Ẹ̀KỌ́ 90
Wọ́n Pa Jésù ní Gọ́gọ́tà
Àwọn olórí àlùfáà mú Jésù lọ sáàfin gómìnà kan tó ń jẹ́ Pílátù. Nígbà tí Jésù débẹ̀, Pílátù bi àwọn àlùfáà náà pé: ‘Ohun búburú wo ni ọkùnrin yìí ṣe?’ Wọ́n dá a lóhùn pé: ‘Ó ń pe ara ẹ̀ lọ́ba!’ Pílátù wá bi Jésù pé: ‘Ṣé ìwọ ni Ọba àwọn Júù?’ Jésù dáhùn pé: “Ìjọba mi kì í ṣe apá kan ayé yìí.”
Ni Pílátù bá ní kí wọ́n mú Jésù lọ sọ́dọ̀ Hẹ́rọ́dù alákòóso Gálílì, bóyá ó máa mọ ẹ̀ṣẹ̀ tí Jésù ṣẹ̀. Àmọ́ Hẹ́rọ́dù náà ò rí ohun búburú kankan nípa Jésù, torí náà ó ní kí wọ́n mú un pa dà sọ́dọ̀ Pílátù. Pílátù wá sọ fáwọn èèyàn náà pé: ‘Èmi àti Hẹ́rọ́dù ò rí ohun búburú kankan nípa ọkùnrin yìí. Torí náà, màá tú u sílẹ̀ kó máa lọ.’ Àmọ́ àwọn èèyàn náà bẹ̀rẹ̀ sí í kígbe pé: ‘Pa á! Pa á!’ Àwọn ọmọ ogun na Jésù lẹ́gba, wọ́n tutọ́ sí i lára, wọ́n sì ń gbá a ní ẹ̀ṣẹ́. Wọ́n tún ṣe adé ẹ̀gún, wọ́n fi dé orí ẹ̀, wọ́n sì fi ṣe yẹ̀yẹ́ pé: ‘Ẹ ǹlẹ́ o, Ọba àwọn Júù!’ Pílátù tún lọ bá àwọn èèyàn náà, ó sì sọ fún wọn pé: ‘Lójú tèmi, ọkùnrin yìí ò dẹ́ṣẹ̀ kankan.’ Ṣùgbọ́n wọ́n tún kígbe pé: “Kàn án mọ́gi!” Torí náà, Pílátù fa Jésù lé wọn lọ́wọ́ láti pa á.
Wọ́n mú Jésù lọ síbì kan tí wọ́n ń pè ní Gọ́gọ́tà, wọ́n kàn án mọ́ òpó igi kan, wọ́n wá gbé igi náà dúró. Jésù wá gbàdúrà pé: ‘Baba, dárí jì wọ́n torí wọn ò mọ ohun tí wọ́n ń ṣe.’ Àwọn èèyàn ń fi Jésù ṣe yẹ̀yẹ́ pé: ‘Tó bá jẹ́ pé Ọmọ Ọlọ́run ni ẹ́, gba ara rẹ là kó o sì bọ́ sílẹ̀ lórí igi yìí.’
Ọ̀kan nínú àwọn ọ̀daràn tí wọ́n kàn mọ́gi lẹ́gbẹ̀ẹ́ Jésù sọ fún Jésù pé: “Rántí mi nígbà tó o bá dé inú Ìjọba ẹ.” Jésù sì ṣèlérí fún un pé: “O máa wà pẹ̀lú mi ní Párádísè.” Lọ́sàn-án ọjọ́ yẹn, òkùnkùn ṣú bo gbogbo ilẹ̀ náà fún wákàtí mẹ́ta. Díẹ̀ nínú àwọn ọmọlẹ́yìn ẹ̀ dúró sẹ́gbẹ̀ẹ́ òpó igi tí wọ́n kan Jésù mọ́, Màríà ìyá Jésù náà wà pẹ̀lú wọn. Jésù wá sọ fún Jòhánù pé kó máa tọ́jú Màríà bí ìgbà tó ń tọ́jú ìyá ẹ̀ gangan.
Níkẹyìn, Jésù sọ pé: “A ti ṣe é parí!” Ó tẹ orí ẹ̀ ba, ó sì kú. Lójijì, ilẹ̀ mì tìtì lọ́nà tó lágbára. Ohun ìyanu kan sì ṣẹlẹ̀ nínú tẹ́ńpìlì, aṣọ ńlá kan tó wà láàárín Ibi Mímọ́ àti Ibi Mímọ́ Jù lọ ya sí méjì látòkè délẹ̀. Ọ̀kan lára àwọn ọmọ ogun tó wà níbẹ̀ wá sọ pé: ‘Dájúdájú Ọmọ Ọlọ́run nìyí.’
“Bó ṣe wù kí àwọn ìlérí Ọlọ́run pọ̀ tó, wọ́n ti di ‘bẹ́ẹ̀ ni’ nípasẹ̀ rẹ.”—2 Kọ́ríńtì 1:20
O Tún Lè Wo
JÉSÙ—Ọ̀NÀ, ÒTÍTỌ́ ÀTI ÌYÈ
Pílátù àti Hẹ́rọ́dù Rí I Pé Jésù Ò Jẹ̀bi
Kí nìdí tí Pílátù fi ní kí wọ́n mú Jésù lọ bá Hẹ́rọ́dù kóun náà lè gbọ́ ẹjọ́ rẹ̀? Ṣé Pílátù ò lágbára láti ṣèdájọ́ Jésù ni?
JÉSÙ—Ọ̀NÀ, ÒTÍTỌ́ ÀTI ÌYÈ
Pílátù Sọ Pé: “Ẹ Wò Ó! Ọkùnrin Náà Nìyí!”
Pílátù náà gbà pé Jésù láwọn ànímọ́ tọ́ ṣàrà ọ̀tọ̀.
JÉSÙ—Ọ̀NÀ, ÒTÍTỌ́ ÀTI ÌYÈ
Ọba Kan Ń Jìyà Láìṣẹ̀ Lórí Òpó Igi
Jésù ṣèlérí ohun tó máa ṣẹlẹ̀ lọ́jọ́ iwájú fún ọ̀kan lára àwọn ọ̀daràn tí wọ́n kàn mọ́gi sẹ́gbẹ̀ẹ́ rẹ̀.
JÉSÙ—Ọ̀NÀ, ÒTÍTỌ́ ÀTI ÌYÈ
“Ó Dájú Pé Ọmọ Ọlọ́run Ni Ọkùnrin Yìí”
Òkùnkùn dédé sú bolẹ̀ nígbà tí Jésù kú, ìmìtìtì ilẹ̀ wáyé, aṣọ ìdábùú tẹ́ńpìlì sì ya sí méjì ọ̀tọ̀ọ̀tọ̀, àwọn nǹkan yìí jẹ́rìí sí ohun kan tó ṣàrà ọ̀tọ̀ nípa Jésù.
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Jésù Fi Kú?
Bíbélì jẹ́ ká mọ̀ pé ikú Jésù ṣe pàtàkì gan-an. Ṣé àǹfààní kankan wà nínú ikú Jésù?
