Zaburi 79:1-13
Ni zaburi ya Asafu+.
79 Ewe Mana, amahanga yateye intoranwa yawe+.Yahumanije urusengero rwawe rweranda+.Yahinduye Yeruzalemu ikirundo c’ibihomvagurike+.
2 Imivyimba y’abasavyi bawe bayihaye inyoni ngo ziyirye,imibiri y’intahemuka zawe bayiha ibikoko vyo mw’ishamba+.
3 Amaraso yabo bayasheshe nk’amazi irya n’ino ya Yeruzalemu,kandi nta n’umwe asigaye wo kubahamba+.
4 Dusigaye dusuzuguritse ku babanyi bacu+.Abadukikuje baradutwenga kandi bakaducokora.
5 None uzodushavurira gushika ryari ga Yehova? Ibihe vyose+?
Ishavu ryawe rizorurumba nk’umuriro+ gushika ryari?
6 Nusuke uburake bwawe ku mahanga atakuzino ku bwami butambaza izina ryawe+.
7 Kuko barokeje Yakobo,bagatuma igihugu ciwe gicika umusaka+.
8 Ntuduhanire amakosa ya ba sokuruza bacu+.
Nutugirire imbabazi ningoga+kuko tugeze habi cane.
9 Ewe Mana y’ubukiriro bwacu, nudufashe+ku bw’izina ryawe rininahaye.Nuturokore, utubabarire* ibicumuro vyacu ku bw’izina ryawe+.
10 Kubera iki amahanga yovuga ngo: «Imana yabo iri hehe+?»
Ese twokwibonera ko vyamenyekanye mu mahangayuko wihoye abasheshe amaraso y’abasavyi bawe+!
11 Ese wokwumva amaborogo y’imbohe+!
Nukoreshe ububasha* bwawe bukomeye kugira urokore* abaciriwe urwo gupfa+.
12 Ewe Yehova, niwishure ababanyi bacu incuro indwi+kubera amajambo y’agacokoro bakuvuzeko+!
13 Natwe abantu bawe, ubusho bwo mu buragiro bwawe+,tuzoheza tugukengurukire ibihe vyose.Tuzokwama tugushemeza uko urunganwe* ruzokurikira urundi+.
Utujambo tw'epfo
^ Mu giheburayo havuga ngo «upfuke.»
^ Mu giheburayo havuga ngo «ukuboko.»
^ Hashobora kandi kuvugwa ngo «ubohoze.»
^ Canke «iyaruka.»
