Talinhaga 3:1-35
3 Aki ko, dai mo paglingawan an itinutukdo* ko,Asin sunudon lugod kan saimong puso an mga tugon ko,
2 Huling dadagdagan ka kaiyan nin dakul na aldawPati mga taon nin buhay asin katuninungan.+
3 Dai mo pagtugutan na bayaan ka kan maimbod na pagkamuot asin kaimbudan.*+
Ikulintas mo an mga iyan sa liog mo;Isurat mo an mga iyan sa tabla kan puso mo;+
4 Sa siring, makakakua ka nin pag-uyon asin ibibilang kang may marahay na pakasabot,Sa mata nin Diyos asin nin tawo.+
5 Magtiwala ka ki Jehova+ sa bilog mong puso,Asin dai ka manarig* sa sadiri mong pakasabot.+
6 Sa gabos mong lakad isipon* mo siya,+Asin itatanos niya an saimong mga dalan.+
7 Dai mo pagsabihon sa saimong sadiri na madunong ka.+
Matakot ka ki Jehova asin rumayo ka sa karatan.
8 Magigin pampaumay iyan sa hawak* moAsin kaginhawahan sa mga tulang mo.
9 Tawan mo nin onra si Jehova paagi kan saimong mahahalagang pagsadiri,+Paagi sa mga inot na bunga* kan gabos mong ani;*+
10 Dangan an saimong mga bodega biyong magkakaparano,+Asin an saimong mga tangke* magsusurupay sa bagong arak.
11 Aki ko, dai mo isikwal an disiplina ni Jehova,+Asin dai mo ikauyam an pagsagwi niya,+
12 Huli ta an mga namumutan ni Jehova sinasagwi niya,+Arog kan ginigibo kan sarong ama sa aki na saiyang ikinakaugma.+
13 Maugma an tawong nakakanumpong nin kadunungan+Asin an tawong nagkakamit nin pakasabot;
14 An pagkamit kaiyan mas marahay pa kisa sa pagkamit nin pirak,Asin an pagkaigwa kaiyan bilang ganansiya mas marahay pa kisa sa pagkaigwa nin bulawan.+
15 Mas mahalagang marhay iyan kisa sa mga korales;*Mayo nin ano man na bagay na saimong minamawot an maipapantay* diyan.
16 Halawig na buhay an yaon sa tuong kamot kaiyan;Kayamanan asin kamurawayan an yaon sa walang kamot kaiyan.
17 Nakakaugma an mga dalan kaiyan,Asin matuninong an gabos na agihan kaiyan.+
18 Iyan kahoy nin buhay para sa mga nangangapot diyan,Asin an mga danay na nangangapot diyan nin higot aapudon na maugma.+
19 Ilinatag ni Jehova an pundasyon kan daga paagi sa kadunungan.+
Inestablisar niya nin marigon an kalangitan paagi sa pakasabot.+
20 Paagi kan saiyang kaaraman, nagkasuruway an mga hararom na katubiganAsin nagtururo an mga ambon* hali sa mapanganuron na kalangitan.+
21 Aki ko, dai mo pabayaan na mawara sa paghiling mo an mga iyan.*
Ingatan mo an praktikal na kadunungan asin kakayahan na mag-isip;
22 An mga iyan matao sa saimo* nin buhayAsin magigin sarong magayon na kulintas sa liog mo;
23 Sa siring, ligtas kang malakaw sa saimong dalan,Asin an saimong mga bitis dai masisingkog* nuarin man.+
24 Pag ika maghigda, dai ka matatakot;+Mahigda ka, asin magigin masiram an saimong turog.+
25 Dai ka matatakot sa ano man na nakakatakot na marhay na bagay na biglang minaabot+Ni sa bagyo na minaabot sa mga maraot.+
26 Huli ta si Jehova an talagang magigin gikanan kan saimong kumpiyansa;+Iingatan niyang dai masiod an saimong bitis.+
27 Dai mo ipanguri an marahay sa mga maninigo mong tawan* kaiyan+Kun kaya mo man sanang* magtabang.+
28 Dai mo pagsabihon sa saimong kapwa, “Maghali ka na; balik ka na lang! Itatao ko iyan saimo sa aga,”
Kun kaya mo man sanang itao iyan ngunyan.
29 Dai ka magplano nin maraot laban sa kataid mo+
Mantang naghuhuna siya na tiwasay siyang nag-iistar harani saimo.
30 Dai ka makipag-iwal na mayo man nin dahilan sa sarong tawo+Kun mayo man siyang ginibong maraot sa saimo.+
31 Dai ka mauri sa madahas na tawo,+Ni pilion an arin man sa mga dalan niya,
32 Huli ta ikinakabaldi ni Jehova an tawong tuso,+Pero dayupot Siyang nakikipag-amigo sa mga matanos.+
33 Isinusumpa ni Jehova an harong kan maraot,+Pero binebendisyunan niya an istaran kan mga matanos.+
34 Huli ta an mga paraulog-ulog saiyang tinutuya-tuya,+Pero an mga mahuyo tinatawan niya kan saiyang pag-uyon.+
35 An mga madunong magmamana nin onra,Pero an mga mangmang pinapamuraway an kawaran nin onra.+
Mga Nota
^ O “pagbuot.”
^ O “katotoohan.”
^ Sa literal, “magsandig.”
^ O “ikonsiderar.”
^ Sa literal, “pusod.”
^ O “ginaganar.”
^ O “sa pinakamarahay.”
^ O “pugaan nin ubas.”
^ O “maikukumparar.”
^ O “tûnog.”
^ Minalataw na nanunungod ini sa mga kuwalidad nin Diyos na nasambitan sa nainot na mga bersikulo.
^ O “sa kalag mo.”
^ O “dai matama sa ano man na bagay.”
^ O “Kun nasa kapangyarihan kan saimong kamot na.”
^ O “mga nangangaipo.”
