OKWENZA KUBALULEKE: Intuthuko kwezobuchwepheshe nokwanda kobugebengu kwenza abantu basebenzise ama-inthakhomu namakhamera kakhulu. Singase sisabe ukushumayeza umuntu esingamboni kodwa yena osibonayo. Lezi zikhumbuzo ezilandelayo zizosisiza sikwazi ukufakaza ngokuzethemba nge-inthakhomu noma ngekhamera.

INDLELA YOKUKWENZA:

• Yiba nesimo sengqondo esihle. Abantu abaningi abanamakhamera nama-inthakhomu bayakuthanda ukuxoxa nathi

• Khumbula ukuthi amanye amakhamera aqala ukuqopha ngaphambi kokuba ucindezele ibhathini le-inthakhomu futhi ummninikhaya kungenzeka uyakubuka futhi ukulalele njengoba nje ungena kwakhe

• Lapho umninikhaya ephendula, khuluma ne-inthakhomu noma nekhamera engathi ukhuluma naye lapho nibonana. Momotheka futhi unyakazise umzimba ngokwemvelo. Yisho lokho obuhlele ukukusho ukube benibonana. Uma kunekhamera ungasondezi ubuso kakhulu kuyo. Uma kungekho ophendulayo, ungashiya umyalezo

• Ngemva kokuba seniyiphethile ingxoxo, khumbula ukuthi kungenzeka umninikhaya usanibuka noma unilalele