Orin Sólómọ́nì 1:1-17
1 Orin tó ju orin lọ,* tí Sólómọ́nì+ kọ:
2 “Wá fẹnu kò mí lẹ́nu,Torí ìfẹ́ tí ò ń fi hàn sí mi dára ju wáìnì lọ.+
3 Bí àwọn òróró rẹ ṣe ń ta sánsán ń tuni lára.+
Orúkọ rẹ dà bí òróró tó ń ta sánsán tí wọ́n tú jáde.+
Ìdí nìyẹn tí àwọn ọ̀dọ́bìnrin fi nífẹ̀ẹ́ rẹ.
4 Mú mi dání;* jẹ́ ká sáré.
Ọba ti mú mi wọnú àwọn yàrá rẹ̀ tó wà ní inú!
Jẹ́ kí inú wa máa dùn, ká sì jọ máa yọ̀.
Jẹ́ ká yin* ọ̀rọ̀ ìfẹ́ tí ò ń fi hàn sí mi ju ọ̀rọ̀ wáìnì lọ.
Abájọ tí wọ́n* fi nífẹ̀ẹ́ rẹ.
5 Ẹ̀yin ọmọbìnrin Jerúsálẹ́mù, mo dúdú lóòótọ́, àmọ́ òrékelẹ́wà ni mí,Bí àwọn àgọ́ tí wọ́n fi Kídárì ṣe,+ bí àwọn aṣọ àgọ́+ Sólómọ́nì.
6 Ẹ má tẹjú mọ́ mi torí pé mo dúdú,Oòrùn ló sọ mí dà bẹ́ẹ̀.
Àwọn ọmọ ìyá mi bínú sí mi;Wọ́n ní kí n máa bójú tó àwọn ọgbà àjàrà,Àmọ́ mi ò bójú tó ọgbà àjàrà tèmi.
7 Ìwọ ẹni tí mo nífẹ̀ẹ́* gan-an, sọ fún mi,Ibi ìjẹko tí o ti ń da àwọn ẹran rẹ,+Ibi tí ò ń mú kí wọ́n dùbúlẹ̀ sí ní ọ̀sán.
Ṣé ó wá yẹ kí n dà bí obìnrin tó fi aṣọ bojú*Nínú agbo ẹran àwọn ọ̀rẹ́ rẹ?”
8 “Tó ò bá mọ̀, ìwọ obìnrin tó rẹwà jù,Gba ibi tí agbo ẹran náà gbà,Kí o sì jẹ́ kí àwọn ọmọ ewúrẹ́ rẹ máa jẹko lẹ́gbẹ̀ẹ́ àgọ́ àwọn olùṣọ́ àgùntàn.”
9 “Olólùfẹ́ mi, mo fi ọ́ wé abo ẹṣin* láàárín àwọn kẹ̀kẹ́ ẹṣin Fáráò.+
10 Ohun ọ̀ṣọ́* mú kí ẹ̀rẹ̀kẹ́ rẹ lẹ́wà,Ìlẹ̀kẹ̀ ọrùn rẹ sì mú kí ọrùn rẹ lẹ́wà.
11 A máa fi wúrà ṣe ohun ọ̀ṣọ́* fún ọ,A ó sì fi fàdákà sí i lára.”
12 “Nígbà tí ọba jókòó sídìí tábìlì rẹ̀,Lọ́fínńdà*+ mi ń ta sánsán.
13 Lójú mi, olólùfẹ́ mi dà bí àpò òjíá+ tó ń ta sánsán,
Tó ń sùn mọ́jú láàárín ọmú mi.
14 Lójú mi, olólùfẹ́ mi rí bí ìdì ewé làálì,+Láàárín àwọn ọgbà àjàrà Ẹ́ń-gédì.”+
15 “Wò ó! O rẹwà gan-an, olólùfẹ́ mi.
Wò ó! O rẹwà gan-an. Ojú rẹ rí bíi ti àdàbà.”+
16 “Wò ó! O rẹwà púpọ̀,* olólùfẹ́ mi, o sì wù mí gan-an.+
Àárín ewéko ni ibùsùn wa.
17 Igi kédárì ni àwọn òpó ilé* wa,Igi júnípà ni a sì fi ró ilé wa.
Àlàyé Ìsàlẹ̀ Ìwé
^ Tàbí “Orin tó dùn jù lọ.”
^ Ní Héb., “Fà mí lọ́wọ́.”
^ Tàbí “sọ.”
^ Ìyẹn, àwọn ọ̀dọ́bìnrin.
^ Tàbí “tó lo aṣọ ọ̀fọ̀ tí wọ́n fi ń bojú.”
^ Tàbí “tí ọkàn mi fẹ́.”
^ Tàbí “abo ẹṣin mi.”
^ Tàbí kó jẹ́, “Irun tí o dì.”
^ Tàbí “ohun ọ̀ṣọ́ tó rí roboto.”
^ Ní Héb., “Sípíkénádì.”
^ Tàbí “O dára lọ́mọkùnrin.”
^ Tàbí “ilé ńlá.”
