Eyesibili YeziKronike 36:1-23
36 Ngemva kwalokho abantu bakulelo zwe bathatha uJehowahazi + indodana kaJosiya bamenza inkosi esikhundleni sikayise eJerusalema. +
2 UJehowahazi wayeneminyaka engu-23 lapho eba inkosi, wabusa izinyanga ezintathu eJerusalema.
3 Nokho, inkosi yaseGibhithe yamsusa eJerusalema, yahlawulisa izwe amathalenta* esiliva angu-100 nethalenta legolide. +
4 Ngaphezu kwalokho, inkosi yaseGibhithe yabeka u-Eliyakimi umfowabo kaJehowahazi waba inkosi phezu kukaJuda neJerusalema, yashintsha igama lakhe kwaba uJehoyakimi; kodwa uNekho + wathatha umfowabo uJehowahazi wamyisa eGibhithe. +
5 UJehoyakimi + wayeneminyaka engu-25 lapho eba inkosi, wabusa iminyaka engu-11 eJerusalema. Waqhubeka enza okubi emehlweni kaJehova uNkulunkulu wakhe. +
6 UNebukhadinezari + inkosi yaseBhabhiloni wakhuphuka walwa naye ukuze ambophe ngozankosi bethusi amyise eBhabhiloni. +
7 UNebukhadinezari wathatha ezinye zezinto zendlu kaJehova waziyisa eBhabhiloni wazibeka esigodlweni sakhe eBhabhiloni. +
8 Ngokuqondene nawo wonke omunye umlando kaJehoyakimi, izinto ezinyanyekayo azenza nalokho okwatholakala okumelene naye, kulotshwe eNcwadini Yamakhosi Akwa-Israyeli NawakwaJuda; uJehoyakini indodana yakhe waba inkosi esikhundleni sakhe. +
9 UJehoyakini + wayeneminyaka engu-18 lapho eba inkosi, wabusa izinyanga ezintathu nezinsuku eziyishumi eJerusalema; waqhubeka enza okubi emehlweni kaJehova. +
10 Ekuqaleni konyaka,* iNkosi uNebukhadinezari yathumela ukuba alethwe eBhabhiloni + kanye nezinto eziyigugu zendlu kaJehova. + Wabeka uZedekiya umfowabo kayise waba inkosi phezu kukaJuda neJerusalema. +
11 UZedekiya + wayeneminyaka engu-21 lapho eba inkosi, wabusa iminyaka engu-11 eJerusalema. +
12 Waqhubeka enza okubi emehlweni kaJehova uNkulunkulu wakhe. Akazange azithobe phambi kukaJeremiya + umprofethi, owayalwa uJehova ukuba akhulume.
13 Wadlubulunda ngisho naseNkosini uNebukhadinezari, + eyayimfungise uNkulunkulu, waqhubeka enenkani futhi enenhliziyo elukhuni, wenqaba ukubuyela kuJehova uNkulunkulu ka-Israyeli.
14 Zonke izinduna zabapristi nabantu babengathembekile ngezinga elikhulu, benza zonke izinto ezinengekayo zezizwe, bangcolisa indlu kaJehova + ayeyingcwelise eJerusalema.
15 UJehova uNkulunkulu wokhokho babo waqhubeka ebaxwayisa esebenzisa izithunywa zakhe, ebaxwayisa ngokuphindaphindiwe, ngoba waba nozwela ngabantu bakhe nangendawo yakhe yokuhlala.
16 Kodwa babelokhu behlekisa ngezithunywa zikaNkulunkulu weqiniso, + bedelela amazwi akhe, + bebenza inhlekisa abaprofethi bakhe, + kwaze kwaphela ithemba lokuthi bangaphulukiswa, uJehova wabavuthela ngolaka. +
17 Ngakho wabalethela inkosi yamaKhaledi, + eyabulala izinsizwa zabo ngenkemba + endlini yabo engcwele; + ayibanga nazwela ngensizwa noma ngentombi, ngomuntu omdala noma obuthakathaka. + UNkulunkulu wanikela konke esandleni sayo. +
18 Zonke izinto zendlu kaNkulunkulu weqiniso, ezinkulu nezincane kanye nengcebo yendlu kaJehova nengcebo yenkosi nezikhulu zayo, konke yakuletha eBhabhiloni. +
19 Yashisa indlu kaNkulunkulu weqiniso, + yadiliza udonga lwaseJerusalema, + yashisa yonke imibhoshongo yalo eqinile ngomlilo, yaqeda zonke izinto eziyigugu. +
20 Yathatha izithunjwa ezasinda enkembeni yaziyisa eBhabhiloni, + zaba yizinceku zayo + nezabantwana bayo kwaze kwaqala ukubusa umbuso* wasePheresiya, +
21 ukuze kugcwaliseke izwi likaJehova elakhulunywa ngoJeremiya, + kuze kube yilapho izwe selikhokhe amasabatha alo. + Zonke izinsuku zokuba kwalo yincithakalo laligcina isabatha, ukuze kuphelele iminyaka engu-70. +
22 Ngonyaka wokuqala kaKoresi + inkosi yasePheresiya, ukuze kufezeke izwi likaJehova elakhulunywa ngoJeremiya, + uJehova washukumisa uKoresi inkosi yasePheresiya ukuba enze isimemezelo kuwo wonke umbuso wakhe, leso asibhala naphansi, + sithi:
23 “Yilokhu uKoresi inkosi yasePheresiya akushoyo, ‘UJehova uNkulunkulu wamazulu unginike yonke imibuso yomhlaba + futhi ungiyale ukuba ngimakhele indlu eJerusalema elikwaJuda. + Ubani phakathi kwenu ongowesizwe sakhe? Kwangathi uJehova uNkulunkulu wakhe angaba naye, amvumele aye khona.’ ” +
Imibhalo yaphansi
^ Ithalenta lalilingana no-34,2 kg. Bheka iSithasiselo B14.
^ Kungaba, sentwasahlobo.
^ Noma, “ubukhosi.”
