Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Dlulela kokuphakathi

Dlulela ohlwini lokuphathi

ISIFUNDO 15

Kungani Kufanele Uqhubeke?

Kungani Kufanele Uqhubeke?

1. Kuzokuzuzisa kanjani ukuqhubeka nesifundo sakho seBhayibheli?

Abesifazane ababili batadisha iBhayibheli ngesikhathi sekhefu emsebenzini

Akungabazeki ukuthi lezi zimfundiso zeBhayibheli eziyisisekelo ziluqinisile uthando lwakho ngoJehova. Lolo thando ludinga ukukhuliswa ngokuqhubekayo. (1 Petru 2:2) Ithemba lakho lokuthola ukuphila okuphakade lixhomeke ekutheni uyaqhubeka yini usondela kuNkulunkulu ngokufunda iZwi lakhe.—Funda uJohane 17:3; Jude 21.

Njengoba ulwazi lwakho ngoNkulunkulu lukhula, ukholo lwakho luyoqina. Ukholo luyokusiza ukuba ujabulise uNkulunkulu. (Hebheru 11:1, 6) Luyokwenza ukuba uphenduke futhi wenze izinguquko eziyokusiza endleleni ophila ngayo.—Funda izEnzo 3:19.

2. Ulwazi onalo ngoNkulunkulu lungabazuzisa kanjani abanye?

Owesifazane ukhuluma noNkulunkulu ngomthandazo

Ungaba nobuhlobo obukhethekile noJehova

Cishe uzothanda ukuxoxela abanye lokho okufundile—sonke siyakujabulela ukuxoxela abanye izindaba ezinhle. Njengoba uqhubeka ufunda iBhayibheli, uzofunda ukusebenzisa iBhayibheli ukuze uchaze ukholo lwakho kuJehova nezindaba ezinhle.—Funda eyabaseRoma 10:13-15.

Iningi labantu liqala ngokuxoxela abangane nezihlobo. Kodwa ungabacunuli. Kunokuba uthi inkolo yabo inamanga, baxoxele ngezithembiso zikaNkulunkulu. Ukhumbule nokuthi ngokuvamile abantu bathonywa yindlela enomusa obaphatha ngayo kunalokho okushoyo.—Funda eyesi-2 Thimothewu 2:24, 25.

3. Ungaba nobuhlobo obunjani noNkulunkulu?

Ukufunda iZwi likaNkulunkulu kuzokusiza ukhule ngokomoya. Ngokuhamba kwesikhathi, ungaba nobuhlobo obukhetheke kakhulu noJehova. Empeleni ungaba yilungu lomkhaya wakhe, ngaleyo ndlela ube ngowakhe.—Funda eyesi-2 Korinte 6:18.

4. Ungathuthuka kanjani?

Ungathuthuka ngokomoya ngokuqhubeka ufunda iZwi likaNkulunkulu. (Hebheru 5:13, 14) Cela omunye woFakazi BakaJehova ukuba afunde nawe iBhayibheli esebenzisa incwadi ethi Lifundisani Ngempela IBhayibheli? Uma uqhubeka ufunda iZwi likaNkulunkulu, uyophumelela ekuphileni.—Funda iHubo 1:1-3; 73:27, 28.

OFakazi BakaJehova bacela ukuqhuba isifundo seBhayibheli

Izindaba ezinhle zivela kuJehova, uNkulunkulu ojabulayo. Ungasondela kuye ngokusondela kubantu bakhe. (Hebheru 10:24, 25) Ngokuqhubeka uzama ukujabulisa uJehova, uzama ukufinyelela ukuphila kwangempela—ukuphila okuphakade. Ukusondela kuNkulunkulu kuyinto enhle kakhulu ongayenza.—Funda eyoku-1 Thimothewu 1:11; 6:19.