Hosea 13:1-16
13 “Fa Eferaime a ne a bua, batho ba ne ba roroma;O ne a na le maemo mo Iseraele.+
Le fa go ntse jalo, o ne a nna molato ka ntlha ya go obamela Baale+ mme o ne a swa.
2 Jaanong ba oketsa boleo jwa boneE bile ba itirela difikantswe tse di bopilweng ka selefera ya bone;+Ba dira medingwana ka botswerere, e leng tiro yotlhe ya badiri ba ba ditswerere.
Ba e raya ba re, ‘A batho ba ba ntshang ditlhabelo ba sune dinamane.’+
3 Ka jalo, ba tla tshwana le maru mo mosong,Le monyo o o nyelelang phakela,Le mmoko o o phailwang ke phefo mo seboaneng,E bile ba tla tshwana le mosi o o tswang mo lerobeng la borulelo.
4 Le fa go ntse jalo ke nna Jehofa, Modimo wa gago go tswa* kwa lefatsheng la Egepeto;+O ne o sa itse Modimo ope ntle le nna,E bile ga go na mmoloki ope kwantle ga me.+
5 Ke ne ka go itse fa o ne o le kwa nageng,+ kwa lefatsheng la leuba.
6 Ba ne ba kgotsofalela mafulo a bone,+Ba ne ba kgotsofala mme pelo ya bone ya nna mabela.
Ka jalo, ba ne ba ntebala.+
7 Ke tla nna jaaka tawana mo go bone,+Ke tla nna jaaka lengau le le iphitlhileng fa tseleng.
8 Ke tla ba tlhasela jaaka bera e e latlhegetsweng ke bana,Mme ke tla gagoganya sehuba sa bone.*
Ke tla ba kometsa gone koo jaaka tau;Phologolo ya naga e tla ba gagoganya.
9 E tla go senya, wena Iseraele,Ka gonne o ntlhanogetse, o tlhanogetse mothusi wa gago.
10 Jaanong, e kae kgosi ya gago, gore e tle e go boloke mo metseng yotlhe ya gago,+Le babusi* ba gago, ba o neng wa bua ka bone wa re,‘Nneyeng kgosi le dikgosana’?+
11 Ke ne ka go tlhomela kgosi ke galefile,+Mme ke tla e tlosa ke shakgetse.+
12 Molato wa ga Eferaime o phuthetswe;*Boleo jwa gagwe bo bolokilwe.
13 O tla nna le ditlhabi jaaka mosadi yo o belegang.
Le fa go ntse jalo, ngwana yoo ga a botlhale;Fa e le nako ya gore a tsholwe, ga a batle go tswa.
14 Ke tla ba namola mo maatleng a Lebitla;*Ke tla ba golola mo losong.+
Loso, maatla a gago a kae, wena yo o bakang kutlobotlhoko?+
Tshenyo ya gago e kae, wena Lebitla?+
Ga nkitla ke nna pelotlhomogi.
15 Le fa a ka gola sentle mo gare ga matlhaka,Phefo ya botlhaba e tla tla, phefo ya ga Jehofa.
E tla tla e tswa kwa sekakeng gore e kgadise sediba sa gagwe le motswedi wa gagwe.
Ene yoo o tla gapa bobolokelamatlotlo jwa dilo tsa gagwe tsotlhe tse di tlhwatlhwakgolo.+
16 Samarea o tla bonwa molato,+ ka gonne o tlhanogetse Modimo wa gagwe.+
Ba tla bolawa ka tšhaka,+Bana ba bone ba tla phatlakanngwa,E bile basadi ba bone ba baimana ba tla segakwa dimpa.”
Dintlha Tse di Kwa Tlase
^ Kgotsa “go tloga.”
^ Seheb., “karolo e e khurumeditseng pelo ya bone.”
^ Seheb., “baatlhodi.”
^ Kgotsa “sireleditswe.”
^ Kgotsa “Sheole.” Bona Ditlhaloso Tsa Mafoko.
