Bibiliya ibivugako iki?
Ubwami bw’Imana ni iki?
ABANTU BAMWE BAVUGA ko ari ububasha bw’Imana buganza mu mutima w’umuntu. Abandi biyumvira ko ari ikintu kizova mu twigoro abantu bagira kugira ngo batume isi irangwamwo amahoro n’umwumvikano. Weho ubivugako iki?
ICO BIBILIYA IVUGA
“Imana yo mw’ijuru izoshinga ubwami butazokwigera busenyurwa. . . . Buzojanjagura ubwo bwami bwose [bw’abantu] bubuherengeteze.” (Daniyeli 2:44) Ubwami bw’Imana rero ni intwaro ibaho koko.
IBINDI BIBILIYA IVUGA
Ubwami bw’Imana buganza buri mw’ijuru.—Matayo 10:7; Luka 10:9.
Imana irakoresha ubwo Bwami kugira ngo ivyo igomba bikorwe mw’ijuru no kw’isi.—Matayo 6:10.
Ubwami bw’Imana buzoza ryari?
WOKWISHURA GUTE?
Nta wubizi
Vuba
Nta buzoza
ICO BIBILIYA IVUGA
“Iyi nkuru nziza y’ubwami izokwamamazwa mw’isi yose ngo bibe intahe ku mahanga yose; maze iherezo rizoca riza.” (Matayo 24:14) Iyo nkuru nziza niyamara kwamamazwa bimwe bishitse, ubwo Bwami buzoca buza gukuraho iyi si mbi.
IBINDI BIBILIYA IVUGA
Nta n’umwe kw’isi azi neza na neza igihe Ubwami bw’Imana buzozira.—Matayo 24:36.
Ubuhanuzi bwo muri Bibiliya burerekana ko Ubwami bw’Imana bugiye kuza vuba.—Matayo 24:3, 7, 12.
Raba kandi
INYISHU Z’IBIBAZO BISHINGIYE KURI BIBILIYA
Ubwami bw’Imana bwoba buri mu mutima wawe?
Bibiliya iba ishaka kuvuga iki mu kuvuga ngo “ubgami bg’Imana buri muri mwebge”?
UMUNARA W’INDERETSI
Kubera iki twosenga dusaba yuko Ubwami bw’Imana buza?
Ni igiki Ubwami bw’Imana buzokora intwaro z’abantu zidashoboye?
