യഹോ​വ​യു​ടെ സാക്ഷി​കൾക്കു ക്രിസ്‌ത്യാ​നി​ക​ളാ​യി ജീവി​ക്കാൻവേണ്ട എല്ലാ പരിശീ​ല​ന​വും കിട്ടുന്നു. അതിൽ വ്യക്തി​പ​ര​മാ​യി സുവി​ശേ​ഷ​പ്ര​വർത്തനം ചെയ്യാ​നുള്ള പരിശീ​ല​ന​വും ഉൾപ്പെ​ടു​ന്നു. ഈ സുവി​ശേ​ഷ​പ്ര​വർത്തനം ചെയ്യാ​നാ​ണു യേശു തന്റെ ശിഷ്യ​ന്മാ​രോ​ടു പറഞ്ഞത്‌. അതായത്‌ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യുക. (മത്തായി 24:14; 28:19, 20) ഓരോ ആഴ്‌ച​യും മീറ്റി​ങ്ങു​ക​ളി​ലൂ​ടെ​യും ഓരോ വർഷവും നടക്കുന്ന സമ്മേള​ന​ങ്ങ​ളി​ലൂ​ടെ​യും കൺ​വെൻ​ഷ​നു​ക​ളി​ലൂ​ടെ​യും ഞങ്ങൾക്ക്‌ അതിനു​വേണ്ട പരിശീ​ലനം കിട്ടുന്നു. അതു​പോ​ലെ യഹോ​വ​യു​ടെ സാക്ഷി​ക​ളു​ടെ സഭയി​ലും സംഘട​ന​യി​ലും ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​വർക്കു ചില പ്രത്യേക ബൈബിൾ സ്‌കൂ​ളു​ക​ളിൽനി​ന്നും പരിശീ​ലനം ലഭിക്കു​ന്നു.

ഈ ലേഖന​ത്തിൽ

•  യഹോ​വ​യു​ടെ സാക്ഷി​കൾക്ക്‌ എന്തു പരിശീ​ല​ന​മാ​ണു കിട്ടു​ന്നത്‌?

•  യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ബൈബിൾസ്‌കൂ​ളു​കൾ

•  എന്തിന്റെ അടിസ്ഥാ​ന​ത്തി​ലുള്ള പരിശീ​ല​ന​മാണ്‌ യഹോ​വ​യു​ടെ സാക്ഷി​കൾക്കു കിട്ടു​ന്നത്‌?

•  പരിശീ​ല​ന​ത്തി​നു​വേണ്ടി യഹോ​വ​യു​ടെ സാക്ഷികൾ പണം നൽകേ​ണ്ട​തു​ണ്ടോ?

•  പരിശീ​ല​ന​ത്തിൽനിന്ന്‌ യഹോ​വ​യു​ടെ സാക്ഷി​കൾക്ക്‌ എങ്ങനെ​യാ​ണു പ്രയോ​ജനം കിട്ടി​യത്‌?

 യഹോ​വ​യു​ടെ സാക്ഷി​കൾക്ക്‌ എന്തു പരിശീ​ല​ന​മാണ്‌ കിട്ടു​ന്നത്‌?

 സഭാമീ​റ്റി​ങ്ങു​കൾ. ഞങ്ങൾ ആരാധ​ന​യ്‌ക്കാ​യി കൂടുന്ന രാജ്യ​ഹാൾ എന്നു വിളി​ക്കുന്ന സ്ഥലത്ത്‌ ആഴ്‌ച​യിൽ രണ്ടു തവണ കൂടി​വ​രും. ഇടദി​വ​സ​ങ്ങ​ളി​ലാണ്‌ ഒരു മീറ്റിങ്ങ്‌ നടക്കു​ന്നത്‌, മറ്റേത്‌ ആഴ്‌ച​യു​ടെ അവസാ​ന​വും. ഈ മീറ്റി​ങ്ങു​കൾക്ക്‌ ആർക്കു വേണ​മെ​ങ്കി​ലും പങ്കെടു​ക്കാം. അവിടെ പണപ്പി​രി​വൊ​ന്നും ഉണ്ടായി​രി​ക്കില്ല.

•   ഇടദി​വ​സത്തെ മീറ്റിങ്ങ്‌. വായന​യും സംഭാ​ഷ​ണ​ക​ല​യും മെച്ച​പ്പെ​ടു​ത്താ​നും പ്രസം​ഗങ്ങൾ നടത്താ​നും മറ്റുള്ള​വ​രോ​ടു ബൈബി​ളി​ലെ കാര്യങ്ങൾ പറയാ​നും പഠിപ്പി​ക്കാ​നും ഉള്ള നിർദേ​ശങ്ങൾ ഞങ്ങൾക്ക്‌ ഇതിലൂ​ടെ കിട്ടുന്നു. ഈ മീറ്റി​ങ്ങു​ക​ളിൽ പ്രസം​ഗ​ങ്ങ​ളും ചർച്ചക​ളും അവതര​ണ​ങ്ങ​ളും വീഡി​യോ​ക​ളും ഉണ്ട്‌. ബൈബി​ളി​ലെ സന്ദേശം നല്ല വിധത്തിൽ മറ്റുള്ള​വ​രോ​ടു പറയാ​നും താത്‌പ​ര്യ​മുള്ള ആളുകൾക്കു ബൈബിൾപ​ഠ​നങ്ങൾ നടത്താ​നും ഉള്ള പരിശീ​ലനം ഈ മീറ്റി​ങ്ങു​ക​ളി​ലൂ​ടെ​യാ​ണു കിട്ടു​ന്നത്‌. മീറ്റി​ങ്ങി​നു വരുന്ന എല്ലാവർക്കും ഈ പരിശീ​ല​ന​ത്തിൽനിന്ന്‌ പ്രയോ​ജനം കിട്ടും എന്നതിനു സംശയ​മില്ല. അതി​ലെ​ല്ലാം ഉപരി ദൈവ​ത്തി​ലുള്ള വിശ്വാ​സ​വും ദൈവ​ത്തോ​ടും സഹാരാ​ധ​ക​രോ​ടും ഉള്ള സ്‌നേ​ഹ​വും ശക്തമാ​ക്കാൻ ഈ മീറ്റി​ങ്ങു​കൾ സഹായി​ക്കു​ന്നു.

•   ആഴ്‌ച​യു​ടെ അവസാനം നടക്കുന്ന മീറ്റിങ്ങ്‌. രണ്ടു ഭാഗങ്ങ​ളുള്ള ഈ മീറ്റി​ങ്ങു​കൾ തുടങ്ങു​ന്നത്‌ ഒരു ബൈബി​ള​ധി​ഷ്‌ഠിത പ്രസം​ഗ​ത്തോ​ടെ​യാണ്‌. അതു പ്രത്യേ​കി​ച്ചും തയ്യാറാ​ക്കി​യി​രി​ക്കു​ന്നത്‌ യഹോ​വ​യു​ടെ സാക്ഷികൾ അല്ലാത്ത​വർക്കു​വേ​ണ്ടി​യാണ്‌. മീറ്റി​ങ്ങി​ന്റെ രണ്ടാമത്തെ ഭാഗം വീക്ഷാഗോപുരം a മാസി​ക​യി​ലെ ഒരു പഠന​ലേ​ഖനം ഉപയോ​ഗി​ച്ചുള്ള ചോ​ദ്യോ​ത്തര ചർച്ചയാണ്‌. ശുശ്രൂ​ഷ​യോ​ടും വ്യക്തി​പ​ര​മായ ജീവി​ത​ത്തോ​ടും ബന്ധപ്പെട്ട ബൈബിൾത​ത്ത്വ​ങ്ങ​ളും വിഷയ​ങ്ങ​ളും ആ ലേഖന​ങ്ങ​ളിൽ ചർച്ച ചെയ്യും.

 സമ്മേള​ന​ങ്ങ​ളും കൺ​വെൻ​ഷ​നു​ക​ളും. യഹോ​വ​യു​ടെ സാക്ഷി​ക​ളു​ടെ പല സഭകൾ ഒരുമി​ച്ചുള്ള മൂന്നു വലിയ കൂടി​വ​ര​വു​കൾ ഓരോ വർഷവും ഉണ്ട്‌. ഒരു പ്രത്യേക ബൈബിൾവി​ഷ​യത്തെ അടിസ്ഥാ​ന​മാ​ക്കി​യുള്ള ആ പരിപാ​ടി​ക​ളിൽ പ്രസം​ഗ​ങ്ങ​ളും അഭിമു​ഖ​ങ്ങ​ളും വീഡി​യോ​ക​ളും ഒക്കെയുണ്ട്‌. സഭാ മീറ്റി​ങ്ങു​ക​ളു​ടെ​പോ​ലെ​തന്നെ സമ്മേള​ന​ങ്ങ​ളി​ലൂ​ടെ​യും കൺ​വെൻ​ഷ​നു​ക​ളി​ലൂ​ടെ​യും ഞങ്ങൾക്കു ബൈബി​ളി​നെ​ക്കു​റിച്ച്‌ കൂടുതൽ പഠിക്കാൻപ​റ്റു​ന്നു. അതു​പോ​ലെ മറ്റുള്ള​വ​രോ​ടു നല്ല വിധത്തിൽ ദൈവ​രാ​ജ്യ​ത്തെ​ക്കു​റിച്ച്‌ പറയാ​നും അതു ഞങ്ങളെ സഹായി​ക്കു​ന്നു. ഈ പരിപാ​ടി​കൾക്ക്‌ ആർക്കു​വേ​ണ​മെ​ങ്കി​ലും പങ്കെടു​ക്കാം. പണപ്പി​രി​വൊ​ന്നും ഉണ്ടായി​രി​ക്കില്ല.

 യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ബൈബിൾസ്‌കൂ​ളു​കൾ

 കൂടുതൽ പരിശീ​ല​ന​ത്തി​നാ​യി യഹോ​വ​യു​ടെ സാക്ഷി​ക​ളിൽ ചിലരെ വ്യത്യസ്‌ത ബൈബിൾസ്‌കൂ​ളു​ക​ളി​ലേക്കു ക്ഷണിക്കു​ന്നു. ഏതൊ​ക്കെ​യാണ്‌ ആ സ്‌കൂ​ളു​കൾ? അതിന്റെ ഉദ്ദേശ്യം എന്താണ്‌? അത്‌ എത്ര ദിവസം ഉണ്ട്‌? ആരെ​യൊ​ക്കെ​യാണ്‌ അതിനു​വേണ്ടി ക്ഷണിക്കു​ന്നത്‌?

മുൻനിരസേവനസ്‌കൂൾ

•   ഉദ്ദേശ്യം: മുൻനിരസേവകർ b എന്നു വിളി​ക്കുന്ന മുഴു​സമയ ശുശ്രൂ​ഷ​കർക്കു​വേ​ണ്ടി​യു​ള്ള​താണ്‌ ഈ സ്‌കൂൾ. ഫലപ്ര​ദ​മാ​യി ആളുകളെ ബൈബിൾസ​ന്ദേശം അറിയി​ക്കാ​നും പഠിപ്പി​ക്കാ​നും ഉള്ള കഴിവ്‌ മെച്ച​പ്പെ​ടു​ത്തുക എന്നതാണ്‌ ഈ സ്‌കൂ​ളി​ന്റെ ഉദ്ദേശ്യം. ഈ കോഴ്‌സിൽ ചർച്ചക​ളും പ്രസം​ഗ​ങ്ങ​ളും പരിശീ​ല​ന​സെ​ഷ​നു​ക​ളും ഉണ്ട്‌.

•   ദൈർഘ്യം: ആറു ദിവസം.

•   യോഗ്യ​തകൾ: മുൻനി​ര​സേ​വ​ക​രാ​യി ഒരു വർഷം പ്രവർത്തി​ച്ച​വരെ ഇതിനു​വേണ്ടി ക്ഷണിക്കും. അതു​പോ​ലെ കഴിഞ്ഞ അഞ്ചു വർഷത്തി​നി​ട​യിൽ ഈ സ്‌കൂ​ളിൽ പങ്കെടു​ക്കാത്ത മുൻനി​ര​സേ​വ​കർക്കും അതിനുള്ള അവസരം കിട്ടി​യേ​ക്കും.

രാജ്യസുവിശേഷകർക്കുള്ള സ്‌കൂൾ

•   ഉദ്ദേശ്യം: നല്ല അനുഭ​വ​പ​രി​ച​യ​മുള്ള മുഴു​സമയ ശുശ്രൂ​ഷ​കർക്കു​വേ​ണ്ടി​യുള്ള പ്രത്യേക പരിശീ​ല​ന​മാ​ണിത്‌. ഈ സ്‌കൂ​ളി​ലൂ​ടെ ഫലപ്ര​ദ​മാ​യി ആളുകളെ ബൈബി​ളി​ലെ സന്ദേശം അറിയി​ക്കാ​നും അത്‌ പഠിപ്പി​ക്കാ​നും ഉള്ള കഴിവ്‌ മെച്ച​പ്പെ​ടു​ത്താ​നാ​വു​ന്നു. അതു​പോ​ലെ ബൈബിൾവി​ഷ​യങ്ങൾ ആഴത്തിൽ പഠിക്കാ​നും അവർക്കു കഴിയു​ന്നു. ഈ പഠനം പൂർത്തി​യാ​ക്കു​ന്ന​വരെ സുവി​ശേ​ഷ​പ്ര​വർത്തനം കൂടുതൽ ആവശ്യ​മുള്ള ഇടങ്ങളി​ലേക്ക്‌ അയക്കുന്നു.

•   ദൈർഘ്യം: രണ്ടു മാസം.

•   യോഗ്യ​തകൾ: ചില പ്രത്യേക നിബന്ധ​ന​ക​ളിൽ എത്തി​ച്ചേർന്നി​രി​ക്കുന്ന മുൻനി​ര​സേ​വ​കർക്ക്‌ ഈ ക്ലാസ്സിൽ പങ്കെടു​ക്കാം. അതു​പോ​ലെ ആവശ്യ​മുള്ള ഏതു സ്ഥലത്തും പോയി പ്രവർത്തി​ക്കാൻ തയ്യാറാ​യി​രി​ക്കണം.

സഭാ മൂപ്പന്മാർക്കുള്ള സ്‌കൂൾ

•   ഉദ്ദേശ്യം: പഠിപ്പി​ക്കാ​നും ഇടയവേല ചെയ്യാ​നും ഉള്ള ഉത്തരവാ​ദി​ത്വ​ങ്ങൾ ഏറ്റവും നന്നായി ചെയ്യാൻ മൂപ്പന്മാരെ c സഹായി​ക്കുക. അതു​പോ​ലെ ദൈവ​ത്തോ​ടും സഹാരാ​ധ​ക​രോ​ടും ഉള്ള അവരുടെ സ്‌നേഹം ആഴമു​ള്ള​താ​ക്കുക.—1 പത്രോസ്‌ 5:2, 3.

•   ദൈർഘ്യം: അഞ്ചു ദിവസം.

•   യോഗ്യ​തകൾ: പുതു​താ​യി നിയമി​ത​രായ മൂപ്പന്മാർക്കും അതു​പോ​ലെ കഴിഞ്ഞ അഞ്ചു വർഷത്തി​നു​ള്ളിൽ ഈ സ്‌കൂ​ളി​ലേക്ക്‌ ക്ഷണം ലഭിക്കാ​ത്ത​വർക്കും ഇതിൽ പങ്കെടു​ക്കാം.

സർക്കിട്ട്‌ മേൽവി​ചാ​ര​ക​ന്മാർക്കും ഭാര്യ​മാർക്കും ഉള്ള സ്‌കൂൾ

•   ഉദ്ദേശ്യം: സർക്കിട്ട്‌ മേൽവിചാരകന്മാർക്ക്‌ d തങ്ങളുടെ ഉത്തരവാ​ദി​ത്വ​ങ്ങൾ കൂടുതൽ നന്നായി ചെയ്യാ​നുള്ള പരിശീ​ലനം ഇതിലൂ​ടെ കിട്ടുന്നു. (1 തിമൊ​ഥെ​യൊസ്‌ 5:17) അതു​പോ​ലെ ഈ മൂപ്പന്മാർക്കും ഭാര്യ​മാർക്കും തിരു​വെ​ഴു​ത്തു​ക​ളെ​ക്കു​റി​ച്ചുള്ള ആഴത്തി​ലുള്ള അറിവും ഇതിലൂ​ടെ ലഭിക്കു​ന്നു.

•   ദൈർഘ്യം: ഒരു മാസം.

•   യോഗ്യ​തകൾ: ഈ സേവന​ത്തിൽ ഒരു വർഷം പൂർത്തി​യാ​ക്കുന്ന പുതിയ സർക്കിട്ട്‌ മേൽവി​ചാ​ര​ക​ന്മാ​രെ​യും ഭാര്യ​മാ​രെ​യും ഈ സ്‌കൂ​ളി​നാ​യി ക്ഷണിക്കും. അതു​പോ​ലെ ഓരോ അഞ്ചു വർഷം കൂടും​തോ​റും അവർക്ക്‌ ഈ സ്‌കൂ​ളിൽ പങ്കെടു​ക്കാം.

രാജ്യശുശ്രൂഷാസ്‌കൂൾ

•   ഉദ്ദേശ്യം: ഓരോ സമയത്തെ സാഹച​ര്യ​വും ആവശ്യ​വും കണക്കി​ലെ​ടുത്ത്‌ മൂപ്പന്മാർക്കും ശുശ്രൂഷാദാസന്മാർക്കും e തങ്ങളുടെ ഉത്തരവാ​ദി​ത്വ​ങ്ങൾ നന്നായി ചെയ്യാ​നുള്ള സഹായം കൊടു​ക്കു​ന്നു. (2 തിമൊ​ഥെ​യൊസ്‌ 3:1) കുറച്ച്‌ വർഷങ്ങൾ കൂടു​മ്പോൾ ഇതു നടത്തും.

•   ദൈർഘ്യം: മിക്കവാ​റും ഒരു ദിവസ​മാ​യി​രി​ക്കും. അതിൽ വ്യത്യാ​സങ്ങൾ വരാം.

•   യോഗ്യ​തകൾ: സർക്കിട്ട്‌ മേൽവി​ചാ​ര​ക​ന്മാർ, മൂപ്പന്മാർ, ശുശ്രൂ​ഷാ​ദാ​സ​ന്മാർ എന്നിവർക്കു പങ്കെടു​ക്കാം.

ബഥേൽ സേവന സ്‌കൂൾ

•   ഉദ്ദേശ്യം: ബഥേൽ f അംഗങ്ങൾക്കു തങ്ങളുടെ ജോലി ഏറ്റവും നന്നായി ചെയ്യാ​നും ദൈവ​ത്തോ​ടും മറ്റുള്ള​വ​രോ​ടും ഉള്ള സ്‌നേഹം ആഴമു​ള്ള​താ​ക്കാ​നും ഇതു സഹായി​ക്കു​ന്നു.

•   ദൈർഘ്യം: അഞ്ചര ദിവസം.

•   യോഗ്യ​തകൾ: പുതിയ ബഥേലം​ഗങ്ങൾ ഈ ക്ലാസ്സിൽ പങ്കെടു​ക്കു​ന്നു. അതു​പോ​ലെ അഞ്ചു വർഷത്തി​നി​ടെ ഈ സ്‌കൂൾ കിട്ടാത്ത ബഥേലം​ഗ​ങ്ങൾക്കും ഇതിനുള്ള ക്ഷണം കിട്ടി​യേ​ക്കാം.

വാച്ച്‌ടവർ ഗിലെ​യാദ്‌ ബൈബിൾസ്‌കൂൾ

•   ഉദ്ദേശ്യം: ദൈവ​വ​ച​ന​ത്തോ​ടുള്ള വിലമ​തിപ്പ്‌ ആഴമു​ള്ള​താ​ക്കാ​നും പഠിപ്പി​ക്കുന്ന കാര്യങ്ങൾ ജീവി​ത​ത്തിൽ പകർത്താ​നും വിദ്യാർഥി​കളെ സഹായി​ക്കു​ന്നു. (1 തെസ്സ​ലോ​നി​ക്യർ 2:13) ഈ ക്ലാസ്സിൽ പങ്കെടു​ക്കുന്ന പക്വത​യുള്ള ഇവർ യഹോ​വ​യു​ടെ സംഘട​ന​യ്‌ക്കും ലോക​വ്യാ​പക ബൈബിൾ വിദ്യാ​ഭ്യാ​സ​പ്ര​വർത്ത​ന​ങ്ങൾക്കും ഒരു മുതൽക്കൂ​ട്ടാ​യി മാറും. ഈ സ്‌കൂ​ളിൽനിന്ന്‌ ബിരുദം നേടി​യ​വരെ സ്വന്തം രാജ്യ​ത്തോ മറ്റൊരു രാജ്യ​ത്തോ ഉള്ള ഏതെങ്കി​ലും സ്ഥലത്തേ​ക്കോ ബ്രാ​ഞ്ചോ​ഫീ​സി​ലേ​ക്കോ നിയമി​ച്ചേ​ക്കാം.

•   ദൈർഘ്യം: അഞ്ചു മാസം.

•   യോഗ്യ​തകൾ: ബ്രാ​ഞ്ചോ​ഫീസ്‌ തിര​ഞ്ഞെ​ടു​ക്കുന്ന മുഴു​സ​മ​യ​സേ​വ​കർക്ക്‌ ഇതിനാ​യി അപേക്ഷി​ക്കാം. ഈ സ്‌കൂൾ നടക്കു​ന്നത്‌ ഐക്യ​നാ​ടു​ക​ളി​ലെ ന്യൂ​യോർക്കി​ലെ പാറ്റേർസ​ണി​ലുള്ള വാച്ച്‌ടവർ വിദ്യാ​ഭ്യാ​സ​കേ​ന്ദ്ര​ത്തി​ലാണ്‌.

ബ്രാഞ്ച്‌ കമ്മിറ്റി അംഗങ്ങൾക്കും ഭാര്യ​മാർക്കും ഉള്ള സ്‌കൂൾ

•   ഉദ്ദേശ്യം: ബ്രാ​ഞ്ചോ​ഫീ​സി​ന്റെ പ്രവർത്ത​ന​ങ്ങൾക്കും അതു​പോ​ലെ ഒരു ബ്രാ​ഞ്ചോ​ഫീ​സി​ന്റെ കീഴി​ലുള്ള രാജ്യ​ത്തി​ന്റെ അല്ലെങ്കിൽ രാജ്യ​ങ്ങ​ളു​ടെ ആത്മീയ​പ്ര​വർത്ത​ന​ങ്ങൾക്കും നേതൃ​ത്വം വഹിക്കാൻ ബ്രാഞ്ച്‌ കമ്മിറ്റി g അംഗങ്ങളെ പരിശീ​ലി​പ്പി​ക്കുക.

•   ദൈർഘ്യം: രണ്ടു മാസം.

•   യോഗ്യ​തകൾ: യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നം തിര​ഞ്ഞെ​ടു​ക്ക​പ്പെട്ട ബ്രാഞ്ച്‌ കമ്മിറ്റി അംഗങ്ങ​ളെ​യും ഭാര്യ​മാ​രെ​യും ഈ സ്‌കൂ​ളി​നാ​യി ക്ഷണിക്കും. ഇതു നടക്കു​ന്നത്‌ ന്യൂ​യോർക്കി​ലെ പാറ്റേർസ​ണി​ലുള്ള വാച്ച്‌ടവർ വിദ്യാ​ഭ്യാ​സ​കേ​ന്ദ്ര​ത്തി​ലാണ്‌.

 എന്തിന്റെ അടിസ്ഥാ​ന​ത്തി​ലുള്ള പരിശീ​ല​ന​മാണ്‌ യഹോ​വ​യു​ടെ സാക്ഷി​കൾക്കു കിട്ടു​ന്നത്‌?

 യഹോ​വ​യു​ടെ സാക്ഷി​കൾക്കു പരിശീ​ലനം കിട്ടു​ന്നത്‌ ബൈബി​ളി​ന്റെ അടിസ്ഥാ​ന​ത്തി​ലാണ്‌. ബൈബിൾ ദൈവ​പ്ര​ചോ​ദി​ത​മാ​യി എഴുതി​യ​താ​ണെ​ന്നും ഒരു ക്രിസ്‌ത്യാ​നി​യാ​യി ജീവി​ക്കാൻവേണ്ട ഏറ്റവും നല്ല നിർദേ​ശങ്ങൾ അതിലു​ണ്ടെ​ന്നും ഞങ്ങൾ വിശ്വ​സി​ക്കു​ന്നു.—2 തിമൊ​ഥെ​യൊസ്‌ 3:16, 17.

 പരിശീ​ല​ന​ത്തി​നു​വേണ്ടി യഹോ​വ​യു​ടെ സാക്ഷികൾ പണം നൽകേ​ണ്ട​തു​ണ്ടോ?

 ഇല്ല. എല്ലാ നിർദേ​ശ​ങ്ങ​ളും സൗജന്യ​മാണ്‌. യഹോ​വ​യു​ടെ സാക്ഷി​ക​ളു​ടെ പ്രവർത്ത​നങ്ങൾ നടക്കു​ന്നതു സ്വമന​സ്സാ​ലെ നൽകുന്ന സംഭാ​വ​ന​ക​ളി​ലൂ​ടെ​യാണ്‌.—2 കൊരി​ന്ത്യർ 9:7.