Apá yìí máa jẹ́ ká mọ̀ nípa Jósẹ́fù, Jóòbù, Mósè àtàwọn ọmọ Ísírẹ́lì. Gbogbo wọn fara da àwọn ìṣòro tí Èṣù gbé kò wọ́n. Wọ́n fìyà jẹ àwọn kan, wọ́n sì sọ àwọn míì sẹ́wọ̀n. Yàtọ̀ síyẹn, wọ́n sọ àwọn kan di ẹrú, àwọn míì sì pàdánù àwọn èèyàn wọn. Síbẹ̀, Jèhófà dáàbò bò wọ́n ní onírúurú ọ̀nà. Tó o bá jẹ́ òbí, ran ọmọ ẹ lọ́wọ́ kó lè rí báwọn ìránṣẹ́ Jèhófà yẹn ṣe jẹ́ olóòótọ́ láìka ìyà tí wọ́n jẹ.

Jèhófà lo ìyọnu mẹ́wàá (10) láti fi hàn pé òun lágbára ju àwọn òrìṣà táwọn ọmọ Íjíbítì ń bọ. Jẹ́ káwọn ọmọ ẹ rí bí Jèhófà ṣe dáàbò bo àwọn ìránṣẹ́ ẹ̀ láyé àtijọ́ àti bó ṣe ń dáàbò bò wọ́n lónìí.