Ohun Tí Bíbélì Sọ
Ṣé “àwọn ọjọ́ ìkẹyìn” là ń gbé báyìí?
Kí ni ìdáhùn rẹ?
Bẹ́ẹ̀ ni
Bẹ́ẹ̀ kọ́
Kò dá mi lójú
Ohun tí Bíbélì sọ
“Ní àwọn ọjọ́ ìkẹyìn, àwọn àkókò lílekoko tí ó nira láti bá lò yóò wà níhìn-ín.” (2 Tímótì 3:1) Àwọn àsọtẹ́lẹ̀ inú Bíbélì àtàwọn ohun tó ń ṣẹlẹ̀ nínú ayé báyìí fi hàn pé “ọjọ́ ìkẹyìn” la wà yìí.
Kí làwọn nǹkan míì tí Bíbélì sọ?
Lára ohun tá a máa fi mọ̀ pé a ti wà láwọn ọjọ́ ìkẹyìn ni ogun, ìyàn, ìmìtìtì ilẹ̀ àtàwọn àìsàn gbẹ̀mígbẹ̀mí.—Mátíù 24:3, 7; Lúùkù 21:11.
Ní àwọn ọjọ́ ìkẹyìn, ìwàkiwà àti ìṣekúṣe máa kún ọwọ́ àwọn èèyàn, wọn á sì jìnnà sí Ọlọ́run.—2 Tímótì 3:2-5.
Kí ló máa ṣẹlẹ̀ sí àwa èèyàn lọ́jọ́ iwájú?
Èrò àwọn kan ni pé . . .
ńṣe ni ayé yìí àti gbogbo ohun tó wà nínú rẹ̀ máa pa run kí ọjọ́ ìkẹyìn tó lọ sópin, àwọn míì sì gbà pé nǹkan ṣì máa dáa. Kí lèrò rẹ?
Ohun tí Bíbélì sọ
“Àwọn olódodo ni yóò ni ilẹ̀ ayé, wọn yóò sì máa gbé títí láé lórí rẹ̀.”—Sáàmù 37:29.
Kí làwọn nǹkan míì tí Bíbélì sọ?
Kí ọjọ́ ìkẹyìn tó lọ sópin, Ọlọ́run máa kọ́kọ́ mú gbogbo ìwà ibi kúrò lórí ilẹ̀ ayé.—1 Jòhánù 2:17.
Ọlọ́run máa sọ ayé di Párádísè.—Aísáyà 35:1, 6.
O Tún Lè Wo
OHUN TÍ BÍBÉLÌ SỌ
Àwọn Àmì Wo Ló Fi Hàn Pé A Ti Wà Ní “Àwọn Ọjọ́ Ìkẹyìn,” Tàbí “Òpin Ayé”?
Ọ̀pọ̀ àsọtẹ́lẹ̀ ni Bíbélì sọ tó jẹ́ ká mọ̀ pé a ti wà láwọn ọjọ́ ìkẹyìn.
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Ni Ìdí Tí Ọlọ́run Fi Dá Ayé?
Ayé yìí rẹwà gan-an ni. Kò sún mọ́ oòrùn jù, kò sì jìnnà sí i jù, ibi tó yẹ gẹ́lẹ́ ló rọra dagun sí, ńṣe ló sì ń yípo ní ìwọ̀n tó yẹ gẹ́lẹ́. Kí nìdí tí Ọlọ́run fi dá ayé lọ́nà tó dára tó bẹ́ẹ̀ tó sì tún ṣe ọ̀pọ̀ nǹkan ribiribi sínú rẹ̀?
