Sáàmù 122:1-9
Orin Ìgòkè. Ti Dáfídì.
122 Mo yọ̀ nígbà tí wọ́n sọ fún mi pé:
“Jẹ́ ká lọ sí ilé Jèhófà.”+
2 Ní báyìí, ẹsẹ̀ wa dúróNí àwọn ẹnubodè rẹ, ìwọ Jerúsálẹ́mù.+
3 A kọ́ Jerúsálẹ́mù bí ìlú,Ó so pọ̀ mọ́ra.+
4 Àwọn ẹ̀yà ti lọ síbẹ̀,Àwọn ẹ̀yà Jáà,*Kí wọ́n lè fi ọpẹ́ fún orúkọ Jèhófà,Gẹ́gẹ́ bí ìrántí fún Ísírẹ́lì.+
5 Nítorí ibẹ̀ la gbé àwọn ìtẹ́ ìdájọ́ kalẹ̀ sí,+Àwọn ìtẹ́ ilé Dáfídì.+
6 Ẹ gbàdúrà pé kí Jerúsálẹ́mù ní àlàáfíà.+
Àwọn tó nífẹ̀ẹ́ rẹ yóò wà láìséwu, ìwọ ìlú.
7 Kí àlàáfíà máa wà nínú àwọn odi rẹ,*Kí ààbò sì wà nínú àwọn ilé gogoro rẹ tó láàbò.
8 Nítorí àwọn arákùnrin mi àti àwọn ọ̀rẹ́ mi, màá sọ pé:
“Kí àlàáfíà wà nínú rẹ.”
9 Nítorí ilé Jèhófà Ọlọ́run wa,+Màá wá ire fún ọ.
