കളെ ജനിപ്പി​ക്കാ​നും അങ്ങനെ മനുഷ്യ​രെ​ക്കൊണ്ട്‌ ഭൂമി നിറയ്‌ക്കാ​നും യഹോവ ആദാമി​നോ​ടും ഹവ്വയോ​ടും പറഞ്ഞു. അവർ ഒരുമിച്ച്‌ സന്തോ​ഷ​ത്തോ​ടെ ജോലി ചെയ്‌തു​കൊണ്ട്‌ ഭൂമി മുഴുവൻ ഏദെൻ തോട്ടം​പോ​ലെ ഒരു പറുദീസ അഥവാ മനോ​ഹ​ര​മായ ഒരു പാർക്ക്‌ ആക്കാൻ ദൈവം ആവശ്യ​പ്പെട്ടു. പക്ഷേ അതു​പോ​ലെ കാര്യങ്ങൾ നടന്നില്ല. എന്തു​കൊണ്ട്‌? അടുത്ത അധ്യാ​യ​ത്തിൽനിന്ന്‌ നമ്മൾ അതെക്കു​റിച്ച്‌ പഠിക്കും.