Ke bomang ba ba lalediwang go nna gone?

Batho botlhe ba a lalediwa. O gololesegile go laletsa ba losika le ditsala.

Thulaganyo eno e tsaya lobaka lo lo kae?

Thulaganyo eno e tla tsaya ura fela.

E tla tshwarelwa kae?

Go itse karabo ya potso eno, bua le Basupi ba ga Jehofa ba ba mo lefelong la lona.

A go tsenwa ka madi e bile a ke tlhoka go itlama gore ke tla nna gone?

Nnyaa.

A go ntshiwa koleke?

Nnyaa. Ga re tseye koleke kwa dipokanong tsa rona.—Mathaio 10:8.

Go aparwa jang?

Le fa gone go se na tsela nngwe e e rileng e o tshwanetseng go apara ka yone, Basupi ba ga Jehofa ba apara ka tsela e e bontshang gore ba tlotla tiragalo eno.

Go tla diragala eng kwa Segopotsong?

Go tla nna le puo e e kgothatsang e e theilweng mo Baebeleng e e tla tlotlang ka botlhokwa jwa loso lwa ga Jesu le gore se Modimo le Keresete ba re diretseng sone se re solegela molemo jang. Pokano eno e tla simolola le go konela ka pina le thapelo.

Go bona dintlha tse di oketsegileng, bala setlhogo se se reng “Goreng Basupi ba ga Jehofa ba Tshwara Selalelo ka Tsela e e Farologaneng le ya Madumedi a Mangwe?”

Segopotso se tla tshwarwa leng gape?

2027: Mantaga, March 22

2028: Sontaga, April 9

2029: Labone, March 29